اذا كنت مع تحريم البوكيمون او ضده ارجو ان تدخل وتقرا الموضوع وتقول رايك

[R.B.G]

يعني امنعو البوكيمون واطفالنا بيصيرون خوش اطفال ؟؟؟
لا يا حبيبي هذا يعتمد على التربيه شلون صايره في البيت .

ولمعلوماتك : 1- البوكيمون ظهر ونتشر في اليابان في عام 1989م
2- انتشر في امريكا في عام 1991م
3- ظهر في الدول العربيه ( دول الخليج بالخصوص ) عام 1996م
بس انتشر اكثر واكثر بعد عرض الفلم الكرتوني له قبل سنه بالتحديد .

ملاحظه : اخر فلم لمؤسسة ديزني ( وهو فلم موجه للطفال ) يتكلم عن علم الغيب وكيف انه في ناس تعلم الغيب وتعرف ايش راح يصيرلها هذا غير باقي القذارات اللي في الفلم وهو معروض في كل دول الخليج تقريبا وفي كل الدول اعربيه واسم الفلم ( ذي كيد ).
....................... (( وينك يا فتي البوكيمون ))

[R.B.G]

من قالك يا اخ طلال انه شركات القمار تعترف بمقامرتها ؟؟
للاسف هم يدخلون علينا من باب الثقافه ( واللي هي شبه معدومه عدنا ) ويبدون يقامرن معاك على اساس سؤال وجواب اذا جاوبة تستمر واذا خسرة تخسر كل اللي ربحته .
هذا غير الشركات اللي تتعامل معاك عن طريق خط الهاتف واللي الله اعلم كم تكالف المكالمه والحده لهم .

[TALAL X]

بس أي واحد عنده شوية عقل يقدر يعرف أن هذا قمار

[THE HURRICANE]

هذيلي مشايخ مايصدرون الفتوه الا بعد دراسه من جميع النواحي وانا معهم:غضب: :غضب: :غضب:

[R.B.G]

الظاهر ( والله اعلم ) ماضل حد عنده شوية العقل اللي تتكلم عنها .

[Terry Bogard]

طيب أخوي أر بي جي ........ عندي لك نصيحة علشان تلقى الجواب الشافي لك بإذن الله ......... هل أنت جاد في الموضوع ؟ لا بصراحة ؟ .....طيب عندك استعداد أنك تسوي اللي بقوله لك علشان تعرف الإجابة ؟ ....... طيب ........
أنا أشوف انك جاد في الموضوع ، لا تخيب ظني !!! طيب ..... طبعا ما فيه أحد بيقدر يجاوبك عن أسئلتك هذه الا اللي أنت تسأل عنهم !!! ...... الشيخ المنيع طول الله بعمره ، كل يوم أحد موجود على الهواء في القناة الأولى ، في التلفزيون السعودي ، و هو من أكبر العلماء و المشايخ في المملكة و أكبر مفتيها ، ليش ما تطرح تساؤلك عليه اذا كنت جاد ؟ هذه هي أفضل طريقة ، و أكيد أنك بتظب سؤال محترم ، و تسأل الشيخ ، و أكيد هو راح يجاوبك بالإجابة الشافية و اللي ترد على جميع أسئلتك ، اذا كان هو بيوافقك ، أو يوضح لك بعض الأشياء اللي يمكن ما كانت واضحة بالنسبة لك !!! ............
أرجو أنك تأحذ كلامي على محمل الجد ........ و أرجو لك التوفيق ... و للجميع .................. و آسف على الإطالة ........

[R.B.G]

والله يا اخ (تراي بوجارد ) وعفوا اذا كان اسمك غلط .
والله اني جاد ولو انته تدش منتديات ثانيه راح تلقى مواضيعي ماليه المنتديات بهالخصوص واشكرك انك وفرتلي حلقة وصل اقدر اتواصل فيها مع المعنيين .

بس انا للحين مستغرب وسال نفسي : هل البوكيمون لهدرجه خطر على الامه العربيه لتصدر فتوى تخصه بالتحريم دون اي شي ثاني غيره !!!!!!؟؟؟؟

[خالد2001]

اخ RBG بمااتك تسأل نفسك ..هل البوكيمون خطر على الامة لهالدرجة ..فمن الافضل انك تكون مع من هم اعلم منك ومني والذين وصفهم النبي صلى الله عليه وسلم بقوله (العلماء ورثة الانبياء)...
فعليك يااخي بالجماعة فإن يد الله مع الجماعة

[R.B.G]

كمان الله عطانا عقل نفكر فيه ........... البوكيمون خطر اوكي بس مو لهدرجه يا جماعة الخير .
بقوللكم قصه والله انها صارة لاختي الصغيره خلتها ترجع من المدرسه على البيت في منتها الحيره اسمعو الحكايه : ( في المدرسه وفي نهاية حصة مادة العربي قامة مدرسة الماده وعطتهم واجب وقالتلهم ابيكم تحلون الواجب وتصيرون شطار واذكياء مثل البوكيمون وفعلن رجعت اختي الصغيره على البيت وراحت وحلت الواجب وفاليوم الثاني وفي حصة العربي حبت مدرسة الماده تكافيء اللي حل والواجب قامت حطتلهم طوابع بوكي مون في دفاترهم وكانت اختي جدا مبسوطه بالطابع وبعد ما انته حصة العربي طلعت المدرسه وجات مدرسة مادة حصة الدين وشافت الطوابع على كراس مادة العربي قات ثارة وارغة وازبدة وهددتهم وقطعت الجزء اللي فيه الصوره مالت البوكيمون وماكتفت بهالشي بل وطلعت المنشورات اللي عندها وقامت تقول كل اسم بوكي مون ومعناه ( المزعوم ) خلت الاطفال في حالة ذهول ( وين الصح ووين الغلط ) بالاضافه الى الكلمات اللي الصقتها في اذنهم على اساس انها معاني لاسماء البوكيمون مثل ( اعبد القمر - لادين في الحياة - لاعذاب في الحياة .....الخ الخ الخ ) يعني هي تاكدة انه هالمعاني صحيحه او ماحاولت تعرف مصدر المنشورات ( للحين محد يعرف مصدرها ) ؟؟؟؟؟
بعد فتره اكتشفو انه اسامي البوكيمون مالها معنى من اصله لا بالعبري ولا بالعربي ولا بالياباني حتى ونحن ويش ستفدنا من بعد هذا كله غير تعليم اطفالنا اشياء كنا في غنا عنها .
والله لو كنا مخلين الاطفال يلعبون بالبوكيمون احسن الف مره من اللي تعلموه بعد بعد هالبلبله كلها .
يعني خلاص طلعت الفتوى ونتشرت وشلكم تالفون منشورات من عدكم وتعلمونها للاطفال والله العظيم انه الاطفال لليوم يرددون هالالفاظ القذره اللي في المنشورات والمصيبه انها تاليف في تاليف يعني مو صحيحه .

[خالد2001]

بالنسبة يااخي للمنشورات عن معاني البوكيمون فانا لا اعرف مصدرها ولاادري صدقها من كذبها لذلك لن اتكلم عنها لحصول اللبس لدي ....

بالنسبة لمكافأة الطالبة بطوابع بوكيمون وتشبيه ذكائها بذكاء البوكيمون ..هذا عبارة عن الواجهة البيضاء للبوكيمون ..اما مابدخله من سموم فهي كثيرة انا ابحطلك موقفين سمعتها من ثقات..وسبق اني حطيتهن لكن لابئس باعادتهن للفائدة ..

الموقف الاول :

اثنت مدرسة على تلميذتها لاجابتها الجيدة في الاختبار ..وسئلتها ماسر هذا التفوق ..قالت التلميذة وبكل ثقةطبعا علشان معي بوكيمون) اي تقصد ملصق او كرت بوكيمون..

الموقف الثاني :

رآى شيخ مجموعة من الاولاد يلعبون بكروت البوكيمون عند باب المسجد وسئلهم ماذا تلعبون ..قالو وبكل وقاحة : نحن نلعب قمار ...



يااخي انظر في الموقف الاول كيف اصبح البوكيمون هو المتسبب بالنجاح ...اي انها تصرف شيء من العبادة لغير الله وبشكل لاارادي ..اي شرك علني والمسكينة لاتدري ..

وفي الموقف الثاني ..متى صار الاولاد يعرفون القمار .لم نسمع بطفل يلعب القمار او يدري ماهو الا بعد ان ظهر البوكيمون ..ولاتقل لي ان هذه مواقف شاذة ..فاللعب بكروت البوكيمون موجود في كل مكان ولن يقف الا اذا انتزع هذا المرض من جذوره...

[R.B.G]

يا حبيبي حال البوكيمون بالنسبه للاطفال كحال اي دميه ثانيه ( متعلق فيها وهو صغير فقط ) وهني يجي دور الاسره في توجيه الاطفال بكيفية اللعب بالبوكيمون ( انا ما اتكلم عن الكروت ) يعني التوجيه التربوي من قبل المدرسه والاسره له فعل السحر على الاطفال اما المنع والتحريم ( كذا فجاه ) والنهر كل ما شافو طفل يلعب بهالبوكيمون يخلي الطفل يتعلق فيه اكثر ويلعب فيه بالسر ومن ورا اهله ويخلي اللي ماجرب يلعب فيه يروح يجرب ( تحت مبدء كل ممنوع مرغوب ) خصوصا عند الاطفال .
ثانيا حكاية الشيخ اللي يروح عند المسجد ويشوف الاطفال يلعبون بكروت البوكي هني انا ابا اسالك سؤال : من وين عرف الاطفال كلمة ( قمار ) هل جاء البوكيمون وقاللهم هذي اللعبه اسمها قمار !!!!!!
روحو دورو على اللي علمهم هذي الكلمه .

[خالد2001]

اخي العزيز اي شيء يعطى للاطفال بالصغر له تأثير كبير على شخصيتهم عندما الكبر ...

قال صلى الله عليه وسلم (كل مولود يولد على الفطرة فأبواه يهودانه او ينصرانه او يمجسانه.) اوكما قال

فيااخي اخطر مرحلة في حياة الانسان هي الطفولة من ناحية تلقين المبادء والقيم وحتى الشعائر الدينية ...

يااخي لا تنجرف وراء مااشتبه عليك ..مع انه واضح عند من هداه الله ...قال صلى الله عليه وسلم (فمن وقع في الشبهات قفد وقع في الحرام) فاذا كنت لا ترى انه محرم او لك لبس في ذلك فانظر الى حديث المصطفى...واعتبر واياك اياك ان تجر غيرك الى ما تنكره او ماتستنكره ..فقد تاثم لاثمه قال صلى الله عليه وسلم

(من عمل حسنة فله اجرها واجر من عمل بها لاينقص من اجورهم شيء ..ومن عمل سيئة فله وزرها ووزر من عمل بها لاينقص من اوزارهم شيء )...

فعليك بالصنف الاول وترك الصنف الثاني لانك قد تحمل وزر امه لاسمح الله ...

نقطة اخيره ..تسأل من علم الاطفال كلمة قمار ..هل هو البوكيمون؟؟

طبعا لا ...لكن اذا كان معك الزيت ستجد في الطريق من يشعل لك النار ..وهم كثر والعياذ بالله ..(هل فهمت قصدي ام تريد توضيح اكثر)

[R.B.G]

انته يا اخ رونالدو فاهمني غلط وقاعد تعطيني دروس في الدين من الصبح !!!!
انا يالخو مو ضد تحريم البوكيمون ( وقلت هالكلام كثير قبل ) لكن اذا نحن حرمنا اشياء وتركنا اشياء اكبر منها تشر الفساد فانا ضد هالشي غير عادل .

واللي يسلمك يا رونالدو ابيك تقول الصدق (( هل البوكيمون اكبر خطر يهدد الاطفال ؟؟؟))
جاوبني بكل صدق .

[خالد2001]

يااخي انت بطريقتك هذه كأنك تقول بمان هناك اشياء اخطر من البوكيمون لابد ان نحاربها قبل ان نحارب البوكيمون او بمعني اخر كانك تقول وش معنى حرمو البوكيمون وتركو الي اخطر منه...

بالنسبة لاجابة سؤلك هل البوكيمون اكبر خطر يهدد الاطفال..

الاخطار كثيرة جدا وعلينا ان نسعى لابعدها عن طريقهم باقصى طاقتنا ..قد يكون البوكيمون اخطرها او لا يكون الله اعلم. لكن كلما اكتشفنا الخطر حاولنا ابعادة بشتى الوسائل ...قال صلى الله عليه وسلم ( من رآى منكرا فليغيره بيده فإن لم يستطع فبلسانه فإن لم يستطع فبقلبه .وذلك اضعف الايمان)

فعلينا ان لانستهين بشيء ..البوكيمون عرفنا خطره فعلينا بعد ذلك محاربته لاتركه يعبث برؤس الاطفال وربما الكبار ...

لاحظ ان البوكيمون دب بسرعة كبيرة واستغل استغلال سيء جدا ..وهو لم يوضع الا لذلك..فلا تحسن النية من شيء يأتيك من كافر ملحد ومن يعلم قد تكون ايد خفيه وراء ذلك فلسنا بحاجة ان نخاطر بالاطفال من اجل تسلية نستطيع استبدالها باي شيء اكثر فائدة ..

وهناك مسلسلات كرتونية دينية ..مثل محمد الفاتح والاشبال وغيرها كثير ..تفيد الاطفال عندما يكبرون لا تمزق كيانهم الديني..كما يفعل البوكيمون ...

[brhoom]

نعم و نعم ونعم للبوكيمون

و اؤيد كلام ميتاليكا مليون بالمية