الحل الكامل لريزدنت ايفل كود فيرونيكا

[kamar2000]

يا بابا شوف الوحش وراك يبي ياكلك جيبله بازوكة
والله حركات أطفال

[كلير3000]

ولله انكم قليلين حيا :غضب: :غضب: وبعدين انتم وش دخلكم في الولد كل هذي غيرررره يعني لهذي الدرجة انتم تغارون منه ......... وبعدين هذا جزاته تعب وضيع الكثير من وقته علشان يكتبها لنا يا همجيييين ويين المشرفين عنكم بصراحه
انا ذهلت من هذي الألفاض السياحيه الي ما يتكلم فيها ولد متحضر فاهم!!!!!!!!!!!

يكون في علمكم هذا العدد من المجلة قديم ولا راح تحصله حتى لو لفيت 1000 محل ........

ما توقعتك كذا يا HDK :خضب:

لا تهتم من كلامهم لأن في الكثيرين الي لسا يلعبونها مرره مستفيدين منها وانا منهم.

وشكرا وما تقصر

[kamar2000]

ويأتي ذاي الشجاع ليدافع عن صديقته مام التي هجم عليها ثلاث من قطاع الطرق
ويساعدها ويقع في غرامها ويتزوجها ليعيش حياة سعيدة هانئة
ههههههههههههههههههههههههههه

[UNDRETAKER2000]

هههههههههههههههههههههههههه
تفشلتم
هههههههههههههههههه

[Revolver Ocelot]

ههههههههههههههههههههههه الله اكبر ياخوان طيب انا ايش مسوي لكم غلطت عليكم والا حاجة قاعدون تسبون فيني لييييه على العموم والله ماراح ارد عليكم لاتحاولون ههههههههههههههههه

وترا اللي يقول الحل الكامل ترا دار النشر العربية نفسها سارقته من موقع انجليزي ومترجمته وحاطة عليه صور وحطوها في مجلة اسرار الدريم كاست وانا بنفسي ماعندي المجلة لانها نزلت بعد ماخلصت اللعبة بزمن طويل لكن واحد من اخوياي شرا المجلة وطبع الحل الكامل الانجليزي من موقع على الانترنت وقالي شوف واعمل مقارنة بين الحلين لقيتها فعلا مترجمة حرفيا وانا الحين اتبع خطوات الحل الانجليزي وايضا اشغل الدريم كاست على كرت الشاشة لاتأكد من صحة مااكتبه وبعض الكلمات اترجمها حرفيا وايضا لو لاحظتم استخدم اللهجة العامية كثيرا

وطبعا الله يسامح الاخ Ultimat Warrior اللي قال علي مغازلجي يااخي لو شفتني تلفظت بكلام غير لائق فنبهني وسأكون شاكرا لك لان الانسان مو معصوم عن الخطأ

والله يسامح الجميع على العموم لن اتوقف عن كتابة الحل الكامل حتى انهيه كما وعدت من قبل

وشكرا للاخت كلير3000 لتعاونها معي والله يجزاك الف خير

[HBK]

انا اولا ياكلير3000 اسمي HBK ومسوي هذا عشاني...............
وياليت تسامحيني

[kamar2000]

أيش قصدك يعني إنك ذكي وعرفتها لوحدك ههههههههههههههههههه
تراك تنسخ وتلصق والله ما سويت شي غير أخوك هو إلي تعب يا سارق الشهرة من أخوك

[كلير3000]

طيب انت ياkamar2000 على ايييش حارق قرصك .... :غضب: :غضب:
سواء جابها من مجلة أو انترنت انت ايييش يهمك مدامنا كلنا بنستفيد وياليييت
ما تدخل في شي ما يخصك. ياخي قل خيراً أو اسكت.

وبعدين يا أخ Revolver هذا حق وواجب مستحيل أشوف الغلط بعيني ولا أغيره وغير كذا انت مررره ساعدتني في اللعبه شكرا وآسفين على التعب الي تعبناك معنا علشان الحل وما تقصر ... ياليت تكتب الجزء الثالث من الحل بأسرع وقت ممكن

وتعجبني يوم ما رديت عليييهم ...... رجااال من ظهر رجااال طلع عقله أكبر منكم ههههههههههههه

[Revolver Ocelot]

kamar2000 طيب اذا كان زي ماتقول صح فأخوي اعطاني شهرته وبرضاه هههههههههههههههههههههه +) +) +) +) +)




كلير3000 الف شكر مرة اخرى لك اما بالنسبة لمسألة التعب فما فيها تعب ولاشئ وانا يسعدني عندما اخدم اي شخص

اما الجزء الثالث هاهو جاهز انظر للاسفل

[Revolver Ocelot]

وقفنا في الجزء الثاني من الحل عند منطقة الصناديق الخشبية عد من مكان الحفظ الذي حفظت فيه اللعبة الى تلك المنطقة لنبدأ الان وبعد عودتك ادخل من الفتحة في الجدار اليسرى واقتل جماعة الزومبي وخذ ذخائر البندقية الان ادعس الى اخر الغرفة وفتش الخزانة لكي تحصل على ذخائر وانطلق مع الفتحة اللي في الجدار وبعدها على الباب اللي في اليمين اخرج منه بعد كذا روح يسار مع البوابة وانزل السلم ثم اذهب الى العتلة واسحبها بكذا تكون فرغت الغرفة اللي جنبك من الغازات بعد كذا ياطويل العمر روح البوابة وافتحها بالبطاقة الزرقاء اللي معاك بعد ماتدخل من البوابة مااوصيك على الشباب برا عطهم كم رصاصة لتهدئة الصداع بعدها روح يمين ومن السلالم الى اعلى وادخل الباب اللي فوق واستعد للهنتر هو سهل بس خليك بعيد عنه لما تضرب ولما ينط على طول وجه المسدس الى اعلى واضرب توماتيك وهو راح يسقط لان عملية السنايب في ريزدنت ايفل اوتوماتيكية بعد ماتقتله روح للبوابة المقابلة وروح لاخر الغرفة وراح تلاقي على الارفف ذخيرة ومادة كيمائية التقطها واذا كانت المادة اللي اخذتها من الثلاجة معاك الحين امزج الثنتين عشان يعطيك مادة جديدة وهي ضرورية لتخرج من المنطقة الاولى بعد كذا راح تلاقي حاجة شبيهه بالشنطة الحديدية تفقدها لتطور المسدس ويصبح اقوى من قبل بعد كذا اخرج من الغرفة وروح للغرفة الرئيسية لمركز التدريب العسكري بعدما توصل اخرج مع الباب المزدوج واقتل الهنترين وخذ الذخائر من على الارض وروح يسار عند المصعد وانزل عبره الى الاسفل الى غرفة الحفظ خزن اللعبة ورتب ادواتك في الصندوق وخلي معاك ثلاثة خانات معاك فاضية بعدها روح مع الباب المنزلق ثم اقتل الهنتر واذهب الى المصعد اللي جنب البوابة وانطلق الى اعلى وادخل مع الباب المجاور للشاشة واعبر الجسر المتحرك المتعطل وادخل مع الباب اللي في اخر الغرفة بعدها تفقد لوحة التحكم اللي في فيها علب زيت زجاجية وهذا لغز لازم تحله وخطواته بسيطة

كل المطلوب منك هو انك تملئ العداد اللي بالاسفل بسبعة لترات زيت واليك خطوات الحل:

1) اضغط على العلبة اللي في اليسار فوق مرتين
2) اضغط على العلبة اللي في اليمين فوق مرة واحدة
3) اضغط على العلبة اللي في الاسفل مرة واحدة
4) اضغط على العلبة اللي في اليسار فوق واللي فيها ثلاثة لتر مرتين
5) بعد كذا اضغط على العلبة اللي في اليمين فوق مرة واحدة

وبذلك تكون حليت اللغز وراح يتحرك الجسر بس ناس نايمين راح يقوموا الحين عطهم درس في الاخلاق وخذ جزمتك المقطعة وصفطهم على روسهم لين يعرفوا ان الله حق

اخرج من الغرفة على الجسر واسحب العتلة عشان تنزل الجسر لتحت وروح للمصعد وانطلق عبره وبعدها ادخل من الباب المقابل واعبر الجسر اقتل الهنتر الجبان وخش مع الباب اللي بآخر الجسر واقتل الزومبي وروح حول المكتب واقتل الزومبي ابو منظار اشعة وادخل مع الباب واقتل الهنتر الجبان وروح للكونترول بانل او لوحة التحكم وافصل الطاقة والتقط الثلاثة الشعارات الجيش والبحري والجوي ومرة اخرى ارجع الى مركز التدريب العسكري وادخل المكان الذي به مجسم المنطقة العسكرية (باقي تذكره اكيد) بعد ماتوصل استخدم الشعارات الثلاثة اللي اخذتها على لوحة التحكم عشان تبعد الليزر وبعدها اسحب العتلة وراح ينزاح المجسم ويظهر لك سلالم سرية خذ الذخيرة والعشب وانزل مع السلالم واقتل العنكبوت والتقط كل مايقابلك من الذخيرة والعشب وبعدها انزل السلم لتجد بركة كبيرة انتبه لاتنزل لان فيه وحش داخل الموية اذا معاك ذخيرة كافية اقتله وهو الافضل وقتله ماله استراتيجية خاصة فقط خليك برا وصوب عليه واضرب وبعد كم طلقة راح يموت اما اذا ماكان عندك ذخيرة خله يبعد عن مكان الدرع ثم انزل بسرعة والتقطه وحاذر لانه سريع وراح يلحقك بسرعة ويستنفذ من طاقتك كثيراً

بعدما تاخذ الدرع اخلطه مع المادة الكيمائية التي نتجت من خلط المادتين السابقتين بعدما تخلط راح تذوب المادة الزرقاء وراح يبقى لديك الفأس الذهبي الحين اخرج من المنطقة ورح للمصعد وانطلق منه الى الدور الثاني بعدها روح يسار وادخل الباب وانزل عبر المصعد الاصفر الى الاسفل واخرج من الباب المزدوج اللي عند الجيب الواقف ةبعدها انزل عن طريق المصعد اللي ورا الدبابة لتصل الى الممر اللي فيه الباب المزدوج المقفل وغرفة الحفظ اول شئ تجنب العناكب او مجسات الهنتر وادخل الى غرفة الحفظ ورتب امورك عن طريق صندوق الحفظ واحفظ اللعبة استعدادا للخروج من هذه المنطقة نهائياً اخرج من الغرفة الامنة واتجه للباب المزدوج واستخدم عليه الفأس الذهبي لتفتحه لتدخل الى منصة الطائرات وسيأخذ كريس طائرة ويتجه الى انتراكتيكا تابعا لاخته وليكمل الجزء الاصعب من المغامرة هناك

انتراكتيكا:

بعد وصولك للقارة المتجمدة اتجه يسارا عبر الباب المزدوج وتخلص من الوحش الشبيه بالثعبان الضخم والذي يخرج مع الجدار ( لاداعي لتبذير طلقاتك القوية معه فكلها كم طلقة من المسدس ويسحب نفسه مع الجدار ) بعد تخلصك من الاول لاتنسى اخوه الثاني وقم بواجب اكرام الضيف على اكمل وجه بعدها انزل من السلالم وادخل مع الباب المزدوج وانزل السلالم وادعس للامام حتى توصل للغرفة الامنة ادخلها انظر للجدار القريب من ادولاب لتجد به فتحة قريب لونها من الرصاصي المائل للبياض وعليه نقش فأس استخدم الفأس الذهبية عليها لتحصل على مكعب شبيه بالنرد عليه رسومات وملف الفرد اشفورد دياري أي مذكرات الفرد اشفرد اقرأها لانها مسلية وتحتوي على بعض المعلومات تفيدك في فهم القصة بعد كذا روح لصندوق الادوات وزبط امورك وارمي بالادوات اللي مالها داعي والاسلحة الفارغة ثم خذ طفاية الحريق الفاضية من الصندوق

ملاحظة: طفاية الحريق هاذي تاخذها من الديسك الاول للعبة اذا ماكنت اخذتها فهذا مو ذنبي لاني بديت الحل من الديسك الثاني بس لاتخاف كل اللي راح تخسره هو سلاح الماجنوم لانك ماراح تقدر تاخذه الا عن طريقها لكن والله انها خسارة لان هذا السلاح اقوى سلاح في اللعبة كلها على العموم اذا كنت اخذتها فلايوجد هناك مشكلة فقط خلك معي وتابع وهنيئا لك بالماجنوم

بعد مااخذت كل حاجة من الصندوق احفظ اللعبة وطفي الدريم كاست وريح اعصابك وخذ لك بريك حتى نواصل في الجزء الرابع من الحل وبكذا راح يبقى علينا جزئين من الحل وننتهي بإذن الله من اللعبة

على العموم أي ملاحظات استفسارات او خدمات عن الحل الكامل حتى هذا الجزء (وحتى اللي يبغى يسب زي بعض الناس الله يسامحهم) هذا هو ايميلي

revolver1984@hotmail.com

[ZELL DINCHT]

وش قصدك يا كلير 3000 رجال من ظهر رجال واخذته على قد عقولهم
ليش اطفال عندك احنا موب انا الي تدافع عنه بنت ولك حساب ثاني يا Revolver Ocelot ولكن لا تجيب بنات تدافع عنك مره ثانية يا.........إلخ))

[Revolver Ocelot]

ههههههههههههههههههههههههههههه


ZELL DINCHT اصصصصص ولاكلمة SHUT UP ومشكور على إطراءك الرائع بعدين ياأخي انا ابيها تدافع عني وش عليك انت
+) +)

[Bad boy18]

إيس فيه ?:
وش فيكم على الرجال ?:
وش سوى لكم?:

[ZELL DINCHT]

يالله وش علينا بنت تدافع عن بنت وش دخلنا حنا معليش يا آنسة Revolver Ocelot
وياليت تكسري عصاقيلك بكتابة الحل الكامل الى النهاية بس شوي شوي على عصاقيلك+) +)

[Revolver Ocelot]

ZELL DINCHT مشكوووووور وهذا من طيب اصلك +) +)

الحل الكامل الجزء الرابع انظر للاسفل