هل تؤيد لعب المنتخب في بغداد؟

[خالد2001]

اخوي لورد نحن مع الشعب العراقي ..لكن النظام العراقي تعرفه اكثر منا ..المفروض تقوم ثورة عليه من قبل الشعب ..لكن الي مايخاف الله حاسب حسابه لهالشغلة لذلك معيشهم بعذاب مخليهم يدورون عيشتهم وينسونه ...

كان العراق امل العرب وقوته الضاربه لكن للاسف ..انا انصح العراقيين انهم يقومومن على هالنظام ويكونون حكومة جديدة ...بدل مايلعب بالنفط هو ورعيته ...

تصدقون ان ميزانية حفل ميلاده قد تصل الى نصف ميزانية دولة ...

[الكوبرا]

هذا الي ناقص والله ؟؟؟؟؟؟؟؟؟؟؟؟؟؟؟؟؟؟
مابقى الا نلعب في العراق
يعني تبينا ننسى كل الي سواه النظام العراقي بشعب الكويت
ومايعانيه الأسرى بالسجون العراقيه
وش يظمن لنا أن اللاعبين يرجعون سالمين اذا كان الشعب العراقي لايستظيع ضمان سلامته فكيف بضمان ضيوفه .
ملاحظه :-
أنا لست ضد الشعب العراقي الشقيق
أنا ضد النظام العراقي .

[Winning Eleven 2000]

والله ياهي صعبة يلعبون في العراق أنا من أشد المعارضين لأنهم راح يتضايقون من قبل العراقيين وما راح يرجع على الرحلة ألا أثنين أو ثلاثة وأتمنى سامي الجابر ما يكون من الثلاثة لو عزموا يلعبون في العراق قال أيش قال

[SoZu]

السياسة تدخل بكل شي .. و اللي يقولون خل تصلح الرياضة ما خربته السياسة فهؤلاء الناس ما عندهم سالفه ... تتوقع الخير يجي من عدي ؟ ... أي لاعب عراقي ما يلعب زين أو يضيع بلنتي حاسم ... يوديه المركز و يعذبه ... فما بالك لو خسر العراق أمام نسور السعودية بـ5 أهداف مثلا .. شنو راح يسوي الأخ عداي ؟ ... في أعترافات من قبل لاعبين عراقيين و أنا أعرف واحد منهم ... هرب من العراق و السبه هذه المعاملة اللي أقدر أسميها معاملة البغول "و انت بكرامة" ... و أكيد بهذه الحالة ماراح يكتفي بتعذيب العراقيين اللي مالهم ذنب راح يقوم و يتحرش بالوفد السعودي و ما بيخليهم ينامون الليل من التحرش و الأذية ... و الله يستر على مأدبة العشاء .. "البركة بربع عدي"...
السوسة بالنظام بالاتحاد بالادراة ... ياخي و الله الواحد وده يشم ريحه بغداد و الله مشتاقين بس الواحد وين يأمن مدام هذا النظام الأخرق موجود .. ؟

و أرد و أقول السياسة كل شيء تدخل ..

تعال ليش بعد المباراة الاخرى بالأردن ؟ مو مأمنين أنتو بعد ... ها ... لا بالله كدينا خير .. شلون تقول عيل وخرو السياسة !!! و لا اهي سالفة وحدة بوحدة ؟ ..


تحياتي...

[Lord of PS]

هممم، لا تعليق، يعني لا أعرف من أين تأتيكم هذه الأفكار
لكن فقط أريد أن أعقب على كلامك يا عماد، أنا هنا لست هروباً من صدام ، وإنما لأسباب شخصية، وإن شاء الله راجع إلى بغداد خلال شهرين.