المشاركة الأصلية كتبت بواسطة Q8_DeVil
السلام عليكم ورحمة الله وبركاته
الكل طبعا يدري ان الوي نزلته تطويرة او بالاحرى modchip قبل شهرين تقريبا
وانا طورت جهازي اول شي بقطعة اسمها wiinja والصراحة كانت فيها عيوب كثيرة اولها انها تعلق فيه بعض الالعاب بأماكن معينة بس والحق ينقال ما سوتلي ولا مشكلة بالجهاز او بالعدسة ( كان صايرلي شهر ونص عليها )
بس قبل كم يوم رحت الرحاب وطبعا كانت نازلة وسعرها ناااار ( 40 دينار @_@ )
بس رحت حق الورشة الي طورت فيها جهازي ( طبعا وقتها انا كنت يايب القطعة واهم ركبوها )
قتله إذا عنده تطويرة وقال ان عنده قتله بجم
باللحظة فاجأني وقالي
15 دينار
قتله اكيد القطعة زينة
قالي جربها إذا ما نفعت رجعها ولا تدفعلي شي
حطاها وخذيت الجهاز معاي البيت على شان التطويرة
اول شي سويته جربت الالعاب الي عندي:-
أولا : الكوبي
الكل هامه الكوبي وهل فيه مشاكل وياثر على العدسة او البورد
طبعا الكوبي ينقسم لنوعيتين اولهم
A- كوبي region نفسه
يعني تشغل العاب امريكية على جهاز امريكي :-
كانت عندي مجموعة العاب منهم
red steel
ssx blur
excite truck
trauma center
sonic and the secrets ring
وكلهم شغالين 100% بدون مشاكل تذكر
B- كوبي من ريجين ثاني
كانت عندي مجموعة العاب يابانية مثل
naruto
sd gundam
bleach
eyeshield
للأسف اهم لعبة فيهم واهيا طبعا ناروتو ما تشتغل وبعد البحث بالانترنت تأكدت انها ما فيه طريقة تشتغل على جهاز امريكي ( حتى لو غيرت التطويرة )
بس الالعاب الثانية كانت شغالة 100% بدون مشاكل
وجربت لعبة اوروبية بس ما اشتغلت معاي وقريت بموقع ان الالعاب اليابانية تشتغل على الجهاز الامريكية مع المودشيب لأنهم يعتبرون من نفس ال(region ( ntscU - ntscJ
ثانيا- الالعاب الاصلية من region ثاني :-
الكثير من الناس ما يبون الكوبي لأنهم يخافون انه يأثر على جهازهم ويسوي مشاكل
بس يبون يلعبون العاب يابانية او اوروبية
طبعا انا صارتلي مشكلة بما اني ما املك لعبة يابانية اصلية فاظطريت اتصل على اصدقائي الي عندهم wii واحد واحد حتى لقيت واحد وكان عنده bleach و naruto
جربت naruto وللاسف ما اشتغلت وجربت bleach واشتغلت 100%
ثالثا : انطباعاتي عن الmodchip
الصراحة القطعة كانت ممتازة وافضل من الي توقعته خاصة انه تشغل الاصلي من region ياباني لأن فيه ناس ما يحبون الكوبي بس يبون يشغلون الالعاب اليابانية واظن ان هذا افضل حل لهم
وصارلي الحين اسبوع اجرب على جهازي قلت قبل لا اكتب الموضوع اشوف إذا صارت فيه خرابات ولا شي من الكوبي والصراحة للحين صار فيه شي من القطعة وشغالة 100%
وطبعا سعر القطعة كان ممتاز جدا وما توقعت اني اشوفه بدولة خليجية ( سعر اول قطعة كانت عندي كلفتني 17 دينار ) =_=
وعن المكان الي طورت فيها جهازي اسمها ( جون الكويت ) ودربالكم ترا فيه محلات تنصب وموصلة القطعة 40 دينار
والي يبي يستفسر
يكتب رد بالموضوع
see ya