Final Fantasy X-2 ... مشكلة محيرتني .. خاص بالشباب ؟؟!

[D7ooomy]

أنت شفت العرض وشفت أيش يلبسوا لاغيروا ثيابهم تصير أسوء من اللى قبلها (حقت باين اللي شفتها).
بس برضوا حشتريها

[Wild_Devil]

الرسالة الأصلية كتبت بواسطة SUPER_SAIYAN


اعتقد اني انا واحد من هذه المجموعة ..

يعني في رايكم شو نقدر انسوي .. اذا الالعاب جذي شو ممكن انسوي .. الصراحه ما باليد حيله .. اذا هي موجوده في اللعبة انا شو اقدر اسوي .. خلوها على الله ..





;-) سلامي عليك .........

والله يعطيك 1560 عافية يا DARK HDUKEN
ويخليك ربي ":"

ما ادري منو اللي يلعب لعبة DEAD OR ALIVE ليل ونهار ..

[FF Expert]

جزاك الله خير أخوي على الموضوع
و تشكر عليه و لو إن وضع الصور ماله داعي لأن الجميع عارفين ما فيه و أنت مب ناقص تكسب آثامهم;-)
أنا إذابغيت أتكلم عن نفسي أبقول:
أنا مب راضي عن الشيء هذا
لكني و للأسف سأشتري اللعبه
لأني ما أستحمل أشوف لعبه من سكوير و ما أشتريها
قد لا أكون راضي عما فيها لكن هي في النهايه مجرد لعبه و الي يبغى الشين يلقاه في أماكن ثانيه>>>جالس يلعب على نفسه
أنا الصراحه محتار مثلك
لكني في النهايه أبشتريها بس أبفقد خاصيه مهمه لي إذا إشتريتها
إني مب مخلي أخوي يلعب بها = لازم أنا أطور المستويات>>>بينقزون علي بعض الملاقيف و يقولون أنت تخلي أخوك يلعب لك و ما أدري ايش((خارج الموضوع)) أبقولهم إنه في بعض الألعاب مثل FF10 إذا وصلت إلى بعيد و خلصت كل شيء و ما بقى غير التطوير أجدعها على أخوي لأني أكون ناوي أترك اللعب بس بعد ما يطور أتحمس مره ثانيه

لكن كنصيحة أخ لك:
إشتر FF10 صبر نفسك بها إلى أن ينزل FF1 المطور و على العموم ترى FFX-2 باقي عليها حوالي 7 شهور أو يمكن أكثر((النسخه الأمريكيه))

و بالنسبه لنظام تغيير الملابس فيه عيبين:
1-الملابس إذا غيرتها تكون أفضح
2-بس في المعارك((على ما أعتقد))

[DARK HDUKEN]

FF Expert : العفوا والموضوع يخدم المصلحة العامة .. وبخصوص التصبيرة
أنا ابي العب العاشر بكامل أصدارته علشان تكون اللعبة اطول شوي ... و حالياً العب وايلد آرمز 3 .. وتسلم مرة ثانيه على ردك ورايك . :-) :-)


..... تسلمون اخواني على ردودكم وآراكم الطيبة .. والظاهر أن حل تبديل الملابس راح عن تفكير .. يالله امرنا لله بنعمل بنصيحة الاخ الكريم BOY_THING فكر بأبداع القصة والابداع التصويري من دون الالتفات للمشاهد الاباحية .
و في الاخير أشكركم على تعونك وأبداء آراكم .. ولكم مني
السلاااااااااااااااااااااااااااااااااااااااام :0) :-) ;-)

[NsaN]

حبيب قلبي اخوي

افا عليك لا زعلت و لا شي...و انا اسف اللي الظاهر اني ظهرت عن الموضوع بدون قصد...


بالنسبة لنقطة قدرة التحمل على مشاهدة شخصية شبه عارية طوال اللعبة و دورها في تحريك الغريزة الجنسية عندي...اخوي انا يوم بالعب ما بحط عيني على ريل الشخصية او اي مكان ثاني و بقول: يالله شوفو الجمال...و ما بنام الليل و انا افكر فيها (ههههههههه و الله مجرد التفكير بالمسألة يضحك ). و انا الحمدلله اكبر من اني اسوي الشي هذا. و برايي هذي اشياء حتى المراهقين ما يسوونها. كونها مثل ما قلت قبل مجررررررد لعبة. و اللعبة عبارة عن رسوم. و الصراحة انا عادي عندي. حتى لو كانت الشخصية الرئيسية هي "شيفا" كوني والحمدلله عارف عمري.

و عن سالفة Dead or Alive

الصراحة صدمتني :!....معقول عندنا شباب جي تفكيرهم....الله يستر بس.

الرسالة الأصلية كتبت بواسطة DARK HDUKEN

الجواب لا .. لكن شوف وتخيل هالمشهد .. تخيل أنك باحث في امور الدين الاسلامي .. واعتبرني اخوك اللي أصغر منك .. وكنا جالسين في غرفة وانا كنت ألعب ffx-2 ..يعني لو شفت هالصور في اللعبة بتقول أستغفر الله .. وبعدين بتقولي كمل اللعب .. هذا أسمه نفاق على العزيز المولى.. أتوقع تقولي طفي هاللعبة التعبانة وبكل عصبية .. بس حبيت اسمع الرد منك أنت وانا منتظر .

اخوي انا فاهم قصدك و معاك ان هذا كله نفاق...بس انا كان تعليقي على جملتك "ليش احنا في مسجد" (مش متأكد منها حرفياً :": و لكن بما معناه ) اخوي الانسان يستغفر وين ما يكون...و مافي مكان او موقف محدد للاستغفار. اعتقد انك عارف هالكلام فما راح اطول فيه .

اتمنى اني اكون وضحتلك رايي هالمرة و ما اكون طلعت عن الموضوع مرة ثانية :": (مادري بس حاس اني سويتها )

و اسف على الاطالة

[تحت الصفر]

جزاك الله بالخير يا DARK HDUKEN
و اتمنى ان لاتضع صور مره اخرى لانها قد تغير الرايء عن الموضوع و تجعل له معارضين
و سلملم":"

[Neo Cid]

SUPER_SAIYAN :

سلامي عليك .........

الله يسلمك و يخليك و يحفظك .

Guilty Gear X :

أقول دام جذي أنت خلصها و عطني خبر .. يمكن فيه خيارات للملابس مثل ريزدنت ايفل

[DARK HDUKEN]

Magenta : تسلم اخوي على ردك .. (( خفت أنك زعلت مني )) على كل حال أنت ذكرت الحل من الحلول وانا شاكر لك على هذا الرأي .. وبخصوص DOA3 نعم اخوي Magenta هم موجودين ... تصدق بالله هالفئة من الاعضاء هم اللي ينشرون صور خليعة ويقومون بعملية أرابك للمراقبين في كل المنتديات .. و البيت ما يدل طريقة إلا صاحبة ... على كل حال كلامك صحيح عن الاستغفار وأنا فاهم عليك من قبل لكن قصدي هو بان االلعبة فيها تعري وأنا بقعد على كل صورة استغفر الله .. استغفر الله العظيم .. يعني لو شخص شافني على هالحال .. بيقولي أنت شايف ان اللعبة على بعضها شبه تعري .. وتدري ان اللعبة ما تخلص و بتستمر على هالمناظر حتى النهاية . فليش قاعد شكل الاهبل تستغفر كانك ما تدري انها بتطلع مرة ثانية طفي الجهاز و ريحك نفسك .. هذا كان قصدي .. بس حبيت اوضح هالنقطة وادري أنك فهمني عدل بس علشان البعض ما يفهمها غلط .. حتى شوف ابليس نفسة يقول (( اهلكت بني آدم بالمعاصي .. فاهلوكني هم بالاستغفار )) ;-) .. وتسلم اخوي على الرد و التوضيح :-)

تحت الصفر : العفوا اخوي .. و بخصوص الصور انا آسف ونشرتها لأني محتاج شاهد من الاعضاء على الصور على اساس ما يطالب البعض بالصور باعتبارها غير موجودة وهم في نيتهم شي ثاني .. والحمدلله الله ستر و حصلت على مرادي . و تسلم على الرد ... ولكم مني السلااااااااااااااااااااااااااااااااااااااااااااااام :0) :-) ;-)

[NsaN]

العفو اخوي و الله يعطيك على قد نيتك

مشكور مرة ثانية على الموضوع