ابي مساعدة في ال DSL

[.:::AbO MoHaMmAd:::.]

شكور اخوي مؤيد الحين قاعد يحمل

[ADSL]

salman f o , نسما ممتازة , وكثيرين يمدحونها ومرتاحين معها , لكن أسعارها غالية شوي ..
أما سيبيريا فما أعتقد إنها مناسبة , في حين وجود بدائل أفضل منها مثل سعودي نت ونسما ..

أنا أستخدم راوتر : Speedtouch 510 v4 ..

نسيت أقولك , انفصلت الإنترنت يومين كاملات بسبب ان فيروس بلاستر أصاب أجهزة سعودي نت , وجاها أربع أيام يمكن تخبيط وفصل وقطع ومشاكل بسبب إنهم يخحدثون سيرفراتهم !!! لكن غير كذا الخدمة ممتازة وفي أفصل حالاتها ..

العيب الكبير عند سعودي نت موظفينهم , سواءً كانوا الموظفين في المكاتب أو الدعم الفني ..

أي استفسار أخي العزيز salman f o أنا وبقية الأعضاء في أتم الإستعداد للإجابة عليه إن شاء الله ..

ولا تتسرع في أي قرار تتخذه , سواءً في مودم أو في شركة أو في خدمة أو أي شيء .. عشان ما تتورط بعدين ..

سلام .

[salman f o]

مشكور يا ADSL
وانت صادق , موظفينهم ما يبون يخدمون
بس يوم المعرض قبل كم شهر كانوا تمام
بس الحين كسالا
--------
نسما بـ 3 شهور 750 ريال
سعر حلو
بس هل عندهم تاسيس او لا ابحاول اكلم عليهم اليوم
---------------

[MoaeD]

سلمان


اشتراك سعودي نت ممتاز بجينيرالز


ADSL


انا عند سعودي نت لكن مو انا اللي بأحول من سعودي نت الى اول نت انا توني مجدد اشتراكي عند سعودي نت


لكن لي صديق مشترك عند زاجل وبيحول وقالي اسألي عن اول نت


واظنه خلاص تقريبا اشترك بس يحتريهم يشبكونله الخط


وانا عندي نفس مودمك يا ADSL


بس فيه مشكله وهي انه اذا احد شبك جهازه على المودم يفصل الأنترنت ولازم افصل المودم وأشبكه من جديد


مدري اذا مرت عليك او عندك حل لها ؟!!

[ADSL]

salman f o أكيد عندهم تأسيس , كل شركة عندها تأسيس ..

MoaeD , المشكلة الي عندك نحتاج منك تفصيل أكبر لها , هل الراوتر كله يفصل ؟؟ أو اللمبة الخاصة بالإنترنت الي هي الثالثة تصير تأشر ؟؟

يمكن تكون المشكلة شبكية , والمشاكل الشبكية الله يعين عليها , حاول تغير الكيبل وتشبكه في بورت ثاني .. أيضا ادخل على لوحة تحكم المودم والي عادة تلقاها على العنوان : 10.0.0.138 , ثم من القائمة اليسرى ادخل على Advanced ثم DHCP , وعطني الـ Status والـ Properties و الـ Client timeout (s) , يمكن نلقى لك حل ..

[MoaeD]

ما حصلت رد منك اخوي ADSL



بس حبيت ارفع الموضوع


المشكله هي : اذا شبكت جهاز ثاني على المودم يفصل الأنترنت بحيث اللمبه الثاله تأشر


ولا له حل الا اني افصل المودم وأشبكه وهذي مشكله عويصه ما ودي انه كل مره يفصل علي النت كذا !!


وصفحة الDHCP حطيتها بالمرفق ..

[the king of gta]

مؤيد , أول نت يعيبها أسعارها المرتفعة شوي , ورسوم التأسيس 300 ريال , أنا ما سبق لي تجربتها صراحة , لكن الي مجربينها يمدحونها , ويقولون قليل تقطيعها وفصلها , وتجلس بالأيام ما تقطع أبد ..
طبعا ما أعتقد ان هالكلام صحيح , لأن الفصل بعض المرات ما يكون من مقدم الخدمة , بل من الإتصالات ..

عموماً تفضل هذة الصفحة , تلقى فيها مقدمين خدمة الإنترنت عندنا في السعودية , وتلقى كل مقدم خدمة ونسبة الإزدحام عنده
http://cgi.isu.net.sa/isputil/arabic/
طبعا شف الي على مدار 24 ساعة , لأن الـ 5 دقايق والـ 15 دقيقة ليست حكم ..

عموما , هل تنوي الإشتراك بالـ DSL , أو أنك مشترك وتنوي تغير لـ أول نت , إذا كنت ناوي تغير علمنا من مشترك معه أنت الحين , عشان نشوف هل تستاهل التغيير ولا لا ..
-------------------------------------------
salman f o , لعبت في جنرالز بإتصال سعودي نت , ولم أشك من أي بطئ , البنج منخفض وممتاز , وفي أغلب الألعاب تقريبا ,, أدخل على سيرفرات أجنبية لميدل اوف اونر , أو باتل فيلد , والبنج ممتاز ما فيه أي بطئ باللعبة ..

فيه ميزة مهمة جدا جدا جدا في سعودي نت , وهي إنهم فاتحين بورتات كثيرة , فمثلا الـكويك ماتش في جنرالز ما تقدر تدخله مع بعض الشركات , لكن سعودي نت مشى الحال .. وأيضا بعض برامج تبادل الملفات مثل الـ eMule وغيرها ما تقدر تستخدمها مع بعض الشركات , لكن سعودي نت مشى الحال ..
------------------------------------------
هذا خبر قد يكون مهم بالنسبة لكم , لقيته في أحد المواقع :

سيتم قريباً ان شاء الله طرح خدمات DSL او ربما SDSL بسرعات عالية تصل الى 512kbps و 1MB و 1,5MB.

وتقوم شركة الاتصالات السعودية حالياً بعمل إختبارات للخدمة قبل طرحها منذ عدة أشهر، وسوف تتوفر هذه السرعات العالية في بدايتها للشركات نظراً لإرتفاع اسعارها على مشتركي المنازل.

بالنظر للوقت الذي سوف تطرح فيه الخدمة نستنتج أن شركة الاتصالات السعودية وبالتنسيق مع مدينة الملك عبدالعزيز للعلوم والتقنية تستهدف جذب المشتركين للإنترنت المحلية في وقت بدأ فيه إنترنت الأقمار الصناعية بالإنتشار بشكل كبير بين الشركات والمنازل وبأسعار في متناول الجميع ولا تقارن ابداً مع أسعار الإنترنت المحلية وبسرعات أعلى من سرعات خدمة DSL المتوفرة في المملكة والتي لم تتطور منذ سنتين عن سرعة 256kbps.
ومن المتوقع أن تقل أسعار الانترنت من خلال الأقمار الصناعية بشكل كبير أيضاً في ظل طرح شركة الأتصالات سرعات منافسة لسرعة الانترنت الفضائي.

المصدر: بوابة الإنترنت الرقمية.

سلام .

هلا أخوي ..

والله انا كنت ناوي على نسما .. لكن بعد ما شفت الموقع الي انت حطيته .. شفت انه في شركات ممكن أحسن
انا الي افهمته انه النسبه العاليه يعن الضغط شديد والنسبه الواطيه معناته انه الخدمه ممتازه والضغط ضعيف .. يعني صحف هي أحسن شركة موجودة .. صح ولا كلامي خطأ .. وترى مو مهم السعر اهم شيء عندي خدمة زينه وما يقطع وسريع .. في التحميل وخاصه في الالعاب يعني البنق يكون زين ..

،،،ــــ|\م

[khalid2001]

اولا السلام عليكم
ثانياً وش الاخبار وش العلوم
*************** الزبدة(الخلاصة)********************
هل ال dsl يفرق عن الاتصال العادي بالنسبة للتحميل انا عندي موم عادي 56ك\ب
اذا حملت ملف يقولي سرعة التحميل بالثانية مابين 200بايت الى 6 كيلو بايت اذا صار الاتصال DSL
كم سرعة التحميل بالثانية هل هي نفس اللي تقوله الشركة مثلا ال 65 ك\ب سرعته 65 ك\ب
يمكن السؤال غبي بس هالسؤال مدوخني
السؤال الثاني والاخير شركة الاتصالات كم يلهفون بالفاتوره شهريا يعني كم ياخذون بالشهر
ومشكورررررررررررررررررين

[MskT]

صحاري زفت وخرو عنها وبس

[* 4 ever]

طيب وش رايكم بــ SpS ؟؟

صراحة وللجميع نسما ما انصحكم فيها ابد يومياً .. من الساعه 6.30 الى 1.30 الظهر فاصله غير البطئ والفصل المتواصل ، ما انصحكم فيها ابد

[the king of gta]

اذا نسما كذا ..
اجل وش ناخذ ؟!

[the king of gta]

سؤال ثاني ..

انا سمعت انه في دي اس ال الحين نزل 512 .. أقدر أجيبه .. وكم سعره ومن أي شركة .. ؟