هل تفضل المعارك العشوائيه ام انك تشاهد العدو قبل المعركه

[l)@RK-l)EVIL]

Mesharey
Golden_Sun
البرت
msm
boind2003
MR. BLACK MAN
سكوال 9
KuwaitDragon
Ramza
Kingdom hearts
bah
Final Fantasy 7


===================
مشكورين على ردودكم واسف على ردي المتاخر لاني انشغلت وايد

[king bahamut]

انا افضل المعارك العشوائية...
لان طبعي اني اشلخ المنطقة تشلخ...فاذا شفت وحش جدامي لازم اروح اباريه...واذا خلصوا..مرات اقول ابي زيادة..وينهم :6

انا من النوعية اللي اذا طلعتلي حركة يديدة او شي لازم اشوفها على طول...واذا كانوا الوحوش يبينون....تعال ودورلك على واحد...
حتى بالنسبة حق اللفل...الطريقة العشوائية احسن....وحلاة اللعب يكون مفاجئ
-------------------------------------------------------------------------------------

same as me
بس طبعا في العاب ما يركب عليها المعارك العشوائية...
-------------------------------------------------------------------------------------

not same as me
سلام

[Flanteus]

بس لا تنسوا يا أخوان ان لكل طريقة عيوبها

يعني بالطريقة العشوائية ما أقدر أحدد الوحش اللي أبغى أباريه مثلا .. صح ولا لأ ؟؟
وبالطريقة العشوائية ... ما تقدر تحل الألغاز براحتك ...
كل ما تروح وتجي يطلعلك واحد دلخ :6 .....
واللي يأكد كلامي .. انكم لو شفتم الجزء العاشر من فف ....المعابد مافيها وحوش مو عشان قداستها وبس ....
بل عشان الطريقة العشوائية ما تنفع في ذيك اللحظة ...

تخيلوا لو المعابد فيها وحوش

وايضا بالطريقة العشوائية ما تقدر تحدد بدقة أماكن الوحوش النادرة والقوية ...

الا لمن تدخل المنطقة وتخش قتال وتتبهدل وتجيب جيم اوفر ..... ساعتها تعرف انه في وحش جديد لازم تحذر منه ....

تعبت أكمل بعدين :arabchatr
شكرا على الموضوع داركو :مربع: :مثلث: :x: :دائرة:
آسف ما صوت

[ash 90]

أكيد العشوائية

أما رؤية الوحوش نفس جرانديا 2 را تكون الوحوش قليلة جدا

[Neo Cid]

مع جولدين سون و صلحوووه .. :دائرة: :l2:

[flarestar]

كل النظامين حلوين..


بس يعجبني اكثر اللي نشوف العدو زي جرانديا 2..


احس هذا النظام احسن من ناحية لما تجي تقوي لاعبينك..

[Flanteus]

يعني بحسب اسلوب اللعبة تعتمد اذا كان افضل لها المعارك العشوائية او مشاهدت الوحش قبل القتال

ماذا تقصد بالضبط يا أخ جولدن ...
من الناحية الفنية ( يعني كبر المراحل أو ما شابه )
أو اسلوب اللعب ( اذا كان استراتيجي أو أكشن أو عادي ) ؟

او الأثنين ؟؟؟

سلام

[Neo Cid]

ماذا تقصد بالضبط يا أخ جولدن ...
من الناحية الفنية ( يعني كبر المراحل أو ما شابه )
أو اسلوب اللعب ( اذا كان استراتيجي أو أكشن أو عادي ) ؟

او الأثنين ؟؟؟

سلام

اظن انه يقصد الناحية التكتيكية ..

وولكم باك فلنطس .. :arabchatr

[Flanteus]

اظن انه يقصد الناحية التكتيكية ..

وولكم باك فلنطس .. :arabchatr

شكرا

عقدتني

[stone fire]

سلام شباب .. ومشكور ياخوي على الموضوع .
بالنسبة لي افضل المعارك العشوائية كثير .
لأنها بتخليك مستعد ومتحمس طوال ما تلعب .
ولأسباب ثانية ذكروها الشباب بخصوص رفع المستوى والخ.......

[Jecht]

انا افضل العشوائية لانك راح تكون مستعد
اما اللي تشوفهم فاحيانا ممكن تاكل مقالب(صارت لي في كرونو)
تشوف الوحش غبي تبي تذبحه على طول الا وتلقى منه اربعة ومعاه وحوش ثانية

[Lara Croft]

:-) بصراحة أنا أفضل أن أرى الوحش قبل القتال , لأن أسلوب المعارك العشوائية هي التي تبعدني من ألعاب الـ RPG , و بالذات عندما تكثر , كمثال في لعبة FF10 بدأت اللعبة و إستمتعت بها و بالجرافيكس الأكثر من رائع و لكن المعارك العشوائية البسيطة بدأت بمضايقتي و لكنها كما قلت كانت قليلة , و لكن عندما سقط البطل في البحر و يحاول السباحة إلى الشاطئ أو لا أعرف لأين , فهناك مللت من اللعبة , فبكل حركة تخرج لي الأسماك الصغيرة الضعيفة و بضربة أو إثنتين تومت , و من ثم أتحرك قليلآ و تخرج لي , و بهذا شعرت بالملل من اللعبة مع إنها كانت رائعة و لم أكملها إلى الآن و كذلك مع بقية الألعاب من نفس النوع كلعبة Arc The Lad و لعبة سكودين3 بالرغم أن فيها نظام القتال الأوتوماتيكي .

هذا كان رأيي بكل صراحة و أنا كنت بحاجة غلى موضوع كهذا لكي أضع في رأيي في نظام القتال العشوائي في ألعاب الـRPG , و أشكرك كثيرآ يا أخ l)@RK_l)EVIL على هذا الموضوع و إلى اللقاء ;-)

[Flanteus]

لقد قلت لكم .. لكل طريقة عيوبها .....
بس ( الحقيقة ) .. ان عيوب الطريقة العشوائية أكثر من محاسنها ....
بل أصلا الطريقة العشوائية هي أحد عيوب ألعاب الآربي جي ....
نعم اذا ما كنتوا مصدقين شوفوا المجلات والمواقع شتقول عنها .....

بل ان جميع الأسباب اللي ذكرتموها حول هذه الطريقة ( العشوائية ) ...
هي أسباب واهية ... ولا تشفع لها ....
يمكن لأنكم عشتم مع العاب أعجبتكم وكانت طريقة القتال عشوائية فأيدتوها .... ( أو )
تعتقدون ان طريقة رؤية العدو قبل القتال .. طريقة جديدة وغير كلاسيكية ....
مو هذا اللي تفكرون فيه ؟؟؟؟

اعذروني لكن كلامكم غريب شوي ... كأنكم تقولون عن الشيئ الحسن سيئ والسيئ حسن .....
طيب أوضحلكم ... أكثر ....

بعضكم قال عن طريقة الظهور .. ( ما أقدر أزود الليفل بسرعة ..... ) ..
هذا مو سبب ...... من أساسه .....لأن هذا الشيئ راجع للاعب نفسه ... اذا حب يقاتل يقاتل واذا ماحب ...ينحاش .......
ونفس الطريقة في المعارك العشوائية اذا دخلت قتال ( غصبن عنك ) ...... وانت ما تبي تقاتل تنحاش ...
بس فرص عدم القتال .... أكثر في طريقة الظهور ....
حتى لو تلاحظوا أنه أغلب أجزاء فاينل فانتسي .... تستخدم خاصية لا قتال .....
لأنك ما تقدر توقف المعارك العشوائية الا بهذي الطريقة .....
وهذي نقطة لصالح معارك الظهور ( ظهور الأعداء قبل القتال )
...............................................
جيكث قال ..... (تشوف الوحش غبي تبي تذبحه على طول الا وتلقى منه اربعة ومعاه وحوش ثانية)
طيب ...... في الطريقة العشوائية تقدر تشوف أحد من أصله ؟؟؟؟
عشان أوريكم فقط .. انه بعض أسبابكم ما تدخل عقل ......
اذا كانت طريقة الظهور تريك وحش واحد ..... فهل كنت راح تتوقع انك تباري هذا الوحش لوحده ؟؟
طبعا لا .... بل انها تزيد من فرص دخول هذا الوحش المعركة . حتى لو ظهرت معاه وحوش ثانية ..
وأصلا .. بالعربي ... محد يتوقع ظهور وحش واحد عشان شافه لوحده !!!!
تخيل انك لقيت وحش قوي ويرفع الليفل وسهل في نفس الوقت .....
أكيد لو كانت بطريقة الظهور ... راح ترحله على طول لأنك عارف فين مكانه( بالضبط) وعارف طريقته في التحرك ويمكن أيضا يظهر معاه وحوش آخرين .... تزيد الفرحة فرحتين
لكن بالطريقة العشوائية ...... صعب انك تحدد مكانه بدقة ..... يمكن تعرف المنطقة اللي هو فيها .. بس ما تقدر تحدد .. ويمكن فرص ظهوره تكون ضئيلة جدا ... وخاصة اذا كان من الوحوش النادرة ..
بل أحيانا يصل فيك الأمر انك ما تكتشف هذا الوحش نهائيا ....
مثل ماحصلي في فف7 .... ظهرت لي وحوش أول مرة أشوفهم ..بعد ما لعبت المرة الخامسة !!!!
وهذي خمسين نقطة لصالح معارك الظهور :6
_____________________
أيضا ..... <-------- ما راح أخرج الا لمن تقتنعوا
معارك الظهور تكون أكثر تكتيكا من المعارك العشوائية ...وأعطيكم مثال ....
الحين ماهي فرص الظهور المفاجئ .. أو ظهور الأعداء خلف الشخصيات ( اساليب الظهور في ساحات القتال ) ....؟؟؟
هل تقدروا تحددوها بأنفسكم في الطريقة العشوائية ؟؟؟
طبعا لا ..... لأنها أيضا عشوائية مثل ظهور الوحوش تماما ( كل الشغلة عشوائي في عشوائي )
صحيح انه هناك بعض الخاصيات تستخدمها ألعاب الآربي جي ...... تزيد من فرص مباغتة العدو ....
ولكنها ما زالت عشوائية ولا تستطيع أن تتحكم بها تحكما كاملا أو متقنا ...

لكن لو تشوفوا طريقة الظهور تجد انها أكثر استغلالا .. لهذا الأسلوب . وأكثر اتقانا من الطريقة العشوائية في هذا المجال ..... بل انها أحيانا تستغل ذكاء الاعب في هذه الأمور... مثل الهروب .. التجسس ... الضحك على الوحش :6 .....
وتقدر بهذي الطريقة انك تخترع أساليب مو أسلوب واحد فقط .... مثل ما حدث في جرانديا 2 ...
وطريقة ( الإستعداد ) قبل الدخول في أي معركة .... بل أحيانا لو باغتك الوحش وانت في طور الإستعداد ....لن تكون المعركة في صالحه ولا صالحك ... بل وسط ....
وهذا أسلوب ما تقدر تسويه في المعارك العشوائية ..... لأنه لو كان موجود تقعد . مستعد طول الوقت ..!!!!


والله في كلام كثير .... وأدري انه عقولكم ناشفة .... لكن راح أقنعكم .... ;-)
ربنا يستر :زعلان:

وأنا آسف وخاصة الناس اللي حددت ردودهم وتكلمت عنها .... لكن حبيت أني أوريكم الحقيقة والواحد ما يزعل من الحقيقة ..........


كلام جولدن سن حيرني ..... يحتمل الصواب ويحتمل الخطأ .....
بس لا تنسوا اني أنا تكلمت عن الألعاب التي تستخدم ساحات قتال
أما الألعاب التي لا تستخدم ساحات قتال ... فهي في خارج المقارنة ...... ليش ؟
لأنها احدى خصائص معارك الظهور :مغرور:
عمركم شفتم قتال عشوائي بدون ساحة قتال ؟؟؟؟
يمكن اذا كانت الساحات جاهزة .. بس الوحوش تظهر من الخفاء :6 ... <---- أي تخلف هذا

وعلى فكرة ..... لا تعتقدون اني متعصب لجرادنيا أو اكزينفثعسمفينع مدري عنها :6
لا والله وشيلوا الفكرة من أساسه ..... بس حبيت أوضحلكم وجهة النظر الصحيحة في هذا الأمر

وعندي كلام كثير ... لكن خلني انتظر ردودكم .... يمكن تقنعوني ;-)

سلام

[Flanteus]

آسف ..... قريت الرد . وحسيت اني فعلا غلط عليكم ...وأنا أكرر اعتذاري مرة ثانية :زعلان:

وعلى فكرة .. لا تعتقدون اني رديت على كل ردودكم ......










سلام

[zalbag]

انا افضل اسلوب معارك العشوائية المفاجئة :0)
وشكرا على الموضوع.