شيئ يقهر فعلا ...

[Rewayah]

الرسالة الأصلية كتبت بواسطة aldanger
ههههههههه

بصراحة لما اقرة كلامكم ما اقول عنكم غير مجانين!!!! :6 :6

لا و خشينا في التخلف و الرجعية .. و مشاعر و اغاني!!!!!!
نا شخصيا عمري 17 سنة و ما عندي مشكلة اقول اني اتفرج دراجون بول زي و كنت اتفرج بوكيمون .. بس انتوا فد مرة طوختوهة .. ليش؟؟؟ لانكم يمكن تعتبرون "الانمي!" او الكارتونات هي كل حياتكم (او اهم شي بالوجود!!) ..!!

بالضبط!!
الأنيماي فعلاً أصبح "أهم شيء بالوجود" لبعض الأفراد!!
وأعتقد أن هذا أروع شيء حدث للأنيماي! أي أنه صار له عشاق من كل الأجناس والثقافات!
بل ويحترمونه ويعاملونه كعنصر رئيسي في حياتهم.

الرسالة الأصلية كتبت بواسطة aldanger
يلة .. امطروني عاد بوابل من الاتهامات و الشتائم!! :6

ما أظن!
لأننا مشغولين بشيء أهم من ذلك وحاطينه نصب عينينا! ألا وهو الأنيماي!! ههههههه

حياك. -_^

[Z.o.Z]

شباب أنا أموت في الأنيم

لكن مو يكون حياتي و بس

أنا مثلا أموت بالكرة و بالأكل و بالقراءة و الأنترنت

مو بس أنيم

[star dragon]

يا روايه اصلا انا افتكيت من الاستاذ هذا ماراح اشوفه خير شر

[Rewayah]

الرسالة الأصلية كتبت بواسطة star dragon
يا روايه اصلا انا افتكيت من الاستاذ هذا ماراح اشوفه خير شر

وأنا قلت ذلك من باب السخرية من التربويين لا أكثر!

زين والله! أرتحت منه! ;-)

بس خل شخصيتك قوية ورأيك ثابت لا تحيد عنه!
ولا تجامل أحداً خشيةً منه!
قول رأيك بصراحة.

وبعدين تعالوا...
لا تخلون مثل هالنقاش يكثر وايد ونظل نحنا نفسر وندافع!...

خلونا نتصرف بشكل طبيعي وتلقائي بحيث أنه الآخرين يحسون أنه الكرتون مو بس للصغار بل وأن يشعروا أن نظرتهم للكرتون وأنه للصغار تضعهم في موقف غبي وتصورهم أنهم لا يفقهون شيئاً...

مو كل مرة واحد بيقولكم "الكرتون حق الجهال" وأنتوا تخجلون!
لا... بل خلوهم دايماً يحسون انهم هم الجهال إذا ما قالوا مثل هالعبارات! ;-)

حياكم.

[DEVIL ON HELL]

على طاري القصة أختي كنت مع شباب سهرانين الي الساعة 2 الصباح :"
وقلت لهم

((DEVIL: يالله ياشباب ان بروح البيت

الشباب : وين رايح يابو فلان ؟

DEVIL : والله بروح البيت تاخرت

الشباب : تكف أقعد يابو فلان

DEVIL : صراحة ماقدر بروح أشوف الأنيمي(( نسيت نفسي وقلت الأنيمي ))

الشباب : شو قصدك بلا الأنيمي

DEVIL : أفلام كرتون :"

الشباب : . . . . . . !!!؟!؟!؟!؟!؟!؟!؟!!؟؟؟!!!!

DEVIL : شو

الشباب : أفة يابو فلان

DEVIL : خير يا بو الشباب

الشباب : توك بزر:0)

DEVIL : (( انا يوم سمعت كلامت بزر ولعت أحترقت :غضب: :غضب: ))

الشباب :

DEVIL :انا بزر ياصمرمد :غضب: أنا :غضب:
أقول ياشباب اشوف أفلام كرتون أحسن من أني اجلس معكم :غضب:
بس قاعدين تحشون في الناس زي الحريم :غضب: والله ألي بيقول كلمة زيادة بحط العقال بضهرة سامعين :غضب: ))

يعن ياشباب عادي مدام ان مااسوي شي غلاط مافي مشكلة

وحكمة تقول (( طنش تعش تنتعش لك الاحياة ))

وأخيرا :" كل شي في الدنياء يبكي

وسلالالالالالالالالالالالالالالالالالالالا:" لالالالالالالالالالالالالالالام يبكي

[Arcard]

وللة DEVIL ON HELL اقولك هذول ناس عبط ما يفهمون شى وانا الحمد للة عمرى ما قابلت احد من هذا النوع لان كل اصدقائى نفسى

[DEVIL ON HELL]

الرسالة الأصلية كتبت بواسطة Arcard
وللة DEVIL ON HELL اقولك هذول ناس عبط ما يفهمون شى وانا الحمد للة عمرى ما قابلت احد من هذا النوع لان كل اصدقائى نفسى

صحيح أخوي بس مانقدر نعاتب احد بسب أن ماحد يعرف شو انت قاعد تتكلم فية :" لان الأنيمي مالة شهرة مثل الافلام أمريكاء

بس انا عندي شباب يوم شافون اتفرج علي الأنيمي ماصدقو ان في افلام كرتون حقت الاكبار :! :واو:

صار الشباب يتفرجون معي علي الأنيمي

انا أبكي :"

وشباب يبكون معي :" :" :"

شي رهيب يبكي من جد :"

[Arcard]

لا اخوى انت ما فهمت قصدى انا ما اعاتب احد بس الصراحة اغلب العرب يشوفون الانيمى للصغار وبس واذا قلت انك اطالع انيمى يا ويلك شنو نكت بتطلع عليك وحتى اذا فهمتهم شنو الانيمى الراس يابس ويقعدون يتمسخرون عليك لكن مو معناتها ان كل الناس جذى لا فى ناس وايد تفهم
وبعدين انا ما اقولهم طالعوا انيمى غصب ابيهم بس يبطلون يقولون ان الانيمى للصغار وهذا الى ابى وشكرا

[DEVIL ON HELL]

الرسالة الأصلية كتبت بواسطة Arcard
لا اخوى انت ما فهمت قصدى انا ما اعاتب احد بس الصراحة اغلب العرب يشوفون الانيمى للصغار وبس واذا قلت انك اطالع انيمى يا ويلك شنو نكت بتطلع عليك وحتى اذا فهمتهم شنو الانيمى الراس يابس ويقعدون يتمسخرون عليك لكن مو معناتها ان كل الناس جذى لا فى ناس وايد تفهم
وبعدين انا ما اقولهم طالعوا انيمى غصب ابيهم بس يبطلون يقولون ان الانيمى للصغار وهذا الى ابى وشكرا

صح لسانك

:"

[Arcard]

صح بدنك...شوف بة شوية نقاش اتفقنا على مضمون واحد شكرا لك اخوىDEVIL ON HELL

[orange road]

يمكن الجيل اللي اكبر منا ما يعرفون الانيمي
وبعد اغلب جيلي

لكن جيلكم انتوا يعرفون الاكثرية الانيمي ويعشقونه لانهم تربوا معاه
ويجوفونه في كل وقت

بالنسبة لي اتصرف في الموضوع عادي
وبكل فخر اقول للناس اني احب اتفرج على الانيمي
ولما يقولون شنو الانيمي اقول لهم افلام يابانية.. رسوم متحركة يابانية
وما ارضى انهم يسمونه كارتون لانه مب امريكي

ولو تدخلون غرفتي بتلقونها مليانة كتب مانجا واشرطة انيمي ومعروضين في المكتبات اللي شاريتهم مخصوص لان رفوفهم بحج كتبي واشرطتي
وعارضة الاشرطة والكتب عادي
واي شخص يدخل غرفتي اول مرة افرجه على المجموعة واقول بكل فخر (هاذي مجموعتي من الانيمي .. هي صغيرة :6 لكن انشاءالله بتزيد..)
(اعتقد عندي تقريبا فوق ال 100 شريط.. باعهم المرة الياية وباحط العدد المضبوط)

لا تستحون من هواياتكم
وراوو الناس انكم تحبون الانيمي
ولا تخجلون
انتوا ما تسوون شي غلط

[Arcard]

صح لسانك orange road كلامك على راسى

[SAZABI]

الحل في رأي انك تلاقي ناس زيك و تقضي وقتك معاهم.

انا مع الناس اللي تحب الانمي اتكلم في الانمي معاهم اما اللي ما لهم ما تكلم ببساطه لكن ما شفت احد حولي قال انه تبع بزوره و لو قال اقناعه سهل جدا اخليه يشوف ديفل مان ابوكلبس اف امون اللي شافه واحد من الشباب قلبه رهييف بكي من البشاعه اللي مسويها جوناجاي فيه عنف لابعد درجه.