::~:: الموضوع الرسمي لـ NINTENDO Wii ::~:: ( تم الدمج )

[namses]

فمثلا لعبة البولنج

كل ماعليك فعله هو تحريك الوي موت علشان ترمي الكورة

ولاحظت ان المسافة والسرعة هي نفسها بدون تغيير

مثلا

لو حركت الوي موت ببطئ او انحرفت عن المسار يبقى السرعة والمسار نفسة

حتى في الالعاب الثانية مثل البيسبول او التنس او المصارعة

يعني من كلامي

حرك الوي موت فقط

وين صارت هذي , انا عندي الجهاز ومافي ولا شي من الي قلته بالعكس البولينج تتغير السرعه على حسب سرعه اليد وتتغير المسار وتقدر تلف الكوره الى اليمن والى اليسير وتخليها تدور اللعبه هذي قريبه من الحقيقه بشكل كبيير الفرق الوحيد هو انه الويموت مو ثقيل مثل الكوره بالحقيقه مادري انت كيف كنت تلعبها بصراحه كل الي لعبوها ادمنو عليها

وايضا البيس بول نفس الشي تقدر اتغير المسار من اليمين الى الهدف ومن اليسار الى الهدف وايضا في حركه اتخلي الكوره بطيئه وهذي من اصعب الرميات الي تقدر اتصدها

ونفس الحاله في البوكسن بس يبيله تدريب البوكسنج هم بيقوولولك الخطوات بالضبط واللعبه روووعه
اما التنس والجولف ماتعمقت فيهم وايد التنس فقط تضرب والجولف صوب

[Leopard]

لو حركت الوي موت ببطئ او انحرفت عن المسار يبقى السرعة والمسار نفسة

حتى في الالعاب الثانية مثل البيسبول او التنس او المصارعة

اخوي انت قصدك حساسية الـ Wiimote
بالنسبة لحساسية الويموت هذي تختلف من لعبة إلى لعبة (من واقع تجربتي لعدة العاب)
انا عندي العاب قليلة ولكن فعلاً انا لاحظت ان حساسية الويموت في لعبة Wii sport مو هذيك الاستجابة القوية
كما ذكرت انت , فلا تخاف هذا الشي يوجد في وي سبورت من الأساس وليس ضعف التقنية من الويموت
الويموت حساسيته للإستجابة دقيقة جداً ولكن كما ذكرت حسب برمجة استشعار الحركة من شركة اللعبة نفسها
مثلاً عندك حركة في لعبة Dragon Ball Z عشان تسويها لازم تمسك الويموت بشكل أفقي وترجعه إلى
الخلف وبعدها تقوم بدفعه إلى الأمام (بسرعة متوسطة) بعدها ستنفذ الحركة
واعطيك مثال آخر راح يفيدك اكثر
في لعبة Zelda Twilight Princess إذا بغيت تصيد اسماك بالصنارة
وتبي ترميها إلى منطقة بعيدة في النهر عليك ان تقوم بدفع الويموت بقوة
وإذا اردت ان ترمي طعم الصنارة إلى مكان قريب لازم تحرك الويموت خفيف (حسب المكان اللي تبيه)
شفت كيف حساسية الاستشعار بالحركة عند الويموت ؟
خلاصة الموضوع ان الويموت جهاز يستجيب للحركة بشكل دقيق جداً وتختلف دقة الحساسية من لعبة لأخرى

[القبطان فرفشلي]

^
^
^

جزاك الله خير

طمنت قلبي ^^

[yameii Wii]

خلاصة الموضوع ان الويموت جهاز يستجيب للحركة بشكل دقيق جداً وتختلف دقة الحساسية من لعبة لأخرى

صح كلامك ..
وانا لا حظ هذ الشي بس مب بالدرجه اليقالها الاخو
انا ارموت عندي يستجيب صح ومع الحركه وانت اخوي بعد ما تشتري بتحس بالفرق لأنك بتلعب على راحتك وبتلاحظ وبتاخذ وقتك..
ومثل ما يقول المثل اسأل مجرب ولا تسأل طبيب..
وشوف رأي الاعضاء الباقين

[MeLeE]

ونفس الحاله في البوكسن بس يبيله تدريب البوكسنج هم بيقوولولك الخطوات بالضبط واللعبه روووعه
اما التنس والجولف ماتعمقت فيهم وايد التنس فقط تضرب والجولف صوب

اتحيد كيف كسرتك فلبوكسنق اذا ماكانت حساسه فاعتقد كنت بتخلص علي ,, اخوي العب BOXING وارفع الجهاز علو وجهك , وحرك الويموت + النون شاك يمين ويسا , بعدين قول حساس ولا ...

[WE Vll]

هي تعتمد على المسكه الصحيحة للوي موت..

يعني لو تمسكه غلط أكيد ما راح يسوي اللي تطلبه..

وهو دقيق جدا.. يعني في البولينج لو تلفه راح يخليها مبرومة..

ولو تلعب واريور راح تلمس الدقة أكثر

[WE Vll]

السلام عليكم..

ابشركم يا اخواني حصلت على الWii مع زيلدا و Wii play و ورايور..

طبعا الجهاز لاخواني لكن كل أفراد العائلة مبهورة منه

لعبة الWii sport هي افضل لعبة عندي من ناحية التحكم.. تخليك تتعب من جد

وفيها طور تطوير مستوى.. وميزتها انها ما تعتمد على التصويب..

ولعبة الwii play مالعبت أكثر من ساعتين لقلة اطوارها ..

أما واريور فهي ثاني افضل لعبة من ناحية التحكم.. خصوصا الأطوار و المسكات الغريبة اللي فيها..

طبعا ختمت اللعبة في ساعتين وطلعت طور الملتي..

وفي الملتي فيه تقريبا 8 أطوار 6 منها تلعب من 2-8 لاعبين ولعبتين تلعب لاعبين ..

اللعبتين تلعب انت بالريموت واللاعب الثاني بالننشك.. الغريب انه حساس مثل الريموت..

أما اللعبة الاخيرة زيلدا.. يبي لها وقت واخواني على طول على واريور

بالاخير الجهاز رائع.. وممكن تتعمل عليه ألعاب خرافية.. وأنصح الجميع بتجربته

[WE Vll]

.. حبيت أضيف أن فيه طور جميل وهو Wii تشانل .. تختار شخصية بخيارات كثيرة..

وأما طور الاون لاين قعدت نص ساعة احمل تحديث.. ثم حملت متصفح اوبرا تجريبي..

بصراحة التحكم فيه أطلق من الماوس بس مايدعم عربي..

وفيه طور الشراء.. والمحاكيات.. بس ماشفت فيها اشياء كثير..

[FAS]

وميزتها انها ما تعتمد على التصويب..

إلعب البيسبول , راح تحتاج للتصويب , سواء في رمي الكرة أو في صدها .....

وفيه طور الشراء.. والمحاكيات.. بس ماشفت فيها اشياء كثير..

المحاكيات .... هي أبرز قناة حتى الآن .... بانتظار قناة الديمو ....

مبروك ع الجهاز ....

[Black Box]

أهلين AmA (ما راح أقول عما عشان ما تزعل ) , ألف مبروك عليك الجهاز والألعاب اللي اخترتها هي من أفضل الألعاب الموجودة على الجهاز حالياً , وإخوانك بيستانسون الشهر الجاي لما تنزل ماريو بارتي ..

بالاخير الجهاز رائع.. وممكن تتعمل عليه ألعاب خرافية.. وأنصح الجميع بتجربته

بالفعل.. الـWii فاتح مجال الإبداع والإبتكار للمطورين.. المهم أنهم يعرفون كيف يستغلون قدرات الجهاز بالطريقة المناسبة ..

[FAS]

وإخوانك بيستانسون الشهر الجاي لما تنزل ماريو بارتي

اعتقد انها تأجلت لين الصيف ؟

[Black Box]

اعتقد انها تأجلت لين الصيف ؟

توني أدري , مواقع بيع الألعاب أعلنت أنها تأجلت للصيف.. لكن موقع ign لا يزال مصر أنه اللعبة بتصدر الشهر القادم <_<..

[cantona222]

و يستمر المسلسل
و الـWii ليس له وجود في المحلا ت الأمريكية.

ليلحين ماني محصل الجهاز. و بالأسبوع أتصل على محلين على الأقل.
Nintendo's doing well

[PlayStation3]

اعتقد انها تأجلت لين الصيف ؟

اما تأجلت :s
اجل شكلنا بنطول على الwii sport & wii play
ايش فيه العاب حلوه راح تنزل قريب؟؟؟

شباب اللي جرب WarioWare: Smooth Moves ياريت يفهمني طريقة اللعبه كيف لاني اشوف صورها في المواقع ولا اعرف شي عنها واخاف اخذها اتوقق فيها كفايه متوهق بشريطين قيم كيوب جايين هديه مع الwii لما شريته

و يستمر المسلسل
و الـWii ليس له وجود في المحلا ت الأمريكية.

ليلحين ماني محصل الجهاز. و بالأسبوع أتصل على محلين على الأقل.
Nintendo's doing well

حتى بالسعوديه مو موجود عندنا امس رحت 5 محلات مالقيته إلا عند محلين واحد من المحلين ماكان عنده إلا جهاز واحد باقي بس ماكان عنده Wii Play والثاني عنده اكثر من جهاز وباقي عنده بس Wii play وحده وشريته ب2590 يعني 693 دولار زي سعر الPS3

الجهاز ب2199 ريال
الwill play ب259 ريال
الNunChuck ب139 ريال

وصراحه احس اني استعجلت بشراء الجهاز لان العرض حق المحل ماعجبني مره بس انا ماعندي صبر انتظر علشان كذا اخذته :d

[FAS]

و الـWii ليس له وجود في المحلا ت الأمريكية.

الويي باع في يناير 437 ألف وحده !
شلون تتوقع انك تلقى ....
كانتو , لازم تحجزلك شي من الدفعه اليايه .....