خبر لسكان ابوظبي وضواحيها

[osama k]

السلام عليكم
الى الأمل 13
ليش بعد اذنك ما تحطين الموضوع هذا في المنتدى اللي تعرفينه علشان الفايده تعم الجميع وإذا فيه واحد راح يستفيد فخير وبركه
أخوكم
أسامه

[alamal13]

عمران وسواسك طلع صح للأسف:" :"

انا آسفه يا أخوان الظاهر فعلا ما في شيء خير يجي من وراء الأمارات للأعلام....والله العظيم ترجيت الموظف ولكن قال انهم ما ينقلون كرتون .


والله مالي وجه اطالعكم بس انا آسفه للمرة المليون انا حاولت بس للأسف....ادري اني خيبت ظن الكثيرين منكم وانا اولكم والله بس شو اقول منهم لله اللي كسروا خاطري بهالطريقة:" :" :"

[Xellos]

الرسالة الأصلية كتبت بواسطة alamal13
عمران وسواسك طلع صح للأسف:" :"

انا آسفه يا أخوان الظاهر فعلا ما في شيء خير يجي من وراء الأمارات للأعلام....والله العظيم ترجيت الموظف ولكن قال انهم ما ينقلون كرتون .


والله مالي وجه اطالعكم بس انا آسفه للمرة المليون انا حاولت بس للأسف....ادري اني خيبت ظن الكثيرين منكم وانا اولكم والله بس شو اقول منهم لله اللي كسروا خاطري بهالطريقة:" :" :"

:" :" :" :" تــــــلاشت أحلامـــــــــي :" :" :" :"

[عمران]

عادي يا امل ...
اصلا هذا شي متوقع وانا ما كنت حاط امال كبيرة ...

يعني ما حسيت بخيبة امل كبيرة ... بالعكس ... تقبلتها بروح رياضية ...

لكن انا سمعت ان قطر مازال فيها محلات تبيع انيمي قديم ( يمكن نسخ يعني ) ...

وانا بما ان والدتي قطرية يمكن بعد ما افتك من الجامعة النحسة - الله لا يبارك فيها - اروح هناك - اونه ازور اخوالي - وابلع الانيمي مالهم مثل الحوت ... وساعتها فالكم طيب يا شباب ... اللي يبى حاضرين ...

بس ادعولي اتخرج بسرعة ( متوقع اتخرج - ان شاء الله - هذي السنة ) ...
ويا شدوبوي خلك متشبث بالامل ... في مليون طريقة - ان شاء الله - ان نحصل انيمي قديم ...

وعلى فكرة يا امل هذا الموظف يخورط على ما اعتقد ... اعتقد هو يقصد انه ما عندج واسطة علشان يعطيج كارتون - حتى الانيمي صار بالواسطة - ...

[alamal13]

والله انك صادق يا عمران انا ابوي لما كان مدير عندهم كان كل شيء نريده يجبولنا اياه بنفس اليوم....الحمدلله انه طلع من عندهم والله يوفقك ان شاء الله وتتخرج قريب.

[hagi_mosa]

موقع arabic movies
باين عليه عربي

التحويل يماثل الدينار الكويتي
و الشركاء اغلبهم من الكويت

[RIKKU]

انا اعرف محل في البريمي اذا تعرفونها ( بجانب مدينة العين ) اسمه (الدانات ) يبيع افلام انيمي جديمه و يديده أنا شارية من جم يوم سانشيروا و خماسي وجونكرر ..
وعنده ليدي اوسكار يمكن مش عربي اعتقد فرنسي ..

[عمران]

اختي ريكو ... الدانات اللي في البريمي اعرفه واتعامل وياه ...
لكن للاسف حسب ما فهمت من البياع هناك ( هذاك الهندي راعي العيون الخضرة ) ان اغلب الانيمي العربي القديم قطاه لان محد يشتريه :"

[RIKKU]

جــــــــــــــــذاب هذا الهندي الاحد شارية لافلاااام يعني جريب غير افلام كبمارووا شارتنهن كلهن 6 اجزاء من عندهم

[عمران]

معلي ... انا بلعن صيره ...
اخافه تحسبني تحريات ولا مباحث مع اني من زمان اتعامل وياه ...

مشكورة ريكو يعطيج العافية ...

[camelia]

السلام عليكم يمكن انا متاخره في الرد

بس في السعوديه منطقه الاحساء يوجدانمي قديم

مثل

الاميرة ياقوت
جنكر
الرجل الحديدي
وحكيات عالميه القديم

والكثير في الوقت الحالي لان المحلات عندهم تصفيات للاشرطه انا شريت

بعد كثير من الاشرطه
:-) اتمنا ان تفيدكم المعلومه:-)

[عمران]

شكرا وما تقصرين يا اخت كاميليا ...

[momd]

والله يسعدني النضمام لكم وبخصوص جميع الانيمي الي انا بالنسبة لي فترة الثمانينات كنت مدمنهم موجوده عندنا في قطر نسخة يعني يتراوح سعر الجزء 20 ريال
ولا اذا كان موجود عنده في المحل اجار 5 ريال
لكن اذا مو موجود لازم اشتريه 20 ريال
وصدقوني مافيه انيمي طبعا من القديم مو موجود عنده
والي في قطر يطلبون عزهم لكن الي خارج الولايات القطرية يعذرنا

[alamal13]

والله يسعدني النضمام لكم وبخصوص جميع الانيمي الي انا بالنسبة لي فترة الثمانينات كنت مدمنهم موجوده عندنا في قطر نسخة يعني يتراوح سعر الجزء 20 ريال
ولا اذا كان موجود عنده في المحل اجار 5 ريال
لكن اذا مو موجود لازم اشتريه 20 ريال
وصدقوني مافيه انيمي طبعا من القديم مو موجود عنده
والي في قطر يطلبون عزهم لكن الي خارج الولايات القطرية يعذرنا

ممنوع رفع المواضيع القديمة...