اسأل وورط اللي بعدك (خلينا اندردش شوي)

[mimi_arumashi]

ولا شي..الحين قمت من النوم وصار لي ساعه ابي اقوم و اكل شي...بس تعبانه *بس دخلت المنتدى!*


ليش لما تكون يوعان تاكل اي شي، بس لما تكون شبعان ما تاكل الا الاشياء المنتاه بعناية و لما توصل ما تشتهيها؟
لا انكت..
س- سؤال.... ليش لما يجي الصيف ننسي ان الشتا بارد لدرجه ان لازم نلبس جاكيت، و لما يجي الشتاء ننسي ان الصيف حاااااااار؟

[Scorpio Milo]

علشان الشتاء بارد نحس بالبرد ونلبس جاكيت ..

واذا جاء الحر نلبس ملابس خفيفه علشان مانموت من الحر (( جواب مقنع صح؟؟ ))



س1: تشخر اذا نمت ؟؟

[MZM]

السلااااااااااااااااام ^^

كيف حال الجميع ان شاء الله بألف صحه و سلامه

ليش لما يجي الصيف ننسي ان الشتا بارد لدرجه ان لازم نلبس جاكيت، و لما يجي الشتاء ننسي ان الصيف حاااااااار؟
ههههههههه هذا حال الدنيا ما نعرف قيمة الشي غير لما نفقده
عاد لما يخلص الشتا نحذف الجاكيتات و لو رجع مره ثانيه نعفس البيت عفاس عشان نعرف بس وين قطيناهم هذااااااااك اليوم ههههههههههه شفتي شكثر الشي المفقود عزيز



تشخر اذا نمت ؟؟
الحمد لله لا هههههههههههه انا ما احلم و انا نايم اصلا
ها اليومين ماكو من انام لما اقوم شاشه سودا الظاهر خلصت كل الاحلام اللي بالدنيا


جا دور سؤال

لو دخلت مستوصف او مستشفى و لقيت حرمه معاها بنتها صغيره و الأم تطق بنتها حيل و البنت تصيح و تقاطع جدامك _-_ شنو تسوي ؟

توقف تتفرج و تقول هذي امها شدخلني انا
و لا تسوي روحك عنتر و تدخل فيها طول بعرض و تاخذ لك كم كلمه من الكلام المعسول من حلجها اللي ينقط عسل ههههههههه

[Scorpio Milo]

لو دخلت مستوصف او مستشفى و لقيت حرمه معاها بنتها صغيره و الأم تطق بنتها حيل و البنت تصيح و تقاطع جدامك _-_ شنو تسوي ؟

انا ولد يعني بأوقف وبتفرج بصراحه احراج اكلم الحرمه واتناقش معاها ولو شافوني الناس بيقولون هو اللي تحرش فيها صح ؟؟



سؤالي هو :

اذا تعطلت فيك السياره بالبر وكانت الساعه 12 او1 بالليل وكان الطريق اللي تعطلت فيها السياره مهجور يعني ماحد يمر فيه ..ومجنبك لامحطه بنزين ولاشئ .. شبتسوي ؟؟

[mimi_arumashi]

لو كنا فى دولة برع العالم العربي، بخذ البنت الصغيرة و برفع قضية على الام بدعوى سوء المعاملة و الاضطهاد... بس بما أن نحنا فى العالم العربي، بسوي شي واحد..لأ لحضة شيئين:
1- اولا...بمشي بعييييييييييييد لاني ما احب اسمع صوت الصياح
2- ادعي للبنت ان الله يفرج عليها و يرحمها

[Rex]

=لو دخلت مستوصف او مستشفى و لقيت حرمه معاها بنتها صغيره و الأم تطق بنتها حيل و البنت تصيح و تقاطع جدامك _-_ شنو تسوي ؟

ما بسوي شيء , شدخلني
والضرب يربي!

...بس اذا شفتها مصختها وايد !
بقولها , ارحميها بسها ضرب!




=اذا تعطلت فيك السياره بالبر وكانت الساعه 12 او1 بالليل وكان الطريق اللي تعطلت فيها السياره مهجور يعني ماحد يمر فيه ..ومجنبك لامحطه بنزين ولاشئ .. شبتسوي ؟؟

بتّصل بحد ايي ياخذني ...

واذا ما يشبك التلفون , بمشي لحد ما يشبك!


... ما عندي سؤال

[Sparta Ghost]

... ما عندي سؤال

سؤالك غريب مررره ..ماله جواااااب

س1 ((تقول مدرسه )) :- هل حدث ومره أنك عصبت مرررررررره مرررررره ..من جد ؟ ومتى ؟ ولماذ؟ ادري فضولي حدي بس هذا سؤال إذا بغيت لا تجاوب

[MZM]

السلااااااااااام

ههههههههه خوش إجابات

الصراه بالمستوصف لما شفت الموقف انا تكلمت و كليت لي جم كلمه حلوه من اللي قلبببكم يحبهااا لكن ما ندمت على اللي سويته يكفي ان الحرمه اختبصت ما عرفت شترد على لإنها كلت مني حجي معسول أكثر هههههههههههههه

على الاقل بتحط ببالها ان الناس اللي حولها قاعد يشوفون عشان تفكر مية مره قبل ما تسوي شي جذي مره ثانيه



اذا تعطلت فيك السياره بالبر وكانت الساعه 12 او1 بالليل وكان الطريق اللي تعطلت فيها السياره مهجور يعني ماحد يمر فيه ..ومجنبك لامحطه بنزين ولاشئ .. شبتسوي ؟؟

هاهاهاااي صار فيني ها الموقف صججج و كنا فعلا بمنطقه مقطوعه لكن يا لييييت سيارتي تعطله لإن الأعطال ممكن مع الوقت تتصلح ههههههههه انا سيارتي غطست داخل صبخه ( الصبخه أرض طينيه ما تحس فيها غير لما تدخل فيها تغوص تحتك مثل الرمال المتحركه )
علقت السياره يعني مستحييييل تطلع غير لما اشيلها على كتوفي و اركض فيها هههههههههه و كنا بنص الليل بعد و الحمد لله ما كنت بروحي كان معاي واحد من ربعي لكن شوف شلون ربك يفك المصايب و يفرج الكرب
و الله كلها عشر دقايق بالكثيييييير و نزل علينا مثل النور من السما ههههههههه شفنا جيب شاصي مضيع مكان مخيمه و يفرفر بالبر و حنا مثل الافلام نركض و نصيح له هاااااااااايHHHHHHeelpppp ههههههههههههههه
ههههههههههههههه و كلها ساعه بالكثير و جرينا السياره و وصلونا لما خيامنا بعد بعيييد و سلمو و مشو

كل ما اتكذر ها الموقف اقول سبحان الله سياره تجي لنا بالوقتتت اللي نغرز فيه بالضبططط و بنص الليل و لا بعد مو أي سياره جيب دفع رباعي شاصي على كيف كيفك هههههههه و متروس شباب عشان يدزون معانا السياره و يطلعونها
صجججج صججججج الحمد لله موقف يزرع بنفسك الإيمان اكثر لإن مستحيل ها الموقف يكون صدفه لإنه توفيق من الله
لولا الله ثم لولا ها الشباب كان نمنا يومين ثلاثه بنفس مكانا نحفر و نسوي انفاق عشان تطلع السياره هههههههههههه



هل حدث ومره أنك عصبت مرررررررره مرررررره ..من جد ؟ ومتى ؟ ولماذ؟ ادري فضولي حدي بس هذا سؤال إذا بغيت لا تجاوب

الله لا يجيب العصبيه

مع اني بطبعي هادي لكن اتنرفز مرات لدرجه كبيره

من المواقف مره كنت ماشي بالسياره ( ههههههه سيارتي صارت بطلت الأفلام كلها )
كنت امشي صراحه مسرعه هههههههههه لكن مو طاير حدي و كان جدامي دخله فرعيه ومقابلها لفه فوق تحت و فيها سياره تنطرني لما اعبر عشان تدخل الشارع

و انا اشوفها من بعييييييد و هو يشوفني و عيني بعينه واقف و لمااااااااااا صرت على بعد امتاااااار طمر و نط بوجهي بسيارته @.@
سد الشارع كللللله انا صججججج خلاص شفت الموت بعيني بالقليله قلت بدخل الأنعاش ههههههههههه
و مدري شلون الله ستر و فرت السياره و عدا الحادث على خير بدووووون اي اصابات و لا اييييي خدش بأي سياره
لكن الشارع كللللله انترس دخان من كثر ما احرتقت تواير سيارتي من البريك
و الحلو اللي نط بوجهي تخيلو شنو سوا ههههههههههه قاعد يطالع بكلل برووود و مشا شوي و وقف عند البقاله يشتري مدري شنو @.@

انا هنيي انجنييييييت وقفت عندي حاسة السمع و صرت اشوف الدنيا باللقطه البطيئه تمشي
رحت له ابي اذبببببببح ها الكائن الغريب صججججج و اصحاب البقالات يمسكوني و يهدوني تعوذ من بليس تعوذ من بليس و الحمد لله على السلامه و المخلوق الغريب يقول لي شتبي شنو ما حصل شي هههههههههه شنو ما حصل شيييييي انا كنت بنعجن معاك بالسيارتين و انت حتتىىىى ما وقفت و لا قلت أي كللللللللمه سيارتي احترقت بالشارع و انت واقف عند البقاله تشتري بيبسسسسيييييييي

صج كل ما اتذكر الموقف اقول الحمد لله ان الله ستر و عدا الامر على خير و لا كان ارتكبت جريمة قتل ههههههههه




بها الرد سويت افلام هنديه هههههههههه

جا دور سؤالي هههههه وهقه مدري سنو اسئل

همممممممممم

لو طاح جهاز آلة الزمن بيدك هههههههههه شنو بتسوي فيه و وين بترجع لأي وقت بالزمن ورا و لا جدام و شحقه و ليش و شنو بتغير بحياتك اعترففففف ؟ ( تحسون واحد فاضييييي )

[g. byte]

ههههههههههههههههههههه الله يهديك يامزم ذبحتني من الضحك اما سيارتك ذي حكاية
عجبني الفريزر اللي بغيت تصقعه وراح يشتري ببسي , أهنيه على احتفاظه ببرودة اعصابه يمكن الببسي هو السبب , عارف لو انا مكانك أقوله والله مااهدك الا لما تعطيني الببسي ! هههههههه


لو طاح جهاز آلة الزمن بيدك هههههههههه شنو بتسوي فيه و وين بترجع لأي وقت بالزمن ورا و لا جدام و شحقه و ليش و شنو بتغير بحياتك اعترففففف ؟ ( تحسون واحد فاضييييي )
سؤال ممتاز , بصراحة دايما افكر فيه !
طبعا اول مابيطيح بيدي بروح اعالج الكسور في المستشفى , بعدها راح أرجع للعصر الحجري لأني مغرم بالتخلف الإنساني وأحب هذي الفترة من حياة البشر لأنها كانت بسيطة بدون هموم ولا تكلونوجيا ولا فواتير ولا اشتراكات انترنت ولا عمال يشغلون الدريل في وقت نومك ! أنا أعتقد أنه أسعد البشر وأكثرهم راحة وطمأنينة واستمتاع بالحياة وعقل وحكمة وذكاء وصحة عاشوا في هالفترة , بس المشكلة اني لو عشت معاهم ماراح اقدر ارسم على اوراق وبعدين عندي شك ان بعض الديناصورات عاشت الى هذي الفترة ...
بعدها ودي اروح الى المستقبل البعيد قبل يوم القيامة أشوف البشر لوين وصلوا في تطورهم وتقدمهم و ان كان نفعهم هذا كله او انه ضرهم اكثر ودمر حياتهم ( تنفع مسلسل انمي )

بعد هذا كله بكسر آلة الزمن عشان لا يستخدمها احد ثاني هيه هيه هيييي


همممم عندي سؤال :

لنفترض انك الانسان الوحيد على هذي الأرض , هل راح تفرش أسنانك كل يوم ؟ وهل تعتقد في داعي انك تستمر في الرسم ومحد موجود عشان يطالع رسماتك ؟

[mai_arumashi]

واو ام زد ام! صراحة محد يقدر يلومك...انا لو مكانك كنت بضربه و ماعلى من الناس.....يقهرررررررررررر

لنفترض انك الانسان الوحيد على هذي الأرض , هل راح تفرش أسنانك كل يوم ؟ وهل تعتقد في داعي انك تستمر في الرسم ومحد موجود عشان يطالع رسماتك ؟
.....

اولا بغسل اسناني لاني احبها لما تكون منتعشه ^_^...بس عن الرسم، انا برسم...و يمكن بجذ راحتى فى التخبيص و الاخطاء لان محد يشوف ^_________^
لكن يمكن بعد فترة امل من الرسم......

سؤال: شو احساسكم لما تشوفون ردود ام زد ام؟ انا احس باحساس الصيف الى سجلت فيه فى المنتدى، كل شي كان فريش و يحمس...

[Renoa Heartilly]

--لو طاح جهاز آلة الزمن بيدك هههههههههه شنو بتسوي فيه و وين بترجع لأي وقت بالزمن ورا و لا جدام و شحقه و ليش و شنو بتغير بحياتك اعترففففف ؟ ( تحسون واحد فاضييييي


ما أدري... يمكن بارجع للحظه الي دخلت فيها المنتدى أول مره و لا سجلت... أو يمكن بارجع للوقت الي كانت فيه مانغا هانا كيمي موجوده على النت و أنزلها كلها!!
وبعدين لما أخلص بارميها من فوق سطح بنايه عاليه و أدعس (يعني أهج\أركض بعيداً) عشان الي تطيح فوقه بينفلع (بس على الأقل بيحقق أحلامع!!)


--سؤال: شو احساسكم لما تشوفون ردود ام زد ام؟ انا احس باحساس الصيف الى سجلت فيه فى المنتدى، كل شي كان فريش و يحمس...

أحس أني توني داخله المنتدى أمس و لا لحقت على الردود الي كان يحطها
ما أدري أحس أني لسه newbie XD

س1: (كسرت بخاطري البنت الي تضربها أمها ههه) لما تشوف بزر في السوق شكله كأنه ضايع و يدور على شيء... (يمكنه يصيح ماما) شبتسوي؟؟

[Scorpio Milo]

لما تشوف بزر في السوق شكله كأنه ضايع و يدور على شيء... (يمكنه يصيح ماما) شبتسوي؟؟

اخذه واوديه حق اقرب عسكري ينادي على اهله واذا ما كان فيه احد امسكه وامشي لما يشوفني ابوه ولا امه ولا احد يقرب له وياخذه ...


سؤالي هو :



كم مره رسبت بالمدرسه ؟؟ (لقافه صح ؟؟ هههههه )

[Sparta Ghost]

لما تشوف بزر في السوق شكله كأنه ضايع و يدور على شيء... (يمكنه يصيح ماما) شبتسوي؟؟

اخذه واوديه حق اقرب عسكري ينادي على اهله واذا ما كان فيه احد امسكه وامشي لما يشوفني ابوه ولا امه ولا احد يقرب له وياخذه ...


سؤالي هو :



كم مره رسبت بالمدرسه ؟؟ (لقافه صح ؟؟ هههههه )

الرسوب شئ ما اعرفه في المدارس الحمدلله

س1:-وش الموقع اللي دخلته قبل دخلولك للمنتدى ؟؟ جاوب بصراحه

[Renoa Heartilly]

--كم مره رسبت بالمدرسه ؟؟ (لقافه صح ؟؟ هههههه )

ولا مره :P بس أني في الكليه سقطت في مواد كثيره!! بس ما تعتبر رسوب لأني عديت السنه بس السبت هذا عندي نحو

نفس السؤال كم مره رسبت بالمدرسه ؟؟

[kouji-kun]

أنا .........ولا مرة بس جاني دور ثاني بالعربي
دوري أسال شو أسم الشخص الي تحبة وااااايد