كيف عرفت شي اسمه RPG

[لاعب كمبيوتر]

بصراحة انا ما اعرف شو هو الار بي جي بس اعرف ان كل اجزاء فاينال فانتسي حلوة

[Platinum_Shadooo]

ترا الجميع الي في المنتدى لعبوا ار بي جي حتى الي مايطيقوا شيء اسمه ار بي جي لعبوا اربي جي اول لعبة ار بي جي الجميع لعبها كانت كابتن ماجد في كمبيوتر العائلة والجميع الي يقولك انا ما احب اسلوب القتال الي في فاينل المصيبة كابتن ماجد فيها نفس الأسلوب وهي اسلوب الأوامر يعني كلنا لعبنا ار بي جي من زمان لكن ما حد عارف اسمها.

[Liquid Snake]

الله يا Platinum_Shadooo ذكرتني بأيام قبل لمه كنت العب كابتن ماجد تصدق كنت اموت عليها العبها بالساعات وخلصتها وكانت احلى لعبة عندي على الناتيندو وخلصتها بس بعدين طلعوا فرق يدد ما ادري شلون اشكلالهم لابسين ازرق جنهم كابتن رابح ما ادري منو بس صارت عبط يعني القولجي (حارس المرمى) يقدر يجيب علي قول بشوته وحده من مكانه بعد ما قمت العبها

وتصدق بعد قبل جم سنه حطوا اعلان بتلفزيون عن ناتندو بالعربي بس لعبها محدوده وقليله جدا يعني فاشلة (نفس الاعاب العادية بس مترجمه بالعري) ووياهم كايتن ماجد بالعربي بس ما ادري وين يبيعونها الحين

[Chandler]

للرفع....


يووووووووووووووووووه يا زين مواضيع أول.....

[SHADOW2002]

الاعضاء الجدد شفتوا بعض اعضاء زمان كانوا رهيبين

























































مثلكمممممم

[squall 911]

أنا عرفت الآر بي جي عن طريق .................

إسمعوا قصتي :

كنت أقرأ في مجلة من المجلات عن لعبة (( وايلد آرمز )) و كان مكتوب في المجلة أفضل لعبة آر بي جي هي وايلد آرمز من بعد فاينل فانتسي (( من زمان )) المهم أنا أقرأ عن القصة و هم يكتبوا أروح أقتل الوحش باستخدام الميدالية و أكلم ناس و أشتري أدوات أنا أول ما سمعت بهذي الأشياء وأنا أدور على هذي اللعبة بس المشكلة إني كل ما أسأل الهندي اللي في المحل أسأله عن فاينل فانتسي يقول لي إيش هذي اللعبة وبعدين أسأله عن وايلد آرمز كمان ما يعرفها المهم في يوم من الأيام شفت محل يبيع أشرطة دخلت عنده و سألته عن فاينل فانتسي قال لي (( أي جزء عايز ؟؟)) أنا سألته قلت (( ليش هي كم جزء ؟؟)) قال لي : نزل من اللعبة 8 أجزاء (( قبل ما تنزل فاينل فانتسي 9 )) أنا قلت له أعطيني آخر جزء نزل فأعطاني ((((( فاينل فانتسي 8 ))))) و إشترت مع الشريط 3 مجلات الحل الكامل و كنت متشوق حتى أوصل البيت عشان ألعبها و أول ما وصلت البيت شفت اللعبة و ما عجبتني خليت أخوي يلعب شوي و أنا قعدت أقرأ الحل الكامل و قرأت إنو مكتوب عن اللعبة إنها (( سيدة ألعاب الآر بي جي )) أنا على طول إكتشفت إنها ألعاب الآر بي جي هي الألعاب اللي تشبه فاينل فانتسي


هذي هي قصتي بالتفصيل الممل

[M7MOOOD]

أنا تعرفت على ألعاب الآر بي جي عن طريق ( فاينل فانتسي 5-6 ) اللي نزلزهم على البلاي ستيشن ... و لما شريت هالشريطين و شفت رسوماتهم تحسفت واايد على أني شريتهم لأن رسوماتهم كانت رسومات جهاز نتندو و كان في ذاك الوقت فقط أهتم لرسوم اللعبة ... فعلى طول بدلتهم .. و بعدين شفت على شاشة عرض المحل عرض بداية فاينل فانتسي 8 ... و تعجبت لما عرفت أن هذا هو الجزء الثامن للعبة اللتي شريتها من يوم و هي الجزء السادس .. فشريت الثامن و كان توه نازل النسخة الأنجليزية ...
المهم لعبت الثامن و كان عبالي ان اللعبة بس تجول و تسكع في الشوارع و قتال الوحوش ... المهم بس ظليت أتجول في المدرسة و في مدينة ( بالامب ) .. لما مليت من اللعبة ... بس بعدين و في يوم من الأيام رحت المكتبة و لقيت حل كامل للعبة ... فشريتها و بعدين رحت البيت و قريتها و عرف أني لازم أروح كهف النار و أكمل المغامرة .. و بعدين شوي شوي قمت أوصل في اللعبة .. و خلصت الدسك الأول .. بعدين الثاني .. حتى خلصت كل الشريط ... و بعدين جنيت على اللعبة و عشقت ىكل ألعاب الآر بي جي ... و شريت كل أجزاء فاينل فانتسي .. حتى الخامس و السادس .. و اليوم شريت الرابع

[ذي يزن]

عن طريق FF7....

[HAMAD]

أنا تعرفت على ألعاب الار بي جي عن طريق المجلات
وزاد اعجابي بها لما أخذت فاينل فانتسي 8 من أحد أقربائي
لأنها ما عجبته فالعبت فيها
وفي البداية ما دخلت مزاجي حيث تحكمها كان غريب علي
ولمن مرة طلعت وحش الاستدعاء عن طريق الصدفة زاد اعجابي بها
وكملت اللعبة حتى خلصتها ورت أعشق هذا النوع من الألعاب