أبو مروان يستفسر

[Reinu]

الرسالة الأصلية كتبت بواسطة Final Fantasy 7




ما أدري ليش الكل عنده فصل شخصية توماس ممل و ييب النعاس ... أنا أكثر فصول اللعبة حبيتها و جذبتني لها هي فصول قصة توماس لأن شخصية توماس بطيبتها و بساطتها و شخصية سيسايل بعفويتها دخلوا مزاجي و قلبي بسرعه

لانه بارد جدا وتعامله بطييييييء والاحداث هناك تتطور ببطيء فما احس باي شي ساعتها سوى النوم

[Neo Cid]

الرسالة الأصلية كتبت بواسطة Magical Dreamer


لانه بارد جدا وتعامله بطييييييء والاحداث هناك تتطور ببطيء فما احس باي شي ساعتها سوى النوم

كولووو منه هديت اللعبة ..

غريبة .. هالولد مادري شنو ينحب فيه .. غير الملل اللي ماله حدود ..

[ابو ريفالدو]

والله ماعرف انا الاعبة اعذرني


لاكن من كلام الاعضاء اقول انها


مملة;-)

[The Best Zell]

مع أني ما لعبتها يا أبو مراون لكن أنصحــك إنك ما تاخذها

أنا مثــلا سمعت الأعضــاء يمدحون في اللعبة إللي أسمها كيندوم هارتس فقلت باين عليها عجيبة ولما أخذتها طلعت مملة ?:


فكيف عن هاللعبة إللي يقولون الأعضــاء عنها ممله بنفسهم يعني أكيد راح تكون رايحة عليها وما تستاهل الواحد يلعبها


أقول خلك على ألعاب فاينال فانتاسي وإذا كنت متملل روح أرجع ألعب لك فف 7 أو فف 8 أو فف9 أحسن لك

[AL_7RBY]

سوكيدون تعتبر من افضل الأربيجي على البلايستيشن 2 و قصتها افضل من فاينل فانتسي 10 وتتخطاها بأشياء كثيرة

بس نصيحة إذا خلصت الجزء الثالث حاول انك تلعب الجزئين الي قبل وتركب تخزيناتهم عليه علشان تتوضح القصة اكثر

ملاحظة : لاتحكم على لعبة اربيجي قبل لا تختمها :6

[Final Fantasy 7]

الرسالة الأصلية كتبت بواسطة AL_7RBY

ملاحظة : لاتحكم على لعبة اربيجي قبل لا تختمها COLOR] :6 ]

و أنا أيضا دائما أقول هالشي .. لا تحكم على أي لعبة الا بعد ما نتهيها كاملا

[أبومروان]

الرسالة الأصلية كتبت بواسطة The Best Zill
أنا مثــلا سمعت الأعضــاء يمدحون في اللعبة إللي أسمها كيندوم هارتس فقلت باين عليها عجيبة ولما أخذتها طلعت مملة ?:

أخالفك الرأي هنا يا زيل (رغم أننا متشابهين في أشياء كثيرة) ... لأن كينجدوم هارتس من أقوى ألعاب البلايستيشن 2 رغم طفوليتها ، بل بالعكس ، هذه الطفولية هي التي أضافت للعبة جوا خاصا من المتعة..

أما من ناحية سيكودن فانا اشتريتها و أمري لله...

[Final Fantasy 7]

الرسالة الأصلية كتبت بواسطة أبومروان


أخالفك الرأي هنا يا زيل (رغم أننا متشابهين في أشياء كثيرة) ... لأن كينجدوم هارتس من أقوى ألعاب البلايستيشن 2 رغم طفوليتها ، بل بالعكس ، هذه الطفولية هي التي أضافت للعبة جوا خاصا من المتعة..

أما من ناحية سيكودن فانا اشتريتها و أمري لله...

اشتريها و أنا أخوك .. اشتريييييهاااااا .. و صدقني ماراح تتركها الا بعد ما تنهيها

[أبومروان]

خلاص يا نااس خلااااااااااص


اشتريتها....:-)

[Final Fantasy 7]

الا صحيح .. في ملاحظة مهمة للغاية لك .. و هي أن في بداية اللعبة راح يخيرونك بين ثلاث شخصيات تلعبها .. أنت لازم تلعب على هالطريقة بالضبط و الترتيب علشان تقدر تفهم القصة بشكل مناسب :

1- هيوجو ( البداية )

2- كريس ( البداية)

3- جيدو ( البداية )

4- هيوجو ( الفصل الأول )

5- كريس ( الفصل الأول )

6- جيدو ( الفصل الأول )

7- هيوجو ( الفصل الثاني )

8- توماس ( الفصل الأول )

9- كريس ( الفصل الثاني )

10- جيدو ( الفصل الثاني )

11- هيوجو ( الفصل الثالث )

12- توماس ( الفصل الثاني )

13- كريس ( الفصل الثالث )

14- جيدو ( الفصل الثالث )




و أوقات ممتعه مع سيكودين 3 :6 ;-)

[Neo Cid]

اشتريها اشتريها .. و صدقني .. ما راح تهدها إلا لمن توصل لتوماس ..

[AL_7RBY]

الرسالة الأصلية كتبت بواسطة Neo Cid
اشتريها اشتريها .. و صدقني .. ما راح تهدها إلا لمن توصل لتوماس ..

مو شرط يلعب بتوماس يقدر يطنش فيه اول مرة

[Golden_Sun]

قصة Chapter 1 من توماس .. انمشيها .. ونبلعها .. بس الباقي الله لا وريك ملل × ملل :6

أبو مروان .. خزن قبل لا تلعب بتوماس .. يمكن تترك اللعبة بسبتها مثل ما صارلي >_<
بس اخر شي وصلت للنهاية لكن ما انهيتها

[أبومروان]

من كثر الكلام عن توماس هذا راح أتحاشى ظهوره إطلاقا ...

[Golden_Sun]

الرسالة الأصلية كتبت بواسطة أبومروان
من كثر الكلام عن توماس هذا راح أتحاشى ظهوره إطلاقا ...

عين العقل .. زين سويت ..
اعمل تخزين ثاني .. إلعب فيه بتوماس للفضول .. يمكن تكمل فيه