الننتندو الجيم كيوب أم بلايستيشن2

[wzzany]

لأن المنتد الننتندو متروس من هل مواضيع
و ثانيا من قال أنه حق أطفال
راح ينزل ميشن امباسيبل على الكيوب فقط

[Perfect Chaos]

مين يبي ميشن امبوسيبل اذا كان عنده ميتال جير ؟!

[NEvER^Die]

ما شاء الله ميشين امبوسيبل راح ينزل ........... حبيبي انا اتكلم عن اختصاص الشركة .... شنو اختصاصها ..... ماريو وشلته ( يوشي وبانجو و بوكيمون ... الخ ) يعني شخصيات اطفال ...... شتبيني اسوي فيهم هذول ... اشتري جهاز علشان هالاشكال ... ما يصير ..... وبعدين الكيوب اصلا فيه عيب كبير جدا .. مافي دي في دي .... وانا سمعت انه ما تقدر تنسخ اشرطته .... شرايك

[MKB]

بسم الله الرحمن الرحيم

مين قال انه جهاز النتندو للصغار أول شيء زي ماقال الأخ انه لعبة مشنن بسبول2 راح تنزل حصرياً على الجيم كيوب ولعبة رزتن إفيل زيرو راح تنزل كمان حصريا فهل رزتن إفيل للصغار!!!!!!!!!!!!! وترى نيتندو خبرتها أكبر من سوني بكثير في مجال الألعاب وهي غلطت غلط واحد وهو انها نزلت النتندو64 كارتج مو سي دي وألي يقول انه الكيوب مافيه دي في دي كيف تقول انه اشرطته غالية وماتتنسخ طيب يعني الدي في دي رخيص؟؟؟؟؟؟؟؟؟ ونتندو تركز على الألعاب مو على الدي في دي ..وقريبا في معرض E3 نشوف إش بتسوي نتندو............ وسلامي.

[E:man]

اخوي MKB الشباب يتكلمون عن تخصص الشركه المصنعه مو الالعاب الي راح تنزل على الجهاز اما السوني فلها العاب قليله لكنها للراشدين وهذا فرق من ناحية الالعاب ومن ناحية الخبره سوني عندها خبره اكبر بمجال الاجهزه الالكترونيه اكثر من ننتندو يعني خبرة سوني اشمل واعم وتعرف ايش السوق وش يبغى وايش يحتاج اما ننتندو شفت الغلطه الي خلتها تخسر في نتندو 64 انها ما نزلته على اسطوانات شفت غلطه وحده ضيعت الجهاز لان الشركه ما هي فاهمه السوق للاسف ولا ما احد يقدر يغلط على العاب الشركه الا من ناحية انها العاب مخصصه للاطفال وهذا مجالها

[ksa.boy]

صدق شويس بريك مين يبغى ميشن إمبسبل وعنده متل جير2 و أزيدك من الشعر بيت إن مشن إمسبل بينزل بالبلاي ستيشن أما متل جير ما راح
ينزل بالجيم كيوب

[ksa.boy]

تبي زيادة

[ksa.boy]

ما إقتنعت خذ

[MKB]

ثلاث ردود في وقت واحد صحيح انها لعبة خطيرة جدا بس برضو الكيوب افضل في أعتقادي سوني2 ماحقق الضجة الكبيرة الي كنى متظرينها كلها ولاكن الكيوب لسة ماطلع ولمن يطلع نقارن واعتقد ان الكيوب هو المحطم

[ksa.boy]

أخر صورة إذا كانك ما إقتنعت فيلم عن:
ــــــــــــــــــــــــــــــــــــــــــــــــــــــــــــ
متل جير 2:http://www.gamespot.com/misc/media/m...ps2%5Fvp%2Empg
ــــــــــــــــــــــــــــــــــــــــــــــــــــــــــــ
دفل ماي كراي:http://www.gamespot.com/promos/demoa...review1_wm.zip
ــــــــــــــــــــــــــــــــــــــــــــــــــــــــــــ
فاينل فانتسي 10:http://www.gamespot.com/live/streame...asy+X+Movie+11

[DEADMAN2]

أهلا
أنا في رأيي البلاي ستيشن هو الأفضل لأنه زيما قالوا النتيندو للصغار أكثر من الكبار
أما البلاي ستيشن في له ألعاب حلوة مثل ميتل جير 2 وغيرها
والنتينتدو لو ما البوكيمون لو كانت في طي النسيان
(والله كلامك يذكرني بكلام واحد صاحبي)
مع احترامي لك ولرأيك
هــــاني أبو الهواني

[(Jumaa)]

أنا أضم صوتي إلى صوت Never Die ، ولكن في نفس الوقت لا أستطيع أن أحكم لأن كلُ شخص و له ميوله الخاص. مع أحترامي للجميع.