المنافس الخامس The Phantom .. و اشتدت الحرب !!

[xenosaga]

وأيضا اليكم هذا الخبر الصاعق:....:واو: :واو: :واو: .......
ستستطيع تجربة أي لعبة,وأقصد أي لعبة قبل شراءها(من شبكة فانتوم طبعا).......مادري عنكم,بس أنا مع فكرة الجهاز,خاصة أنه يشغل معظم ألعاب الاجهزة الحالية+كل ألعاب البي سي
روعة!!!
http://gamespot.com/gamespot/stories...909314,00.html

[عماد 18]

بصراحة ما ادري ..
لكن احس ان الدعوة فيها تاليف ..
اذا الجهاز للحين ما صمموا شكله الخارجي ..
و باقي على اجهزة ال256 بالكثير سنتين ..
فكيف راح ينجح ؟؟

[xenosaga]

الرسالة الأصلية كتبت بواسطة عماد 18
بصراحة ما ادري ..
لكن احس ان الدعوة فيها تاليف ..
اذا الجهاز للحين ما صمموا شكله الخارجي ..
و باقي على اجهزة ال256 بالكثير سنتين ..
فكيف راح ينجح ؟؟

الفانتوم شيء خيالي,غير عن أجهزة الألعاب الحالية,لأنه يعتمد على البرود باند 100%,ولن تشتري له ألعاب من المحلات,كل شيء للتنزيل(أولا لتجرب أي لعبة قبل شراءها....أي لعبه,ثم تشتريها اذا أردت بالتنزيل),ويشغل أيضا كل ألعاب البي سي وبعض ألعاب البلاي2 والكيوب والاكس:!
?: ?: ?:

[عماد 18]

طيب هذا سبب ثاني لعدم نجاحه عندنا ..
اولا من قال ان الاشرطة تكون غالية بسبب كتيب الارشادات و الشحن و الخ ؟؟
تكلفة الشريط تكون محسوبة على تكاليف الانتاج و اجور العاملين عليه ..
يعني سواء حملت اللعبة من الانترنت او اشتريتها على سي دي راح يكون السعر نفسه ..
وطبعا احنا نقدر الكوبي و ما راح ينفع معنا هالكلام ..
الا اذا كان في ثغرة في نقطة تحميل الالعاب ..
و هي ان عشرة يتقاطون على لعبة و يرسلونها لبعض و بكذا خسرت شركات الالعاب ..
لعلمكم ترى هالحركة تنفع ايضا في العاب الاجهزة المتوفرة الان ..
في مواقع تعطيك لعبة كاملة في ملف ..
و كل اللي عليك هو انك تنسخها على سي دي او دي في دي ..
لكن طبعا هالشي مكلف ..
و مع وجود هالجهاز راح يكون سهل ..
لذا ما زلت اعتقد انه ضرب من الخيال ..

[DARK HDUKEN]

:! :! :! :! :! قبل البدأ في الرد .. أوجه لكم شكري على ردودكم الطيبة ...

يعني البعض عارض والاقلية أيدوا الجهاز ... أنا في نظري بان الجهاز بينجح لكن ما بيقدر يوصل لمستوى الاجهزة الحالية ... بعد صدورة هالجهاز
(( والعلم عند الله)) لا تظنون أني دجال مثل صاحبنا العراف .. لكن بعد صدور الجهاز وضع الالعاب بيتغير ... يعني بيصير عندنا ثلاث أنواع من ألعاب الفيديو ..
* مجال الاجهز الثابته : مثل الـps2 و الـXB و الـgc . و تحتاج تغير الجهاز وتطويرة في حال تغير البرمجة وتطورها .

*مجال الاجهزة الغير ثابته الـpc : هو الوحيد اللي يقدر يغير ألعاب من 8 ,16, 32, 64, 128 إلخ....
و لا تحتاج لتغير الجهاز وإنما أجزاء من الجهاز كبطاقات الصوت والصورة .

* مجال الاجهزة شبه الثابته : طبعا هو الجهاز الحالي the phantom >> سبب تسميته بشبه ثابت .. الالعاب الي بتنزل عليه هي عن طريق الانتيرنيت يعني بتكون مثل البلايستيشن2 والكيوب والاكس بوكس .. يعني يوصل لمميزات كل واحد فيهم وهذا الشي غير ثابت .. والشي الثابت هو الحدود القصوى لقوة الجهاز 128 بت .. يعني لو توفرت قطعة تطوير أو بطاقة تغير قوتة من 128 إلى 256 بت في هالحالة بيكون غير ثابت .. لكن هالجهاز ثابت على قوته 128 حاله حال الاجهزة الثابته ..

.. و أنا أتفق مع اخوي xenosaga على أنه الجهاز بيكون له حضور قوي بين الاجهزة لأنه له مجال يختلف عن البقية وانه الغرب حاليا يفضلون تنزيل البرامج أو اللعب أونلاين وخصوصا على الـpc .

واشكر كل المشاركين في هذا الموضوع وخصوصا أخوني الاعزاء Gladieator والي صارلي زمن ما تلاقيت معه و عماد 18 .. واللي طولت غيبته في المنتدى :0) ... وشكر خاص لأخوي xenosaga و انا أشهد أنك بدعت هالمرة في ردك .. ولكم مني السلااااااااااااااااااااام اجمعين :0) :-) ;-)

[Kasser]

بس ياجماعة

ماراح يتفوق على قدرات اكس بوكس 2 وبلاي ستيشن 3 صح؟

باقي سنة على اكس بوكس 2 وسنتين لبي اس 3
الناس متجهزين لهذان الجهازان مو للفانتوم والله رايك ويش

[DARK HDUKEN]

الرسالة الأصلية كتبت بواسطة كاسر الألعاب
بس ياجماعة

ماراح يتفوق على قدرات اكس بوكس 2 وبلاي ستيشن 3 صح؟

باقي سنة على اكس بوكس 2 وسنتين لبي اس 3
الناس متجهزين لهذان الجهازان مو للفانتوم والله رايك ويش

ما بيتفوق على هالقوة الضاربة لكن المجال ي هالناحية مختلف .. و قوته بتكون في انه الجهاز الوحيد من نوعه .. يعني تنزل لعبة من الشركة وتلعبها .. كل شي بيكون عن طريق النيت .. هذا المجال جديد على السوق وعلى المستخدمين يعني لا انا ولا أنت ولا أي واحد من عشاق العاب الفيديو في العالم له خبرة سابقة مع هالجهاز .. نصبر ونشوف :0) :-) ;-)

[Grandia]

يمكن يحطم سوني ونانتدو ومايكروسف في حاله واحده بس


اذا كان وراه مليارات من البنوك يرش الشركات ويحصر العابها عليه والضمان له بلأكتساح

[Flanteus]

.... لا الموضوع بالفعل يبغاله تفكير
وخاصة انه ألعابه أون لانية ....بعضها ....
وأنا بصفتي أحد لاعبي الفيديو جيم <------ لا يا شيخ:غضب:
ومن المؤيدين .... لألعاب الأون لاين فأعتقد أن هذا الجهاز راح يكون له شعبية وخاصة أنه يعتمد اعتماد كلي على النت .... شيئ رائع بالفعل
ولكن ليه الحيرة ...
ما دامت الأجهزة الموجودة حاليا توفر اللعب عبر الشبكة ...وخاصة ان لشركة سوني لها طموحات كبيرة لجهازها البلاي ستيشن الثاني
من بين هذه الطموحات ..انه بامكان اللاعب ان يحمل بعض الألعاب التجريبة من النت على جهاز السوني قبل الشراء ;-)
عوضا عن الأشياء الأخرى التي تطمح اليها سوني ......ولكن فكرة تنزيل الألعاب كاملة عن طريق النت ....!!!!!!!
هذا هو الشيئ الجديد والوحيد الذي يختلف عن جهاز البلاي ستيشن2
يعني بالعربي الفصيح ......
هذا الجهاز لم يأتي بجديد سوى تنزيل الألعاب كاملة من النت ...والله أعلم ;-)

[Kasser]

طيب اظن ان الكل نسى .. الهاكرز

لاتقولون حماية ما حماية , شهرين ثلاث من نزوله راح ينزلوا برنامج التحميل ببلاش حق هذا الجهاز

ايضا لو كان الشراء ببطاقة فيه برامج تزوير حق البطاقات الشراء ":"
تتوقعون له أمل؟؟

[msm]

فتحت شركة انفينوم لابس Infinium Labs باب الاشتراكات للشركات و الافراد للتطوير على الجهاز

ذكرني بالجهاز الأسود العتيد من سوني PSone ياروز (على مااذكر اسمه كذا) الذي يتيح للأفراد تطوير الألعاب عليه ..

[DARK HDUKEN]

الرسالة الأصلية كتبت بواسطة كاسر الألعاب
طيب اظن ان الكل نسى .. الهاكرز

لاتقولون حماية ما حماية , شهرين ثلاث من نزوله راح ينزلوا برنامج التحميل ببلاش حق هذا الجهاز

ايضا لو كان الشراء ببطاقة فيه برامج تزوير حق البطاقات الشراء ":"
تتوقعون له أمل؟؟

... شباب على ذكر الهكرز نحن نسينا امرهم .. ومن جهه ثانية الجهاز ما يعتمد على دسك درايف .. يعني الالعاب غير معرفة على نوع محدد من العدسات حالها حال العدسات في الاجهزة الثلاثة .. و بشكل عام يقدرون الهكرز كسر الحماية و تغير شفرة الالعاب ليتوافق مع أجهزة ثانية حالها حال الامليتير لباقي الاجهزة مثل الـps1 الي تقدر تشغل العابه على الكمبيوتر وحاليا تم استخدم أيمليتر جديد يمكن مستخدمين البلايستيشن2 من اللعب بألعاب السيجا ماستيرسيستيم و السي دي حاليا موجودة عندي وهذا هو مصدر البرامج http://psms.gamebase.ca/downloads.html

msm : صح تذكرني بجهاز فتحت سوني باب التطورير من دون رسوم .. بس اظن كان هالموضوع على الـ Sony 3DO ... يمكن مهب متأكد :0)

و تسلمون أخواني على المشاركة .. ولكم مني السلاااااااااااااااااااااااااااااااااااااااااااااااااااااااااااااااام:0) :-) ;-)

[msm]

الرسالة الأصلية كتبت بواسطة DARK HDUKEN
msm : صح تذكرني بجهاز فتحت سوني باب التطورير من دون رسوم .. بس اظن كان هالموضوع على الـ Sony 3DO ... يمكن مهب متأكد :0)

لا أقصد النت ياروز .. لكن برسوم طبعاً ..
هذي بعض الصور الي لقيتها :







واذكر اني لعبت ببعض الألعاب المطورة بواسطته .. ورغم بساطتها الا انها حليوه ..وكان على القرص الذي يأتي مع مجلة ألعاب البلاي ستيشن في أعدادها القديمة 98 ..