ليش ؟؟

**cubelover** · 26-03-2003, 12:44 AM

مشكور يا هارب

**Mahdee87** · 26-03-2003, 12:47 AM

لأنه احنا اللي ساكتين على هالشي

ولأنه اليهود عارفين انه احنا متفرقين وما رح نقدر نسوي لهم شي

فراحوا خلونا "ملطشة" عندهم

لو انه العرب كلهم اتحدوا لكان صار عكس الكلام اللي مكتوب

ولا حول ولا قوة الا بالله

ومشكور على الموضوع

**HArb200** · 26-03-2003, 07:24 PM

انا بصراحه اقتعنعت ان ارسين مش ممكن يناقشك وتقنعه .. او حتى يقنعك .

لكن هو يسوي الحركات ذي عشان ينفس عن الطاقه اللي بدالخه لامن ماصار عنده واجبات ,,

المهم ,,

ميمي ,,
مدري صراحه وش تقصدين .. لكن الزبده هنا .. والخلاصه .. اننا المفروض مانسكت ..

بوب 2002,,
العفو .. وان شاء الله يترجمها اربيجي .. عشانه افضل واحد بالانقليزي هنا .. وانا بترجمها للصيني ":" ,,

ارسين ,,
طيب بس الكلام هذا .. مهوب لأمريكا "بس" يالحبيب .. لو تلاحظ انه يشمل كل الديانات والملحدين بعد ,,

لينك ,,
العفو .. وان شاء الله اربيجي مايقصر ,,

العراقي ,,
انت تعبر عن وجهة نظرك .. لكن شف غيرك ! ,,

**HArb200** · 26-03-2003, 07:37 PM

لينا ,,
العفو ..

فعلا القوه هي اللي تفرض كذا .. بس السؤال اللي يطرح نفسه .. ليش صاروا اقوى مننا ؟؟ .. واللي على اثره صاروا يفرضون ارائهم علينا ويغيرون المناهج ويدعمون العلمانيين المهبل .. وغيرهم .. ويلغون وزارة الاوقاف ويضعون مكه دوله مستقله بذاتها .. وغيرها ,,

متى مااحنا قدرنا نفرض رأينا .. ولو على الأقل بالرفض .. بتتغير كل هالطبائع .. وبيصير اليهودي والمسيحي والبوذي والهندوسي والملحد هم اللي يوجه لهم رِجل الاتهام !! ,,

(مع تحفظي على بعض الاشياء بردك)

كيوب ,,
العفو ..

مهدي ,,
فعلا كلامك صحيح .. عموما كلما زاد الظلام كلما اقترب الفجر !!

وشكرا ,,

**عماد 18** · 26-03-2003, 07:54 PM

اكثر من رائعة

..
و انا في راسي فكرة تصميم يتعلق بحرب العراق ..
مو يشبه حرب الصرب على البوسنة و الهرسك ؟؟
اللي تدخلت امريكا بنفسها عشان تنهيه ..
مو الصرب كانوا يقولون ان البوسنة مصدر خطر على الامن ؟؟
ليش الحين صار هالشي صحيح لما صارت امريكا اللي تبغى كذا ؟؟

الرسالة الأصلية كتبت بواسطة HArb200
انا بصراحه اقتعنعت ان ارسين مش ممكن يناقشك وتقنعه .. او حتى يقنعك .

احم ..
ما قلت شي :0) ..

**Anime-Girl** · 26-03-2003, 10:20 PM

والله رهيب اللي سواها,للاسف الاسلام والمسلمين مظلومين في كل مكان,بس اظن انه العرب ساهموا في نشر الفكره ,يعني لو مثل اول في دعاه الخ ونصحح الفكره؟!!,لكن وش تقول لاحياه لمن تنادي,لاتنسون بعد انه الكفار ياخذون اللي يعجبهم بس,ولا عليهم من الباقي ,ومشكور ياحارب لانك شاركتنا في الامر

**Arsene Lupin** · 27-03-2003, 12:47 AM

طيب بس الكلام هذا .. مهوب لأمريكا "بس" يالحبيب .. لو تلاحظ انه يشمل كل الديانات والملحدين بعد ,,

العولمة = الأمركة

و أمريكا تتحكم بالعالم كله بالميديا

فإذا غلطت على أمريكا كأنك غلطت على الدنيا كلها

للتوضيح اكثر:

المسلمين هم الوحيدين الي فجروا في امريكا بسبب شي ديني... فأمريكا قالت ان الاسلام هو البلا... و بما ان عندها الميديا... قالت للعالم هالشي... و العالم بدا يتأمرك و يعتبر اي شي تقوله امريكا صح...

انا بصراحه اقتعنعت ان ارسين مش ممكن يناقشك وتقنعه .. او حتى يقنعك .

والله هذا سبب و شايفه مقنع...

اذا ما اقتنعت... جاوب انت طيب... ليش؟

و بعدين اغلب النقاشات كذا... غالبا تنتهي بدون ما يتفقون الاثنين على شي... فلا تحسب ان هالشي فيني...

لأني أقدر أقول عنك نفس الكلام!

"انا بصراحه اقتنعت ان هارب مش ممكن يناقشك وتقنعه .. او حتى يقنعك . "

دايم ناظر لكل شي من جميع الجهات... و لا تحصر الشي بنظرتك أنت...

**RPG_master** · 27-03-2003, 11:22 AM

ارسين..

موب هارب بس الي يقول هالكلام:6

**RPG_master** · 27-03-2003, 11:38 AM

الرسالة الأصلية كتبت بواسطة Lena

شوشه ما كان هارب قال عبروا عن رايكم هنا صوح:6

ولا صدق بس نترجم ونسكت..احم

عالعموم تسلم مرة ثانيه هارب..

بالأخير اكتشفنا ان رأينا ما راح يفيد..

لأننا كلنا مقتنعين بهالشي..

لذلك الترجمه احسن حل بدل الخوض في نقاشات ارسين الغير منتهيه,,

وحاولي تقللين من خشات العرض:6

**انجلينا17** · 27-03-2003, 12:52 PM

مشكووور هارب

لذلك الترجمه احسن حل بدل الخوض في نقاشات ارسين الغير منتهيه,,

ايه صووووووووح

ترا الخثرقه الفاضيه ماتنفع

**Arsene Lupin** · 27-03-2003, 09:03 PM

الرسالة الأصلية كتبت بواسطة RPG_master
ارسين..

موب هارب بس الي يقول هالكلام:6

المشكله انه محد جاوب على السؤال!!!

يعني من عنوان الموضوع... "ليش؟؟؟؟"

تجي تقول لي انشروها انشروها :0)

و انا على نياتي جيت اجاوب على السؤال... قالوا لي النقاش معك عقيم

و ياليت عقب خمس ست ردود... من ثاني رد قالها

اوكي الله يهنيكم بموضوعكم... عبوا الموضوع خمس صفحات بكلمة "مشكور هارب"

**RPG_master** · 27-03-2003, 10:31 PM

سواالي ذكي..

لا تغمز ما تنفع لك:6

بعدين انا ما أتكلم عن الموضوع ذا..لأني مادري وش تتناقشون عنه..

لكن من تاريخ مرصع بالنقاشات معك,,

بالنسبه لذا الموضوع هو سأل لماذا وجاه رد يقوله أننا كلنا فاهمين الي يصير..وما فيه فايده من نشره هنا..

لذلك ترجمته افضل..ومن هنااااا يتحول مسار الموضوع,,

لذلك لا نحتاج جواب على لماذا ولا نحتاج مشكور يا هارب

**Arsene Lupin** · 27-03-2003, 10:56 PM

يا ملحي و انا مقفله معي بس :#

اوكي اجل انت برا هالموضوع... لأنك ما تدري وش نتناقش عنه :6

بالنسبه لما تقول تاريخ مرصع بالنقاشات معي...

والله ما اذكر نقاش معك غير سالفة العاهات... مع اننا في الاخير اتفقنا على شي واحد... فما أدري وش تقصد بكلامك!

و قبل لا تحكم علي اذا النقاش معي عقيم ولا لا... حاول تفكر في نقاشاتك طول حياتك... وشف كم واحد قد اقنعته...

=========
نرجع للموضوع... هارب سأل ليش يسوون هالشي... انا قلت رأيي... تحسون انه غلط... ناقشوني... موب تقولون النقاش معك عقيم... ما ودكم... اجحدوه

مع ان مدري ليش هارب مستغرب من ردي... المسلمين فجروا في امريكا... امريكا قالت البلا من الاسلام... و نشرت هالشي بالاعلام.... فصار العالم كله يشوف الاسلام زي ما تبي امريكا.. و الي هي الصورة هذي الي ناشرها

وش الغريب في الكلام ?:

**RPG_master** · 27-03-2003, 11:14 PM

و قبل لا تحكم علي اذا النقاش معي عقيم ولا لا... حاول تفكر في نقاشاتك طول حياتك... وشف كم واحد قد اقنعته...

ههههههههه

والله لو أنها دعوه الى الإسلام..

تراها مهما راحت وجت تظل نقاش بمنتدى,,

ارفع الضغط صح

..

**Arsene Lupin** · 28-03-2003, 12:02 AM

:" <<< منقهر :":

الموضوع: ليش ؟؟

أدوات الموضوع

ضوابط المشاركة