وع!! تسولفين مع" شغاله"؟؟

[BOiND]

والله صادجه اختي

بالنسبه للشغاله ما اكلمها ولا حتى اعرف اسمها ولا حتى شكلها
لو اتهموها بانها قتلت حد وحطوا 10 واقفين وقالوا منو هي شغالتكم ما بعرف وش اقول

بالنسبه لنظرة المجتمع اختي الصغيره تكلمهم وتموت فيهم
اذكر ايام خادمتنا ستي

ماكانت اختي يمر يوم الا وتلعب مع ستي
لاع
وتكلمها معظم الاوقات
فاختي سليمه الحمدلله

عدنا بالمدرسة زعيم الفراشين سليم
جذي الاولاد مسمينه

ويعاملونه انه هو خبير في النظافة
طبعا اول ما اشوفه اقول له : كيساهيه
يرد علي:تيجه

ما عندي اي اشكال وياه لو وقفت
بس الاشكال انهم يعيبون عليه لانه فراش

شو ذنب الاخ مادام انه يبي يكسب؟

شكرا اختي على الموضوع

[Angel- lady]

أنا أمشي على مبدأ ... تعامل مع الناس مثل ما تحب يتعاملون معاك

هذولي المساكين تاركين ديرتهم عشان يحصلون فلوس و يعطونها لأهلهم ، الحاجه إهي إلي خلتهم يخدمونا

إهي صغيرة ، تكبر و راح تعرف الدنيا عدل ، أقصد بنت أختك أو أخوك أو ما أدري منو <<< نسيت

[rubso]

هو باختصار مجتمعكم مريض ... هذي هي العله ...

والا لو هو مب مريض كان ما شفت البزر يلاحق الهندي ويقوله يا هندي ياغبي يالي ما تفهم ..

مجتمع غبي وغير كذا يستغبي الشعوب الثانيه ويحسب نفسه بس هو الي يحقله يعيش .. وغيره هو المتخلف الحقير .

كلام منطقي ومقنع..
بس اقول لكم صراحة انا ما عندي خدامة .. وكل شي اسويه بنفسي ومرات اسويه لجدي او لوالدي .. ماحب شغل الخدامات .. يمكن لاني ما شفت خدامة في بيتنا

[Y a z e e d]

ههه شكلك ماخذة منشطات مواضيع هالايام <<<< ما يعرف يعلق
اممم الموضوع طويل وفيه تفصيل ...
بالنسبة لي ...
أنا معاملتي اعتيادية أو معدومة ...
كل شيء اوصي أخواني ...
وإن كثرت ادق على تحويلة المطبخ <<<< كأنه بيعلمكم انه عنده سنترال
الصراحة ما احب احتك فيهم عموما ( سواقين أو شغالات )
احسن شيء التعامل الهاديء ...
رح تعال ود جب وبس ...
هذا من رأيي ...
لو أني بنت يممكن أسولف مع شغالتنا اذ انقطع خط التلفون

شكرا على الموضوع مرة ثانية ...
خلاصة الكلام ( معاملة باحترام بدون ما احتك معهم كثير )
Keep Going With More Posts !!

[MetalGear]

بالعكس ...

في عائلتنا نحاول نتكلم مع الخدامة عادي ...

مو بصيغة الامر حقت الجبابرة دي اللي تعرفونها ..

ولا يا حبيبتي ..

وبالعكس احيانا ستي تجيب الشغالات تخليهم يتفرجون معها على التفلزيون ...

عادي

[انجلينا17]

علاقتنا بالشغاله
عاديه جدا يمكن اضحك معها احيانا ..

بس بعضهم بجد مهما عاملته بالحسنى حقود جدا ..

زي وحده عندنا سابقا مابقى شئ ماسرقته حتى غطى العطر تحسبه ذهب
وبطاقه الأسنان حقت اختى هههههههههههه راحت شطبت اسم اختى وكتبت اسمها كفوس

[DE NILSON]

والله بالنسبة للسواقين اللي عندنا

واحد غبي يقهرني لما يجي يتكلم يقعد يتأتأ في الحروف مايفهم عربي هذا بس مخليه للمشاوير البسيطة ( جيب اكل من البيك بيتزاهت شاورما زي كدا) روح صور اوراق

وفي واحد نمس صار له 8 سنين في البلد جاوي متعلم كل شي
هذا يروح الهاتف يسدد فواتيري يروح يصلح اي شي خربان في البيت يعني بتاع كلو

واحيانا يقعد يهرج مع ابويا


واما التالت فهو حق مشاوير الاسرة والكرف ولاباس به


بس يقهرني لما يقول مافي فلوس

على العموم كلهم تعاملي معهم رسمي جيب كدا سوي كدا روح هناك احيانا اعصب عليهم



اما الشغالات فوالله ما لي اي احتكاك بهم

يعني بس جيبي كدا كلمي امي سوي عشا يعني

عارفين شغلهم اروح المدرسة وارجع الاقي غرفتي نظيفة

هذا اللي انا ابيه منهم وبس

[DraGonGreeN_Z]

أمممممم

هذي الدنيا

كل واحد يتكبر على الضعيف

[I`m HeRe]

مرحب

هههههههههههه يا حليلها بنت أختك

أما بالنسبه للموضوع

الشغلات قليل أشوفهم ولا أتعامل معهم كثير

وبالنسبه للسواق أنواع السواليف
حتى برمضان كنت أطلع أنا وياه نمشي ساعتين ولا كنت أحس فيها

وهالشي على حسب السواق أو الشغاله نفسها

يعني لو كان طيب فهالشي يفرض عليك أنك تكون طيب معه

أما اذا كان غثيث ونفسه بخشمه هذا ما يستاهل تلقيه وجه

[Undine]

..على حسب الشغاله او السواق
فيه بعضهم انفسهم شينه
وحقين جرايم..

بس الحمدلله كل اللي جونا حليلين
بالنسبه لاهلي معاملتهم زينه لهم
لكن ما نأمنهم مره

ما نستحقرهم او شي من كذا لانهم زي ما قلتي آوادم مثلنا

زي العام كانت عندنا شغاله فلبينيه عمرها 21
"حركات"
كانت اهتماماتنا متشابهه

يوم سافرنا لدبي كنت اتمشى معها بالمراكز واستانست معها صراحتن

هيه ياوعه حلو موزوعك ~('^'~)

[wildkitty]

طيب ماحله تسولفين اله معاها

انا اخواني مالي خلق اسمع سوالفهم الحين احد زود يزن فوق راسي

عاد احنه خدامتنا قرف

حنااااااااااااااانه
واختي حناااااااااااااااانه

ويقعدون يتخانقون مع بعض كل يوم

كل وحده تبي تمشي كلمتها بهل بيت

وانا اقعد ساكته ما ادخل بينهم
اومي تزفهم ثنتينهم


انا ما اغلط على الخدم
بس هم ما اطيح معاهم
ما احب اسولف مع خدامه


ذاك اليوم ببيت يدتي كنت اكلم يداتي واخوي معاي نسولف شوي وله الخدامه تقولي اي صح هذه عزوز حيوان

واخوي يطالعها عااااد اهو لساانه متبري منه قول اعوذو بالله ودمه خفيف بشكل قبل لا يتكلم بحكم اني اخته الكبيره
قلتله جب اسكت

قلتلها شتبين انتي شكو تكلمين الولد من دخلج بالموضوع اصلن يلاااه ذلفي المطبخ تقول لا اهو ذاك اليوم كان يسوي
جااب وله كلمه مو شغلج انتي شكو وتمت منطمه


هذه الي ناقصه
قطع

نفسه هل خدامه مالت يدتي


كان خالاتي متيمعين وجذي اوانا قاعده صوب الشاي

تقولي كيتي صبيلي جلاص شاي

اطالعها حلفي
اخاف انا اشتغل عند ابوج وانا مادري انا سكت ومارديت عليها عشان يدتي


وله انا اطالع التلفزيون تاخذ مني الرموت تغير القناة تحطلي فلم هندي




هذي قصه بعد اناخالتي مدلعه خدامتها على الاخر تسولف وتضحك معاها
كانت بنت خالتي الصغيره ام سنتين بالحوش تلعب والخدامه تشوفها يعني انا طلعت الحوش اشوف اليهال واطق الي مسوي ازعاج

وله الخدام شايله البنت وبتلعب معاها تبوسها على حلجها

لوعة جبدي الله يرقرفها

بغيت ارجع جد جد ارف
شوفو الي يدلع شيحصل




ما احب يتعدون حدودهم

وله حب ادخل فيهم يعني سوو الي سووه كسرو خربو انا مالي دخل دام شغلي قاعده القاه الي طلبته حته لو مالقيته مالي خلق اكلمهم

[QataR NighTMarE]

بكل اختصار
انا طريقة معاملتي لا تختلف سواه مع خدام او وزير
سواء مواطن او اجنبي او اللي هو
طريقتي وحده مع الكل وهي (احترمني احترمك واحطك فوق راسي لكن انك تحتقرني او تستهبل علي فأصير نذل درجه اولى واملغ عليه بملاغه ماعمره شافها واحتقره احتقار غير طبيعي)
ومشكوره على الموضوع

[Yuna]

بنسبة لي ما أحب أسولف وياهم ...ويش بتكون سوالفهم يعني ؟ وبعدين غرفتي ماحد يدخلها غيري وهذا معروف عند أهلي... صحيح ياكثر ماتجي بنت اختي وتجلس تشاهد لكن كلهم يخافون اذا كنت موجودة احم ^^
فيعني الشغالة ماتدخل غرفتي ....لكن بعض الأحيان تجي تقول لي تبي تنظفها فأخليها اذا تحتاج ^^ ..هذا على سوالف الخوف على الأغراض .

ولازم نتعامل معهم بشكل طبيعي لأنهم بشر مثلنا يعني .. و عادي شغالتنا تجلس في المطبخ أكثر الأوقات والتلفاز تشغله ماحد يعترض ..لكن هذي الي عندنا حالياً أفضل شغالة ..الصراحة كثير تتعب في البيت لكن فيها عيب ياكثر ماترفع عندي السكر ...
اذا جلست فاضية وتقلب في القنوات وماتنزل الصوت أو بعض الأحيان تغير أماكن الأغراض وتنسى
وأخوي يجي يهاوشني مادري ويش يخصني فيه ؟

لكن في ناس الله يهديهم مايفكرون بطريقة صحيحة بحيث يكون الأطفال تحت رعاية الخدامة 24 ساعة وبالتالي يبدأ الأطفال بالأخد والتعلم من عاداتهم .

[tidusxxx]

كيف حالك لينا ؟

بالنسبة للموضوع ماشاء الله شغالتنا هي اللي تطب علي وتسولف وتضحك عادي بس منيب ادور عليها (اصلا اخاف منها) نادرا ما اطلب منها شي واذا حصل وطلبت تقعد تخزني علشان كذا اوصي احد يقولها
اما السواق الصراحة يرفع ضغطي بس ما اقول له شي

اما الصغار ترا عادي دايم يقولون كلام كذا.....اذكر ديدمان كان صغير يوم كانت عندنا شغالة حبشية كان يقول لها:انتي سودا...وترد عليه :لأ انا بيضا زي القشطة <<<والله نفسها زينة

امي دايم تسولف مع الشغالات بس غالبا تعطيهم مواعظ

وسلام عليكم

[ثريول]

ههههه .. ردود الأعضاء تحفة ..
كل ما أشوف رد أقول باعلق عليه بس باقرى اللي تحته ..

من ناحيتي ..
أحتكاك مافيه ... صفر% .. لأن طلباتي إن بغيت شي قلت لأخوي الصغير .. وما أحتاج دريول ..
حتى الأكل مالي علاقة .. الموجود عجبني زين .. وإن ماعجبني المطاعم كثيرة .. .. !

وعن كلامك أخوي أودن أسمح لي أني أخالفك ..
أولاً \ هالظاهرة قلت بشكل كبير ..
ثانياً \ لو بتلاحظ المعاملة للخدم عند باقي الدول بتعرف وشو أقصد ..
يستغلونه إستغلاال تاام .. ماغير أوامر على طول اليوم وبنفس خايسه وكريهة ..
هذا اللي لاحظته في لبنان وتركيا وغيرها ...

تحياتٌ ,,,