أسباب تحريم البوكيمون

[RPGgirl]

اختي اللعبة الها علاقة لانه قصة المسلسل هي قصة اللعبة Pokemon yellow

[Rex]

وطبعا التحريم أساسا عشان الأطفال!!
لأن البوكيمون بشكل عام يستهوي الأطفال بقوة ويؤثر فيهم بشكل غير عادي!!!

أما حالة الشذوذ الجنسي فهي حقيقة حية!!!!!!

ولكن ...
معظم الحالات وهي لعوامل نفسية وسوء تربية للأسف !! ...


...

[Gatts]

هلا بأخواني Rassam و شاهين

شككت إن ردودكم بخصوص الزنى و السرقه حتكون بهذا الشكل


إسمعوا يا أعزائي

إن للزنى و السرقه أشكال عظيمه وكثيرةٌ جداً و لكن القران أتى بتحريمهم

بشكل عام فهذا ما يسمى في الفقه الإسلامي بالإطار العام

وله فروع والفروع تركت لجتهاد العلماء

لا أريد أن أتكلم على الزنى فأنا أشمئز من الكتابت عنها

ولكن سأذكر بعض أشكاله : مثل زنى النظر و زنى اليد وغيره

و السرقه : مثل سرقة الحقوق الفكريه و السرقات الإلكترونيه مثل ما في البنوك من الحسابات الإلكترونيه

فهذه الأشكال تركت للعلماء كي يجتهدوا فيها

المثال الأوضح الربا حيث قال تعالى ( وحرم الربا )
هذا هو الإطار العام أما أشكاله وفروعه التي دبت في العهد الحديث
تركت لإجتهاد العلماء


ففي هذه الأيام الزنى والربا والسرقه وغيرها كثير تأخذ أحكامها من إجتهاد

العلماء

فالذلك شبهة حكم البوكيمون بأحكام الزنى و السرقه فكلها من إجتهاد

علماء الأمه الأفاضل

وأسف إذا أطلت بالكلام

[ortiga]

يا أخ قاتس
مسلسل بيرسيك نظيف ولا فيه شي؟؟؟
في هذا الإطار تقدر تقيس على أشياء كثيرة..

[zamby2002]

مشكور شاهين

أنا الصراحه أكتسبت معلومات حلوه من موضوعك
وياليت تستمر باخراج مواضيع نقاشية شيقه مثل هذي وخصوصاً من الواقع العام ولكن إن قدرت حاول ماتكون في المواضيع شي له صلة بالدين حتى مانقط ونحط ونغلط ونزيد و000وو0000و000الخ

وشكراً مره أخرى:-)

[orange road]

لما قالوا ان البوكيمون حرام ما اقتنعت بهالشي...

ولما قالوا انه حرام علشان الاسامي اللي فيه...
بصراحة هالموضوع وايد ضايقني...
لان هالكلام ماله اساس من الصحة.. والقهر ان الكل قعد يردد الاسامي ومعانيها بدون تفكير...

بصراحة في ذيكي الفترة اللي الدنيا كلها كانت تتكلم عن البوكيمون حسيت الموضوع سخيف وايد...
يعني في قضايا اهم من جذي..
والكل سهى عنها واتجه للبوكيمون...

[wildkitty]

كلامك 100 % عاجبني واشوفه مضبوط يا اورنج روود

[ODIN]

تدرين يا اورانج رود مين الغلطان بذيك السالفه ؟


انت !

ايه الانسان نفسه

مادامك تسمعني كلام الناس وبدون ما تتأكدين منه .. فالشيوخ والعلماء مالهم دخل بالي تفهمونه ..

الانسان اذا شك بشيئ او سمع عن تحريم شيئ ..
يروح يسأل الشيوخ والعلماء حتى يتأكد !!

واتحدى اي عالم او شيخ يقول ان البوكيمون حرام عشان المعاني ! لان المعاني غلط × غلط مثل ما انتوا عارفين ..

والله انتبهوا من هؤلاء الناس الي ينقلون كلام خاطئ عن المشايخ ..


اسمعوا كلام الناس /


تصدقون ما بقى شيئ ما حرموه ! حتى البوكيمون حق الاطفال هذا حرموه !!===> هذا كلام الناس المبتعدين عن دور العلم ويحبون تنقل الكلام والقدح بالعلماء ..


يكفي ان المشايخ لما سمعوا عن اشاعة المعاني بنفسهم راحوا تأكدوا وطلعت غلط .!!

لكن شافوا البوكيمون بصفه عامه .. وانتوا ادرى بها كما وضحها اخونا شاهين .. لذلك حرموه ..


بس والله اني انقهر من هذول الناس الي ينقلون الكلام الفاضي عن المشايخ ..


وشكرا

[ortiga]

أودين
أنت تتكلم عن شيوخ تعرفهم بالتحديد؟؟
والا عن هيئة الافتاء؟؟
طيب أنت شفت ورقة الفتوى اللي صدرت من هيئة الإفتاء؟؟

[RSSAM]

هاي شباب

انا الصراحه ما اعتبر البوكيمون حرام


وان البوكيمون حاله حال غيره من المسلسلات الكرتونيه

ليش ما قلو مازنجر حرام مو في ناس يبون يقزون الارض من الكواكب الاخرى وليش ما قالو حرام حق المسلسلات الثانيه الي الحيوانات تتكلم


تبون الصراحه هذول ناس فاضيين وما عندهم سالفه قالو خندور سالفه يديده شافو البكومون اليهال متعليقين فيه قالو خل نخرب عليهم الانه شنو من عمل اسرائيل

يمعود الدول العربيه متروسه من المطاعم الغير عربيه
واسف اذا دشيت في متهاهات
طلعوا نفسكم الحين منها ;-)

[ODIN]

شفوتوا كيف ؟ هذا اقرب مثال حي ..

شوفوا وش يقول اخونا الله يهديه ..

تبون الصراحه هذول ناس فاضيين وما عندهم سالفه قالو خندور سالفه يديده شافو البكومون اليهال متعليقين فيه قالو خل نخرب عليهم الانه شنو من عمل اسرائيل

من الفاضين ؟ مشايخك فاضين ؟ على الاقل مافي ذرة احترام ؟ فاضيين مرة وحده ؟

وش رايك يا صاحب الموضوع ويا مراقب المنتدى وراعيه .. يا اخوي شاهين ؟ وش رايك بالكلام هذا ينقال بمنتداك ؟

[RPGgirl]

يا أخ أودن لازم ما تقول شي اصلا من القهر والتخلف اللي يمر بيه العرب عن سالفة البوكيمون الانسان يقول اي شي وبعدين الاخ قال راي شخصي لانه الصراحة عنده حق مافي اي سبب منطقي للتحريم

[RSSAM]

اوكي خلاص لا تدخلونا في متاهات




اوكي انا ما راح اطولها

اذكرك واقول هذا رأيي

;-)

[Gatts]

يا rassam

ترى لحم العلماء ســــــــــــــــام

إي بغيبتك لهم ...... لن تأكل لحم بشر عادي

بل لحم سام يؤدي إلى موتك ................ هل تعرف ما أقصد جيداً


إن غيبتهم أو سبهم يترتب عليه ذنب عظيم قد يؤدي

إلى دخول النار ...... هكذا أوّل المفسرين هذا التشبيه

لأن أكل السم فيه إحتمالية الموت أكثر من إحتمالية العيش

أظن كلامـــــــــــــــــــي ولا أوضح

[ODIN]

رسام ما كنت بحرر ردك لولا ان شاهين صاحب الموضوع تأخر بتحريره ..

ياخي اتقي الله .. ههه على الاقل يا ناس صيروا احسن من المسيحيين !

والله على الاقل صيروا احسن منهم ..!!

المسيح النصارى عندهم بدينهم شيئ اسمه احترام الاديان الاخرى!!

بغض النظر عن فسادهم لكن موجود بدينهم احترام الاديان الاخرى !

والله عيب مسلمين صاروا نفسهم يهزأون بالمشايخ .. والي والله انكم تتشرفون ان تكونون تحت ظلهم .

والله لو لا الله ثم اهل العلم كان انخسفت فينا الارض بسبب الفساد الي فينا والشعب العربي المسلم ..!!

-----------
ويا اخت RPGgirl .. خلاص براحتك ما دام مب مقتنعه بفتواى المشايخ الي عندنا خلاص روحي ابحثي عن دين آخر يحلل البوكيمون ...


لا تزعلين ..! المسلم ليش اسمه مسلم ؟

لانه سلم نفسه لدينه الاسلام .. ويقبل بأي شيئ يصدر منه من فتوى وتحريم ..


----

على الاقل على الاقل .. حتى لو انك مب مقتنع من مشايخنا وفيك شك بالدين .. استرجل واخشوشن واترك سوالف الاطفال والبوكيمون ...


-----------------

كلمه اخيره ..

اتمنى لحد يزعل مني لاني صريح بقوة ..

[RPGgirl]

شوف يا اخ اودين انا احترمتك عشانك مراقب بس الحين لا انت تهيني وتشكك اني مسلمة انا مسلمة واكثر منك انزين وما اسمح لاي انسان يمسني وخصة بالدين لاتكون تعتقد انك مراقب تقدر تقول اللي تبيه؟وبعدين لعلمك مو كل المشايخ افتوا كم واحد منهم وبعدين هم شدراهم بالانيمي ها؟ولو حرموه على قولتك عيل ليش الدول الاسلامية لين الحين تبيع منتجاته مو للمصلحة؟لو سمحت لما تحب ترد على الناس ياريت يكون فيه شوي احترام انزين

[RSSAM]

السلام عليكم

انتو من صجكم تبون تكبرون هالسالفه ?:

ترى احب اقولك يا اخGattsاني ما قعدت احش في احد وهذا كلامي واضح وصريح وبعدين ما ادري ليش يا اخ ODIN تبي تكبر السالفه وتكفرنا علشان رسوم متحركه و احب اقولك اني مسلم ماني مسيحي بعدين مو بحقق تنزل من شأن المسيح اذا انت مسلم وتعرف الدين عدل
الرسول كان ياخذ ويعطي معاهم ويتكلم معاهم في امور مهمه


وبعدين تقولي اسير ريال واوخر على هالسوالف مو :غضب: يا اخي بدام اهي سوالف يهال علا قولتك ليش قاعد تتكلم ومعصب روحك


واسف اذا عصبت اشوي من الردود الحلوه منكم
وعلا قولت المثل الي يطق الباب يسمع الجواب

واذكرك بعد مره هذا كان رأي الخاص


مع احترامي لك شاهين

[ODIN]

انا كفرت ؟ اعوذ بالله ان اكون هكذا ..

لكن انا مب مسؤل يا اخت ار بي جي جيلر بالفهم الخاطئ الي انت تفهمينه ...


كل الي قلته .. الي مب عاجبه شرائع ديننا الحنيف وفتاوي علماءه .. بأمكانه تغيير دينه مادامه ما عجبه هذا الدين !!! وعند اله الحساب ..

هذا اختصار وتوضيح اكثر للذي ما فهم كلامي ...

طيب الى الان مصره اني اكفر ؟

ويا اخي رسام .. الله يهدينا وياك ويصلحنا وما ابغى الا دعواتك .. واتمنى انك تبحث بالامر اكثر ...

وشكرا ..

[shaheen]

أخواني وأخواتي... انا غير راض على ما يحدث الان...
انا حطيت هالموضوع مو لسوء الفهم بل للتعرف على افكاري وآرائي عن البوكيمون.... ومنها استنتاجات فهمتها من تجربتي الخاصة.... قد يفهمها البعض بالخطأ وذلك لكتابتي المتواضعة وقدرتي البسيطة في ايصال الفكرة

المهم.. بلا ردود عن التكفير ولا شئ... عندك شئ عن البوكيمون تفضل قوله ونتناقش فيه واقولكم رأيي فيه .. اما التكلم عن بعض فهذا خطأ فالانسان الخلوق يتكلم عن نفسه على كيفه سواء خير او شر.... اما عن الناس الاخرين فيتكلم عنهم بما فيهم من خير وصفات جميلة (بيني وبينكم هكذا اعلم طلابي) ... (رغم شقاوتهم)... على فكرة انا اعاملكم كأخوان ولستم تلاميذ ههههههه.
نرجع لموضوعنا... كل واحد له رأيه الخاص ولكن ماأريد ان نتناقش فيه هو...
هل رأيتم في البوكيمون شئ غريب احسستم انه يشتم ديننا او يتعلق موضوع مهم ... لنتناقش عنه... قد يقول البعض هناك مسلسلات واشياء اخرى فيها مضار وانا اقول له عنوان موضوعنا عن البوكيمون فلا تشتتوا تفكيركم

والله يعينا على القادم والله يهدي من يشاء.

[zamby2002]

أنا الصراحه سمعت من رفيجتي أنها دخلت موقع للبوكيمون خبركم على أول أيامه الكل متولع فيه فانصدمت لما شافت صور حق بيكاتشو يتحرش فيها جنسياً مع ميستي :واو:

شالسخافه (الصراحه ماعندهم سالفه) ومن ذاك اليوم طاحوا من عينها