جاليري ×_×

[Rewayah]

كذلك...
إذا فيه مشكلة, أرسل لي على الخاص.

[Rewayah]

أأأأأههاااااا! ^^

بعد التحري والبحث المضني لقيت بعض الأجوبة وإستخلصت كم إستنتاج. :0)


في البداية, حسيت إنه شينوبو زعلان من المنتدى, وذلك من خلال إختياره لنيك نيم ثاني هو "stupid montada".

ويوم قريت ردوده هنيه, أعتقدت إنه له رسومات ومشاراكات محد رد عليها, لذلك هو زعلان...
فقمت وبحثت عن أي "جالاري" لشينوبو وما لقيت.
وما خليت وسيلة بحث وما إستعملتها, من بحث في أسماء الأعضاء "لأنه الإسم ما كان من ضمن سجل الأصدقاء اللي عندي", إلى بحث في المشاراكات.
لين ما لقيت موضوع لتوتو بعنوان "رسومات شينوبو".
ولقيت فيه رسمة له الظاهر هو مو راسمها كما إستنتجت المراقب فطوم.
وطبعاً ما رديت في الموضوع لأنه هي أغلقته بنفسها لتجنب المشاكل.

المهم, والآن عرفت سبب إحراج أو زعل الأخ الكريم شينوبو من المنتدى. ^^

فأستنتجت إنه هو منزعج أو محرج يمكن من هالسالفة! ;-)

ويا أخي شينوبو, إذا كان هالموضوع مزعلك فأنساه, مافي داعي تفكر فيه!
حصل خير.
إنسى الموضوع برمته وأفتح لك جالاري خاص برسوماتك.

لأنه أنا تكسرت إيدي وأنا قاعد أنبش المنتدى لجالاري لك عشان أشوف رسمك.
في النهالية ماكو شيء!!
عيل سألت نفسي ليش الأخ زعلان!! ^^
ليما إكتشفت بالصدفة اللي حصل... وبخصوص ذلك, خلني أقولك إنه هو شيء بسيط وما يستحق التفكير أو حتى القلق!!
شو يعني؟!
واحد حط رسمة غيره, وصار اللي صار! ;-)

خلاص إنسى الموضوع, وخلني أقولك إنه الأعضاء حتى ما أظن يفكرون كثير في مثل هالمواضيع أو المواقف أو يعني بيتمون يلاحقونك حول اللي حصل!
فاااا يعني خلاص بأة! :6


ثانياً, لاحظت لك رد في المنتدى السياسي, كنت تتكلم فيه مع لوجين ورجل الحاسوب, حول العراق "أيام الحرب عليها".
ولاحظت عبارة قلت فيها بما معناه إنه لأنه بعض الناس ما يعرفون يرسمون, فهم منقهرين منك...
عموماً لسبب أو لآخر أستنتجت إنه هذا هو شعورك يا شينوبو, أو هو يعكس العقدة اللي فيك إنت!
طبعاً مو قصدي شيء, بس يعني اللي أبغي أقوله يا شينوبو إنه إذا كنت تحتاج مساعدة في الرسم, أو عندك إستفسارات أو تبغي دروس معينة, فنحن تحت أمرك. ;-)

إنت بس قول اللي تحتاجة.
وإن شاء الله في فترة قصيرة تصير رسام مبدع.
(إستغل عطلة الصيف دام إنها جت لهالغرض! في شهر بتصير ترسم بشكل مبهر!).

حياك. ;-)

ورجاءاً إرجع شارك بإسمك القبلي, أحسن من هالإسم الجديد. ^^

[stupid montada]

توني ادري ان روايه اسم على مسمى ههههه

انا صح متضايق من المنتدى مو عشان سالفة الجاليري القديم لي ولا عشان مسحوا ذيك الرسمه لي لان بعدين لو صار الموضوع كم صفحه اقدر احطها و محد حيلاحظ

الموضوع ان المنتدى الاسلامي و السياسي و غيرهم فيهم كثير مواضيع ما ينسكت عنها كلها حجي و حش في الشيعه و الكويتيين خخخ
عشان جذي كرهت هالمنتدى و حطيت لكم رسمه مو انا راسمها بذاك الجاليري لان ما كان لي نيه ادخله مره ثانيه و سجلت بهالنك الحلو
و رحت رديت على المواضيع البايخه في المنتديات السياسيه و الاسلاميه فانطردت ههههه

قلت خل اطنش هالسالفه و ادخل بس منتدى الرسم
حطيت هالجاليري بس لاحظت محد عاجبه النك عشان جذي محد يرد فقلت للمشرف اودين كخخخ انه يغير نكي فالظاهر دخل الجاليري و مسح رسمتي و طلع
ههههه

هم بطنش و ححط رسومي

سالفة احد يعلمني الرسم انساها انا اكره اتعلم الرسم من احد
بالعكس اللي بعلمني هذا انا مستعد اتحداه ههههه

سي يوو
ححط رسمه اليوم راسمها من زمان
بس ها اودين انا ما بيك تدخل و مابيك تغير هالنك P: لانه احلى من نكك بوايد

سي يووو

[stupid montada]

هذي هي الرسمه

يلا مسحوها ههههه

[Rewayah]

هلا "ستيوبيد منتدى".


علشان ردي كان طويل؟ ^^


...


شكلك زعلان.


...

بالنسبة لنكك اليديد... لا تعليق.

وبالنسبة لمسألة تعليمك... هذا مجرد ظن إعتقدته, لأنك حطيت رسمه مو رسمتك, فقلت الريال يمكن ما يعرف يرسم ويبي مساعدة...
عموماً على كيفك.

أما بالنسبة لتغيير نكك الحالي...
لا أعرف يا شينوبو, بس اللي أعرفه إنه في بقاءه إستدلال على خطأك, وأسمك سيعمل ضدك... فإذا كان لك عداوات في المنتديين السياسي والإسلامي, إسمك سيعمل لصالحهم, وبيكون ضدك وذريعة للتحريض عليك.

فأنا أقول أحسن تتركه, وتدخل بإسم ثاني.

حياك.


...
كمان هناك ملاحظة.
أغلب الأعضاء هنا في منتدى الرسم الحر لو لاحظت, كانوا يطالبون الأعضاء الآخرين بالفصل بين منتدانا والمنتديات الأخرى, سواء السياسي والإسلامي.
وكانوا يقولون إنه أعضاء المنتدى بشكل عام لازم يحاولون يفصلون بيننا وبينهم.
وعلى رأسهم رانما الله يجزيه الخير, وكانت في محاولات كثيرة لإستعادة الأعضاء اللي راحوا بسبب تلك المشاكل.
(في موظوع كامل حول هذا الأمر طرحه رانما).
هذا هو الموضوع ==> "This is getting REALLY ANNOYING".

حياك.

ملاحظة: إنت عرفت آراء "بعض" الأعضاء حول تلك القضايا في المنتديين السياسي والإسلامي... هل تعرف آراء أعضاء هذا المنتدى... ومراقبيه؟

;-)

[stupid montada]

اقول

جني حطيت رسمه يديده قبل رد روايه

بس خخخخخخ
ولا كاني حطيت شي

[Rewayah]

توني أشوفها. ^^

حلوة!

حلوة... ؟؟

أأأأأ... ?:
شينوبو, رسمتك ما عليها كلام وجميلة.

بس ما أظن أقدر أسترسل معاك عنها وأكمل حديثي حولها وأنقدها, دام المشكلة الأساسية ما إنحلت.

ما أعرف ألحين, صافي يا لبن ولا حليب يا قشطة؟؟

كيف تبينا ناخذ ونعطي معاك وأنت عندك مشكلة, ونك نيميك عنوان هالمشكلة؟ ;-)

خل مسألة الجالاري وعرض رسوماتك بعد ما تهدأ أمورك.

ألحين شو؟ راضي على منتدى الرسم وأعضاءه ولا بعدك زعلان من منتدى الرسم الحر بسبب المنتديات الأخرى؟

ومسألة نك نيمك القديم وإرجاعة بسيطة.

حياك.


...

حسناً, بتكلم شوية عن رسمتك, لا ضير في ذلك. <== طول عمره عكس الناس! ><
حقيقةً هي حلوة, وخطوطك في الرسم واثقة ومثالية لرسام مانجا ياباني.
بس تفتقر لبعض الدقة.
وأكثر شيء يعجبني ملامح الوجه والعيون بشكل خاص.

وما بزيد على ملاحظة الإخوة الكرام حول الصدر.
سوى إنك توليه بعض الإهتمام الغير...
بينما بعض الأجزاء الأخرى تحتاج لعناية أكثر. ;-)

أم أنك تتعمد ذلك وتنشر مثل هالرسومات لإثارة حفيظة بعض الأعضاء المعينيين؟

إذا كان الأمر كذلك...
فأنصحك أن تتوقف عن ذلك فوراً...
(مع إني أستبعد هالشيء, وأعتقد إنه مثل هالرسومات هي "ذوقك الحالي"). ^^
ممكن تراوينا رسومات من أذواق مختلفة ومواضيع أخرى لو تكرمت؟ :6

حياك أخوي الكريم.

[stupid montada]

_______

كيف تبينا ناخذ ونعطي معاك وأنت عندك مشكلة, ونك نيميك عنوان هالمشكلة؟
_______

ما عندي نك غير هذا و المشرف العام دزيتله رساله عشان يغيره بس ما غيراه
شسوي يعني
عندك طريقة اغيره فيه ؟

_______

ألحين شو؟ راضي على منتدى الرسم وأعضاءه ولا بعدك زعلان من منتدى الرسم الحر بسبب المنتديات الأخرى؟
_______

منو قال اني متضايق من اعضاء منتدى الرسم
هم صح نايمين غالبا و في بعضهم يبطون جبدي لانهم يقلبون اي موضوع الى موضوع قصص كوميديه عالطاير خخخ
بس مو يعني اني زعلان من اي واحد منهم
اما المنتديات الثانيه انا ماني داخلها بعد مره

_______

أم أنك تتعمد ذلك وتنشر مثل هالرسومات لإثارة حفيظة بعض الأعضاء المعينيين؟
_______

هههههه !! اي شي
يا سلام اسلوبك عجيب في الاستنتاجات
انا لما ارسم ما اهتم للملاس اخليها اخر شي فبعد ما تنتهي الرسمه احطلهم ملابس غالبا كانها جسمهم نفسه مو ملابس خخخ
السبب اني هالايام قاعد اتدرب على رسم جسم البنات لاني كنت قبل لما احاول ارسم بنت تطلع ريال خخخخخخخ

ححط رسوم عن اشياء ثانيه المره اليايه P:

[الزين كله]

الرسالة الأصلية كتبت بواسطة shaheen
اهلا اختي شلونج

رائع انك شاركتي في منتدانا
بصراحة كنت انتظر مثل هذا الهجوم على المنتدى وبرسمات جديدة
ماشاء الله مستواك متطور
اين تخفين كل هذه الموهبة

نتمنى ان نراك قريبا جدا وبرسومات أحلى;-) انا متابع لك^_^ مش من هلأ إلا من زمااااااااان

[shaheen]

هههههههههههههههههههههههه ليش عاد يالزين


كنت بغطي عليه.. وكنت عارفه.. بس الحين مادام فضح نفسه فأقول له:

حياك الله يا اخوي العزيز
رسمك حلو وجديد قوي في رسم الفتيات
نتمنى ان ارى المزيد وكما قلت رسومات عن اشياء اخرى (تراني متحمس)

سي يو;-)

[Rewayah]

شاهين, وش سالفته ذا؟

الزين كله, أوكيه... فااااا؟؟

ما الحكمة من ردك هذا؟ ' ' '

[Lillymon]

hello Stupid montada....hope u r doing fine....ur work is nice...the face expressions are cool...the way u draw the eyes and lips are very nice...besides..u are well at drawing the upper torso...but u gotta work harder on the lower portion that is the lower limbs...and one more thing...donr get bothered or discouraged...im sure there are still many ppl on the montada who love ur works...but they dont comment for one reason or other...
keep up ur work...and try different styles and CLOTHINGS ..
Best,

[sakura wakky]

شلونك أخوي شينوبو :0)


اعذرني بعد ما عرفت ان هذا أنت ما حبيت أناديك باسمك الحالي اسم شينوبو وايد أحلى :-)



مع أن الكمبيوتر اللي باللاب بطيء يعني ما قدرت أشوف رسومك


بس أجزاء بسيطة منها

الرسمة الأولى ما شفت منها الا شعرها و الرسمة ما أدري شنو ترتيبها بس بين ويها
:"


بس واضح من اللي شفته أنك فنان و لو كان في بعض الأخطاء على قولة باجي الأعضاء مع أني ما شفت شي من هذا


رسمك حلو و رسمك للبنات يذكرني برسم مادوكا الحبوبة :0)

حاول ترسملنا رسومات يديدة بأساليب يديدة و ان شالله اذا قدرت أشوف رسوماتك عدل برد مرة ثانية عليهم


وحدة وحدة

أوكي ( لا يكون تزعل بس :": )




سي يو ;-)

[manga queen]

اخ شنوبوووووووووووووووو..

:غضب:

:غضب:










:غضب:



رسمتك






الاولى





تهااااااااااااااااااااااااااااااااااااااااااااااااااااااااااااااااابل
تابع انا اتابعك اوكيك;-) باياتو":"

[stupid montada]

مشكورين عالردود الحلوه و المشجعه ^____^
الا اللي نكه الزين كله خخخخخ

مانجا كوين : ليش معصبه جذي ههههه ثانكس عالرد يلا انتي بعد حطي رسماتج لا تنطرين الوحي هههه او حطي لنا مانجا مو نكج مانجا كوين وين المانجا المزعوم هذا P:

ساكورا واكي : بتناديني شينوبو عادي لا مانع خخخ زين ان الرسومات اللي شفتيها عجبتج ^^

Lillymon : رد مؤثر جدا ~~~~~~-_-~~~~~~ ( دموع = ~ )

شاهين : مشكور عالرد الحين انا قاعد افكر شنهي الاشياء الاخرى الي تبيني ارسمها خخخخخ ححط رسوم لاولاد نخفف شوي من البنات خخخ اممممم بعد شنو اكو -_- انا بس اعرف ارسم اوادم +_+ ان شاء الله اليوم ارسم جم رسمه و احطها ^^ يمكن بعد ارسم مانجا عالسريع

سي يووووو