????????????????

[hunter37]

احلى رسمة اول رسمة

رسماتك تينن ما شالله عليك
و بالتوفيق

[new-sin]

ما شاء الله عليك رسمك وايد حلو:You_Rock_ و الرسمتين احل من الرسمات الاصليه واتمنه لك التوفيق مع ان الرسمه الاولى فيها عيوب واضحه فشد حيلك وعدلها و شكرا .

[new-sin]

نسيت اجولك شغله فكرت نك نيمك وايد حلوه و كوول .

[the tri devil]

انا جديد في قسمكم و لا لي اي مشاركات فيه بس احب اضيف ردود على مشاركاتكم الحلوة
و بصراحة عجبتني المشاركة و الريميك على كلامكم (اعتقد انه على ما فهمت: اعادة رسم الصورة)
اتمنى للجميع التوفيق بالذات صاحب الموضوع
اخوكم the tri devil

[no 1]

مرحبه شباب مشكورين على ردودكم وتشجيعكم لي والحمد الله اعجبتكم رسماتي و بناء على طلب نيو سان سويت اب ديت لرسماتي وشلت وايد عيوب فيها وانشاء الله تعجبكم .

و اذا ليلحين شايفين فيها عيوب حددوها لي لو سمحتم .

ابي رايكم بكل صراحه.

انشاء الله تعجبكم .

:shock22: .

COOL .

[الملاك الأبيض]

أهلا أخوي

الرسمات تقريبا حلوة

بس يفضل ستر البطن في المرة القادمة عشان اتكون أحلى وأحلى ولا تكون مخالفة للدين

آسف على الإزعاج

[no 1]

شكرا اخوي بس انا اخذتها من الرسمه الاصليه و هم فيها بطن باين فلازم تنصحها اهي بعد وشكرا .

[tootaa18]

اخوي اسمحلي
صحيح انت فنان موهوب ماشالله عليك بس مايصير تسرق أفكار الأعضاء وتضعها تحت مسمى "remix"
السرقة تظل سرقة مع احترامي لك
واذا انت ماراح تزعل اذا أحد سرق أفكارك وعدلها وسواها أحلى من رسمك غيرك راح يزعل، حط هذا الشي في بالك عدل


وبعدين ليش ماتدورلك على أفكار من خيالك؟
أكيد راح تلقى بدل الفكرة مليون فكرة

[no 1]

الدفعه الجديده وصلت و هالمره رسمه جميله لفنانه الفتها للانميشن ناروتو وانا اخذتها وسويت لها ريميك وسميت الشخصيه ناناكو والرسمه استايلها جديد علي فانشاء الله تعجبكم و من غير زعل .

ملاحظه:-
الي يبي ياخذ رسماتي و يسوي لهم ريميك فحياه الله .

الرسمه الثالثه:-

شوفوا الفرق .

:shock22: :shock22: .

رجاء التعليق.

[no 1]

الرسمه فيها شويت عيوب في التظليل و راح اسوي لها ابديت مثل ما سويت من قبل بالرسمتين الاولانيتين بعد ما انزل الدفعه الجديد بس اشرايكم فيها بعيوبها البسيطه .

[no 1]

الدفعه القادمه انشاء الله تكون اقوى بس ابي تشجيعكم لي و يبيلها وقت فنطروا علي شوي .

[tootaa18]

الرسمة القديمة أحلى صحيح انها مو بجودة رسمتك بس على الأقل رسمتها من خيالي مو مثل بعض ناس

واعتقد ان من الذوق والأخلاق انك ترد على العضو اللي يكلمك مو تروح تسرق أقصد تسوي ريمكس حق رسمته

[Sander]

يا اخ no 1

اكلم نفسي انا؟؟

قلنا خذ إذن من صاحب الرسمة قبل ماتعمل لها ريميك,,

* هل تعلم انو لو صاحب الرسمه اعترض راح اعاقبك انت؟

فرصة اخيرة,, ياريت تستأذن قبل ما تشتغل عالرسومات,, شكرا

[Eevee]

اخوي الرسمه الي خاطنها اخر وحدة ابدا ماتمشي لن هي وحدة محاربة وانت ملبسنها هللبس رايحة قتال ولا عرض ازياء
هي بتقاتل ولا بتستر عمرها

و استاذن احسن بيكون
محد بيشجعك اذا تميت جي

[no 1]

شباب ليش زعلتوا ما توقعت انكم تقولون هالكلام لان بعض رسماتكم اهي من شخصيات مشهوره مثل ايفي من بوكيمون و اورين من فاينال فانتاسي و بعض شخصيات ناروتو وشخصيات ثانيه وعلى كلامكم فهذا سرقه لانكم ما استاذنتم من الشركه و ما يصير تحللونه لنفسكم وتحرمونه علي وبعدين انا ما سرقت انا بس اخذت الوان الملابس والشعر والعين وحطيته بدزاين كامل من خيالي والي يشوف الرسمتين راح يلاحظ الفرق وتوقعت منكم التشجيع مو الزعل على شي تافه فاعذريني يا اخت توتا اذا زعلتك .

وبخصوص نوع اللبس فعادي وايد شخصيات يتحاربون بملابس نفس هذا و العن .