شو تتمنى يكون في GTA الجديدة ؟

[Tomb raider]

يعني رأي عجبكم لما قلتلكم اطفال

[fahed2k]

باااااك أكيد عجبنا رايك بخصوص الأطفال

ومثل ما وعدكم اني بكتب عن فكرة وجود الأطفال...

أول شي بتكون أعنف وأوحش لعبة فالعالم بقتل الأبرياء :واو:

بس تعالوا نتخيل كيف اليهال بيتوزعون فاللعبة

تحصل الياهل ما يتمشى الا ويا أمه أو أبوه (لازم حد يرافقه) ?:

واذا كان عالمهد تحصله فالعربانة (العربة) وتيره (تجره) الأم ويمكن شايلته على ايدها او حاطتنه ورا ظهرها <<< هذي GTA نسخة افريقية

وبس تيي انت وتصوب عالياهل تيي الحرمة تصارخ وما تشرد ... اتم تبوس ايدك وتترجى فيك لا تسوي شي حق ولدها <<< فلم هندي

وانت شرير يمكن تطلب فلوس وبعد ما تطعيك يبأ تخلص عليهم نيهاهاهاهاها

بس اذا اشّرت عليها بتشل الياهل وتربع (تركض) واذا فالعربانة بتركض بشكل جنوني بعد يعني لا تفكر تلحقها الا بسيارة او سنايبر

اما عن الاطفال اللي يمشون فيختلف اذا اشرت (صوّبت) عالحرمة بتشرد وتطلب من ولدها يشرد ويسوون سباق مراثون

واذا ما شردت الام او صوبت على بنتها (غيرت الموجة) بتسوي درع حق بنتها والدرع + السلاح حقها بيكون الجنطة او كيس المشتريات او الكعب أحيانا والبنت يا تركض وتدعمها سيارة (يعلها ليموزين واذا كانت شيطونة تدعمها شاحنة الزبالة) او تندس ورا يدار او شجرة <<< تسوي عمرها سام فيشر

اليهال اللي ما شافوا ضوء الشمس << هذا محل العاب ... اقصد الحوامل وفبطنهم ياهل نقسمهم لقسمين

الأول وحدة حامل تتمشى (تسوي رياضة) بروحها أول ما تصوب عليها يا تشرد يا تترجى فيك وتقولك الله يخليك تراني حامل فتوأم << تخرط عليك
أو تشرد وتطيح عالأرض تعبانة << ما تقدر حامل

والقسم الثاني حرمة ويا زوجها... اول ما تصوب على الحرمة ينقز عليك الريال ويتم يظرب فيك ويمكن يطلع مسدس اذا عنده ويقول حق حمرته سيري مركز الشرطة (او البيت) يا حرمة.... بس اذا الزوج خاين بيشرد ويتكرر المشهد الأول

وطبعا لكل مشهد من االمشاهد فيه كلام مختلف يعني لو يتك وحدة متينة غير عن الظعيفة ولو يتك وحدة بيضة غير عن السمرة كل منهن له كلامه وتصرفاته والرجال بعد يعني لو هجمت على واحد مال عصابات الله يعينك راح يطلب العون من الأعوان

ويمكن تحصل ولد وبنت صغار يتحدون بعض فالسياكل اوالرولر السكيت او السكيت بورد تيي انت وترز ويهك وتقول اللي يفوز بعطيه مسدس فيه طلقات حية هم بيتسابقون عالبيت عقب >>وناسة<< نيهاهاهاهاها

وطبعا المشاهد تختلف بين الاطفال طبعا يعني اييك واحد لابس نظارة بيشرح حقك كيف بتطلع الطلقة من المسدس والسرعة والوقت و و و طاااااااااااخ على مخه وطفل يكون حفيد بروسلي الغير شرعي (مستنسخ) يسويلك حركات فالفظاء ويسدحك بس بطلقة وحدة توديه ويا جده

وقتل الابرياء فاللعبة بيكون عقابه شديد يعني تحصل 3 نجوم من اول طفل

هذا اللي عندي عن الاطفال المساكين يحليلهم هههههههههههه

وباقي الافكار فالردود القادمة( مني ومنكم ) انشاءالله...

تقبلو تحياتي... فهــد ;-)

[solidsnake13]

شكرا على الموضوع أخي

بصراحة أتمنى شيء وحيد وهو إضافة أسلوب الماتريكس للعبة":"

وشكرا...

[fahed2k]

مشكورين ياللي رديتو عالموضوع

master seymour الصراحة فكرة الكنسية ما خطرت على بالي لكنها روعة بس لا يحطون مساجد !!

sinchi codo

امم عصابات اكثر وحشية يا سلام والسيارة لو بنشرت ما بيكون غير تاير احتياطي واحد واذا سيارة دفع رباعي تايرين

فاللعبة كل ما اشتري مكان تقريبا يكون فيه اعوان بس يتمشون اما عن مشاجرات بينهم وبين العصابات او حتى الشرطة هذي تعتمد عليك .. روح اقتل واحد من عصابة معينه بيلحقك الباقي وانت روح ويا اعوانك وهم يسوون شغلهم وحتى الشرطة
المظاهرات ذكرتني بلعبة postal 2 على البي سي فيها افكار حلوة هذيج لكنها First person shooter وفكرة المظاهرات اعتبرها مختلفة عن فكرة البودي جارد ولو كانت فاللعبة يا سلام تحصل الشوارع مغلقة ودوريات مكافحة الشغب وماظهرات حلو":"

بارع في الالعاب

الله يهداك اللعبة بتصير سم سيتي 5 ! بس هي فكرة معقولة انك تبني وتشتري وتبيع... بس لو المصانع و الشركات والقصور والبيوت والمحلات وغيره موجودة وانت تشتري بذلك ماراح يكون فاللعبة تعقيدات
وفكرة البزنس موجودة فاللعبة ويمكن لو يطورونها شوي بتكون اروع

ash 90 ثانكس على ردك البسيط بس لو حبيت تظيف اي شي معقول لا تتردد

We6fe هي اللعبة حلوة بس لو ياك جزء يديد وفيه نفس الجديم تقريبا بتحس بالملل منها وفكرة السيارات انا وياك فيها

الجـــاســـوس

دخول البيوت والبنوك خصوصا وانت داخل بيت تحصل اللي فالبيت يدق 911او يطلع برع ينادي شرطي يقول حرامي فالبيت ويأشر عليك

بخصوص سيارة الزبالة انا جفتها فاللعبة بس ما تشل الوصخ !

و الراديو لو شركة روكستار تتعلم من EA بيحطون احلى راديو وثمان ساعات راديو مب كافية لان اللعبة يبالها 30 او 40 ساعة راديو عشان ما نشعر بالملل و نسكر الراديو

والحين كالعادة في اخر الرد بكتب عن فكرة من افكاري... احم احم ":"

اتمنى لو فالجزء القادم بس ندق select نقدر نجوف المقصورة من الداخل يعني المقود والجير الخ الخ

والمزيد من الأمنيات فالردود القادمة وشكرا لتواصلكم الى اللقاء

تحياتي فهـــد ":"

[fahed2k]

مع الأماني اللي ما تخلص...

أتمنى يكون فالجزء اليديد سلاح بازوكا نقدر نتحكم فالطلقة عن بعد

ها شو رايكم ؟ مثل اللي ف007 نايت فاير

[rodwan2100]

Skateboarding:-)

[fahed2k]

كح كح طولت فالأماني والتهاني والتبريكات ....... آآ ... أوبس

السموحة كان علي امتحانات وماقدرت اواصل وياكم

نرجع لمحور حديثنا

GTA الجديدة لازم تكون غير عن قبل،، يعني الصراحة لو بيخلونها مثل vice city بمل الصراحة نبا شي يديد مختلف (شي= اقصد اللعبة ككل)

ومن الأشياء = الأمنيات على حد تعبيري اللي أحب تكون موجودة هي اللعب عبر الانترنت

مادري صدق بيكون موجود أو لا بس شرط يكون اللعب للاعبين وااااااااااايد

مب يقولون 16 :غضب: نبا عالم افتراضي واسع تحصل عمرك ماشي فالشارع ويجيلك واحد ويدعمك ويصرق سيارتك :0)


طبعا اللعب اونلاين فهاللعبة بالذات يباله هارد ديسك لأنك بتصمم شخصيتك و كم من سيارة (حسب المسموح فيه للأونلاين عاد هم يختارون بس ما يتعدون ال4 سيارات لانها بتصير حلاوة ) بس لازم يكون للعبة اشكال وسيارات كثيييييييييييييييرة للتصميم حتى انه ممكن تنزيل صور واشكال من الانترنت او من الكمبيوتر عن طريق البرود باند لتصميم السيارة او الملابس والخ

ها شو رايكم بأفكاري الهبلة ؟

مادري شو كتبت الصراحة فوق لاني اليوم راد من الامتحان ومسطل امتحان من بعد صلاة الجمعة لين الساعة 5 ومب متفطر (ماكل سنيكرز وشارب عصير برتقال روابي<< عصيره المفضل)

ولا تقولون امتحانات يوم الجمعة :واو: ترا امتحاناتي دولية يعني تيي من برع وتتصلح برع ومافيها واسطة :غضب: :"