شكرا على الموضوع الرائع
*أما حنا في مدارسنا أكثر شيء منتشر الحب ويييييييييع تخيلوا بنات يحبون بنات يعشقون بعض عشق و يخلون المدرسه دماار .
*حنا مدارسنا ما يفتشون الا مره في السنه مره و بالموت فالبنات يستغلون الفرصه وكل وحده تجيب صورها اللي في الاستيديو لانها تكون احسن من الكمره العاديه طبعا و أحيان صور اخوانها و خواتها و أذكر مره طالبه جابت صور عروسه تقرب لها و المعلمات و لا وحده تعرف عن شيء وحتى لو عرفو المعلمات ما يقولون شء كل اللي يسوونه يقولون لها آخر مره مع اشوي تهزيء خفيف و البنت تقول ايه اخر مره و الحقيقه موب اخر مره و لا شي و أحيان يجيبون معاهم مجلات و أشرطة مسجل و اسطوانات كومبوتر و روج خفيف و كريمات و مرايا و كل شي و يجون المدرسه لابسين اكسسوارات بس معلمه و حده اللي تقول لا تلبسون اما الثانيات عادي.
*و الشي اللي يخلي الوحده تنحرج لمى تجيتش طالبه من فصلتش في الفسحه و تقولتش تعالي نتمشى و ما نبي وحده تتمشى معانا و يطلع السبب انها تبي تعرض عليتش صداقتها و تمدح فيتش يصير الوجه في ذاك الوقت أحمرررررررررررررررررررررررررررررررررررررررررررر و ما تستحين تقولين لها لا.
*اما في حصة العربي المعلمه طيبه مره فالبنات يستغلون طيبتها و يتمشون في الفصل على كيفهم كأن ما فيه معلمه و مره طالبه كانت ماسكه مقص و قفت ورا المعلمه و حاولت تقص شعرها و المعلمه ما تحس في شي و دائما يقولون لي الطالبات ما نحس انها معلمه(مع العلم انهم ما خلوا معلمه معلمه) .
*و في الاختبارات الشهريه يبدأ الغش اللي ما له مثيل و المعلمه ما تحس بشي يعني مثلا يكتبون الكتاب في مناديل قبل الاختبار و في الاختبار كل شي ينقلونه من المناديل و يخطرون المناديل لبعض و احيان يكلمون بعض في حصة الاختبار و المعلمه ما تدري عن شي .
*و الشنطه تصير صغيييييييييره موب شنطة مدرسه و في كل حصه توقف الطالبه ""نسيت الماده"" أذكر مره معلمه قالت لطالبه كانت ناسيه الماده ""و ريني شنطتتش"" الطالبه عطت المعلمه شنطتها و طلعت صغييره ما فيها الا كتابين تقريبا... قالت لها المعلمه""هذا اللي جبتي بس؟؟""طلعت الطالبه من الدرج كتبها . فهزئتها المعلمه قالت لها""تجين بشنطه ما تحطين فيها الا كتابين و البقيه في يدتش؟"" انحرجت الطالبه مرررررررررررره مع العلم ان الطالبات كلهم مثلها .
*و عادة يكون في مجموعة من الطالبات عندهم دفتر عادي بس موب عادي يعني دفتر مدرسه لكن اللي داخله كله اشعار و كلام فاضي و مزين تزين اما دفاتر المدرسه مهمله أحيان يوصفونها المعلمات قذره وييييييع .
*اما في الفسحه (الاستراحه اللي بين الحصص) تقوم الفوضى الحقيقيه و احيان تحسين انهم فعلا موب بنات و تحسين صوتهم يوصل لبيتهم ...كل المدارس كذا تقريبا .
*اما مشكله اذا التفتي على وحده وابتسمتي ابتسامه خفيفه على طول تعتبرتش معجبه فيها.
* اما المصيبه الكبيره لمى معلمه تهزأ طالبه على ازعاجها تتبدأالطالبه بالضحك و المعلمه تهزئها اكثر و تقوم الطالبه تضحك اكثر (ما ينحرجون من التهزيء أبد أبد)
* و عادي لو يجيبون بيتهم معاهم بس دفاترهم و كتبهم ينسانهم واذا ما نساهم يتعمدون ما يجيبونهم اذا كان في واجب... و اهم شي عندهم نظافتهم و لبسهم و شكلهم .
* المشكله العظييييييييييييييييييييييمه انهم في الاختبارات الشهريه ما يذاكرون الا في الصبح لدرجت انهم كانوا يستغربون مني لاني ما افتح الكتاب في المدرسه يقولون لي ذاكري فأبتسم لاني ما ابي ارد فيقولون لي باستغراب""ذاكرتي!؟"" اقو ""ايه"" يقولون""حظتش""يكسرون خاطري على هالاهمال الزايد .
و لو بعدد لكم حركاتهم ما بنتهي الى الشهر الجاي و بدون مبالغه.
* اما مستحيل تمر حصه ما يتعلكون بعض المعلمات يهزؤون على العلك بعضهم لا أكثر ما يحسون.
وآسفه على الإطاله بس حبيت اشرح حال بنات مدارسنا لان غير شوي
الأحساء
جمهورية جزر الإتحاد الترفيهي 
نحن بعون الله ...نساعدكم..ونلبي طلباتكم.. 
المشاركة الأصلية كتبت بواسطة زهرة الأحساء
memo_b 
