الحل الكامل ل SONIC ADVNRTURE

[المغترب]

يا شباب وش الهدف من اللعب بالدب صياد السمك؟؟؟
علشان نصيد سمك وبس؟؟؟
مو معقوله !!!!!
اكيد لهدف...بس وش هو؟؟؟
ارجوا ان يجاوبنى كل من لديه إجابه .
هذا سؤال.
والسؤال الثانى:
كم عدد الشعارات الكامله؟
لانى انا تونى باول الطريق إلا ما بديت...ما معى إلا 30 شعار بس .
ومشكوريــــــــــــــــــــــــــــــــــــــــــــــــــــــــــن.

[kalid]

انك تصيد الضفدع عشان ما ياخذه DR.ROBOTNICK

[المغترب]

مشكور يا خالد وما قصرت
وكثرالله من امثالك

[المغترب]

إلا اقول ما قلت لى كم عدد الشعارات الكامل (نسيتنى الله يهداك فى الرد الاول) .

[R.B.G]

انا ما اعرف عددها بالضبط بس اعتقد انها 130 شعار
انا للحين مجمع 104

بس اذا فيكم حد يعرف كيف اطلع الشخصيه السريه يقولي تكفون .







وسوالم

[المغترب]

يا اخ (white death) انا لعبت بتيلز ووصلت مكان فيه كثيرين
مثل نكل الى يشبه سونك بس الوانهم زهرى .
وفى هذاك المكان ما عرفت وش اسوى ؟
افدنى افادك الله .

[المغترب]

المشكله الثانيه :
اخذت البيضه الى فى المحل وحطيت بدالها حجر
المهم اخذتها وبعدين وين اوديها ؟
البلوه إنها ما لها قاعده علشان تقول إنها تنحط فى مكان ما .
جاوبنى يالى تعرف ومشكووووووووووور

[mew]

يا white death لو سمحت ساعدني انا من قبل يومين مشتري الشريط

انا ركبت القطار ورحرت مدينة لقيت كريستاله وديتها في كهف

وداني مرحله الي تتسابق فيها تياز وسونك بعدين خلصت المرحلة

وما عرفت ايش اسوي؟؟؟ ارجو انك تجاوبني على سوؤالي

سوال ثاني انا وديت البيوض في الممومري لكن ما عرفت كيف العب

فيهم ارجو انك تجاوبني على اسئلتي ولي جزيل الشكر
وشكرا

[محترفة]

اوكي انا بجاوبك

البيضه اللي اخذتها وحطيت مكانها حجر تحطها في الفندف بس فوق عند الباقيين
وبعدين تفقسها


والجوز الهند تمسك الشجرة وتدفها لين مايطيح وتوكلها مو لحالها لهم كلهم وتعلمهم السباحه وكمان لما تدخل مسابقه او مرحله سونيك الاولللي عند المسبح كل ماقتلت وحش من وحوشها مو يطلعلك ياارنب ياغزال يابطريق المهم اللي يطلعلك تاخذها ولما تخلص المرحله تروح عند البيوض اللي باضت وتعطيها هي بذلك تكون اديتها شكل الارنب مثلا يديها اذنان طويلتان


ولا زم توكلها وتعلمها كل شي الين ماتكون خلاص (استوت من التدريب) تدخلها للسباق

[babs bunny]

أنا أبغا حل في سونيك أدفنشر :
أولا : فين ألاقي تطوير مطرقة إمي ؟؟؟?:
ثانيا: فين ألقي الشيء إلي يفتح مرحلة نيكلس الرابعة ؟؟؟
والباقي جي في الطريق بعدين

[R.B.G]

شباب خليكم من موضوع البيوض الحين لانه ماله داعي فاللعبه ( البيض بس لالعاب الميموري ).

الاخ المغترب : انته لما توصل للمرحله اللي فيها مخلوقات تشبه ( نكلز ) امشي في هالمنطقه لين تلاقي الحركه اللي تطور هجوم تيلز وبعدين ارجع ورا بعكس المبنى الضخم راح تلقى بوابه ادخلها وهناك راح تلقى البنت اللي تشبه ايمي ( بس لونها بني ) وبعدين راح تكمل عادي ( بس لاتنسى تاخذ حركة تطوير تيلز )


ونته يا اخ mew بعد ماتخلص من المرحله اللي فيها يتسابق سونك وتيلز لازم تركب القطار وترجع المدينه وهناك تروح المنطقه اللي فيها الكازينو عشان تنتقل للمرحله الثانيه .

ونته يا اخ babs bunny اعتقد انه مطرقة ايمي تطور في سفينة ايج مان بعد مايطلعك الروبوت من السجن روح للغرفه اللي بعدها راح يلعبون معاك لعبه ( توقف انته فالنص وتضرب الاشياء اللي تطلع من الحفر ) ولازم تجيب رقم معين عشان تتطور المطرقه ( هذا حسب ذاكرتي اذا ما خانتني ) .

وعشان القطعه اللي تفتح المرحله الرابعه لنكلز ياريت تذكرني شوي وين فيه هالمرحله عشان اخبرك لاني الحين مو فاكر عدل .


واي استفسار ثاني انا حاضر

[mew]

شكرا يا ار بي جي على الرد
لكن بعدين لمن فزت السباق حق التزلج على الجليد بعدها ما عرفت ايش اسوي
وشكرا مرة اخرى
وارجو انك تجابني على
وشكرا مرة اخرة على الرد
وشكرا+)

[babs bunny]

شكرا يا أخ R.B.G .... المطرقة قيدي لقيتها (وذاكرتك ما خانتك )
المرحلة حقت نكلس إلي في مكان (ميستك رونس) أخوي قلي الرابعة بس مدري الرابعة ولا التالتة .... المهم هديكا الحفرة إلي تطير منها الأخشاب و زرع ... فيها إعصار ... فهمت ؟؟؟ فين ألاقي الشيء إلي يفتحها؟؟؟؟؟؟?: ?: ?: ?:

[المغترب]

انا اخذت الحركه اللي تطور هجوم تيلز ونت ما قصرت وكملت لى الباقى .
مشكور يا اخ R.B.G

[R.B.G]

العفو يا شباب ومافي داعي للشكر نحن اخوان .


المهم يا اخ ( mew) ارجوك وضحلي اكثر : بمن انته تلعب ؟؟؟

لانه اكثر من شخصيه تدش مرحلة الجليد وقولي انته وين عالق بالضبط ؟؟


ونته يا اخ babs bunny اعتقد ( اذا ماخانتني ذاكرتي ) ههههههه
انك لازم تاخذ حركة التطور اللي تخلي نيكلز يقدر يحفر في الارض وهذي وين تلاقيها بصراحه ماني ذاكر .
بس انته لما تاخذها روح للكهف اللي في ( ميستك رولس ) اللي فيه قرد محبوس في قفص وفيه حفره يطلع منها شعار يروح فوق ويرجع تحت هناك اذا كان عندك حركة التطور مالت نيكلز احفر تحت الشعار راح تلقى شي ( اعتقد اهو اللي يفتحلك المرحله اللي تبيها .




ملاحظه : ااسف يا شباب اذا كانت اجاباتي غير دقيقه وااسف كمان على التاخير لاني بصراحه ما ادخل النت الا بالليل ونا حاضر اذا بغيتو اي شي ثاني .

وسوالم .