تحت المجهر (2)

[Anime-Girl]

اوه اجل بتسوي موقع شدشد ,حقيقه انا كتبت الموضوع علشان اشوف ايش اكثر شئ يفكر فيه الاعضاء وخاصه العرب على ايش يبحثون وايضا ايش ودهم يشوفون..لانه لو ربي وفق فتحت موقع مع بعض الاشخاص لانه لنا مده ندرس الموضوع ..انا مختاره من مده كم عضو وحاطتهم في بالي بعضهم كلمتهم والبعض الاخر لا..وبعضهم مو من المنتدى..حقيقه المشروع كبير وصعب شوي ويبي له جهد + وقت + نقود ":"
وان شاء الله لو ربي سهل نفتح اكبر موقع عربي للانمي وباقوى المواصفات ..لذلك الله يوفقك في مشروعك ..وحلو التنافس لانه به راح يكون الامر اكثر حماس..وانا تقريبا يمكن اغلب اللي معي بنات ,الله يسهل علينا وننفذ الامر..لكن هو مو مؤكد 100% ^^
الله يوفق الجميع في مسعاهم ان شاء الله ...وان شاء الله تلقى اي شخص يساعدك..ولو حبيت من مواضيعنا للي نكتبها هنا مو مشكله انت اطلب ..بما انها بتنكتب باسمنا وش ورانا >>تحسها واثقه بياخذ موضوعها ^^

[angel on earth]

أشكركم على هذا النقاش المهم
انا أعتقد ان قله المواقع العربية ترجع لأن الكثير لا يريد الكتابة باللغة العربية
وانا ضد هذا ... المواقع الأجنبية والانجليزية مافيه أكثر منها في النت
ولازم الواحد يعتز بلغته شوي ...
لابأس من جعل صفحة أنجليزية لكن العربية هي الأصل .....
وياريت تكون في نفس الموقع لينك لمواقع دعوة أسلامية
علشان إن شاء الله يرجع عليك الموقع بالفايدة و إن شاء الله ناس يهتدون للدين الأسلامي عن طريقك .... ,وهذا اقل ما نقدمه لديننا
الامريكي فخور أنه أمريكي و الصهيوني فخور بصهيونيته
وأنت يا مسلم كن فخوراً بإسلامك ... حتى في موقعك عن الانيمي ..

الموقع ....
أما الشي اللي أفضل يكون موجود
صور Gallery مثلما قال دارك لورد الصور قليله في المواقع العربية
manga و شرح لأحداث المانقا مع بعض الصور منها
scans للمانقا مترجمه صفحات مترجمة
و ماهو شرط تكون مانقا مشهورة يعني لها انيمي
شيء جميل الواحد يتعرف على مانقا جيدة حتى لولم تكن مشهورة جداً
mp3 و إذا ما تبغون بلاش
ولا تنسون نبغى تغطية للأنيمي القديم ^_^
و fan art
و حلقات أو مقاطع للتحميل ..
بس ياريت تكون سهلة التحميل و مجزئة ....
و تقارير عن الانيمي مثل اللي نكتبها ....
و إذا تذكرت شيء ثاني قلته ....




Shadowboy
وعليكم السلام و رحمة الله و بركاته
والله فكرتك ممتازة ... و من ناحية التقارير
أنا ماعندي أي مانع أشارك بكتاباتي معك
أو أساعد في ترجمة مانقا .. يعني .. اللي أقدر عليه
من كلامك اكيد بيكون رائع إن شاء الله ;-)

[alamal13]

انا ما عندي شيء زيادة اقوله غير اني بكون موجوده لاي مساعدة ممكنه وانا اقول ان الموهوبين في عمل المواقع وايد بس المشكله في الوقت.

وحلو نشوف موقع لانمي جيرل و موقع لشادوبوي...الله يوفقكم ان شاء الله.

[Xellos]

DarkLordDragon : مشكور داركو حبيبي ^___^ على تشجيعك

anime-girl : ماشاءالله سويتو عليها دراسة انا والله مسكت معي كذا

غلط وقلة ليش مايكون فيه موقع رحت اكلم حق التصاميم وقال

ماعندي مانع اسويلك قلة خلاص يله ليش لا وتوني مخطط للموضوع

من اسبوع او اقل من اسبوع ماعندي احد مسكين :": جالس ادور

على الناس انشاءالله أشوف فيه تجاوب مع الاصدقاء

وليش مافي أحد يبي مواضيعك مواضبعك راح تكون من اول الماضيع

التي سوف أضعها في الموقع إنشاءالله ...

angel on earth : والله اقتراحاتك حلوة لازم اتفاهم معك على جنب

وحلو راح تترجم المانجا انا أفكر أروح أكلم ( ورشة المانجا ) انت تعرف

من هم ;-) تعتقد راح يوافقون شيك على رسائلك الخاصة

[Arsene Lupin]

فيه سبب اظنه مأثر و بقوه... و هو بطء الانترنت في السعوديه... و دول الخليج بشكل عام...

فيصير صعب الواحد يحمل اغاني و افلام على موقعه... فيتكاسل...

و صراحه اظن الشخص لازم يتفرغ له... و نادر تلقى ناس كذا في السعوديه... فاضين ما عندهم غير الانمي... مو مثل الدول الغربيه او اليابان... الواحد تصير حياته كلها حول الشي الي يحبه... حتى وظيفته...

مثل العاب الكمبيوتر او الانمي... او الاغاني...الخ



لكن صعب الواحد يبني حياته كلها حول الانمي... لانه بصراحه... تتخلله اشياء كثيره محرمه... و شينه الواحد يبني حياته على شي حرام :":

[snorlax]

نقطة البداية انكم تحددوا قائد أو المنظم
لاني شايف أكثر من واحد يبغا يسوي الي في راسه ...

القائد أو المنظم هو الي ينظم الموقع .. يعني مو شرط يكون خبير تصميم لكن يكون عنده أفكار وموجود الي ينفذها وله خبرة في الانمي ...
انا أرشح انمي جيرل تكون القائد ..

واعتقد مشرف الالعاب اذا كان موجود ^____^
بيعطيكم دومين مثلا anime4arab.com
لانه اعطى للمنتدى الرياضي و عتقد من حقنا نسوي موقع ....

وما اعتقد شرط اننا نكون خبراء تصميم المهم المحتوى
لاني مريت في هالتجربة و كان عندي موقع Roms & Emulators
وكان ناجح بسبب الالعاب الي فيه .. والمواقع العربية الاخرى فاشلة لانهم يركزوا على التصميم زيادة عن اللزوم ... والمتصفح العربي ياخذ ويمشي مثل ما قلتوا ...

ولو كان في الموقع صفحة تحميل ... اقترح تخلونها للاعضاء المشاركين مثل المنتديات الأجنبية عشان المتصفح ما ياخذ ويمشي ^^

مجرد اقتراحات :":

[Anime-Girl]

مشكورين على ارائكم وانا معك من الافضل نتحد ..لكن انا الى الان ماقررت متى راح ابدا في الموقع لانه للاسف ماتوفر لي وقت وسرعه ..الخ ,لي اكثر من سنه ادور مصدر للسرعه والغرض علشان ابني موقع وايضا الحصول على الانمي من النت الخ..لكن وش تسوي الاتصالات الى الان نايمه مافي فائده منها :غضب: ,وانا حقيقه يمكن ما افتح موقع ويمكن افتح لذلك خلها للظروف ..لكن باذن الله لو فتحنا راح نعتمد على المضمون اكثر من التصميم لكن لو ربي وفقنا ليش لا نضرب عصفورين بحجر
على العموم انا محتاسه شوي وعندي ظروف صعبه شوي يمكن انقطع عن النت فتره والحمد لله راح اكون مطمئنه كالعاده لانه في مراقبين يسدون غيابي ,لكن ما ادري متى ارجع ...............الله يسهل

[raizen]

الرسالة الأصلية كتبت بواسطة anime-girl
مشكورين على ردودكم الحلوه واغلب اللي قلتوه صحيح انا معكم للاسف المتصفح العربي ايضا كسول ولا يحب التدقيق في الاشياء بس يالله خذ وامش
للاسف الاجانب متفوقين علينا بكثير..اما بالنسبه للاقتراحات اكيد حلوه وانا في نظري لو ظهر موقع عربي للانمي متخصص ..ويبدا من ال0 وبعدها باذن الله راح يكبر واكيد مو شخص واحد فيه

السلام عليكم
الحمدلله ان جاء موضوع زي كذا معناه = جاء بوقته يانمي العرب
مشكوووووووووووووره ياكابتن على هذا الموضوع عطيني مهله كم يوم وانا راح اعطيكم الوصله حق موقع عربي فيه كل الكلام اللي قلتوه والحلم راح يصير حقيقه اووكد لكم وانتم تعرفوني لا اكذب ولا اتبجح ولكن لي تعليق بسيط الموقع هذا محتاج ناس عرب يعني ترابط وتكاثف عربي علشان يوصل زي ماقالت الكابتن وبما انكم فتحتم هذا الباب انتظروني وباشوف هل فعلا سوف يكون هناك مسانده من اخواننا العرب ولالا..
تحياتي للجميع
انتظرواني جايكم والله ومعاي الوصله اللي راح تحقق كل اللي قلتوه .....:6

[Spike]

ماشاء الله والله الشباب اقتراحاتهم شي...

انا عندي اقتراح راحي يخلي شباب المنتدى يكتبو مواضيع قمة...تسون مسابقة من غير جوائز مسابقة شهرية عن احسن موضوع احسن كاتب احسن كاتبة وتسمون الجائزة اوسكار الانمي ----->عن جد ما امزح

والمواضيع الى تفوز والاعضاء الي يفوزو تفتحون موضوع وتحطون اساميهم ووصلات المواضيع... يعني زي فكرة منتدى المميزة بس هالمرة يكن في لجنة تحكيم واللجنة تتغير كل مرة كذه كل عضو يبدي رائيه والي يفوز يفوز عن جدارة...

اتمنى اخذ الموضوع بعين الاعتبار...ولا تراني امريكي ولا تخلوني اهيج بوش الثور عليكم وقوله ان المنتدى وكر لمنظمة القاعدة...ترى هه ماعندي لعب

[San_21000]

السلام عليكم ورحمة الله وبركاته

الفكرة الجديدة حلوة وتشكري عليها يا أنمي جيرل أنا من ناحيتي أشوف السبب هو

-عدم خبرة العرب في هذا المجال!!
-عدم اهتمامهم بهذا المجال لانه مخصص للاطفال في نظرهم!!
-الكسل الدائم لديهم وذلك بان ليس لديهم الوقت الكافي لتجديد وتطوير الموقع !!

وأتمنى أن أرى تفاعل لكثير من الشباب وأن يكونوا فرقة للموقع ويكون هناك قائد لهم ويسمع ارائهم وأفكارهم ويقيمون الأفكار ويحطونها هذه هي وجهة نظري
ردي متأخر أكيد بس وش أسوي أختبارات

اتمنى اخذ الموضوع بعين الاعتبار...ولا تراني امريكي ولا تخلوني اهيج بوش الثور عليكم وقوله ان المنتدى وكر لمنظمة القاعدة...ترى هه ماعندي لعب

[Yuna]

الرسالة الأصلية كتبت بواسطة Arsene Lupin
فيه سبب اظنه مأثر و بقوه... و هو بطء الانترنت في السعوديه... و دول الخليج بشكل عام...

فيصير صعب الواحد يحمل اغاني و افلام على موقعه... فيتكاسل...

و صراحه اظن الشخص لازم يتفرغ له... و نادر تلقى ناس كذا في السعوديه... فاضين ما عندهم غير الانمي... مو مثل الدول الغربيه او اليابان... الواحد تصير حياته كلها حول الشي الي يحبه... حتى وظيفته...

مثل العاب الكمبيوتر او الانمي... او الاغاني...الخ

اعتقد هذا السبب

بس شكيت فيكم ...هل انتم عرب .......... (نعم) كأنكم تأكلون انفسكم !! المهم اي مساعدة في تصميم (الصفحات) اعطوني خبر في رسالة خاصة او اي ترجمة الى مسلسلات الأنيمي اعطوني خبر ايضاً وليكن كل هذا قبل انتهاء الأجازة واذا صار عندي وقت لأن دايماً مشغولة هاي الأيام ولااستطيع الدخول الى الأنترنت... الى اللقاء

[raizen]

مثل ما وعدتكم رغم ان ماحد سالني ولا علق على كلامي لاكن مو مهم
هذي الوصله واتمنى الموقع يعجبكم وينال رضاكم
تفضل بالدخول

[Yuna]

الرسالة الأصلية كتبت بواسطة raizen
مثل ما وعدتكم رغم ان ماحد سالني ولا علق على كلامي لاكن مو مهم
هذي الوصله واتمنى الموقع يعجبكم وينال رضاكم
تفضل بالدخول

مستحيل !!

[raizen]

الرسالة الأصلية كتبت بواسطة FFX-YUNA


مستحيل !!

وش اللي هو المستحيل:!
مافهمت

[Anime-Girl]

الرسالة الأصلية كتبت بواسطة raizen
مثل ما وعدتكم رغم ان ماحد سالني ولا علق على كلامي لاكن مو مهم
هذي الوصله واتمنى الموقع يعجبكم وينال رضاكم
تفضل بالدخول

من قال اخوي احنا اكيد ننتظر موقعك ..لكن بسبب الانشغال ما مدانا نعلق واسفين لو ما ساعدناك او اهتمينا ..والله يوفقكم ..لان البدايه طيبه ..يله شدو حيلكم نشوف النتيجه