مع السلامة و إلى اللقاء في الجازة الجاية

[DR-Nintendo]

انشاء الله نشوفك على خير

[Yoshi SD]

ما أدري إذا بتقرأين هالرد بس بغيت أقول أننا بنفتقدك كثيرا.

ً والله يعينكِ (ويعينا) على الدراسة وترى الثانوية ليست صعبة بالدرجة اللي تتصورينها (يمكن ثالث ثانوي يبغالها شدة حيل لأن دخول الجامعة يعتمد عليها "رغم أنها ليست صعبة")

طبعاً إذا كنت تبين الفكّة منا وقعدت تصرفينها بحجة الدراسة فهذا شي ثاني.

وإن شاء الله نشوفك كل نهاية إسبوع

تروحين وترجعين بالسلامه......والله يوفقك في دراستك.....

ترى فيلسوفه تبغانا ننسى الكمرة الخفيه واذا رجعت بتسويها (فضحتها ).

(( على فكرة ..أنا واجهتني مشاكل كثيرة .. بالمنتدى ..والبيت .. وواجهتني ضغوط نفسية (( كل إلي بمسنجري لاحظها )) .. و عشت لحظات آليمة فعلاً .. ((وفاة واحد من أعز الناس الى قلبي, جدي الله يرحمه بالعطلة .. وأجريت عمليتين لرجولي ..الخ )) .. لكن شنو قلت !! ..قلت : الحمدالله على كل حال بس .. ((حتى قبل شهر تقريباً ..صارلي شي ..خلاني أترك النت لفترة (أعتقد الكل لاحظ ان مشاركاتي قلة وايد ) , لكن رجعت والحمدالله لأسباب عدة .. )) ..

أحسن الله عزاك وعظم الله أجرك والحمد لله على سلامتك."قطعتوا قلبي ما أقدر أتحمل كل هالحزن بيوم واحد"

P.S: كان ودي أتكلم كلام طويل وعميق وحكيم زي أبو نجوم بس....

... غيرت رأيي.

[cubelover]

تفدفرين و تجيبين نسبه أولى ثانوي ما هي صعبه بالعكس سهله بس المواد كثير

[Super Shadow]

L*][*N*K

كسرت خاطري U_U

و الله يكون في عونك

بس

سبحان الله

الأول الثانوي صعب في كل الدول الخليجية كما ألاحظ

بالنسبة لي أنا في الامارات

الأول الثانوي أخس سنة بالنسبة لي >_<

كنت أرسب في ست مواد >_<

خصوصا في المواد العلمية

بس يوم دخلت الأدبي صار الأمر سهل ^^

[فيلسوفة زمانها]

لصراحة ويين أفتك منكم أمي شحذتها أدخل المنتدى بحجة أسأل سائل بالجغرافيا قالت .....(لا!)) أنا خلالالالاص أبي أدخل و هذا أنا في بيت أحد الأقارب أكتب لكم

لينك : الله يكون بعونك و يعظم أجرك دنيا و أخرة ^^ و إنشاء الله تهون مشاكلك و ما تشوف شر^^
و مشكور ^^

ون شادو ون مشششششششششكور ^^ بس مو لذي الدرجة تفتقد أخوي أعتقد قصدك ((أفتكيت منه ))لول

واريوا : يا أنك ررررررررايق ولا وراك شي أنا أبفاك من المنتدى >.< كثثثثثثر منها كل الإجازة أنا على المنتدى الكل يبي الأنترنت ما حصلوا فرصة

يوشي:مشكور ^^

كيوب لوفر: مشكور على النصيحة ^^

د.ننتندو : إن شاء الله

ذا شادو : مكشور ((يعني تنصحني أدخل أدبي )) لول مشكور على النصيحة ^^

جيم ماستر : حاط إلي يحط باي باي مرتين ((أفتك مني ))لول أمزح أني وي إن شاء الله أكون متفرغة للمنتدى 1,000,000% في العطل و الإجازات إذا وإذا فقط ((تأثرت بالرياضيات من أول يوم )) ما حطو تطبيقات

باه : ممممشكور و ماقصرت نشوفك إنشاء الله

مشاري: مشكور إن شاء الله نشوفك ^^

بيست ستار ((أفضل نجمة )) : مكشور و إنشاء الله شوفك الإجازة الجاية ^^

بوكيمون للأبد ((فور إفر)) لول: مكشور و نشوفك على خير إن شاء الله

لينك 0072: مشكوري((لول حلوة ))

-=-=-=-=-=-=-=-

تبيون أحكي أيش صار في اول يوم ؟

أبحكي لول أني وي

أنا جيت بدري يعني ما في من دفعتي إلا ست بنات و أنا السادسة المهم و أروح كأني الهبلة بالشنطة الفاضية أدور أحد أسأله أنا في أي صف أخافي يفرقونا بس الحمد لله الدفعة نفسة حقت السنة الماضية و أنا كل عادة كرسي كأنه حجوز ((محد يبيه لول)) القدااااااااااام في الوسط لول
المهم تجينا مربية فصلنا طبعاً و كل عادة هي أكيد لالالالالالالازم تصير مربية فصلي أنا مدرسة رياضيات أشوى هل سنة حبوبة ^^ بس تتطنشني ولو كنت أعرف الإجابة >.< المهم تجحينا حصة إنجليزي مبببببببببب صاحية و أطلع عفوا و تنقلع الأبله و أنا مبببسوطة المهم إلي بعدا ! جتنا معملة الأحياء معلمة خفيف دمها بس شديدة بعد الأحياء كيماء و أنا أبمووووت أكره الكيماء المهم جت الفسحة و أصيح على روحي صديقتي ما جت المهم وحصة ورى حصة حتتتتتتتى خلص الدوام
اليوم الثاني بدأت عملية التسطيل (غباء و قلة إستيعاب ) المهم أنا معلي و مكملة اليوم الزفت اليوم الثالث من أوله تسطيل بنسبة 50% و في حصة الغنجليزي ما كنت مسطلبة بس أتسيطل و حصة الرايضيات و الأحياء نششششششششششط مب صاحي لول ............. باي لازم أروح التفاصيل بعدين

إلاكنت أبسأل لماذا سميت تركيا بآسيا لصغرى ؟؟

و مشكورين ((وحدة بدأت تسأل من أقرب أيام هذا نشاط ما لقيت إجابته ))

[L*][*N*K]

اهلاً

لماذا سميت تركيا بآسيا لصغرى ؟؟

..مو متأكد ..لكن يمكن ..
لأنها تقع بين قارة آسيا وأوروبا ..

شحذتها أدخل المنتدى بحجة أسأل سائل بالجغرافيا قالت

خلاص عيل ^-^ ..كل يوم دخلي النت بحجة السؤال عن شي

يعني تنصحني أدخل أدبي

الأدبي اسهل .. لكن مستقبلك بالعلمي أحسن

باي لازم أروح التفاصيل بعدين

يعني لك رجعة ^-^ ..
في أنتظار التفاصيل ..

[L*][*N*K]

أحسن الله عزاك وعظم الله أجرك

أجرنا وأجرك ..

والحمد لله على سلامتك

الله يسلمك ..

الله يكون بعونك و يعظم أجرك دنيا و أخرة ^^

أجرنا وأجرج أختي ..

و إنشاء الله تهون مشاكلك و ما تشوف شر^^
و مشكور ^^

الله يسلمج ^-^ ..

[ONE_SHADOW_ONE]

ياااااااو

ون شادو ون مشششششششششكور ^^

العفوووووووووووووووو^__^
هاذي البنت عكس الناس ..الناس يقولون مشكووووور ..بس هي مشششـ إلخ ـ كور

بس مو لذي الدرجة تفتقد أخوي أعتقد قصدك ((أفتكيت منه ))لول

أحلى أنتي يافهمتني

إلاكنت أبسأل لماذا سميت تركيا بآسيا لصغرى ؟؟

عيييييب عليج ..هاذي مايبلها تفكير
الجواب هو ..لأنها هي أخر عـنؤد


جواب غلط.. قصيت عليها..

[Golden_Sun]

لول يوميات فيلسوفه ..

عن سؤالج .. همم .. ما اعرف جوابه ><
مو ممتاز بالجغرافيا والإجتماعيات << طالع فيها جيد جداً بطلعة روح

لكن عن التخصص او التشعيب ..
العلمي له مستقبل اكبر مثل ماقال لونجوم ..
لكن البنات افضل لهم أدبي ..

[Super Shadow]

عندي نصيحة ثانية

في آخر السنة اذا كانت علاماتج في المواد الأدبية أحسن من العلمية ادخلي أدبي

و اذا العكس ادخلي العلمي

يعني شوفي شو هو أسهل لج و اختاري

أنا بعد أكره الكيمياء جدا حتى أني جبت ......

























































دور ثاني !!!!!

لكني نجحت و الحمد الله

أنا أنصحك بالأدبي أحسن

أنا ما أغصبج ، بس شوفي شو الأحسن

بس أنا ما أعرف كيف النظام عندكم لأني من الامارات

و يا جولدن صن من قال أن العلمي له مستقبل أكبر :vereymad:

أنت تعرف الناس الي تخصصوا أدبي عندنا شو صاروا الحين؟ :naughty2:

[SkaveN]

معليش على التأخر بالرد بس ما شفت الموضوع...

والله يوفقك بدراستك و صحيح اول ثانوي صعبة يبيلها شدة حيل

وفاة واحد من أعز الناس الى قلبي, جدي الله يرحمه بالعطلة

عظم الله اجرك و احسن عزاك...الله يرحمه و يرحم جميع الاموات من المسلمين....

وأجريت عمليتين لرجولي ..الخ

ما تشوف شر انشاء الله

[KinG_ZoRa]

لاااااا فيلسوووفه بتوحشنا مقالبج وكاميراتج الخفيه لوووووووووول
يالله ان شالله تروحين وترجعين بالسلامه وان شالله تحصلين الأعضاء كلهم موجودين في المنتدى

مع السلامه فيلسوفه

أتمنى غيابج مايطول

[فيلسوفة زمانها]

هههه الصراحة فكرة الجية هنا أعجبتني ((بيت أقاربي )) أمي ما تقولي شي إذا دخلت النت هنا الصراحة أنا أبي أقول لك يا لينك المنطقة الواقعة بين أروبا و أسيا أسمها أوراسيا و تركيا في شمال أسيا على ما أعتقد بس أكيد في سبب ........

المهم اليوم جتنا الرياضيات من صباح الله خير أنا أحب الرياضيات بس الأبلة مطنشتني تخيلوا أستقبلتنا معلمت الحاسب بأستقبال محترم دخلت و شافت الفصل ككككككككككله حوسة و كلام و لا لأحد معطيها وجه "علماً لسى ما سلمت " ((السلام عليكم !!!!!! )) يا سلام احلى السلام هذا السلام فقع قلوبنا أخترعنا منها لول المهم جتنا الهيوايات طبعاً أنا أبي طبخ عشان ما أبتلش و أشتغل واياخذ من وقتي ولا أبي أشتري أشياء ما نستخدمها المهم على بالي اننا نختار بس طلعت قرعة !! المهم تدرون ويش طلع لي ؟































فنية !!! صح الفنية أهون بكثير من الخياطة بس الحمد لله فصل أهبل جنا طلبوا فنية مقابل طبخ ^^ و حصلت كل الوناسة هناك .......

المهم هم هنا يبيون الكمبيوتر أنا خلالالالالاص لازم أقوم عصبوا علي >.<

التتمة بعدين بس أبقول أخر كلمة

أنتم أكيد تقولون في نفسكم "غبية فاتحة موضوع ولازالت تشارك " صح؟

أنا أبقول ليش قبل كم يوم من أيام المدرسة قالت لي أمي خلاص ما تستخدمينه في الدراس أبد بس التحايل حاجة حلوة و ووسيلة ررررررهيبة نجحت هذي السنة بس أبخلي الموضوع تقرير عن ويش أسوي أنا وخشتي إلي مب صاحية ^^

باي أشوفكم الخميس أو الأربعاء إذا قدرت أقنعها ^^"أدعو لي "

[Yoshi SD]

على طاري مدرسين الرياضيات.

أمس جانا دكتور شكله والله أعلم بيسقط كل طلابه (جاء عشر دقايق وقعد يتفلسف ومشى).

والصراحة الدراسة الجامعية مهزلة أول أسبوع.

جيتهم اليوم من الساعة 10 الصبح إلى 3 العصر (كان المفروض إلى 5 بس ما استنيت المحاضرة الأخيرة) علشان محاضرة واحدة طولها ساعة (في الحقيقة هي أكثر من واحدة بس كل الدكاترة يجحدون).

وخلال الأسبوع الماضي ما درسنا إلا حصتين.... أقصد محاضرتين.... وكلها لنفس المادة...(بس على الأقل المدرس شكله طيب).

[Golden_Sun]

لول .. خوش سلام للأبله فيلسوفه ..
همم مساكين ..
احنا للحين ما بدأت المدرسة .. يوم السبت

فيلسوفه .. بإنتظار يويماتج .. وكل يوم روحي وشبكي بالنت

يوشي أس دي ..
جامعتكم اول يوم نفس ثانويتنا اول يوم ..