الله يوفقكم وتدخلون كلكم احسن التخصصات
لك عشان لاتنصدمون بالواقع ابي اقولكم شغله
الطب اول شي يحتاج الى
1.نسبه فوق 95%
2.اجادة اللغه الانجليزية بإتقان تحدثا وكتابة وركزوا على اتقان
3.معرفه ودراية سابقة عن اسماء الامراض ووالادوية المضادة .
..وكيف يتكون ..و ..و الخ
طبعا بتقولوي ليه هذي الاشياء ...اقلك لانه فيه اختبار عدد صفحاته لها بداية ومالها نهاية يخليك تحفر تحفير على كيفك ....وتطامر على الطاولة وتطلع وتنزل..... وتنطل وتعقد ... واخرتها يقولولك ماجبت النسبة المطلوبه للدخول للطب
طبعا بتقولون لهم ليش .....هم اكيد مابيجاوبونك ...لكن انت لازم تكون فاهم الشغله
وتدق جوال على الوالد وتقوله عندك واسطه في الطب بيقولك اكيد والله ما اعرف احد بالطب لكن باشوف ....ويبدأمسلسل المعاناه
وابوك يدق على زملاءه في العمل وعلى اقرباءه ....وانت تدق على اخوياك (على بالك انهم بيفزعولك ..وهم داجين اكثر منك)
والنتيجه
يدق عليك ابوك يقولك لقيتلك واسطه ....عاد انت بدورك تنبسط وينتفخ راسك ....ويقولك روح لفلان في كلية الطب وقوله انا ارسلني الوالد لك
طبعا تروح لمه في الكلية تلقاه دكتور في كلية الطب
وياخذ منك الملف وتقوم انت فرحان 
.......ويقولك ان شاء الله باحولك فيهم
لكن يوم تطلع مع الباب تشوف مكتب بجنب مكتب الدكتور ....وتقرى عليه فوق تلقى مكتوب ....رئيس لجنة القبول (طبعا مكتبه في اقل شي 20 ولي امر يتوسطون لعيالهم )
وتعديه وتشوف مكتب وكيله وتلقاه فل الفل وتروح تمر على مكاتب اعضاء لجنة القبول تلقى كل واحد طايح عنده مليون:shock22: :shock22:
وبعد هذا تناضر بنفسك وتقول.............................انا ووجهي معتبر الدكتور هذا واسطه اجل لجنة القبول وش تعتبر 
وانصحك انك ماتمر من عند مكتب عميد الكلية ولا وكيل الكلية ولا عند مكاتب السكرتارية ولا عند الحذف والاضافة... لانك بتشوف واسطات عمرك ماشفتها
وروح البيت وفكر اي تخصص تبي
معك من اللغة العربية الى العلوم(كيميا فيزيا رياضايت) اداب(اعلام متاحف علوم مكتبات...)
واذا كثرت بتروح على اللغة الانجليزية 
هذا واقع جامعاتنا من دون و
ماتمشي
وادري انها نضرة تشائميه بعض الشيء لكن هذا هو الواقع ...يخليك تبكي من القهر لما تشوف واحد مايستحق حتى دبلوم يدخل طب بشري وانت رايح على كلية العلوم
(مقبرة الطلاب..زي مايحب الطلاب تسميتها)
والله يعين الجميع ويوفقكم ونشوفكم في التخصصات الي ترغبوها مو الي مفروضه عليكم
واسف على ردي الي يغث الواحد لكن
...تجارب كثيرة يتعلم منها الواحد(والدنيا مدرسة) تحياتي GAME PRO
كلام صحيح وواقعي وماعليه أي غبار
وطبعا الواسطه في جميع مجالاتها هي سبب تخلف المجمتع السعودي للأسف الشديد
فكر بكل مجال سواء كان توظيف او قبول بجامعات او او او او او .. إلخ
-----
وعندي تعليق بسيط على كلامك عن تخصص الطب
وانا الاحظ طبعا ان حقين السبعينات اللي يدخلون الطب بكافة انواع فيتامينات " و "
ما يكملون ترم او سنه اللا وهم مشوتين !!
يا يقول الطب صعب ولا يدربي راسه بالانقليزي وما جاب خبر الطب ويشوتونه
خل الطب لاهله يا حبيبي !!! ويمدحون كلية الزراعه في الحالات هذي 
والاحظ ايضا على اللي داخلين الطب ومستمرين فيه
ان الولد يكون فيه ذكاء من اول موب بس على المستوى الدراسي ..
هذا اللي عندي ومشكوور حبيبي على ردك
وتسلم اخوي Anas4ever على موضوعك الجميل ,,
تحياتي لكم جميعا .,
![الصورة الرمزية ][ZX][](customavatars/avatar2493_2.gif){kind=avatar}
المشاركة الأصلية كتبت بواسطة -Movies-
90 وفوق
مشاركة: وين ناوين بعد ثالث يا شباب ؟؟
