وش افضل مودم لـ DSL

[Khalidksa]

استخدم لنك سيس
WAG54G WIRELESS
سعره اقل من 650 باربعة مخارج لكن مافيه مخرج يو اس بي ويجي معه كرت وايرليس للاب توب مجانا
اشتراكي مع سعودي نت 256 وماعندي اي مشكلة ماشاء الله تبارك الله

[band]

انا عندي مودم من نوع زووم يو اس بي لجهاز واحد ... الحمد لله كل شي ماشي على احسن حال

وسعره 380 ريال...............

اما بالنسبة للتركيب فهو سهل جدا وانا ركبته بنفسي



وللأخاللي يقول الله يعينك على الاتصالات وان الشغله بتطول



اقول انا ان شاء الله يعننا على كل شي

بس من تجربه شخصية انا قدمت وبعد خمس ايام ركب عندي الدي اس ال ........

ان شاء الله ييسر امورك

[Night Road]

مشكورين وانا ان شاء الله راح اشري زوم زوم زوم ، بعدين سعره مناسب جدا .,.
والله انا اليوم ثالث طلب اقدمه وطلع نفس النتيجة كل الارقام يقولون في صيانة على المقسم اتصل بعد شهر .,.






.,.

[Night Road]

ياشباب ، اولا السلام عليكم .,.

ماشاء الله الموضوع مثبت من ضمن المواضيع المفيدة .,.

وان شاء الله الكل يستفيد .,.

الي ابي اقولكم عليه هو : انا قدمت طلب دسل (طبعا بعد جرجرة 4 اشهر مع سعودي نت) يقولون لك مافي امكانية ، وطلع جارنا مركب دسل >,< ، قال سعودي نت قال ، المهم يوم قدمت الطلب مع الشركة الثانية ، قعدت اسأله ومن ضمن الأسئلة قلت له وش المودم الي تركبونه ، قالي (والله موب فاكر اسمه لاكن راح اجيب الاسم لكم) قلت له بس الاسم ذا ماقد سمعت فيه ، قالي ايه ، قلت له بس طيب والزوم والكاتيل ، قالي ياراجل (كبر دماغك بالمصري ) ، قالي هذي مشاكلها كثير ومو قد كذه ،ـ وانه ذا احسن منها وحتى اكثر الشركات صارت تجيب ذا النوع عندها ، قلت له كم السعر ، قالي 250 ريال (طبعا لو سألتوا محلات ثانية راح يكون ارخص ) ، فسعره رخيص جدا مقارنة بالمودمات الاخرى .,.

أتمنى اني افدت الي كانوا محتارين مثلي في المودم .,.

نصيحة ثانية (صفوكم من هندي نت قصدي سعودي نت ) والله ماعندهم سالفة ، وشوفوا لكم شركة ثانية ، بالاضافة الى انها شركة خايسة في الدسل (كلام الي مشتركين فيها موب كلامي ) .,.

اخر شي انا كنت محتار جدا ، وش الشركة الي اشترك معاها ؟؟؟ ، وكل مااقابل واحد اسأله وش مشترك طيب وش رايك فيها وكم سعرها (يعني الاسئلة المعتادة) طبعا كل واحد يقول انها تمام عنده والحمد لله ، فانا احترت وش اخذ ؟؟ ، والحل هو شوف اي شركة وقول بسم الله واشترك معهم 3 اشهر (اقل شي ) واذا ماعجبتك غير ، طبعا هي تقريبا 3 شركات او 4 الي افضل شي .,.

أتمنى اني افدت ولو بالقليل ، واي شي انا حاظر .,.





.,.

[محمد بن فهـد]

اخوي اذا كنت تبي تشترك

رح لزاجل واخذ العرض اللي بي 150 ريال شهريا

وعندك
مودم قوي انا شارية من اكسترا
مميزاته
فتحته USB + فتحة تقدر تشبك المودم بالراواتر ولا بكرت الشبكة

والسعر خياالي 195 ريال بس
والمودم قوة لا تهنيق ولا شي
ويشبك على طول بثواني

ونوع المودم
D-LINK DSL-302T

علك بالمودم هذا شكله صغير ومريحه وفيه فتحات كثيرة للتهوئيه من جميع النواحي
هذي نصيحتي لك

[lightmoon911]

شف أخو اذا تبي مودم حلو وسعره أحلا خذ U.S.Robotics9106 هذا فيه أربعه بورت و wireless وفايروول ومعه برنامج ثبته هو يزبط الإعدادات بس ان تدخل اليوزر وبالباسوورد وسعره ب 445 ريال
كان عندي zoom x5 بس خربته شاريه ب650 كويس ما جاني منه مشاكل بس سعره جامد
فيه الكاتيل لو تأخذ نفس مواصفات الي في U.S.Robotics9106 سعره غالي 790

[Night Road]

شاكر لكم على الردود .,.

المودم الي تكلمت عنه اذا منب غلطان اسمه بيليون وهو افضل شي وافضل من الكاتيل وزوم لانه خرباتهم كثير واي كلام ياعبد السلام ، والرجال قالي انه كل الشركات صارت تاخذ من عندهم هذا المودم بعد مااتضح انه الكاتيل والزوم مجرد دعاية لا اكثر .,.






.,.

[أبو ثابت]

ADSL والله ماادري كيف نسيت هذا الموقع ، كان عندي في المفضلة قبل الفورمات ، بس كان اول للبيع على مااعتقد .,.






.,. vbmenu_register("postmenu_3022818", true);

سلام

لا تألف ما كان للبيع


بالنسبة لي انصحك بمودمات الكاتيل

اذا انت راعي انترنت لاسلكي وتبي توسع صدرك على لاب توب فيه wifi بأي مكان في البيت بدون اسلاك عندك مودم الكاتيل speedtouch 580i .. وهالمودم اعتقد فيه وصلة تقدر تشبكه USB وتقدر تشبكه على كرت شبكة بعد.

اذا انت راعي اسلاك وشبكة وكيابل عندك الكاتيل speedtouch 510v4 .. تأكد انه 4 منافذ فيه موديلين تلقاها باكسترا سعره 520

انا جيت باخذ موديل كان سعره يمكن 400 وشوي ويوم فتحته لقيت بورت واحد فقط هذا ما انصحك فيه
افتح الكرتون وتأكد ان في المودم من الخلف 4 منافذ شبكة 4 port

بالتوفيق

[أبو ثابت]

استخدم لنك سيس
WAG54G WIRELESS
سعره اقل من 650 باربعة مخارج لكن مافيه مخرج يو اس بي ويجي معه كرت وايرليس للاب توب مجانا
اشتراكي مع سعودي نت 256 وماعندي اي مشكلة ماشاء الله تبارك الله

مودم linksys هذا جيد لاسلكي وفيه 4 منافذ شبكة
سعره باكسترا قبل اسبوع تقريبا 690 ريال كان عندهم عرض عليه 640 ريال وخلص

مشكلة المودم هذا حرارة من تحت المودم ويمكن اخوي Khalidksa يأكد كلامي..

[أبو ثابت]

نصيحة ثانية (صفوكم من هندي نت قصدي سعودي نت ) والله ماعندهم سالفة ، وشوفوا لكم شركة ثانية ، بالاضافة الى انها شركة خايسة في الدسل (كلام الي مشتركين فيها موب كلامي ) .,.

اخر شي انا كنت محتار جدا ، وش الشركة الي اشترك معاها ؟؟؟ ، وكل مااقابل واحد اسأله وش مشترك طيب وش رايك فيها وكم سعرها (يعني الاسئلة المعتادة) طبعا كل واحد يقول انها تمام عنده والحمد لله ، فانا احترت وش اخذ ؟؟ ، والحل هو شوف اي شركة وقول بسم الله واشترك معهم 3 اشهر (اقل شي ) واذا ماعجبتك غير ، طبعا هي تقريبا 3 شركات او 4 الي افضل شي .,.

أتمنى اني افدت ولو بالقليل ، واي شي انا حاظر .,.

.,.

السلام عليكم

افضل شركات انترنت في الدي اس ال اعتقد انها اكبر ثلاث شركات

اول نت - نسما - سعودي نت

هذا كلامك "شركة خايسة في الدسل (كلام الي مشتركين فيها موب كلامي )"
اتمنى انك ما تحكم على شركة انت ما جربت خدمتهم

بالنسبة للترتيب في اكبر 3 شركات في خدمة ADSL
سعودي نت
نسما
اول نت
للتأكد من كلامي تقدر تكلم اي واحد في سعودي داتا وهو يعطيك تأكيد.
احيانا فيه شركات اذا زادوا عدد المشتركين عندهم يضعف الاتصال لكن تقدر تحكم على هالشيء من خلال هالموقع
http://cgi.isu.net.sa/isputil/arabic/

"انا قدمت طلب دسل (طبعا بعد جرجرة 4 اشهر مع سعودي نت) يقولون لك مافي امكانية "

حاليا مقسمات كثيرة لا يوجد فيها سعة وهالشيء مايحدده شركات الانترنت كلها ، الي تحدده سعودي داتا (شركة الاتصالات) احيانا بعض المقسمات يكون عليها مشاكل مثل ان تلفونك على ثانوي ولازم تنقله لأساسي كل هالاشياء ممكن حلها حتى عدم وجود سعة في المقسم ممكن تحلها اذا تابعت مع مزود الخدمة.

اعرف واحد كان المقسم مافيه سعة (منافذ دي اس ال مليانة في المقسم وكلها مستخدمة)

قعد يتصل كل يوم على شركة الانترنت وابلشهم لين طفشوا ودبروا له اول بورت كنسل راعيه الدي اس ال (الناس الي تكنسل دي اس ال يكون البورت الخاص بهم فاضي .. ياخذه اي شخص على قائمة الانتظار)

وكل يوم سعودي داتا يقولون فيه توسعه ... وحنا الى الان ماشفنا الا قليل وبالقطارة
وفيه ناس ماتوصلهم خدمة ADSL بسبب ان بيتهم اكثر من 5 كيلو عن المقسم وكل سنة تقول سعودي داتا لقينا حل وتحت التجربة ولا نشوف في هالحلول الا سراب.

ادعوا معي كلكم ..ان شاء الله تطلع شركة منافسة لسعودي داتا ونفتك من هالعجز في توفير خدمة ADSL.

اعتذر من صاحب الموضوع على المداخلة والرد على الاخ سنايبرz
مع التحية

[Night Road]

أبو ثابت ههههههههههههههههههههههههههههههههههههههههه ،صباح الليل انا صاحب الموضوع .,.

بعدين ياخي وش فيك تطامر هدي السرعة شوي ، والله اجيبك سكين مرة ثانية في كاونتر علشان انبراشك هنا .,.

مدري ليش احس انك شغال في سعودي نت .,.

بعدين انا ماألفت الموقع اول كان مقفل ، انت الي لاتألف .,.






.,.

[أبو ثابت]

معليش توني قايم من النوم مفهي دخلت كاونتر مالقيت احد ههههه
الا على طاري كاونتر وش رايك بهذي


مشكلة الانترنت في المملكة ان الواجهة شركة الانترنت والبلا بالي وراها وسبق وشفت سب في اول نت ونسما
ورديت عليها .. المفروض يكون طلب تقديم الخدمة عند سعودي داتا مو عند شركات الانترنت لأنها هي الي تركب الدي اس ال على تلفونك .. علشان اي مشكلة في التركيب(بتكون اكيد من سعودي داتا) ليه يتهربون ويحطونها بشركات الانترنت.

هي مجرد وجهة نظر انا متحمس لها دايما مو دفاع عن شركة انترنت معينة

[Riot]

بصراحه ماشفت خدمه زي سعودي نت .... ولكن اسعارهم ماهي احس انها مبالغ فيها

شهر 64 = 150 ريال
شهر 128 = 250 ريال !
شهر 256 = 400 ريال !!

طبعا ً التسعيره ذي حسب مكتبة جرير .. والمشكله اني شايف التسعير بس وين ؟ مدري
كمثال شهر 128 بـ 230 ريال ... يعني السيد جرير لهط 20 ريال !!

انا نصحني احد الأخوان بزاجل وفيه نية لترك سعودي نت مستقبلا بأذن الله
ومعليش يا اخوي Sniper طلعنا عن موضوعك

[DSL]

تبي نصيحتي ....


خذ مودم ... SpeedTouch 580i وهو أحسن من SpeedTouch 510 v4 ....
وسعره تقريبا 580 ريال فقط ...
كل مواصفات المودم الدي اس ال والشبكات السلكية وغير السلكية فيه ..... وهو حديث الأصدار

وهذي صور للـ SpeedTouch 580i ...






وهنا في هذي الصوره ... تلقى قطعه جنب المودم وهي خاصه للجهاز الكمبيوتر الفرعي للشبكة
اللا سلكيه وسعرها 200 ريال .. في اوربا وامريكا بعضهم يعطونك القطعه ببلاش ولكن هنا انس ... :vereymad:

[Grandia]

بصراحه ماشفت خدمه زي سعودي نت .... ولكن اسعارهم ماهي احس انها مبالغ فيها

شهر 64 = 150 ريال
شهر 128 = 250 ريال !
شهر 256 = 400 ريال !!

طبعا ً التسعيره ذي حسب مكتبة جرير .. والمشكله اني شايف التسعير بس وين ؟ مدري
كمثال شهر 128 بـ 230 ريال ... يعني السيد جرير لهط 20 ريال !!

انا نصحني احد الأخوان بزاجل وفيه نية لترك سعودي نت مستقبلا بأذن الله
ومعليش يا اخوي Sniper طلعنا عن موضوعك

الاتصالات الامارتيه في الامارات اسعارها

256 شهر = 190 ريال

512 = 250 ريال

1 MB = ر 450

2 MB = ر 650

ان شاء الله تقدم هاذي الخدمات في السعوديه