الحلقة الثالثة من طاش ما طاش .. ودس السم في العسل !

[Lucky guy]

ياخي الشكوى على الله ..

ما دام تلفزيونا السعودي المحترم بأول أيام رمضان الكريم يعرضون حلقه مال امها داعي من المسلسل التافه هذا ..

صراحة أنا ما شفتها لي يومين ما اتابع التلفاز بس سمعت أنها مصخره ..

اما الحلقه التي يتحدث عنها الأخ كونت أنا ما دققت بالامر هذا بس جزاه الله خير فتح عيونا ما دامه يعرف قوانين الشريعه الاسلاميه وما يحصل في المحاكم يعني ما قال شيء غلط ..

الغلط أن يجي واحد يرد بهذا الموضوع ويدافع وهو من جنبها أهم شيء يتابع ويستانس وما همه أحد ..

هذا اللي أقوله بس والله يهدي الجميع ..

[الكونت دراكولا]

بالله اطلع منها يا دينيلسون وخلك على ردود السطر ونص ابرك لك وابرك للجميع

هههههههه .. لا تعليق

ياخي الشكوى على الله ..

ما دام تلفزيونا السعودي المحترم بأول أيام رمضان الكريم يعرضون حلقه مال امها داعي من المسلسل التافه هذا ..

صراحة أنا ما شفتها لي يومين ما اتابع التلفاز بس سمعت أنها مصخره ..

اما الحلقه التي يتحدث عنها الأخ كونت أنا ما دققت بالامر هذا بس جزاه الله خير فتح عيونا ما دامه يعرف قوانين الشريعه الاسلاميه وما يحصل في المحاكم يعني ما قال شيء غلط ..

الغلط أن يجي واحد يرد بهذا الموضوع ويدافع وهو من جنبها أهم شيء يتابع ويستانس وما همه أحد ..

هذا اللي أقوله بس والله يهدي الجميع ..

في البداية افتخر برد انسان مثلك اخوي لاكي قاي .. كلامك على العين والراس .. جملة في ردك اعجبتني ..

الغلط أن يجي واحد يرد بهذا الموضوع ويدافع وهو من جنبها أهم شيء يتابع ويستانس وما همه أحد ..

الله لا يحرمنا منك

[Angel whisper]

انا وحده الصراحه ما شفت ولا حلقه من المسلسل ..لكن معقوله انها وصلت فيهم لهالدرجه؟؟
والله اني مب عارفه حتى كيف اعلق ..
وعلى اي اساس ينعرض المسلسل ما دام يتعرض للدين ورجاله بهالطريقه؟
الله يعين بس ..

[the nait]

صدقني المسلسل كان حلو بس بدا يفقد رونقة
وهم مساكين ما عندهم سالفة ولا موضوع ...
بعدين بصراحة هو أفضل مسلسل سعودي ^^ لأنه هو المسلسل السعودي الوحيد

[الكونت دراكولا]

Angel whisper : أحسن لك والله انك ما تابعيه لأنه قمة في الإسفاف ..
وعلى قولتك الله يعين بس ..


the nait : من ناحية كونه مسلسل سعودي .. ما اتشرف كونه مسلسل سعودي ويعرض على قناة سعودية

[أفلاطون]

فيه عدة نواحي ملخبطه ويبيلها ترتيب..

اولا راح اتكلم عن طاش بشكل عام..

طبعا الكل يعرف ان الهدف العام من طاش هو عرض المشاكل اللي في المجتمع ومحاولة عرض المعاناة اللي يمر بها المواطن او المقيم وعرضها بقالب كوميدي وهذا الطابع اللي يغلب على طاش مع بعض الحلقات اللي تعالج جوانب اخرى..او هذا اللي يقولونه على الاقل!!

يبدو ان الكلام اللي راح كلام جميل جدا وراح يكون صوت المواطن لدى الجهات المختصه..==>وهذا الكلام اللي راح هو (العسل) على قولت دراكولا..

واللي شاهدناه في طاش خلال السنوات الماضيه نجد فيه فعلا عرض للمشاكل اللي يتعرض لها المواطن والمعاناة اللي يمر فيها..وانا اتوقع هذا من اهم الاسباب اللي خلت طاش محبوب لدى الناس..لأنه يلامس المشاكل اللي يمرون فيها..

وهذا السبب هو اللي جعل الناس تغفل او تتقبل الرسالات الغير مباشره (واللي اصبحت في بعض الاحيان مباشره خصوصا في الفته الاخيره!!) اللي تكون موجوده في الحلقه واللي يكون فيها بعض الاحيان مخالفات شرعيه (صارخه!) ويعرضونها بشكل مستفز جدا بدون ما يكون فيها موضوعيه تامه!

وهذي المخالفات نجد ان الناس يتكلمون فيها ويناقشونها على الاساس اللي طُرحت فيه في الحلقه(واللي يكون فيه العديد من الاشياء المغلوطه)

___

الان نجي الى اللي يقولون ان اللي يطرحونه هذا هو الواقع فعلا..!

اولا ابسأل كم سؤال للي يقولن كذا..

*هل انت مُلم بال(واقع) هذا اللي يطرحونه؟ وهل انت تدري تفاصيله وملابساته عشان تحكم انه صحيح؟

وللأسف ان اغلب الناس يتكلم في الموضوع وهو غير ملم بالموضوع..

مثال على هالكلام..قضية الخلع والطلاق اللي صارت..

يا اخوان هذي قضيه ميب سهله وقضية شريعه واحكام..موب اي واحد يجي ويقول (اي والله المفروض انه مطلقها) المفروض على اي اساس؟ ..على اساس انك دارس شريعه ؟
___

*هل كل ما هو (واقع) لا بأس ان يطرح؟

يعني اذا كان فعلا موجود مطوع بثر..او مطوع صفاته زي اللي يجيبونه في حلقاتهم..هل عادي انهم يستهزؤون فيهم؟

اذا كان بعض الحجازيين صفاتهم كذا..وبعض اهل الجنوب صفاتهم كذا..هل عادي انهم يستهزؤون فيهم؟

اذا كانت جهه معينه(مثلا الهيئه) حصل منها بعض المخالفات..هل عادي انهم يعرضونها وشوهون صورتها عند الناس رغم الجهود العظيمه اللي تقوم فيها؟ والا الافضل(هذا اذا كان نيتهم الاصلاح فعلا ) ان التوجيه يكون بعيد عن الناس؟


سؤال لأصحاب العقول.. هل تتوقع انه يوجد شيخ دارس شريعه ورجل دين وقاضي(مع اني متأكد ان ما فيه الا القليل اللي يعرف المعايير الموضوعه عشان يصير الرجل قاض!!) انه ما يتعمد الظلم؟ او انه ما يريد الحل الامثل؟==>قمة العجب فعلا!!


اعتقد ان الاجوبه ما يبيلها حتى اله حاسبه!

_____

نقطه اخيره..

للأسف اصبح (المجون والخلاعه) عند البعض مقتصر فقط على معنى(الاباحيه)!

هل عرفتم يامن يسمعون الكلام ويستهزؤون بعضا من معاني الغزو الثقافي والفكري؟!

[الكونت دراكولا]

لا فض فوك يا أخي الكريم / أفلاطون .. جزاك الله ألف خير على ردك البليغ الهاديء ..وانا معاك في كل جملة كتبتها ..
وفعلا نقطتك الأخيرة توزن بالذهب ..

[F I N A L]

انا زعلت منك

لكن الله يسامحك

بس ويش قصدك بـ (...)

[الكونت دراكولا]

انا زعلت منك

لكن الله يسامحك

بس ويش قصدك بـ (...)

الله يسامحنا اجمعين ..
اما (...) اقصد بها الإنسان الخلوق المؤدب ..

[F I N A L]

اشكرك على لطفك

[Sweden]

شوفوا وش حصلت بالمنتدى السياسي في منتديات القلعة

[F I N A L]

بل

اللهم لك الشكر

لكن انا سمعت ايضا بان قناة mbc هددت من قبل المجاهدين وهي ان عرضو مسلسل" العودة الى كابل"

سوف يقتلون

لكن لماذا المسلسل يتحدث عن افغانستان والدفاع عن ارضهم

[بلاي ستيشن 2]

صراحة يا اخوي الكونت كلامك انت والشباب كافي ووافي ولا اقدر ازود عليه بشي

ويا افلاطون كلامك عسل صراحة وجاي على الجرح

انا بس اشارك عشان اايد الشباب واشد من عزمهم والله يوفقنا ويهدينا الى سواء السبيل

[Mada Mada Dane]

مشكور على الموضوع , لكن انا شخص مااتابع شئ صراحه ولا حول مسلسلات

طاش شفت منه الحلقه الاولى بس وماكملته , والطريق إلى كابل الحلقه الثانيه

بس ّ! ماني حول مسلسلات ولا أعتقد يمديني اتابعها أصلا

انا مااجلس على التلفزيون عموما برمضان او غيره إلا ناااادرا ...

[DE NILSON]

بالله اطلع منها يا دينيلسون وخلك على ردود السطر ونص ابرك لك وابرك للجميع

سلمووولي على خريش