ZooM-IN : المراهقة : Issue #1

**Angel whisper** · 20-03-2005, 05:36 PM

المشاركة الأصلية كتبت بواسطة ODIN

حلو الموضوع ومفيد

الا احم .. مين الخربان الي ثبت الموضوع

؟

------

الا صحيح عندي تساؤل ..

الي ما ظهرت عليه علامات المراهقه من تمرد وشغب و مشاكل مع اهله ... وكان عاقل وهادي طول فترة بلوغه ..

دائما الناس يقولون ان هذا مراهقته راح تطلع بعدين لما يكبر اكثر .. يعني فوق ال 20 سنه ..

تتوقعون ليش يقولون كذا ؟

انا اللي ثبتيته

انا من هالنوع .. ايام مراهقتي ما تتسمى مراهقه .. كنت عاقله وهاديه لدرجه مش طبيعيه .. حتى اني كنت وحدانيه ومادري كيف ..
اممم الحين تغيرت وايد ... استويت اجتماعيه .. فيني خبال على خفيف .. بس ما عندي مشاكل ويا اهلي الحمدلله .. والتمرد ما يرتبط بمرحله معينه من عمر الشخص .. ممكن يطلع باي عمري برايي

**Lezard Valeth** · 21-03-2005, 06:45 PM

انا من هالنوع .. ايام مراهقتي ما تتسمى مراهقه .. كنت عاقله وهاديه لدرجه مش طبيعيه .. حتى اني كنت وحدانيه ومادري كيف ..
اممم الحين تغيرت وايد ... استويت اجتماعيه .. فيني خبال على خفيف

تقريبا مثلج

, ايام الطفولة مشاغب مثل اي طفل , اول ما صرت 13 صرت حدي هادي وكنت وحداني نوعا ما , اول ما صرت 16 ابتديت اتغير واصير اجتماعي , ولو اني خبل وفاصل الحين الا اني للحيني هادي وعقلاني <<< مصدق نفسه

دائما الناس يقولون ان هذا مراهقته راح تطلع بعدين لما يكبر اكثر .. يعني فوق ال 20 سنه ..

تتوقعون ليش يقولون كذا ؟

بالنسبة لي اعتقد انه المسألة مسألة طبيعة الظروف الي مر فيها هالشخص سواء نفسية او عضوية , يعني هي الي اكيد اثرت على طبيعة انه يتصرف على انه مو مراهق , لكن يظل مو شرط طبعا , وان طلعت فوق العشرين سنة فما راح تكون مراهقة بمعنى الكلمة , يعني يمكن يتغير طبعه بس , بعد ال 21 الواحد مخه يبتدي يتغير ويصير يفكر بطريقة مختلفة واكثر نضج

**HArb200** · 22-03-2005, 06:26 PM

والله ياجماعة لولا الاخت انجل ثبتته .. ولا كان قفلته وحذفته .

الموضوع فيه عبارات لااستحببها في منتدى العاب .. وحطوا تحت العاب الفين خط .

والكبير يقدر يسوي بحث ويطلع له مئات المواضيع .. يروح لمستشفى .. استشاري .. حلول كثيرة

ليش نقتل البراءة للاطفال بالمواضيع هذي ..

والاخ اللي يقول الغرب يعلم ابناءه .

ياخي طز في الغرب .. الغرب وشهو ؟؟ مهوب بوش وذنبه شارون والردي بلير .

مهوب هم اللي ياكلون لحم الخنزير .. قاتل الحياء والغيرة .

مهوب حريمهم يتمكيجن بدهون الخنازير .. ويزرطونها مع الزلطات .

ياقرة عيني .. حنا نتبع ديننا .. مانتبع الغرب .. على الاقل انا بما اني مشرف .. فانا علي أمانة .. والانسان مقرود يوم انه تحمل الامانه .. الجبال والاراضين ماتحملتها .. لكن قرادتنا بتودينا في ستين داهية .

انا على عاتقي امانه اني مااسمح بنشر الا ماأرى انه جيد .. وامنع السيء .

والأمانة هذي .. مصيبة .. صدقني .

لاحان الحين .. يجي يسألني فلان وعلان .. ليش سمحت بنشر هالمواضيع ؟ وضيعت الامانه.. وانا ماعندي حجة ..هل بيعذرونني ؟؟

عفوا بس انا مالي اي علاقة بهذا الموضوع .. ومن خلق الله ادم ..و الرجال يعرف كيف يضاجع زوجته .. قبل مايعرف يقرا ويكتب .

نجي نتفلسف زيادة ليش .

على فكرة ياخي .. انا جتني مثل هالمواضيع على ايميلي .. من قروب بركان .. وكان فيها العن من المنشور فوق .. وقمت والحمدلله بارسال احتجاج للقروب والاعضاء .. وفي حينها اذكر انه توقف العضو عن ارسال هالمواضيع القبيحة .

وتراه كان يقول نفس كلامك .. اننا يجب ان نتعلم الجنس .. واوضاع ومدري كيف .

ونقطة اخيرة .. انا بصراحة اكره المواضيع هذي .. وكرهي لها لخروجها علينا فجأه وبشكل مهول .. كأننا اول مره نعرف هالاشياء

ادوية .. مراكز علاج .. جنسية .. دعايات عيني عينك .. اشحن طاقتك ومن هالكلام .

صار تركيزنا تحت .. والغرب يركز فوق .

وهذا اللي حاصل .. حنا تحت وهم فوق .

**DreaM** · 22-03-2005, 08:24 PM

هلا

Prince Of Darkness & Trapped Inside :

أشكركم على الرد .........

أودن :

أشكرك على الرد ....... الشعور النفسي ما يكون مطبق الكل في بعض الاحيان , بعضهم يكبرون و ربما لا يحصل لهم أي تأثيرات نفسية عميقة خاصة الأولاد , أما البنات لهم حساسية مفرطة بهذه المرحلة و إن مهتم بهذه النقطة أكثر , يمكنك البحث عن كتاب تحت عناوين "سيكولوجية المراهقة"

**Trapped Inside** · 22-03-2005, 10:25 PM

Harb

والله ياجماعة لولا الاخت انجل ثبتته .. ولا كان قفلته وحذفته .

رايك بهذا الموضوع عالعين والراس .. والناس اراء .. بس لانك مراقب ولك راي يعني انت الصح ..

الموضوع فيه عبارات لااستحببها في منتدى العاب .. وحطوا تحت العاب الفين خط .

ههههههه .. وقفت على هذا الموضوع يعني ؟ .. ثلاثة ارباع المواضيع مالها علاقة بالالعاب ..
انت ما تستحبها ؟ .. هممممم

..

والكبير يقدر يسوي بحث ويطلع له مئات المواضيع .. يروح لمستشفى .. استشاري .. حلول كثيرة

اغلب الاعضاء ان ما كانوا كلهم فوق الاربعطش .. والي يتصفحون العام من 15 وفوق .. اشوف انه عمري مناسب ( ومب عشاني انا اشوفه مناسب يكون صح ! ) ..

وبعدين لو كلامك عن البحث ومالبحث صحيح .. كان المنتديات مالها فايده .. منتدى الاخبار = في مواقع اخبار يقدر يعرف منها اخر الاخبار ..الالعاب = مواقع ومحلات الالعاب .. الدين = الندوات والاستشارة والمواقع ..

بكل شي فيه حلول ثانيه .. ويظل المنتدى من هذي الحلول .. وانا كثير اتعيجز بتسوية اشياء اقدر اشوفها بمواقع ثانيه بس المنتدى يأمن لي اياها ^^ ..

ياخي طز في الغرب .. الغرب وشهو ؟؟ مهوب بوش وذنبه شارون والردي بلير .

هههههههه .. عيب ناخذ منهم الزين ؟ ..

على كل هذا رايك وانا احترمه .. بس مثل ما قلت مب شرط يكون صح بس لانك مراقب .. وانا اقول هذا الكلام لانك قلت ببداية ردك انك كنت بتقفل الموضوع لو انجل ما ثبتته .. وانا اشوف انه غلط .. جهد الرجال بتضيعه بس لانك " انت " تشوف انه غلط .. ههههههه ..

حبيت اعلق على ردك بقمة الوناسه :

.. وبصراحة لاشفت مواريه .. تجيني برغشه ومرغشة .. وكل انواع القرقشه .

لا شفته ؟ .. مرة بالشهر ؟ ..

واشكرك دريم عالموضوع مره ثانيه ^^ ..

**HArb200** · 23-03-2005, 01:34 PM

ياشين المجادل ..

المواضيع هذي نتاج لغبائنا العربي ..

بدال ماننتج ادوية علاج سرطان وايدز .. انتجنا ادوية شحن الطاقة !

انا قلت مالي علاقة بالموضوع .. ووضحت رأيي بما فيه الكفاية والزيادة .

لا كرهاً فيك ياصاحب الموضوع ولا باحد .. ولكن هذه المواضيع جريئة اكثر من اللازم .