طاش ... ما طاش ... طاش ... طاش طاش

[Perfect Chaos]

حلقة اليوم ..
"الغول"
فيها انتقاد لأحداث الحرب ..
و فيها عودة قناة طش ام طش و عبود سليم

[aoks]

وفيها بياخة بعد..

ومثل ما قلت

يا زين اول حلقة بس

[RPG_master]

وش عاجبك بالحلقه الاولى؟؟

كلها بايخه الى الحين

[Perfect Chaos]

اهم شي ان الناس يطفشون منها و تصير طاش 11 الأخيرة

[aoks]

وش عاجبك بالحلقه الاولى؟؟

كلها بايخه الى الحين

هي الوحيدة الي خشت دماغي للحين

[بطل الأمارات]

ما فيه شيء جديد في حلقة اليوم .. بس عجبتني حركة ماتركس .. ما توقعتها

[Perfect Chaos]

ايه والله ..
أحسن شي فيها .. و بس ....

[SNOoOP]

طاش اجل

المفروظ يسمونها طراش على التبن الي حطوه

حلقات تافهه الى الأن

يعبثون بمشاعر الناس بكل وقاحه وقذاره

يكفي حلقة المحرم الي فيها اكثر من علامة استفهام

للعلم هذي الحلقه القذره بياخذها بعظكم على اساس الظرافه والاستظراف

والا هي دعوه للانحلال والاختلاط

اجل وصلت حد البجاحه الى التطاول على شرع من شرع الله الا وهو وجود محرم

واذا صار فيه قسم للرجال وقسم للنساء تأففت

اتوقع ان اي شخص عنده غيره على عرضه وعلى محارمه لن يرضى بهذا الاستهزاء السافل


مابقى الا كم مهرج وساقطه يعبرون عن رأي المجتمع

والسلام...

[D0WN~T0WN]

خلونا في بابا فرحان والا وش رايكم

[Kubaj]

طاش ماطاش اصبح عادة يومية في رمضان اكثر من انه مسلسل يستحق المشاهدة ..

يعني سواء نجحوا او فشلوا ..هذا لا يهم ..وتذكروا كلامي جيداً عندما يتوقف المسلسل

[Arsene Lupin]

انا مع كلام خرباج الاخير... المسلسل صار عاده...

من عمره طاش ما طاش و هو كذا... ثقل دم بس فيه ضحك... يمكن كان يعجبنا من قبل لانه كان نوعا ما جديد بس صار يتكرر الحين فملينا منه...




بالنسبه لحلقه المحرم اتوقع الهدف منها الضحك بس وليس انه مقصود منها التنقيص من اهمية المحرم...

لأن الاسلوب تافه جدا لو كان الهدف منه جدي... يعني شبه مستحيل تجيك عائله بهالشكل.. ما عندهم ولا رجال يساعدهم ولو في الاشياء الضروريه؟؟!!!

يمكن يدقون فيها على لبس العباة... شف كم واحد تلقف عليهم بسبب لبسهم... يعني شي يقتنع فيه الواحد.. مو سالفة المحرم الي ما تخش الراس...

المحرم مثل حلقة الحريم يخطبون الرجال... ما تخش المخ انهم يقصدون ان الحريم المفروض يخطبون الرجال!!..

[D0WN~T0WN]

لو حلقة المحرم كانت في مسلسل ثاني كان ماحد قال شي عنها او ماقوبلت بهذا الهجوم
وهذا موب دفاع عن طاش لكن اظن هذا هو الواقع

وزي ماقال خوباج هاذي صارت عادة حتى اللي يسبون في المسلسل مجبورين يتابعونه

[HArb200]

يارجال ياكثر تقطيع الاشارات برمضان <<!!

[Perfect Chaos]

و يا كثر الحوادث ..
شوفوا طريق الملك خالد (المؤدي الى الجامعة)
أكثر من 5 حوادث في كل حادث 3-6 سيارات ..
لا حول و لا قوة الا بالله

[SNOoOP]

لو حلقة المحرم كانت في مسلسل ثاني كان ماحد قال شي عنها او ماقوبلت بهذا الهجوم
وهذا موب دفاع عن طاش لكن اظن هذا هو الواقع

وزي ماقال خوباج هاذي صارت عادة حتى اللي يسبون في المسلسل مجبورين يتابعونه

سبحان الله يعني قصدك ان الحقد على طاش ماطاش بس والا غيره عادي

شف ياخوي فيه فرق اذا جاني مسلسل كويتي والامصري يتكلم ويسب بشرع من شرع الله لأن كل من دولة الكويت ومصر منحله لايعترفون لابحجاب ولابغيره

اما اذا جاك مسلسل سعودي انتاجه سعودي والممثلين سعوديين يعبرون عن دوله مثل السعوديه تحكم بشرع الله ومعظم اهلها ملتزمين بشرع الله

ثما يجيك كم ممثله كويتيه وبحرينيه سافله وتعبر عن رأي المجتمع السعودي في المحرم


ياخوان الى هالدرجه تهاونا في امر ديننا

وبالنسبه للاخ Arsene Lupin

يمكنك انت والف غيرك ماتأثروا بفكره الحلقه لكن فيه غيرك سرعان مايتأثرون

اكبر دليل ان في اليوم الثاني اغلب البشريه ظاقت على الحلقه واستسخفت فكرتها وقذارتها

الى ان جاء واحد قال(( الا هم صادقين ))

وبالنسبه لطاش كعاده في رمضان

اتوقع ان الناس الحين بدوا يغيرون فكرهم عنها لانها كل مالها وتصير اسوء