اسأل وورط اللي بعدك (خلينا اندردش شوي)

[Shadow Cat]

قوية ....
Hanno
ليش جيه تسقولين حق سارا سامتيه ....
ما ارضى على سارا سامتيه!!! فهمتي عليــه!!!
..هههه

انا متنقلة .ما بثبت في مكان ....يعني ما بتخلل مثل بعض الناااس في البيت
هههههههههههههههههههه

no questions

[lalaru]

sara sama and shadow cat ما أسمحلكم تسوون جي في هانا .. ما أرضى عليها لأنه أنا الوحيده اللي مسموح لي أصفعها .. و بيني و بينها كم شبر بس
hahahahahahah مسكينة هانا كلنا ضدج ... الجيلج حد يدافع عنج ..


أنا بروح مصر أم الدنيا

والله أخافها هي اللي تصفعني

[-][HaNa Sun][-]

والله و بفتك منكم في الاجازه





و ين بتروحون مني بس :vereymad:

[Ranma Saotome]

ما بنروح منج مكان..

نفس سؤال هانا سن لوووووووووووووووووووووول

[Rex]

الجواب : انتي اللي وين بتروحين

طيب سؤالون !! ولو أنوه أي كلامون...

شو هي أكثر لحظة بحياتك تتذكر أنك خفت فيها جدا!!
سواءا كانت بفيلم شفته أو بحادثة حقيقية استوتلك...
مع ذكر ملخص بسيط للحدث (اذا ممكن ) ....

[lalaru]

حلو السؤال ...
أكثر لحظة خفت فيها هي يوم ضعت في لندن أنا من الناس اللي ما عندهم إحساس باإتجاهات .. علشان جي ما يخالوني أطلع بروحي .. بس ذاك اليوم أصريت إني أطلع بروحي و أروح محل يبعد كمن دقيقة من وين ساكنين .. و أنا الحلوة نزلت و قعدت أمشي ساعة بس ما وصلت المحل .. و هو المحل ما يضيع أمشي سيده و أوصلة .. بس ياربي أنا أمشي من ساعه و ما شفته .. المهم الدنيا ظلمت و انا أمشي و أقول إلا هو شوي و بوصله .. و بدو يطلعون السكارى عاد في الشارع المهم أنا ما إتأكدت إني ضايعه لين ما مر ريال لابس تنورة قصيرة و هالقمصان الكت و باروكه شقره و قاعد يعلج لبان المهم تيبست وغرغرت عيوني من الروع و على طول للوراء در و سنفرت من الدرب اللي ييتة .. و لمعلوماتكم المحل كان على الصوب اليمين أول ما أطلع من البناية و أنا رحت اليسار

hahahaha ..

نفس السؤال؟

[Ranma Saotome]

لووووووووووووووووووووووووووووووووووووووووووووووووووووووووووووووووووووول
لالارو نفس ريوجا في رانما ههههههههههههههههههههههههههههه والله ذبحتيني من الضحك ههههههههههههههههه

أكثر اللحظات اللي صج اتخرع و اخاف فيها لما اكون في السياره..
يعني مرات اكون مسرع الا مره وحده سياره طالعه في ويهي..
بذكر حادثه وحده بس..

اذكر كنت ماشي على الخط السريع و ماشي... احم مابي اعلم المهم ان مسرع وايد.. و بعدين اشوف سياره من بعيد من شارع جانبي بتدخل علي و انا اعطيه full light و ادق بيييب بييييب لكن الغبي ولا كأن يشوف شي و دخل علي دخله خشنه و لفيت عنه بغيت ادخل في الرصيف.. ذاك اليوم حسيت ان بيني وبين الموت شعره لو ضربت الرصيف كان طارت السياره و لا وقّعت بس الحمدلله الله ستر..

سيم كوشن

[Renoa Heartilly]

لووووووووووووووووووووووووووووووووووووووووووووووووووووووووووووووووووووول
لالارو نفس ريوجا في رانما ههههههههههههههههههههههههههههه والله ذبحتيني من الضحك ههههههههههههههههه

أكثر اللحظات اللي صج اتخرع و اخاف فيها لما اكون في السياره..
يعني مرات اكون مسرع الا مره وحده سياره طالعه في ويهي..
بذكر حادثه وحده بس..

اذكر كنت ماشي على الخط السريع و ماشي... احم مابي اعلم المهم ان مسرع وايد.. و بعدين اشوف سياره من بعيد من شارع جانبي بتدخل علي و انا اعطيه full light و ادق بيييب بييييب لكن الغبي ولا كأن يشوف شي و دخل علي دخله خشنه و لفيت عنه بغيت ادخل في الرصيف.. ذاك اليوم حسيت ان بيني وبين الموت شعره لو ضربت الرصيف كان طارت السياره و لا وقّعت بس الحمدلله الله ستر..

سيم كوشن

سلامات! *متأخررررررررررررره*

أخوف شيء صار لي لما كنت أفتح وحده من الملفات المضغوطه في الجهاز و طلع لي مسج: "هل أنت متأكد أنك تبغي تحذف ويندوز كله؟"

أنا صار وجهي كذا و لما جيت أضغط "نو" بدأ يحذف من نفسه! أنا صار وجهي أزرق لما طفت الشاشه. كنت أشوي و يغمى علي, الا لما طلعت مسج ثانيه تقول : "الحمد لله أنها بس مقلب"

.... .... ....



نفس السؤال...

[lalaru]

سلامات ranma الحمدالله سلمك ...
مثل ما تقول أنا مثل ريوجا .. لا و فووق هذا عندي سيارة و كليوم ضايعة في الشوارع و أقعد أسوي تلفونات علشان أرد البيت .. و كل ما أحس إن الدرب يمين يطلع يسار ..

و Renoa Heartilly ما اتمنى أكون في مكانج .. لو سارلي هالموقف بروح فيها .. كمبيوتريه كله anime and manga

[Rewayah]

شو هي أكثر لحظة بحياتك تتذكر أنك خفت فيها جدا!!
سواءا كانت بفيلم شفته أو بحادثة حقيقية استوتلك...
مع ذكر ملخص بسيط للحدث (اذا ممكن ) ....

أكثر لحظة خفت فيها يوم كنت مع ربعي في المزرعة مرة من المرات...

كنا في نص الليل سهرانين يالسين في الغرفة والشباب يلعبون بلاي ستيشن 2 (Winning Eleven كالعادة), وأنا وثلاثة يالسين نلعب سكرابل (مالت الحروف - بالعربي - عاد شوفوا النكت والتأليفات في الكلمات - ) بعد ما ملينا من البتة (الجنجفة - الكوتشينة).

وطبعاً كانت لايعة جبودنا من وينينق إيلافن وقاعدين نهاوش اللي يالسين يلعبونها ومطفرينهم كل حين وكل ساعة نقول لهم نبغى نشوف أفلام الرعب اللي يايبينها... الليل بيخلص...

وواحد منهم الله يهداه يالس يتمسخر ويقول: "ألحين بييكم جني وبيدق عليكم الدريشة (النافذة) بسبب هالأفلام اللي تشوفونهم ياللي ما تخافون ربكم" (شيء كل حد الظاهر يهلوس فيه من الشباب...(حتى اللي قالها)... يوم يكونون لوحدهم بالمزارع أنصاف الليول... ! ).

المهم, كنا مطنشينه, ويالسين والسكينة نازلة علينا.

ما وعينا إلا حد يدق الدريشة... !!!!!!!! @@

يدق دق قوي مو أي كلام... شوي وكأنه بيكسر الجامة (الزجاج).

الشباب قفطوا... أنا بنفسي قلبي طاح في بطني... @@

وفي وسط هالذهول كل واحد يطالع الثاني ويحاول الجميع (يائساً) تجاهل ما حدث...

وما وعينا إلا شلة من الربع ياينا المزرعة (بدون سابق إنذار) ومخرعينا بهالحركة المجرمة... لا... وجت هالحركة في وقت بعد ما كان الأخ يتوقعها ويخوفنا بها!!!!!
هو أول واحد نط من مكانه. كخخخخخخخخخخ

الله راواه.
وراوانا!


هازا سيم سيم كوشسون.

وعيدكم أمبارك وعساكم من عوادة.

[Rex]

ههههههه lalaru
سالفتج تضحك ههههههههههههه
عاد أكثر شيء ضحكني لما بعدج مطمئنه أنج بتلقين المحل وصارلج ساعة تمشين

اووو رانما , فاهم عليك!
يحيك انته يوم ما صاررلك شيء والحمدلله ;...
عيل انا استوالي شيء سببلي عقده لفتره من الزمن ... ههههه خلها مستوره

كخخخخ Rewayah
اسميها قلوبكم قوية !! كخخخخ
بس اللي سوى هالحركة فيكم يبي يهز قوة قلوبكم لول

احم...

انا صارلي موقف قديم نوعا ما ...
انا مره كنت بمنطقة فيها ناس أعرفهم بمنطقة جهة الشرق , داخل حدود عمان...

المهم باختصار ...
كنّا بهذيج المنطقة بالليل!! وكنت مع واحد من الشباب وأخوه اللي اصغر عنه نحوط بالليل هناك بسيارته البورادو ونسولف!! ( فاضيين مره هههه) وقالي, خلني أرويك الكلاب البرية اللي تطلع بالليل !!
عاد انا قلت أوكي

وسرنا هالمنطقة البعيدة شوي اللي بين الجبال ... وبالفعل شفت هالجلاب !!
عاد هم خرعوني لما قالو أنه هالجلاب متوحشه عالأخير!! حتى ساعات يهجمون على السيارة ويشمخوها!! (مب وحشيه ذي! أنا تأكدت بعد هالسالفة وطلع صج ههههه )
واللي زاد الطين بلّه , انهم قالولي أنه هالمنطقة فيها سكن والسيارات ساعات تبند بروحها!! (يعني جن وعفاريت يمكن!! في الحقيقةهالشيء ساعات يحصل اذا في هالأمور!! شكلهم يبون يخوفوني كخخخخ )
المهم انا ساعتها بدأ شكلي صاير مش طبيعي (احم بدات أشعر بالخوف هههههههه )

والا أخوه الصغير مش مقصر بعد فاتح الدريشة!! وأقوله سكرها !!
وشوي والا السيارة مبنده!!

وربيعي يقول مدريبها السيارة بندت بروحها!! (حتى الأضواء!)
لاء والدريشة كانت مفتوحه !! , والتلفون هناك ما يرسل بسبب الجبال !!
وجن وجلاب متوحشه!!
ههههههههههاي اكتمل الموضوع !!

شوبنسوي بهالليل المظلم وبوسط الجبال !! وساعتها خفت بصراحة ! لان أخطار تهددنا !!
جو مش متعود عليه اصلا!!
عاد صار جدال بينا ههههههههههه وشوي وشغل السيارة الأخ!!
الظاهر أنه سوى مقلب علي ...
عاد بالمره من شغلها السيارة!!
قلت رجعني خلاص مابي ايلس هني !!
ههههههه ان شاء الله بنتقم منه بيوم من الأيام , الله يسامحه

طيب , سؤال آخر...
اسأل سؤال وجاوبه بنفسك

[Sparta Ghost]

lalaru و رانما و رينوا و رواية و ريكس
قصصكم حلوه ..و مرعبة ...!!


كانت عندي قصة بس ريكسووو غير السؤال ...

طيب , سؤال آخر...
اسأل سؤال وجاوبه بنفسك

من هو أنت ؟؟

الجني الأحمر :- منهو أنا ..؟؟

الجني الأزرق :- لا ما يقصدونك انت ...!! يقصدوني أنا ...!! بس أنا ما أعرف اسمي ...!!

الجني البنفسجي :- سؤال صعب ما عندك خيارات ريكس ...

الجني الرسام :- أنا أنا ريكس أعرف الجواب ... ..اسمي العفريت اللوزي ...!!؟؟؟؟!!!*%#%^#$

ترى اسمي الحقيقي هو ((الجني الرسام)) إذا ما تعرفونه ...((اسم عضويتي مو اسمي الحقيقي ..))

نفس السؤال !!

[Ranma Saotome]

اروح و ارجع على هالموضوع..

احط سؤال حق نفسي

شنو اخر شي اكلته؟
بيتزا



شنو الاشياء اللي اكلتها خلال ال24 ساعه اللي راحت؟

[Taja]

تونه ..تونه ..تونه ...وسلطه تونه
شنو اول شي تفكرون فيه لمه تدخلون المنتدى

[kokaa]

اول شي افكر فيه ...
المواضيع الجديدة والردود في منتدى الرسم الحر

س: آخر مانجا قرأتها؟؟؟