جالاري ديابلوس

**Sparta Ghost** · 23-12-2004, 01:43 PM

هلا .بديابلوس ..

انت تحب الأجرام ديابلوس ..آخر رسمه روعه ..والطايره واللي فيها راح فيها ..

اشوه ما سافرت فيها

وحتى الرسوم اللي قبلها روعه ..وخصوصا اللي ترحب بكم في المطار ...

**oniAkuma** · 23-12-2004, 09:26 PM

ياخ ديابلس انت خطييييييييييييييييييييييييييييييييييييييير في رسم الوحوش والعضلات مب خطير إلا تفجيييييييييييييييييييير والله يوفقك ونبي ان شوف المزيد

وابي اسألك اي نوع من الاقلام الي تستخدمها هل هذي الاقلام خاصه بالكمبيوتر؟

**m.H.m** · 24-12-2004, 07:06 PM

السلام عليكم ..
كيف حال الجميع ؟؟

والله زمان ما خشيت هالمنتدى ..

و زمان ما شفنا مشاركات جديدة من ديابلوووو

بس هاي كتييير رووعة !!

وأخيرا رأيت شيء جديد منك

لا تحرمنا من مشاركاتك

**Bu Laban** · 30-12-2004, 11:18 AM

إبليس كعادتك يا ديابلوس

بس نااااااااااايس رسمة فانتاستيك

و لنا رجعه معك من جديد

**سونيكو** · 30-12-2004, 11:48 AM

اوف !!!!...رووووووووووووووووووعه !!!!!.....

العضلات فظيعه ورهيبه !!!!! يعني شغلك رهيييييييب بمعنى الكلمه ما شاء الله عليك !!!!!!!
احب الرسوم اللي فيها داااااااركنيس !!!!!....
عجيبه والله ......
ياريت تمتعنا اكثر بوضع اعمال جديده قريبا اخوي

**Majid Ali** · 08-01-2005, 07:48 PM

السلام عليكم...
مبطي عن جاليريك...ادري فيه رسمات كثييييير ماعلقت عليها

الرسمه الاخيرة ماشالله فعلا حلو فيها تقسيم العضلات وعموم الرسمه ممتاز ^_^
الظل فيها حلو....اللون الاصفر على الجسم للتعبير عن الضوء من الانفجار حلو...

بس فيه ملحوظتين:
العضلة اللي في الخد اليمين....احسها ماهي ماشيه....يعني انحنائها ووضعيتها شوي ركيكه...
وبالنسبه للقرون...اتوقع لو يكون لون الضوء الاصفر واقع عليها بعد...تطلع متماشيه مع الرسمه..

عموما الرسمه حلوه...والاحظ انها ملونه عالسريع...لو تقعد وقت زيادة عليها تطلع افضل...
ولاتنسى الخلفيه

احس انها تحتاج خلفية غير الرصاصية الحالية...

بالتوفيق

**-][HaNa Sun][-** · 10-01-2005, 06:31 AM

شو أخبار رسمك ديابلوس ..من زمان ماشفنا شي من أعمالك و نشاطك في المنتدى

و كالعادة حريف في رسم الوحوش..وحوش ....و وحوش....بسك وحووش

نتريا نشوف أكثر من أعمالك الفنية و الوحشية أقصد رسومات من نوع ثاني

إنشالله

و لا تقطع المنتدى..تراه يحتاج لخططك و أفكارك الجهنمية عشان يتنشط مرة ثانية

**ديابلوس** · 15-05-2005, 06:01 PM

كح كح كح كح

**Rewayah** · 18-05-2005, 11:37 AM

اللااه!!

ما شاء الله عليك ديابلوس!!

رسمك كلماله ويتطور!

رسمة عجييييييييييييييييييييييييبة!!

لا الصراحة بديت تخوّفني...

لا تطور رسمك.. سامع؟!

أمزح.

رسومك كلها حلوة, ومواضيعك بعد عجيبة تعجبني!!

أحب رسوم الديمنز والعفاريت.

تلوينك في الرسمة السابقة رهيب!
وايد معقد كأنه زيتي...
يالس تتمرن على تلوين اليلد من ورانا؟ ها؟ :vereymad:

لا بس عجيب.

رسمك للعضلات قاتل يالمجرم.
كيف ترسم عضلات رهيبة جذية؟

أنت من القلة اللي يعرفون هالتقنيات. >.<

يا ويلي..
إلى بورد الدراسة يالله يا رواية!

هههههههههههههه

أتمنى لك التوفيق.

حياك.

**Rewayah** · 18-05-2005, 12:06 PM

بس ملاحظة,

كله ترسم يقحفيّة مال الكوبوي "قبّعة"..

ليش ماترسم عرب؟

إيه؟!
شو فيها؟!!

عرب معضلين خارقين!!

مثلاً محاربين جاهليين, ولا فرسان بغداديين!!
ممكن من العراق القديمة ‘ميزوبوتيميا‘, ولا الآشوريين أو السومريين. ^^

والله يبالي أنا أعرض لك من اللي عندي عشان أشجعك.

شكل ‘ديفيل ماي كراي‘ ماكل مخك!!

ما ألومك...
حتى أنا مخبّل بي...

بس لازم يا ديبالوس نسوي ‘بروموشن‘ لحضاراتنا المتعدّدة وثقافتنا!

ونجرّب بعد الغريب والعجيب ولا نخجل أو نستحي من ردود أفعال الآخرين. ^.^

ولازم نفهمهم إنه كل شيء ممكن!!

أنا أحتج حقيقةً على مواقف بعض الناس من الأمور الغير مخووضة!!

(الغير مخووضة تعني المب مجرّبة!!).

لابد من الإتيان بالدماء الجديدة في مضامين موادنا الإعلامية!!

و‘البوب كالتشور‘ الخليجي لازم يتوسّع ليشمل موضواعات وملامح حديثة!!

الخليجي؟!!

عفواً العربي!!

أي نعم العربي!!

وتحقيق ذلك هدف رئيسي يجب أن يتوّج في ذهن كل من يود تقديم الجديد!!

وأنا أندد!! نعم أندد!!

بأننا في أمس الحاجة للإبتكار العربي!

وفي أمس الحاجة لإرتكاب ‘هولوكوست‘ إعلامي صارخ تجاه الإعلام الغربي.. ولا سيما اليهودي !!

من يقول أصلاً بأن العرب غير قادرين على ذلك؟!؟!

فهناك حتميات تؤكد... المضامين... ...

ويييييييييييييييييييييين رحت أنا؟!؟؟!؟!!!! >.<

عموماً حياك للمرة الثانية,
وأتمنى لك التوفيق.

تحياتي ديابلوس. ^^

+--------------------+--------------------+

**DeeK MantooF** · 20-05-2005, 10:21 AM

kooo7 ko7 ko7

KOOO77 KO7 Ko7

KOOOOOOOOOOOOOOOOOOOOOOOOO777OOOOOOOOOOOOOO

KOOO7 Koo7

**ديابلوس** · 01-08-2005, 08:18 AM

السلام عليكم

مشكورين على الردود ...

و هذي شوية خرابيط

**88_Shadow** · 01-08-2005, 08:28 AM

رسوماتك واايد حلوه

اسلوبك عجيب

واايد حلو

و اكثر شي عيبني الي عينه حمره

عضو قديم

welcome back

أول مرة اشوف الجاليري

الحين بشوفه من الأول

ما ادري متى بخلص

**tootaa18** · 01-08-2005, 03:37 PM

رسمة البنت روووووووووووووووووووعة

ماشالله عليك أخوي ديابلوس ^^

**ديابلوس** · 28-11-2014, 04:40 PM

يدخل الجاليري بتاعه

يجيب مكنسة

ينظف المكان

ويجيب طاولة

وكرسي

ويقول ( السلام عليكم ... هنا ديابلوس يرحب بكم من جديد ... طبعا معظمكم ما يعرفني . انا عضو منقرض من شلة الاعضاء الأحافير خخخ دخلت على المنتدى عشان اتفقد الاوضاع واستعيد الذكريات ... وعشانكم راح اضيف كم صورة .. استمتعوا )

يقوم من على الكرسي ويطلع من الجاليري بتاعه خخخخخخ