Fushigi Yuugi مهم جدا جدا جدا جدا

[Avril_Lavigne]

انا نزلت المسلسل كامل من الكازا...اما بالترجمة العربية مش موجود للأسف..

Nothin Better than Kazaa Downlouding...

[weiss_girl]

هو نفسه Celestial Legend ؟

ايه هو نفسه بالياباني Ayashi no Ceres و بالانجليزي Ceres Celestial legend

بس ؟
طويل ولله

يعني مافي امل اني انزله

صحيح ونسيت اكتب كم عدد حلقات الاوفا الثالث وهم 4 حلقات يعني مجموع حلقات الاوفا كلهم 13 حلقه بس نصيحه لا تعب نفسك في الحصول على الاوفا الثالث لأنه بايخ وماله علاقه بالقصه الاساسيه مألفين القصه من عندهم حتى ان الكاتبه مو عاجبها الاوفا (يبون يسون انيم خل يعدلون مسلسل ceres مو يخسرون فلوسهم على شي مايسوى) والرسم تعبان رسم المسلسل عندي احلى خاصه انهم مستخدمين الكمبيوتر وفي اشيا ثلاثية الابعاد!!! المهم الاوفا الثالث مايستحق المتابعه فلا تخرب عليك رايك بالمسلسل بهذا الاوفا...

يعني يمكن زي درجة Fruits Basket ؟

تقارن fushigi yugi بمسلسل كوميدي بااااااااااااااارد حرام عليك

تقريبا بس يعتمد على نوع الفانتاسي يعني ادا يكون بمبالغه قويه جدا ما احبه
اما ادا كان بمبالغه قويه كوميديه عبيطه فما عندي مانع
يعني ما بعرف اقرر الى ادا شفته
وكذالك في شروط للأكشن على شان يعجبني <<<<<<< اقرع ويتشيرط

الى الكوميدا فأي نوع بغض النظر عن مبالغته احبه " اكيد بستثناء الكتاب الى يعملو نفسهم ظريفين و يسوو انمي سخيف "

لا تخاف الفانتاسي مش بذاك المبالغه والتعقيد ، والكوميديا حلوه حدها بس طبعا ماتغطي على القصه مثل باقي المسلسلات اللي هي اساسها الكوميديا بس وتبي تعرف شنو القصه......ولاشي فيه بس جذي عبط فلا تخاف
من ناحية الاكشن انا حطيته اخر شي لأن هو القصه مش كلها قتال في قتال فهو مش street fighter الاكشن من ناحية التشويق والاثارة والدراما وبعض الاحداث المهمة في القصه لذا هناك قتال ولكن الاكشن بالمعنى اللي اقصده ليس قتال وحرب شوارع بل بمعناه العام الشامل (خخخخخخخ ) يعني مثل ما اتحمس على حلقات GTO و ابي اعرف شنو بيصير حق اونيزوكا هنا نفس الشيء تماما

بس في انمي ناسي اسمه وهو مقتبس من روايه صينيه قديمه "ادا ذكرته بقوله لك ولو على الخاص " لاني ما اذكر اي شي من اسمه غير اني قاري عنه مره

تقصد Juuni Kokki - Record of 12 Countries - Twelve Kingdoms هذي ثلاث اسامي لأنيم واحد شفت منه شوي يقولون انه مثل fushigi yugi بس ماعجبني وايد مثل fushigi yugi

يعني افهم من كلامك ان فوشيق يوقي فيه قتال قوي وحماس ؟

من ناحية القتال لا طبعا كنشن افضل بس الحماس والتشويق طبعا في fushigi yugi افضل وهذا اللي يعجبني فيه اضافه الى القصه المتسلسله وليس مثل كنشن كل ساعه يطلع له واحد وعقب هو يفوز عليه مافي الا جزء الشيشيو اللي عجبني بس..

وفري فلوسك الى المنجا مالت GTO احسن

اكيد هذا مايبيلها كلام بس المنجا رخيصه ماتحتاج اني اوفر لها فلوس

انا قلت ماعندكي الى هادا و GTO بس

معناته انهم مسلسلين مفضلين لي معناته اني ماعندي غيرهم انا مب متعصبة انيمي بالعكس عندي بس ماشفت مثل حلاتهم في انيميات ثانية...

اجل حمستيني اليه زياده
لاني احب هل اشيا الـ"مظلمه"
خاصه لما يكون حزين ومافيه اي كوميديا

انا بعد قبل كنت اكرة اشياء كلامب قلت هذيلا بس شاطرين في الرسم وقصصهم سخيفه (كلامي جا عقب ماشفت Miyuki-Chan in Wonderland+CardCaptor Sakura عاد طبعا كنت شايفته بالانجليزي وكان مقطع ومحرف فمن جذي كرهته ) بس عقب ماشفت chobits تحمست وايد وقلت بشوف باقي اعمالهم فقلت بكمل X و Magic Knight Rayearth هو خليط بين اسكافلوني وفوشيقي يوقي فبشوفه ....

يعني زين دخلت هل موضوع وانا اكره فوشنق يوقي
وطلعت منه وانا ودي اشاهده

المفروض ماتحكم على شي الا و انت شايفه (حكمة تعلمتها من المنتدى كنت ما اهتم قبل الا بالرسم ولو كنت جذي لحد الحين لفوت على نفسي مشاهدت كثير من الانيمي الجميل مثل berserk ما احب الرسم الشبيه بالواقع بس عقب ماشفته حبيت الرسم )

[Lezard Valeth]

يعني زين دخلت هل موضوع وانا اكره فوشنق يوقي
وطلعت منه وانا ودي اشاهده

هههههه , تي ان تي بوي , من صجك انت ؟ في احد ما شاف فوشيجي يوجي ولا يكرهه بعد , هذا الانمي رائعة من روائع يو واتاسي , انا اقول لك طافك عمرك كله اذا ما شفته مو نصه , الانمي هذا اسميه الكيكة , يحتوي على كل العناصر الي يحتاجها مسلسل انمي عشان يكون فعلا ناجح بمعنى الكلمة , الرومانسية موجودة , وحتى مثلثات الحب , فيه اساليب المارشال آرتس الاسطورية في العصور الصينية الوسطى , وفي حبكة المسلسل ال Quest موجود ويتركز على ايجاد 7 guardians << يعني آكشن على طريقة ال Epic story telling , واذا بتكلم عن حلاوة التويستس في حبكة القصة ما راح اعطيها حقها , غير الثيمز مالت فوشيجي يوغي , اعتبرها اسطورية , باختصار هذا الانمي من غير لا احرق عليك شي , لازم لازم تشوفه ولا كانك ما شفت انمي

[TNT-BOY]

شكله كل العالم شاهدوه وانا تبع جماعت " آخر من يشاهد "

weiss_girl

من كلامك الطويل العريض في الاوفات وهل اشيا
فهمت اني اقدر اشاهد الاوفات على طول قبل المسلسل وما يخترب عليي ؟

تقارن fushigi yugi بمسلسل كوميدي بااااااااااااااارد حرام عليك

انت لو تلاحظي انا ماقلت انه " زي فروت باسكت "
انا قلت " زي درجة فروت باسكت "
وفي فرق
لان فروت باسكت اممممممممم فيه شويت شوجو بس الكوميدا طاغيه عليها
يعني نوعيته تكون بارده وهدي الاشيا الى تحبها البنات "الطبيعيات " <<<<<<<< وبعض الصبيه

اكيد هذا مايبيلها كلام بس المنجا رخيصه ماتحتاج اني اوفر لها فلوس

انتو اهل قطر ماشاء الله مرتاحين <<<<<<<< اللهُمَ لا حسد

اما انا لو بطلبها اكيد ما بيدخلوها عندنا
لان المنجا مالته ما يحتاج اتكلم عنها انتي شايفه بنفسك
وانا قاري ان الكاتب ماله لما جا سواه انمي استغني عن 50% من الكوميديا الى فيها ايتشي
يعني مافي امل توصل ليي
الى بالتهريب <<<<<<<<< حشا مخدرات ماهو منجا

انا مب متعصبة انيمي بالعكس عندي بس ماشفت مثل حلاتهم في انيميات ثانية

انا داري بس قلت خليني اخليها تعصب شوي
واعطت مفعولها

عاد طبعا كنت شايفته بالانجليزي وكان مقطع ومحرف فمن جذي كرهته

الله يديم عز الـFansub و الديفيديات الاصليه
مع ان احيانا يكون الاصلي بايخ زي مال شركت Manga انا ماخذ من عندهم Noir و ترجمتهم كلها اخطاء مطبعيه + يحطو اشاره " في مواقع مالها داعي
بس مع ذالك حلوه

المفروض ماتحكم على شي الا و انت شايفه

انا عارف
لان انميات واجد كانت احكم عليهم من الصور او التقارير السيئه او الحلقه الاولى بس
بس الحين حبيتهم وبعظهم صارو من احلى الانميات عندي

D-Ken

في احد ما شاف فوشيجي يوجي ولا يكرهه بعد

عندك الـTNT
ولو اعد لك بقائمه الاشيا الى اكرهها وكل الشعب يحبها ماتخلص

وحتى مثلثات الحب

احلى حاجه في الانميات الرومانسيه وترا هل فكره ما تبيخ يعني تشوف الى الحين انميات جديده بنفس الفكره
ونفس الحال مع فكره " ولد يعيش في بيت كله بنات " <<<<<<<<< جنة التماسيح

فيه اساليب المارشال آرتس الاسطورية في العصور الصينية الوسطى , وفي حبكة المسلسل ال Quest موجود ويتركز على ايجاد 7 guardians << يعني آكشن على طريقة ال Epic story telling , واذا بتكلم عن حلاوة التويستس في حبكة القصة ما راح اعطيها حقها , غير الثيمز مالت فوشيجي يوغي , اعتبرها اسطورية , باختصار هذا الانمي من غير لا احرق عليك شي , لازم لازم تشوفه ولا كانك ما شفت انمي

خلاص ما يحتاج تحميس زياده

===================

انا للأسف ماهو راضي يسجل عندي في موقع نادي الانمي لاني ودي اشوف الحلقات بالعربي
لانهم اكيد راح يكونو صغار يعني ينفعو الى تكوين فكره عن هل انمي
ب للأسف 3 محاولات بـ3 اسامي و 3 ايميلات مختلفه
والنتيجه .......... فشل <<<<<<<<<<< ما يذكركم بأكسيل ساجا ؟

[weiss_girl]

من كلامك الطويل العريض في الاوفات وهل اشيا
فهمت اني اقدر اشاهد الاوفات على طول قبل المسلسل وما يخترب عليي ؟

هو المسلسل انتهى طبعا وله نهاية والاوفا 1(3 حلقات) والاوفا 2(6حلقات) مرتبطين ببعض تقدر تشوفهم من دون متابعة المسلسل بس بما انك ماتعرف القصة والسالفة بالضبط فبتشوفه زي الاطرش بالزفه وتقعد كل ساعه تقول لازم احصل المسلسل واشوفه عشان اعرف قصتهم بالضبط (ليش ماتشوفه بالكازا الامل 13 تقول انه لقته كله بالكازا ) اما بالنسبة للاوفا 3(4 حلقات) هذا كلش كلش طقع له ماتحتاج ابدا انه تشوفه لازم اصلا ينحذف من تاريخ الانيمي وانه ما انتجوه من الاساس كريييييييييه حده وبايخ ورسمه تعبان ...(لو تشوف توقيع كيتن كاتبه تقارير للمسلسل مر عليه واقراه )
بس في النهاية تابع المسلسل اولا ثم الاوفا 1+2

انت لو تلاحظي انا ماقلت انه " زي فروت باسكت "
انا قلت " زي درجة فروت باسكت "
وفي فرق
لان فروت باسكت اممممممممم فيه شويت شوجو بس الكوميدا طاغيه عليها

اوه اسفه ما كنت اقصد تلخبطت شويه

يعني نوعيته تكون بارده وهدي الاشيا الى تحبها البنات "الطبيعيات " <<<<<<<< وبعض الصبيه

احم احم....................... شو القصد اني مسترجله ياليتني مسترجلة بس ما اقدر because it's weird

انتو اهل قطر ماشاء الله مرتاحين <<<<<<<< اللهُمَ لا حسد

اما انا لو بطلبها اكيد ما بيدخلوها عندنا
لان المنجا مالته ما يحتاج اتكلم عنها انتي شايفه بنفسك
وانا قاري ان الكاتب ماله لما جا سواه انمي استغني عن 50% من الكوميديا الى فيها ايتشي
يعني مافي امل توصل ليي
الى بالتهريب <<<<<<<<< حشا مخدرات ماهو منجا

اصلا ما اعتقد ان المنجا تتفتش بيفتحونها وبيشوفون رسوم مش ملونه بيحسبونه دفتر تلوين

الله يديم عز الـFansub و الديفيديات الاصليه
مع ان احيانا يكون الاصلي بايخ زي مال شركت Manga انا ماخذ من عندهم Noir و ترجمتهم كلها اخطاء مطبعيه + يحطو اشاره " في مواقع مالها داعي
بس مع ذالك حلوه

انا صرت اكره اشتري النسخ الصينيه التقليد ترجمتهم زفت والصوت والصورة مايكونون زينين لذا اذا بشتري بشتري نسخ FX لأنهم ينسخون من الامريكي وتكون الصورة والصوت واضحيين والترجمة ممتازة

[hungry wolf]

السلام عليكم و رحمة الله و بركاته


عفواً لدي ملاحظة على قول الأخت الفاضلة weiss_girl عن الــ OVA ..



عزيزي TNT ..

لا تفعل !!!!

إياك أن تشاهد الــ OVA قبل مشاهدة المسلسل !!

لأن أحداث الــ OVA كلها بعد آخر حلقة من المسلسل ... والحرق فيها على كيف كيفك ( كلها حرق × حرق :vereymad: )







و السلام عليكم و رحمة الله و بركاته

[TNT-BOY]

weiss_girl
في كل مكان تطلعي ليي -_-; <<<<<<<<< هو الى يجي ويتهمها بعدين

بما انك ماتعرف القصة والسالفة بالضبط فبتشوفه زي الاطرش بالزفه وتقعد كل ساعه تقول لازم احصل المسلسل واشوفه عشان اعرف قصتهم بالضبط

اجل بشوف المسلسل اول

ليش ماتشوفه بالكازا الامل 13 تقول انه لقته كله بالكازا

بس طويل

اما بالنسبة للاوفا 3(4 حلقات) هذا كلش كلش طقع له ماتحتاج ابدا انه تشوفه لازم اصلا ينحذف من تاريخ الانيمي وانه ما انتجوه من الاساس كريييييييييه حده وبايخ ورسمه تعبان

ويش فيكي معصبه الله يهديك ؟
تراه انمي لا اكثر

اوه اسفه ما كنت اقصد تلخبطت شويه

مافي داعي للرسميات

احم احم....................... شو القصد اني مسترجله ياليتني مسترجلة بس ما اقدر because it's weird

لو انتي منتي كاتبه كلمت Girl في اسمك كان يمكن تكوني مسترجله
وليش تريدي تكوني رجال ؟ <<<<<<<<< خلكي صبي احسن
شكلك Tomboy يا ويس وانا ما ادري
وادا ماتقدري تصيري رجال تقدري تصيري " اخت رجال " <<<<<<<< طبعا D-Ken ماله علاقه بالموضوع

اصلا ما اعتقد ان المنجا تتفتش بيفتحونها وبيشوفون رسوم مش ملونه بيحسبونه دفتر تلوين

يجوز تمشي عليهم

انا صرت اكره اشتري النسخ الصينيه التقليد ترجمتهم زفت والصوت والصورة مايكونون زينين لذا اذا بشتري بشتري نسخ FX لأنهم ينسخون من الامريكي وتكون الصورة والصوت واضحيين والترجمة ممتازة

مع اني ما اعرف ويش هي هل FX بس شكلها زينه
وانا دريت ان نزل Monster الـDVD ماله بس الترجمه ما يندرا عنها
انا بشوفها ادا عجبتني بخذها وادا ما عجبتني
بكم على الـFansub احسن مع انهم واصلين للحلقه الـ5 بس على ما اعتقد

==================

hungry wolf

السلام عليكم و رحمة الله و بركاته

وعليكم السلام ورحمة الله وبركاته

لا تفعل !!!!

إياك أن تشاهد الــ OVA قبل مشاهدة المسلسل !!

لأن أحداث الــ OVA كلها بعد آخر حلقة من المسلسل ... والحرق فيها على كيف كيفك ( كلها حرق × حرق )

مشكور على النصيحه
وان شلء اللهراح اخذه بعين الاعتبار
و الله يعينني احصل المسلسل

[aziz=jotaro]

yo! guys

don't miss this anime cuz it's the best

weiss girl:

تقصد Juuni Kokki - Record of 12 Countries - Twelve Kingdoms هذي ثلاث اسامي لأنيم واحد شفت منه شوي يقولون انه مثل fushigi yugi بس ماعجبني وايد مثل fushigi yugi

yup i watched it>>>>>actually 8 episodes only
and it was ok but not like fushigi yugi cuz fushigi yugi is a "breathtaking" and it's my best anime ever.

لو تشوف توقيع كيتن كاتبه تقارير للمسلسل مر عليه واقراه )

yea dun miss the thread cuz kitten is the best writer here
and the fushigi yugi is the best thread here
AND I'M THE BEST MEMBER HERE
k
j/k

[weiss_girl]

لا تفعل !!!!
إياك أن تشاهد الــ OVA قبل مشاهدة المسلسل !!

لأن أحداث الــ OVA كلها بعد آخر حلقة من المسلسل ... والحرق فيها على كيف كيفك ( كلها حرق × حرق )
!!!!

ومثل ما قلت من قبل (((بس بما انك ماتعرف القصة والسالفة بالضبط فبتشوفه زي الاطرش بالزفه وتقعد كل ساعه تقول لازم احصل المسلسل واشوفه عشان اعرف قصتهم بالضبط )))

مع اني ما اعرف ويش هي هل FX بس شكلها زينه

انت ماتقول ان عندك ديفيديات حق noir من شركة منجا (M باللون الاخضر) في شركة ثانة بعد ديفيديات صينيه تنسخ من الامريكي تكون فيها الصورة والصوت ممتازين والترجمة ممتازة شعارها يكون (F خضراء داخل دائرة حدودها حمراء)

بس طويل

الحين انتوا تنزلون inu yasha+naruto اللي اطول منه بمرتين ماقلتوا عنهم طويل....بس المسلسل ممتاز بتنسى شي اسمه طويل اصلا من تخلص تنزيل الحلقه الاولى بتشوفها عقب على طول بتنزل باقي الحلقات ورا بعض ليييييين ماتييك النوده وتنام....

yup i watched it>>>>>actually 8 episodes only
and it was ok but not like fushigi yugi cuz fushigi yugi is a "breathtaking" and it's my best anime ever.

صحيح مافي الا الحلقه الاولى حلوة بس بعدين يصير بارد خاصه ان البطله مش لين هناك شخصيتها وبعد مافيه كوميدي و رومانسي اضافه إلى الاسامي الصينيه الصعبة اللي يذكرونها واسامي الوحوش ماتنحفظ يعني لما تابع تقعد تقول شنو ذي شنو ذي اسامي صعبة.....