الى متى هذا الغش و الخداع!!!

[عابد 25]

عندنا في جيم ماستر في جدة رفعوا اسعار الدي في دي كوبي كانت الاشرطة تنباع بـ 20 صارت بـ25 زيادة ماهي مكلفة بس تعتبر زيادة ولو انها خمس ريالات فقط ...

وباقي المحلات على ما اظن بـ 20 ..

مشكلة ..

[SNOoOP]

مشكوور على الموضوع فعلا هالمحلات بدوا يستلعنون


في أبو يمن كنت أشتري منه في المصيف والوصخ يبيع الأشرطة ب40 ريال

ولا يرضى أنك ترجع الأشرطة الخربانة والي تعلق مثل باقي المحلات

والدنيا يشترونها ب20 و15 ريال وقلتله والله منب شاري منك مره ثانية

وقابلني ان شفت خشتي مره ثانية

قالي انقققلع أنا ما أربح الا منك


المهم قلتله انت قد هالكلمة يابو يمن وصار في طقاق بيني وبينه

ومن زود الغضب مخزن في جوالي رقم البلدية علشان هالأشكال

وهددته أني باتصل فيهم وقالي اتصل منيب خايف لا منك ولامنهم

ومن زود الغضب اتصلت فيهم عن طريق خوي لي واسحبوا أشرطته

الكوبي بس للأسف ثاني يوم رجع باشرطة جديدة والبلدية ما أعطته

الا إنذار أولي وتعهد بعدم التكرار <<<<<<<<<<<<<<<<<<<<<<<<<<يحكي قصة حياته الأخ


وصرت أروح لأبو هنود في حي الملك فهد ياحليله لو علق علي شريط بعد
أسبوع أقدر أرجعه عليه

وشكرا

[Victor|Hugo]

محل العاب الكمبيوتر اكبر محل نصب في الرياض
والي يقول اسعاره غاليه عشان الحي الي هو في اقوله روح لأي محل جنمبه واي محل في نفس الحي راح تلقى كل المحلات ارخص منه بكثير
هو الوحيد الي كلى شي عنده دبل ثلاث مرات او اكثر


والي يسألون عن الحل !

الحل هو التشهير بالمحلات الي مثل هذا ومقاطعتها لأنكم بشراكم منه تخربون على انفسكم وتشجعونه هو وغيره على هذا الجشع والنصب

[Dark Angel]

أنا والله أعجبني أن فيه شباب تجاوبوا معي...

يعلم الله أني ما أقصد مضرت محل بعينه ..لكن والله العطيم اللي يقهرك و يرفع ضغطك أنهم يلعبون علي غيرك اللي ما يدري و لا يعرف...غيرك اللي هو أخوك و ولد عمك و جارك ...


JrH

والله يا اخوان هذه تجارة وبيع وشراء..

يا أخي و الله أحنا ما قلنا غير كذا ... و من حقه يربح ...شف أنا وش قلت بخصوص الموضوع هذا :

الرسالة الأصلية كتبت بواسطة Dark Angel
أنا ماني ضد المحل هذا بالذات ولكن هو مجرد مثال ....اللعبه أصلاً كوبي و سعرها رخيص ..ليه السرقه هذي و استغلالنا أحنا. من حقه يربح محد ينكر الشئ هذا ...لكن مو من حقهم أنهم يبسرقوننا و نسكت لهم! وش فيها لو باع اللعبه ب20 ريال بس؟؟؟ ومع العلم أن في بعض مناطق الرياض ( البديعه , السويدي , الشفاء) تباع اللعبه ب 15 ريال بس!!

من حقه يربح نعم..لكن بالمعقول..و بدون الأستخفاف بعقولنا ...طيب قول لي يأخي ليه يكذب يقول أن اللعبه طالعه عليه غاليه؟؟؟ و هو ماخذه بأقل من 8 ريال...و هل تسمي مربح 300% عدل على حسابنا!!!

أنا غرضي الأساسي من هذا الكلام هو تنبيه الأخوان..لأني أقسم بالله متأكد من أن بعض الشباب و الله طيبيمن و على نياتهم و يصدقون راعي المحل و هو يكذب عليهم و يخدعهم...

بالله عليكم ...لما صاحب المحل يكذب عليك و يقول لك أنه يأخذ اللعبه غاليه و يبيعها أغلى عليك هذا ما يعتبر سرقه و كذب!!!

لا و الأدهى...فيه محلات تروح تشتري الألعاب أصليه من عند النسر و بيوت الكمبيوتر ب 250 ريال مثلاً...و يبيعها على الناس المساكين عنده في المحل ب 280 ريال....الى متى كذا نكون مغفلين و نغمض عيونا ...

لازم كلكم تعرفون و تدعافون عن أبسط حقوقكم...المسلم ما يرضى على نفسه الغش و الخداع..و أنت لا تسمحلهم يستغفلونك...


ياخي أجار المحل غالي و الله معه حق يرفع سعر السلع عنده عشان يغطي سعر الأيجار...لكن بالمعقول ...

و لا أحد (ياكلها ) و يتورط فيها الا أحنا الضعوف ...كل شئ يرتفع سعره...المحلات هذي و أشكالها لاقيه ناس تلعب عليهم و الا ما كان أستمروا في الخداع و الغش هذا ...

تخيلوا مثلاً...
أول ما صدر البلي ستيشن2 في الولايات المتحده الأمريكية...أنا كنت حاجز جهاز عن طريق أحد مواقع الأنترنت...و بعد ما صدر الجهاز جتني رساله من الموقع تقول لي أن جهازك أرسل ..و بعد أربع أيام من أرسال الرسالة وصلني الجهاز ...تدرون كم سعر الجهاز مع الشحن؟ 1350 ريال تقريباً!!!! تخيلوا كم سعر الجهاز في الرياض و قت ما وصلني البلي ستيشن2؟؟؟
اكثر من 3500 ريال!!!!

وبس!

[SNOoOP]

أنا أقترح أن كل واحد يقول اسم المحل الي يعرفه غالي ونصاب


سواء جمب بيته أو يعرفه علشان نحطه في BLACK LIST


أنا بقول اسم المحل وأين يقع

الاسم : دار البناء لألعاب الكمبيوتر <<<< حتى الاسم يجيب المغص

راعيه نصاب حتى ولو باعلك ب25 ريال ويقع في حي المصيف

بين بنك الراجحي


وشكرا

[ortiga]

أنا أقترح أنه لا نشتري الا من المحلات ذات السعر المعقول
حسب الاستطاعة...
وابلاغ المحلات المرتفعة السعر عن الوضع وتهديدهم بأسعار المحلات الأخرى صدقوني بعد فترة سوف يقل زبائنهم ويتعدل الوضع

[روز ماريا]

انتو اصلا تحمدون ربكم كلكم اولاد لكم كلمة انا مسكينة مستضعفة يوم مرة بغيت اشتري من محل راعي هندي بالشرقية لعبة ps oneعن خاطري العبها قلت له بكم قال لي ب15 قلت له ما يجي اقل يالنصاب
صرخ علي بعيونة الحمراء لالالالالالالالالامافي اجي حتى من صرختة اشوي و تطيح الدمعة من عيني و عطيتة خمسة ريال زيادة عشان ينطم و يوقف يخز فيني
بس انا ما سكت خليت اخوي الصغير يجمع البزران اللي معاة و راحوا نثروا علية بضاعتة اللي مثل وجهه ليتها تشتغل
بس الحين مستحيل انا اروح شخصيا اشتريها
والله لو اني ولد كان مسحت فية البلاط

المهم بس الحين في مركز الخليج بالشرقية الاشرطة للps2 ب15 او 20 و للps من 2 الى 10

[البرت ويسكر]

شباب انا احذررررررررررررركم من ابو يمن


ابو ضروس


ابو وليد

(العاب الكمبيوتر-حي الورود)


هذا المحل نصاااااااااااااااااااااااااب


يبيع دسكاتة بالالربعين والخمسين ليييييييييش

تصدقون اني رحت سألتة كم جيت اوي

قالي50ليييييييييييش

قالي جايني غالي


قلتلة خلة لك انا طالع

ورحت البطحاء واخذتة15ريال بس;-)

[RPG_master]

الرسالة الأصلية كتبت بواسطة البرت ويسكر
شباب انا احذررررررررررررركم من ابو يمن


ابو ضروس


ابو وليد

(العاب الكمبيوتر-حي الورود)

ههههههههههههههههههه


تراهم مسويين ثنائي عجيب:6

ابو وليد و فيصل اليماني الي معه..

واحد ينصب والثاني يسلك له وعلى كذا:6 ..
------------------------

ذكرتوني بسالفه صارت من ثلاث اسابيع..

كنت بالمحل ودخل مصري معه سكودين 3


العلبه اصليه..راح عند فيصل وفتح العلبه وطلع من داخلها سكودين 3 (دي في دي كوبي)..


قام فيصل تلخبطت معالم خشته وطلع من تحت سكودين (الأصليه) وحطها مكان الكوبي..


الي حصل:

المصري اشتراء سكودين دي في دي كوبي..

ما اشتغلت عنده..قام رجعها وقالهم عطوني اصلي(من المستعمله بالمحل)

واشترا الاصلي بسعره طبعا..


فيصل اخذ اللعبه الدي في دي كوبي وحطها بعلبه الاصليه وعطاها المصري?:


المصري رجع البيت واكتشف انها دي في دي كوبي وما تشتغل طبعا..

قام رجعها يوم كنت انا فيه..

وابو وليد مسوي مسكين ما يدري ويقول: الحين مين نصب على الثاني:6 ؟

يقصد فيصل ولا المصري..

قام فيصل شرح الي صار وقعد ينصب على انه مجرد خطأ

وابو وليد يقوله "يا نصاااب;-) "

مسوي برىء ابو وليد:6


او انه صدق برىء وفيصل يقاله بيسوي عملية نصب من ورا ابو وليد لكن بائت بالفشل لقلة الخبره..



ادري طولت عليكم بس هذي مجرد "نبذه" عن النصب الي يحصل بالمحل


طبعا هذا الي فهمته من الي حصل ومنب متأكد مره من الي حصل قبل كذا


لكن تصرفات فيصل وابو وليد كانت تدل على انها موب غلطه:6

[Hardcore~Gamer]

بصراحه انا كتبت هالرد علشان يصير الموضوع فوق لانه حلو ومفيد واتمنى تثبيته وان لم يتثبت اتمنى من الاعضاء الرد عشان يصير واجهه جميلة للمنتدى ويستفيد منه الناس

ويا دارك انجل انا المحلات اعرف لكل حركاتهم بالملي


وعندكم محل مو نصااااب وما يضحك على الناس أبد وصادق أمين واغراضه اصلية 100% ولا يبيع كوبي ولا شيء بس انه غالي ناااااااااااار تشب طالعو هناك وشوفوها الي هو بيت الكمبيوتر حيث انه بمركز صحارى بالرياض وبشارع الثلاثين بالرياض وله فروع في بعض بلاد المملكة وتصدقون انه ما يخفض ريال الا ناااااااادرا الا للي عنده ملف بالمحل (أسعارهم خاصة)

[Dark Angel]

ياشباب ..أرجو أن ما تسيئو فهمي و غرضي الأساسي من الموضوع ...انا والله ما اهدف للتشهير بالمحلات .. و لكن محل العاب الكمبيوتر كان مجرد مثال و لأنه للأسف أشهر محل في عملية الخداع و الغش للأسف ...


انا و الله هدفي هو تنبيه اخواني اللي ما يدرون أنه ينلعب عليهم...بس.

[Hardcore~Gamer]

عارفين قصدك بس انا كتبت عن محل غالي لاني مابي فلوس الناس تضيع مثلا الجيم كيوب 950 ريال مع شريط عند بيت الكمبيوتر1200 ريال مع شريط هل هذا معقول؟؟؟؟

انبه من جديد انا كتبت هالمحل لانه غالي غلاء فاحش غير طبيعي

[DANTI]

صراحه عندكم حق في كل اللي قلتوه...
لكن انتوا في نعمه بالنسبه لنا في الدمام والخبر
الدي في دي من 30-35 ريال في الراشدمول:" :" :"
لما رحت جده في العيد ندمت علي كل اللعب الي شتريتها قبلها بيوم..

وسلام

[Hardcore~Gamer]

انت لا تروح الراشد روح المحلات الي بوسط البلد

[CV XBLOOD]

أخوي Dark Angel
ممكن أعرف إنت ليش خايف ؟؟
بستيييييييييييييييييين داهية !! لأن المحلات الحرامية لازم تنكشف ...
وش شايفينا أغبيا حنا ؟؟؟:غضب: