محتار بين : ليجايا 2 - وايلد ألمز 3 - سيكودين 3 - جرانديا 2 - جرانديا اكس !!

[Arcard]

أنا انصحك بثلاث هذول

1:سكودين3
2:جرانديا2
3:وايلد ارمز3
واصلا كل الالعاب الى قلتهم الصراحة لاغنى عنهم

[M7MOOOD]

و يا ايريس .. الصورة الي بتوقيعك مو واضحه .. اخذي هذه و حطي بدلا عنها أفضل لأنها أوضح و أصفى و أنقى

Arcard

طيب يا أخوي .. أنت تنصحني أي وحده من هالألعاب آخذهم حاليا علشان ألعب فيها .. لأني أحب آخذ لعبة لعبة و ألعبها .. ما أحب آخذ مجموعه مع بعض

[RPGgirl]

الرسالة الأصلية كتبت بواسطة ايريس


اشتري اثنينهم ...جرانديا تو وسكودين 3 ....بيكون افضل...
وشكرا..

صحيح الله يخلي الديفيدي كوبي ههههههههه اقدر اشتري الاشرطة اللي تعجبني

المهم صدق ما تقدر كل اللي حطيتهم بالقايمة ما تتفوت

[Arcard]

طيب يا أخوي .. أنت تنصحني أي وحده من هالألعاب آخذهم حاليا علشان ألعب فيها .. لأني أحب آخذ لعبة لعبة و ألعبها .. ما أحب آخذ مجموعه مع بعض

طيب اخوى وعشان لاادوخك زيادة خذ سكودين3

[Jin Kazama]

سكودين 3

[M7MOOOD]

الرسالة الأصلية كتبت بواسطة RPGgirl


صحيح الله يخلي الديفيدي كوبي ههههههههه اقدر اشتري الاشرطة اللي تعجبني

المهم صدق ما تقدر كل اللي حطيتهم بالقايمة ما تتفوت

أنا تبت .. توووبه أني أشتري أكثر من لعبة آر بي جي في نفس الوقت .. أنا على البلاي ستيشن 1 كنت أهبل و كل ما أروح السوق أشتري 3 - 4 ألعاب آر بي جي دفعه وحده .. و بعدين أحاول ألعب فيهم بس ما ألقى الوقت .. و لما أروح السوق مرة ثانية أشتري 3-4 ألعاب آر بي جي ثانية .. و هكذا يستمر المسلسل و تكثر ألعاب الآر بي جي عندي و لا عندي الوقت علشان ألعبهم .. و طاحوا بكبدي و توهقت فيهم و لا صرت أعرف كيف ألعبهم مع أنهم من أشهر و أفضل ألعاب الآر بي جي مثل :

1- كرونو كروس

2- كرونو ترايجر

3- فاينل فانتسي 4

4- فاينل فانتسي 5

5- فالكري بروفل

6- تالس أوف ديستنج 2

7- فاجرانت ستوري

8- سكودين 2

9- لونار 1

10 - لونار 2

11- ألوندرا 2

12- دراجون وايرور 7

13- براسايت ايف

14- براسايت ايف 2

15- كوديلكا

16- ثريت أوف فات


و الكثير الكثير من ألعاب الآر بي جي .. والله العظيم أكثر من 35 لعبة آر بي جي عندي غير هاذول ما عندي وقت ألعبهم .. و في بعض منهم للحين ما لمستهم من أول ما شتريهم .. بس جربتهم أول ما وصلت البيت و بعدين تركتهم من ذاك الوقت للحين .. و الحين كل ما أشوف هالأربعين لعبة آر بي جي أتحسر كثيييير لأني خسرت و ضيعت فلوسي و ما صار عندي الوقت لألعب بهالألعاب .. فلما شريت البلاي ستيشن 2 قررت أني ما أشتري أكثر من لعبة آر بي جي وحده .. فقط اشتري لعبة وحده و لما أخلصها أشتري الثانية .. و هذه قصتي

[M7MOOOD]

Jin Kazama & Arcard

طيب عن شنو تتكلم قصة سكودين 3 بالضبط ?:

[Touya]

أنا للأسف مالعبت سايكودن الثالثة للحين بس لعبت الجزئين اللي قبل:6

شوف الأحداث تصدمك وحدة ورى وحدة... هذا غير لما يجيك واحد في القصة واحد إستراتيجي زي Mithu في الجزء الأول أو الثاني مادري شاسمه في الجزء الثاني.... لو تشوف شلون يقاتلون تفك راسك خططهم وأفكارهم في المعارك وشلون يقلبون الوضع لصالحك!

في الوقت اللي تحس أن مالك أمل تعدي يجيك الأستراتيجي وعطيك خطة وهو واثق من نجاحها مية في المية... والمشكلة أنك مع أنك تسمع الخطة إلا انك تشوف فيها كم شي تطبيقه مستحيل.. مع كذا يجيك ذا الشخص اليوم الثاني وهو مسوي شي ماتتوقعه.

يعني مثلاً في الجزء الأول ودك تهجم على قلعة بس عرفتو ان خطط جيشكم تنكشف بسبب جاسوس.. حجا mithu وقال بكرة بنسوي تدريبات على القتال في الشمال بكامل العتاد وكل الجنود... يوم يجي اليوم الثاني في المنطقة اللي عينوها (وهي قريبة من القلعة) يطلب منك الهجوم عليهم في هذا الوقت لأنهم يتوقعون ان الجيش يتدرب انا فكت راسي صراحة ذا الخطة... وكل جزء فيه خطط اعجب من الثاني..

إذا تحب التراجيديا والأحزان والخيانة والصداقة و والأخلاص والتناقضات والولاء والحروب والسلام وكل شي متضاد ذا القصة تحوي على كل شي... باختصار قصص سايكودن غير شكل.. أنت ألعب سايكودن الثاني اللي عندك 7 ساعات بس وبتشوف ليه سايكودن غير....

وتصدق حالي مثل حالك أشتريت واجد ألعاب بس مافي وقت ألعبهم.. إن شاء اله اشوف لي صرفة معهم قريب

وجرب جرانديا الأولى على الطريق بعد... حلوة اللعبة مع أنها الجزء الأول

أنا أحس أن سايكودن الثاني وجراندي الأولى هم اللي علموني أستطعم الأر بي جي...

[Guilty Gear X]

انت لو تترك المنتدى شوي وتروح تلعب:6

[M7MOOOD]

Touya

أنا أدري أن سيكودين 2 لعبة قمة في الروعه .. بس المشكلة أنا ما أعرف شلون ابدأ اللعب فيها .. يعني محتار أبدأ فيها و لا بكرونو كروس الأسطورية و لا في فالكري بروفل و لا ما أدري شنو أقولك .. يعني محتاااار بين الألعاب الي عندي و شلون أبتدي اللعب فيهم ?:

Guilty Gear X

أنا هالأيام برمضان لو تلاحظ قلت دخلاتي للمنتدى .. لأني قاعد ألعب فاينل فانتسي 7 مرة ثانية مع أنه ماصار لي أسبوعين من ختمته للمرة الثامنة .. خو هذا أنا الي فالح فيه .. لما أفضى أحط براسي أن خلاص راح ألعب من ألعاب الآر بي جي الي عندي .. و لما أبدأ أطلعهم و أفكر اي وحده ابدأ فيها .. أقوم أطفش من التفكير و أحط لي فاينل فانتسي 7 :6






امممم .. أنا الحين قاعد أسمع أغنية البداية لسيكودين 3 .. اغنيتها رووووعــة كأنها أغنية هندية :واو:

[Touya]

توني منزلها أنا الثاني... شي مو طبيعي:!

صاحرة زي حقة الجزء الثاني بالضبط... تصدقون جا في بالي أسوي فيديو كليب لها:6

شرايكم؟

فيديو كليب عن الأر بي جيز بشكل عام... :6

لازم أجيب adobe preimere اول:6

[RPGboy]

هلا محمود ...
حبّيت أقول لك راح تضيع و تحتار ...
بسبب كل واحد قال لك رأيه الشخصي ( و كل واحد رأيه مختلف )
الناس أذواق ! ذوقك غير الباقيين يمكن تعجبك لعبة و الثانية لا و العكس ..

فلذلك بحط لك التقييمات حق كل لعبة من مختلف المواقع ... + شوية صور!

نبدأ بـ
Legaia 2: Duel Saga

GameSpot
7 من 10

IGN
7.5 من 10

PSM Magazine
7 من 10

Electronic Gaming Monthly
6 من 10

صوره:


يتبع...

[RPGboy]

Wild Arms 3

RPG Fan
90 من 100

IGN
7.5 من 10

PSM Magazine
8 من 10

Electronic Gaming Monthly
8 من 10

صوره:


يتبع...

[RPGboy]

Suikoden III

GameSpot
9.1 من 10

RPG Fan
98 من 100

IGN
9.4 من 10

Electronic Gaming Monthly
7 من 10

صوره:


يتبع...

[Justine]

ترى حتى سويكودين فيها روناسية شديدة .... عشان جاء في عرض المقدمة الحب لا يموت يعني توقع قصة حب اسطورية عزيزي