تقرير عن Midori no Hibi

[Ultralest]

اذا كان الفيلم بجمال الوصف اللي انت وصفتيه

فايش رايك اشتري هذا الانيمي؟؟؟؟؟

[TNT-BOY]

انا توني مشاهد الحلقة الثانية وعندي ملاحظات

بصراحة ماعجبتني ميدوري ليش ؟

لانها صارت انانية ومافكرت في امها انا لما شفتها كسرت خاطر <<<<<<< مو تصدقو عاد

عجبني لما قام يبتسم Sawamura شوي شوي ويضربهم

بس ما حسيتو ان الاحداث فيه سريعة ؟

خاصة الحلقة الاولى كيف تقبل على طول فكرة ان ايده تتحول الى بنت ؟

يعني لو صارت معايي كان ما بقدر انام اصلا

وكيف حياته اليومية ؟ يعني صاير بلا خصوصية

وما احلاه وهو ينقد Ayase مو على شانها لاكن لانه ما يحب ان احد يتأذا بسببه يعني رجل مباديء وانا احب هل شي

بس الرسم ماله قوي جدا وعجبني لقطته لما نزل من الدرج كيف ان الشاشة تهتز معاه

يعني لو رسمه كان الى انمي اكشن كان راح يكون ممتاز جدا مع ان الاكشن الى فيه حلو

بس مو كأن رسم شخصياته يشبك الى في To Heart ?

مع انهم ماهم من نفس الشركة

انا الحين تحمست للحلقة الجاية وراح اخليها من اولوياتي لان انميات 2004 الحلوه واجد فما اقدر الحق عليهم بس ان شاء الله اشوف الباقي عما قريب

[kitten]

Avril

هلا فيج اختي انا بعد ولهانه عليج و على سوالفج
انا الحمدلله و اختي بعد لكنها مشغوله هالايام بالامتحانات لاني انا خلصت من زماااااان
اتصدقين انا بعد كنت ما راح اكتب اي تقرير جديد لانج تدرين عوار راس و تعب ولف بالانترنت و بحث يعني لوعه
لكن لما شفت هذا الانمي وولا احد كتب عنه ما قاومت و قلت لااااازم اكتب عنه شي
لان حرااام المنتدى ما يعرف عنه شي
انا نزلت الحلقات من ال bit torrent لان الى الان مانزل بالكازا شي و انا حاطه اللنك فوق للتنزيل

Finally I Hope you keep on Rocking Cuz You're good at it

عجبتني هذي الجمله وااايد
و مشكوووورة حبيبتي على الرد

ولد البوكوارة

انا توقعت ان هذا الانمي يعجبك و خاصه ان اعجبك ultra maniac لانه احس انه نفس الطقة
و انا قاعدة انزل الحلقة ال9 و ال10 لانك حمستني على الموقف اللي راح يصير
مشكووووور اخوي على مشاركتك اللطيفة

king of hearts

اخوي اذا انت عاجبك النوعيه لهذا الانمي و خاصة اللي قلت انه يشبهم في الطريقة (كتبته فوق)
ليش لأ ممكن انك تشتري هذا الانمي (مو فلم)
لكن على العموم الناس اذواق و انت يعود لك الرأي الاخير
و مشكووور

TNT-BOY

اخوي ممكن اتقول ان ميدوري انانيه لكن حرااام اهي بعد ما تبي اتخوف امها او تقلق عليها انها تحولت الى شي غريييب
فأحسن انها تكون في غيبوبه بس جدام عيون امها احسن من تكون بعيدة عنها ما تدري شي
و صح ان الاحداث صارت سريعة لكن اذا كانت لأ راح تصير السالفة ممله و احنا ننتظر البطل لما يتكيف
هذا هو جمال الانمي بشكل عام ان تصير احداث لايمكن اتحدث لها بالطبيعة
انا ماشفت مسلسل to heart؟ هل هو حلو مثل هذا ؟ لان اذا كان راح انزله على طوووول
اشكرك اخوي على النقاش

[CrimsonTears]

arigatou kitten-chan ^ ^

انا كنت اتابع المانجا والحين بديت بالانمي وبصراحة الانمي روعة مضحك لابعد الحدود

رغم المذلة والسب والاهانه ميدوري تحبة كيوم يعصب علية وهي زي العبيطة ماعندها غير

seji-kun seji-kun حتى ملابسها مكتوب عليها seji-kun -__- بنت غير طبيعية

شوكورن على الموضوع التحفة

[Angel- lady]

شكله حلو و يونس ^^ بحاول أنزله

أخت البطل تخرع فعلاً شكلاً و شخصية @_@

مشكورة أختي و اكثر شي عجبني بتقريرج

حلم حياته انه تصير له صديقة لكنهم ينحاشون خوفا منه

جملة رائعه صراحة

[kitten]

CrimsonTears

اهلا فيج اختي و الحمدلله الموضوع اعجبج
انا بعد تكسر خاطري ميدوري و مستغربه اشلون تتحمل الزف اللي تحصله من سيجي و تحبه بعد و لا يأثر بحبها له
لكن اهو عنده مواقف حلوة بعد لما يدافع عنها و اشياء واايد
انا عاجبتني ملابسها واااايد و اتمنى اذا ردت لحجمها العادي انها تلبس هذي الملابس لان شكلها cuuuute
مشكووووووره

^ claire ^

اي والله اخته تخرع وااايد لكنها تحب اخوها بعد و ما تحب احد يضايقه (الا اهي مسموح انها تضايقه )

و اتصدقين انتي ثاني وحدة يعلق على هذي الجمله
مشكوووووره اختي على مشاركتج العجيييبة

[TNT-BOY]

انا ماشفت مسلسل to heart؟ هل هو حلو مثل هذا ؟ لان اذا كان راح انزله على طوووول

روحي شوفي موضع الاخت يونا واحكمي عليه بنفسك<<<<<< يدري انك شفتيه بس يستعبط

نا بعد تكسر خاطري ميدوري و مستغربه اشلون تتحمل الزف اللي تحصله من سيجي و تحبه بعد

ضرب الحبيب زي اكل الزبيب <<<<<<< بس في ناس ما تحب الزبيب فيصير معنا هل مثل شي ثاني "مسوي زحمة والشارع فاضي"

[kitten]

TNT-BOY

روحي شوفي موضع الاخت يونا

اي اخوي انا شفت التقرير و شكله حلو (بس متردده اني انزله لاني عندي قائمه طويييييييييله لازم انزلها بالاول )

"مسوي زحمة والشارع فاضي"

اي والله اخوي صاج

[alamal13]

مشكورة كيتن على التقرير الحلو...بعد ما قريته نزلت العشر حلقات وتوني شفت ثنتين....المسلسل كوميدي وايد وقصته عجيبة بس لو مخففين من الرومانسية شوي!

وبعدين ليش كل الشباب ميتين على البنات شذي حتى القطو استخف مثلهم.

[QataR NighTMarE]

مشكورة كيتن على التقرير الحلو...بعد ما قريته نزلت العشر حلقات وتوني شفت ثنتين....المسلسل كوميدي وايد وقصته عجيبة بس لو مخففين من الرومانسية شوي!

وبعدين ليش كل الشباب ميتين على البنات شذي حتى القطو استخف مثلهم.

احلى شئ القطو الدب بس للأسف مايظهر بحلقات واجد

[TNT-BOY]

احلى شئ القطو الدب بس للأسف مايظهر بحلقات واجد

معاك حق شكله يذكرني بــبسبوس "القديم مو الجديد"

وانا اخذت صوره له على شانك

[kitten]

alamal13

الانمي حده كوميدي (مع اني ما اشوف ان الرومانسيه زايده لان تعجبني هذي النوعيه من الانمي )
و صح كلامج الاولاد حدهم مو شايفين خير كلش و اثروا على قطاوة الفريج
و خاصه البطل يكسر الخاطر صارت فيه عقده بنات
مشكووورة اختي على الرد

ولد البوكوارة (ولد الكواري )
انا بعد اموووت بهذا القطو لانه متين و يذكرني بقطوة عمتي عندها قطو اتشوفه تقول خروف مو قطو من كبره و ما اقدر اشيله من ثقله

TNT-BOY
الصورة عجيييبه حدها
انت مبدع بحياتك

[kitten]

شباب انزلت حلقة 11 اليوم
قلت لازم اقول لكم حلقة 11

[Yuna]

مشكورة اختي كيتن ^^ ... الأنمي بيكون عندي كامل بعد اسبوع تقريباً مع الكثير من انتاجات 2004 ولي رجعة للنقاش طبعاً ^^

عجبتني القصة ..أحب الأنيمي الكوميدي و في قطاوة في الأنيمي Oo أكيد بيكون كيوت ^^

[kitten]

FFX-YUNA

هلا فيج اختي يونا نورتي الموضوع
زين اتسوين اختي انج تنزيلن انميات 2004 و اذا شفتي واحد منهم وااايد حلو لا تنسين تقولين لي
اما عن القطوة ما تطلع وايد بس شكلها يونس