المقارنه لا تصح ليش لانكم بتقارنوا انتاج ستيديو كامل بانتاج صناعه كامله فديزني استيديو والانمي 500 استيديو و من الطبيعي انه يكون الاستيديو شغله واحد امن الطبيعي انه شغل اكثر من استيديويختلف فلو تبغوا تقارنو ممكن تقولوا الانيميشن الامريكي والانيميشن الياباني او ممكن ديزني مع استيديو جيبوري او كلامب او داينامكس او قاينكس او توي او سانرايس الاستيديوهات اليابانيه كثيره جدا جدا.
اقرب ما يمكن مقارنه ديزني به هوا استيديو جيبوري (تبع ميازاكي) ليش اولا : شوف الفئه العمريه اللي تغطيها انتاجاتهم من 8 سنين فمافوق شغله للصغار لكن شيء ممكن حتى الكبار يستمتعوا فيه ودي نظريه ديزنى انه الكبير لما ياخد ولده للسينما ما يمل يستمتع فينجح العمل للاتنين.
ثانيا: شغلهم انضف من غيرهم ما فيه جنس ولا عنف زي ديزني فدي كلمه محبين مايزاكي (اللي راجين اهلى بيها) انهم يعملوا شيء جيد ويبيع كويس بدون الاعتماد لا على العنف ولا الجنس معاهم حق.
لكن تعال حطلي ديفل مان قدام اي عمل ديزني مافي مقارنه ديفل مان كله تعري ودم وعنف والقصه معقده(بس ممتازه) صعب جدا اي طفل يفهمها.
في النهايه انا اشوف انه المقارنه صعبه لكل واحد منهم وجهه نظره ولكل واحد منهم مجاله اللي مبدع فيه لكل واحد منهم مدرسته الخاصه بيه وبس.
رد مع اقتباس
