كيفية تركيب هارديسك للبلاي ستيشن + برامجه

[Frank Jeager]

لازم عدسة لأن الـhdloader برنامج يشتغل من CD

[HeRmAnO]

شباب ممكن واحد يقولي عن الهارد الي عنده وكم حجمه لأني اليوم راح اشتري واحد ..

والسعر شان مافي كلافه

2. واذا ابي انقل الالعاب من الكمبيوتر الى البليستيشن ( مثل وننج 9) كيف ؟؟؟
قرات شرح الأخ محمد ومافهمته ..

مع العلم ان عندي واير مال شبكة النت وكمبيوتري ووصلات يو اس بي ..

[Frank Jeager]

شباب ممكن واحد يقولي عن الهارد الي عنده وكم حجمه لأني اليوم راح اشتري واحد ..

والسعر شان مافي كلافه

2. واذا ابي انقل الالعاب من الكمبيوتر الى البليستيشن ( مثل وننج 9) كيف ؟؟؟
قرات شرح الأخ محمد ومافهمته ..

مع العلم ان عندي واير مال شبكة النت وكمبيوتري ووصلات يو اس بي ..

انصحك بـ80 جيجا وفوق، انا عندي 80 جيجا سعره 23 دينار وسألت عن 120 جيجا 33 دينار واذا تبي 160، 200 جيجا إسأل بنفسك . هذي نوعيه سامسونج من عند الوسط للكمبيوتر في جد علي.

وخلك من الشبكة اتعلمها بعدين اذا بغيت تنقل تخزينات للمومري كارد ، وفي الصفحة 16 بتحصل رد الى العوضي يشرح كيفية تضبيط الشبكة.
اذا بتنقل الالعاب من هاردسك الكمبيوتر الى هاردسك PS2 والعكس تحتاج الـ WinHIIP 1.7.3
في واير يوصل الهاردسك للمذبرود داخل الكمبيوتر هذا الواير تجي فيه فتحات عديدة ، انت افتح بوكس الكمبيوتر ووصل الهاردسكين اثنينهم في الكمبيوتر، واضبط الهاردسك الموجود في الكمبيوتر على "ماستر مع تشغيل هاردسك ثاني سليف" واضبط الهاردسك اللي مركبنه على البلي ستيشن على "سليف" .

الطريقة : شوف الصورة المرفقة ،،الهاردسك من الخلف فيه توصيلة وحدة اذا غيرت مكانها يتغير وضع الهاردسك من ماستر الى سليف والخيارات الباقية، اذا تبي تعرف أماكن التوصيلات اقلب الهاردسك وبتشوف المعلومات مكتوبة عليه.

مثلا اذا وصلت بين السلكين الاول والثاني يصبح الهاردسك ماستر فقط ، واذا وصلت بين السلكين الثالث والرابع يصبح سليف ، واذا وصلت بين الخامسة والسادسة يصير الهاردسك ماستر مع تشغيل هاردسك آخر سليف ، واذا وصلته على آخر توصيله يصير اوتوماتيكي..الخ

[alawadhi3000]

200 جيجا ب45 دينار

[Frank Jeager]

200 جيجا ب45 دينار

نهيبه....

[HeRmAnO]

شكرا اخواني ..

وشكرا على الشرح

[dark hole]

انا من من البحرين وبغيت استفسر عن الهارد الخارجي وجم اسعاره ويش احسن نوع ؟؟؟؟؟؟؟؟؟؟؟؟؟؟؟؟؟؟؟؟؟؟

[alawadhi3000]

الخارجي اغلى من الداخلي ب10 دينار تقريبا

انصحك بالداخلي لانه اسرع للبلستيشن , وأفضل

[al_nawrs]

انا من السعوديه وين القى الهارديسك اي محل
وبس

[alawadhi3000]

اي محل كمبيوتر أخوي , لأن الهارددسك هو هارددسك كمبيوتر

http://ps2drives.x-pec.com

هذي الموقع عشان تعرف الهارددسك يشتغل او لا (لان بعض الانواع ما يشتغلون)
وتحتاج أيضا نتوورك ادابترالاصلي للبلستيشن

للهارددسك انصحك بسامسونغ او ماكستور بسعة 40 جيجا - 200 جيجا