الموضوع الرسمي | نقاش الالعاب العام

[الصهيبي]

very good
تعال شلون كاتبين من ورا اللعبة انه في اونلاين و ما في طور الانلاين داخل اللعبة و انت اي job؟ لول منو قدر يفوز على الرئيس في التوتوريال شباب؟ طقتين ذبحني!!

اقول شايف الاشباح اللي تمشي في المراحل وانت تلعب هذيل لاعبين اون لاين ! ثانيا الرسائل في الارض من عمل لاعبين اخرين ايضا اون لاين (لو لعبت اوف لاين ما بتحصلهم ) ثالثا وهو الاهم في طريقة باستخدام ايتم معين تستدعي لاعبين عشوائيا يساعدوك في المرحلة المقبلة لكن المشكلة ما في انفايت وكل هذا التعقيد بنتناقش لين ما نحصله حل في الموضوع الرسمي عسى احد يرحمنى ويسوي موضوع !

اخيرا رئيس التيتوريال اظن انه من ضمن القصة انك تخسر منه !

وانا اختر class ال temple knight
وبالنسبة لسؤال اخوي سنايبر:

اظن 26 شابتر بس مو متأكد

[سكون بحر جدة]

صهيبي لعبة أنشارتد 2 تدعم 1080p?

[Lonely Hunter]

^
اي تدعم

..........

[Spartan Heart]

شباب اهم سؤالين عندي بلييز جابوني ..
شباب ... في فرق بين النسخه الامريكيه والاوروبيه ... في اجارتد 2 او بشكل عان .. في الالعاب كلها ..؟
2- شباب ديمون سولز هل اللعبه فيها اختيار مستوات صعوبه .. وكم عمرها تقريبا ..؟؟
وشكرا
............................

[Diego Armando]

^

مافي فرق

إلا في بعض الألعاب النادرة مثل MGS4 في الأون لاين يكون ريجن لوكد

يعني ما تقدر تلعب أون لاين إلا مع اللاعبين اللي عندهم نفس نسختك

أمريكي يلعب مع أمريكي وأوروبي يلعب مع أوروبي وياباني يلعب مع ياباني ( للتوضيح )

لا تخاف من ناحية إنتشارتد 2 تقدر تلعب مع أي واحد مهما كانت نسخته

على فكرة نوتي دوغ شغالة على محتوى إضافي للأون لاين ( مو معروف إذا بيكون مجانا ولا لا )

طبعا المحتوى الإضافي عبارة عن خرائط جديدة

المصدر

[Spartan Heart]

^^ تمام .. هذا الي كنت عارفه انا .. بس خفت اذا كان في شيء غير .. شكرا لك
السؤال الثاني يا شباب ..
ديمون زولز فيها اختيار مستويات الصعوبه .. وكم عمر اللعبه ؟؟

[Tockuchi]

ما فيها اختيار صعوبة و حسب لعبي بها باين انها طويلة حييييييل

[Prince Noctis]

لاحظت شي
الغلاف للالعاب الامريكية تغير وصار الجديد اللي عليه P S 3 من فوق
ااما الاوروبية الغلاف ما تغير
مثلا انجارتد 2 وراتجت اند كلانك الامريكية الغلاف الجديد الاوروبية الغلاف القديم
يعني النسخ الاوروبية بتظل ع التصميم القديم؟؟

[Spartan Heart]

^^^ صح كلامك مشاءالله عليك... حتى انا لاحظت ... بس تمنيت العكس..

[Prince Noctis]

الغلاف القديم احله بكثير تحس بان الجهاز قوي اما الجديد فكأنك تشتري العاب PC
بس السؤال
النسخ الاوروبية بيكون غلافها دائما جذي لو مؤقتا ؟؟

[Tockuchi]

ديمون سولز الغلاف الامريكي عندي نفسه نفس الغلاف القديم و لا اللعبة مالها دخل؟

[الصهيبي]

اظن انه الالعاب اللي لها فترة مصممين الاغلفة بقت على الشكل القديم دون تغيير واتوقع خلاص في الفترة الجاية كل الالعاب الاوروبية والامريكية بتكون على التصميم الجديد للاسف

[Diego Armando]

الصهيبي

خلصت 75% من إنتشارتد 2 !!

على شنو مستعجل اللعبة لسة جديدة

أنا ألعبها حبة حبة خلصت الحين 54% ( شابتر 16 )

قبل لا أطلع من أي منطقة لازم أفتشها عدل ممكن أحصل كنز أو أي شيء سري

وفعلا في كنوز جمعتها من إستكشافي لكل منطقة

وأحيانا تكون في مناظر عجيبة في اللعبة أتأمل فيها وفي قوة الجرافيكس ^ــ^

[الصهيبي]

^^^^^ now iam 95%
بس بكرة باخلصها عشان استمتع بالنهاية ^_^
حتى الان جمعت 32 كنز بس (ما بتعب نفسي واجلس ادور كثير واخرتها ينزل اماكنهم يوتيوب والناس يجيبوا بلاتينيوم بسهولة وانا لسة ادور ههههه )
على فكرة انا مو مستعجل وما اخلص بسرعة بس انا العب 12 ساعة تقريبا في اليوم اذا عندي العاب جديدة !
(في فرق بين اللي يلعب كثير واللي يلعب بسرعة ^_^)

[american.u.s.a]

وشو الشابتر هو اليفل ولا ايش وانشارتيد كم ليفل مادري شابتر