[ XFan's Club ] موضوع النقاش العام عن العاب . استفسار . حلول . مشاكل

[Tockuchi]

واو الكفر عجيب توكو لو مكملها بالرابط افضل

عاد هالجم يوم قاعد افكر بستيكر حق الاكس بوكس

بسبب البصمات الواضحه على الجهاز

مادري مايكروسوفت مافكروا يعني بسالفه البصمات لم اختاروا نوعيه الفنش قلوسي

انا من البدايه حاط ببالي هالسالفه وكنت مفكر اخذ 4GB اللي اهو Matte واحط له هارد 250GB لكني تسرعت الظاهر

أوبس نسيت أحطه , هنا
أنا بعد قاعد أدور على كفر , ولقيت هذا وعجبني , بس وزنه كبير , بجانب سعره

تعديل : هذي صفحة لنفس فكرة السكينز

تعديل آخر :هذي صفحة رهيييييبة للسكينز , في حتى على ألعاب نينتيندو و سوني

[NiN RevO]

^
لقيته ينباع عندنا بالخبر بس تصدق ما سألت راعي المحل كم سعره .. S:

[Tockuchi]

شرفونا

[itachi lover]

* طق طق *
* يمين يسار ..*

السلام عليكم و رحمة الله و بركاته

*أول مره تدخل قسم الأكس بوكس *XD

كيف الحال إن شاء الله بخير .. ؟! الله يتقبل منا صالح الأعمال يارب ^_^

لو سمحتوا بما أنه أول مره أدخل القسم و مالي خبره نهائياً بالجهاز أتمنى مساعدتكم لي ..
أنا قررت أشتري إن شاء الله Xbox kinect

و ش أفضل أشتري pal أو ntc ؟؟

انا راح اطلبه من امازون إذا كان الntc أفضل
لأن الألعاب اللي فاتتني على الأكس بوكس كثيره -_-
و مالقاها بالسوق ( PAL )
و العاب ال NTC اقدر احصلها


فأتمنى تنصحوني لو سمحتوا عشان اعايد اخواني فيه <<< هي اللي بالتعيد فيه XD

[Tockuchi]

تطلبينه من آمازون؟! , والوزن أكيد حاسبتله ألف حساب؟ , لأن وزنه ثقيل

[NiN RevO]

^
كلامك صحيح ..

وعليكم السلام ورحمة الله وبركاته .. كيفك ِ ايتاشي ^_^ ؟

مثل ما قال لك ِ توكو الوزن بيطلع الجهاز اغلى من هنا بكثير ..

خذيه من هنا احسن واذا تبين تطلبينه علشان النسخه امريكيه NTSC والي بالسعوديه كله PAL ..

فيه محل بالسعوديه يجيب بضاعه امريكيه اسمه " بيت الكمبيوتر " اكيد تعرفينه ..!!

****

شوفي اذا انتي بتشترين من امازون الامريكي كثير خذي امريكي احسن لك ِ

هذه نصيحتي الوحيده ^_^

[PS Player]

فعلا الوزن راح يرفع سعر الجهاز فوق سعر السوق المحلي هذا اول شي

ثاني شي بالنسبه للريجن هالشي يرجع لك بالمقام الاول اغلب الناس والشباب ياخذون الامريكي لسبب واحد بس !!

وهو الاونلاين , بسبب انه العاب الاكس بوكس اغلبها ريجن لوك
الشباب ياخذون الامريكي عشان يلعبون اونلاين مع اكثر عدد ناس
الاوربي فيه اونلاين لكن العرب قليل اغلب العرب ماخذين امريكي

وسبب ثاني بعد انه الالعاب الاوربيه مايجيبها الا الشركات الرسميه مثل فيرجن ميقا ستور وغيره
وهالشركات تطبق القانون بحيث اي لعبه تنمنع ولو بدون سبب ماراح يجيبونها وصعب انك تحصلها
لكن الالعاب الامريكيه حتى الممنوعه تحصلها بالمحلات العاديه
راح تحصل اوربي بالمحلات لكن بشكل قليل بحكم انه الاغلب يستخدم جهاز امريكي


الاوربي افضل من ناحيه الكفاله بحيث انه يكون مكفول سنه كامله من الشركه الرسميه اللي تاخذه منها
لكن الامريكي كفالته دايم تكون على المحل العادي وبالغالب تكون شهرين


انا شخصيا جهازي امريكي وشاريه من هني وبسعر مقارب للسعر الرسمي
وافضل الجهاز الامريكي بسبب الاونلاين


واذا خذيت جهاز امريكي في شي مهم لازم تنتبه له ,, الكهربا عندنا بالخليج او الشرق الاوسط عموما مختلفه عن امريكا
هم يستخدمون محولات كهربا 110v وحنا 220v عشان جذي اشتر محول خارجي يحول الكهربا الى 110v
عشان لاينفجر الجهاز من اول تشغيله

وحط ببالك اذا خذيت جهاز امريكي راح تعاني من تحميل الاضافات لان نفس الشي بعض الاضافات تكون ريجن لوك
ومايحملها الا صاحب ايبي امريكي بهالحاله راح تحتاج vpn عشان تقدر تحمل اضافه

تحياتي

[itachi lover]

تطلبينه من آمازون؟! , والوزن أكيد حاسبتله ألف حساب؟ , لأن وزنه ثقيل

همممم تقدر تقول حاسبتله ..

بس فجأه حسيت أني سوت شيء مستنكر @@
أنت جهازك NTC و إلا PAL ?!!

[itachi lover]

^
كلامك صحيح ..

وعليكم السلام ورحمة الله وبركاته .. كيفك ِ ايتاشي ^_^ ؟

مثل ما قال لك ِ توكو الوزن بيطلع الجهاز اغلى من هنا بكثير ..

خذيه من هنا احسن واذا تبين تطلبينه علشان النسخه امريكيه NTSC والي بالسعوديه كله PAL ..

فيه محل بالسعوديه يجيب بضاعه امريكيه اسمه " بيت الكمبيوتر " اكيد تعرفينه ..!!

****

شوفي اذا انتي بتشترين من امازون الامريكي كثير خذي امريكي احسن لك ِ

هذه نصيحتي الوحيده ^_^

حست الدنيا على ال NTC مالقيت فقلت أطلبه
أهه اعرف بيت الكومبيوتر بس مشكلتهم أسعارهم مبالغه
اشتري من عندهم لعبه
المحل اللي مقابلهم أرخص منهم و بفرق @_@
بس بسأل و أشوف

يعطيك العافيه .. بدت تتكشف المفاجأه XD

[NiN RevO]

^
ما قلت لك ِ انها جهاز .. احاسيسي ما تخيب ابدا ً ^___^

والله انا دائما ً اتهامل مع بيت الكمبيوتر الي عندنا واسعاره عاديه مثل باقي المحلات .. بس الغالي عندهم الامريكي لأنهم يجيبونه من امريكا اما الاشياء الي من عند الوكيل تقريبا ً نفس اسعار المحلات الثانيه

[Tockuchi]

همممم تقدر تقول حاسبتله ..

بس فجأه حسيت أني سوت شيء مستنكر @@
أنت جهازك NTC و إلا PAL ?!!

NTSC طبعاً ^^

[W A R I N I G]

السلام عليكم ورحمة الله وبركاته

شباب انا عندي اكس بوكس مااعرف شو هيه بال ولا امريكيه ولا يابانيه

هو احتمال كبير يابانيه لان مكتوب صناعة الصين

انا ابقي العب كم لعبه كوبي بس ايون كلهم تقريبا بال ولا امريكي

لان انا ادور على كم لعبه مثلا كاثرين لقيتها انجليزيNTSC/u وياباني NTSC/J مااظن الانجليزيه تشغل على الاكس بوكس بس النسخه اليابانيه بتشتغل وانا ماابا اليابانيه لان اللغه فيها يابانيه شو الحل

وسمعت ان لازم الي انزله يكون NTSC/J او فري ريجون بس انا ابقي كم لعبه مب NTSC/J لان تكون اللغه يابانيه ابقي NTSC/u يستوي ولااا

[Tetra]

السلام عليكم ورحمة الله شباب شلونكم عساكم طيبين ان شاء الله ^^
@WARINIG
شنو المشكله بالضبط فهمني بالراحه

[W A R I N I G]

السلام عليكم ورحمة الله شباب شلونكم عساكم طيبين ان شاء الله ^^
@WARINIG
شنو المشكله بالضبط فهمني بالراحه

تسلم اخوي

الغالي انا عندي اكس بوكس مااعرف شو تشغل معا ان اخوي ايب لي العاب كوبي والعبهم

المشكله ان ابقي انزل كم لعبه فا مااعرف اذا بتشتغل وياي ولا لان سمعت ان الاكس بوكس مالي تشغل بس ntcs j و فري ريجون

وانا اللعبه الي ابا انزلها ntcs n وفي منها بعد pal فما ااعرف شو اسوي

[Tetra]

طيب اخوي عندك حل واحد تعرف منه اي نضام هو جهازك بالضبط
روح لكرتونة الجهاز وراح تلق نضام الجهاز مكتوب فيها في جانب من جوانب الكرتونه