مناقشة عن السيارات

[MR.أستبنه]

اي والله هذي الشاشه بليه

انا اعرف ناس صرلهم حادث بسبب الشاشه بس الله ستر عليهم وصارت الخساير في بس في السياره اما هم الحمد لله ما صارلهم شي الا بعض الجروح والكدمات والكسور

وهي اذا بس تشغلها وانت واقه احسن بس في ناس يشتونها عشان يشغلها في الطريق يبغى يوري الناس انو عنده شاشه .............


ما ادري يعني وش الفايده اذا دور الناس انو عنده شاشه

[راعي الفايبر]

الرسالة الأصلية كتبت بواسطة MR.أستبنه
اي والله هذي الشاشه بليه

انا اعرف ناس صرلهم حادث بسبب الشاشه بس الله ستر عليهم وصارت الخساير في بس في السياره اما هم الحمد لله ما صارلهم شي الا بعض الجروح والكدمات والكسور

وهي اذا بس تشغلها وانت واقه احسن بس في ناس يشتونها عشان يشغلها في الطريق يبغى يوري الناس انو عنده شاشه .............


ما ادري يعني وش الفايده اذا دور الناس انو عنده شاشه

الي يدور ويوريهم مسوي نفسه بطران

[راعي الجي تي آر]

الصراااحة
هذي الايام في الامارات
منتشرة الموستنجات
لأن سعرها طاح
يمكن الحين في حدود التسعينات او الثمانينات
وانا امس شفت شي غريييب جدا جدا جدا
موستنج سالين 2003 لونه ازرق عجب العجاب
صوب المسجد
ولما طلعت من المسجد
طلع واحد مطوع لحيته طويلة وثوبه مقصره
ولا اشوفه يركب الموستنج
عاد انا تخبلت
الفيوزات عندي انفجرت
يعني مطوع عنده موستنج بعد مب أي موستنج
لا موستنج ساليييين!!!!!!!!!!
والمشكلة ما يعرف يسوقه
أبداً
شكله الحين مطلع الرخصة
على العموم شورايكم بهذا الموقف؟؟؟

[volvo]

لا حول ولا قوة إلا بالله شكله هذا المطوع من الهيئه ويلحق الشباب

بسيارته الله أعلم يعني بمعنى اصح أن سيارتهم الجمس لو هرب

منها لكزس أو كامري أو أو أو............ ما يقدر يجيبهم

[راعي الفايبر]

شباب اي واحد يبغي يشتري سيارة


ياخذ لومينا SS 2003







اليوم والله قبل ساعتين

انا مع واحد

لوميناSS & ماكسيما



اللومينا حقت صاحبي وانا معي الماكسيما موديل 2001 حقت ولد خالتي


والله من اول ما ولعت الاشارة ما شميت ريحته سووووووووووووووووووو ......

طلللللللللللللقة ما لقيته الا عند الاشارة الثانية واقف يضحك علي


مواصفات السيارتين

معي : ماكسيما فتحة وجناح قير عادي 2001 اسود
معه : لومينا اس اس مودي 2003 اسود

حركات كل السيارتين اللون اسود ":" ":"

والله انا شكلي راح اطلع لي وحدة ;-)

[ALshehre U & S]

ألف شكر أخوي الفايبر...على موضوعك...

أخواني..أحد يعرف كم أحصنة جيب لاند كروزر GXR و VXR موديل2003..

والعزم حقها كم قوته...

على الله مايكون طلبي ثقيل عليكم..;-) ;-)

[راعي الفايبر]

$$$$$$$$$$$$$$$$$$$$$$$$$$$$$$

VXR1 : 152.000 RS

GXR1 :115.000 RS

عدد الاحصنة : والله مادري

[راعي البرادو]

انا ارد عليك اخوي ALshehre U & S
بالنسبة حق الكروزر ال GX-R قوته 240 حصان كل 4600 دورة
وعزمه 41.5/3600

اما الVX-R فقوته 250 حصان كل 4800 دورة
وعزمه 44.0/3400

[David Beckham 7]

انا عندي سؤال..

اذا غيرنا لون السيارة هل يؤثر سلبا على السيارة مع مرور الزمن؟

لان لون السيارة اللي عندي مو عاجبني وناوي اغيره من ذهبي الى اسود

[MR.أستبنه]

هلا والله اخوي
لا تغيير اللون ما يأثر على السياره بس انصحك انك تغيره عند محل كويس ولو اخذو منك زياده 1000 او 2000 ريال بس المهم نضافه الشغل

وبعدين راح تتبهذل عند المرور علشان تاخذ رخصه تغيير اللون وتغيير الاستماره اذا ما عندك فيتامين ((و)) (واسطه)

[راعي الجي تي آر]

ههه
حلوة فيتامين (و)

[ODIN]

والله يعطيكم العافيه يا شباب منتدى السيارات ..

وتحيه خاصه لريسنا راعي الفايبر على هذا المجهود الطيب . بالفعل موضوع مفيد وفكرته رائعه ..

بالتوفيق للجميع ..

[David Beckham 7]

مشكوووووور اخوي MR.أستبنه وماقصرت


احاول ادور فيتامينات

[راعي الجي تي آر]

الرسالة الأصلية كتبت بواسطة ODIN
والله يعطيكم العافيه يا شباب منتدى السيارات ..

وتحيه خاصه لريسنا راعي الفايبر على هذا المجهود الطيب . بالفعل موضوع مفيد وفكرته رائعه ..

بالتوفيق للجميع ..

اهلا اخ اودين
والله احنا نتمنى ان تكون في منتدى السيارات كل يوم على الاقل
واذا احتجت اي شي
راح نساعدك فيه
ومن عيونا
لأن احنا نحب نعين ونعاون
اخوك راعي الجي تي آر

[MR.أستبنه]

العفو يا اخوي David Beckham 7

ويمكن تلقاهم في الصيدليه :6 :6 :6 :6