قضية الاسبوع : لقب أودن .. : ) ......... !!

[megaman]

بالنسبة لي .... عندي شخص قريب لي وبنفس الوقت اعز اصدقائي يعني اثنين في واحد

احنا فاهمين بعض مرة .. عشان كذا نرجع لبعض دايما اذا احترنا بأي موضوع

بالنسبة لأصدقاي احيانا اسشيرهم بأشياء بسيطة .... لكن ما استشيرهم بأشياء كبيرة أو اشياء خاصة ... مهب لأني ما أأتمنهم ... بالعكس .... بس يمكن عشان ما احس انهم فاضين لي او يمكن ما يبون افضفضلهم وازيد همومهم هموم .... او يمكن انا اتحسس بزيادة من هالأمور


وطبعا فيه أشياء خاصة جدا هذي top secret ما تطلع لأحد أبد


ومشكور اخوي دريم على الموضوع

[Pentium]

والله الاستشارة مثل ما قال ODIN...يعني حسب الموضوع...

بس مواضيعي الشخصية لا أستشير أبدا اي أحد فيها...

و أتحمل مسؤولية كل شي أقرره ...

بس!

[Moon Boy]

حديثك فيه كثير من المنطق..

ونحن نستشير أصدقائنا لأننا بحاجة للرأي وتنوعه..
اما عن تفضيلهم على الأهل في المشورة فأعتقد الأمر هذا طبيعي جداً..لأن الصديق هو كاتم الأسرار..ويعلم أشياء كثيرة عن صديقه لاتعلمها أسرته.

تحياتي

[NsaN]

عندي ثلاث ربع قراب مني وايد..و كل واحد منهم استشيره بشي..

الاول: بالامور الدينية اكثر شي..
الثاني: بالعلاقات الشخصية..و اطلب منه النصح في حال اني ما عرفت اتعامل مع مشاكل معينة..
الثالث: مشاكل من نوع اخر..

بس المشاكل الشخصية و اسراري دايماً اخليها لنفسي و ما اقولها لحد..
بس من فترة بديت استخدم اسلوب يديد..و الصراحة بديت اشوف انه يساعدني..
و هو كتابة المذكرات..بديتها من كم شهر و الصراحة ارتاح كل ما اكتبها..خاصة اذا يتني مشكلة او كنت متضايق..
اكتب اللي في خاطري و احلل المشكلة و احاول احلها خطورة بخطوة..
بس مادري ليش اييني احساس كل ما امسكها (المذكرات) احس اني معقد

احس غلط ان الواحد يتم حاط الشي في خاطره..
عن نفسي..اذا كنت متضايق او معصب و محد من الثلاثة اللي فوق متواجد...لازم اطلع حرتي في اي شي..
اتضارب..اسب..او اتصل بأي واحد من الشباب (غير اللي فوق) و اقعد اضحك و استلوح معاه..
عاد هم صاروا يعرفوني..اذا شافوني مرة وحدة اتصلت و قعدت اضحك على اتفه شي..
او اتمصخر بزيادة يعرفون ان فيني شي فيخلوني عراحتي..

مع ان الكتابة مريحة الا اني اشوف الافضل انك تفصح عن اللي بداخلك لشخص..
حتى لو هالشخص ما راح يعطيك حلول ..
مجرد انك نفست عن اللي بخاطرك..و حسيت ان في حد يسمعك..راح تحس براحة..

بنظري..حلو الاعتماد على النفس بحل المشاكل بس ما اظن ان الانسان يقدر يحل كل مشاكله بروحه..

مادري..عندي احساس ان ردي مخبوص..

[Angel whisper]

بس المشاكل الشخصية و اسراري دايماً اخليها لنفسي و ما اقولها لحد..
بس من فترة بديت استخدم اسلوب يديد..و الصراحة بديت اشوف انه يساعدني..
و هو كتابة المذكرات..بديتها من كم شهر و الصراحة ارتاح كل ما اكتبها..خاصة اذا يتني مشكلة او كنت متضايق..
اكتب اللي في خاطري و احلل المشكلة و احاول احلها خطورة بخطوة..
بس مادري ليش اييني احساس كل ما امسكها (المذكرات) احس اني معقد

اسلوب المذكرات ما عليه كلام . . مفيد الصراحه -.-
تقدر تفضفض على كيفك ..
اانا مسوتلي blog اون لاين لهالسبب .. هههههه طبعا مب قايله لحد عنها لاني ابغي آخذ راحتي فيها .. وفعلا ماخذه راحتي واكتب فيها عن مشاكلي الى آخر قطره .. صدق راحه نفسيه -.-

[Trapped Inside]

يقولون انك اذا كتمت مشاكلك جواك .. تجيك حالات او مشاكل نفسيه ؟ ..

عز الله اكلت تبن

[KJF]

أسري - Family Guy
- بعضهم يلجأ لأستشارة أخوانه الكبار , لحل مشاكلهم الشخصية و النفسية و الأسرية ......

ههههههههههههه ذكرتني بالمسلسل Family Guy....

اانا مسوتلي blog اون لاين لهالسبب .. هههههه طبعا مب قايله لحد عنها لاني ابغي آخذ راحتي فيها .. وفعلا ماخذه راحتي واكتب فيها عن مشاكلي الى آخر قطره .. صدق راحه نفسيه -.-

الBlogs راحة نفسية للكاتب, بس للأسف No one cares or even bother to read them


حبيبي Dream موضوعك نقاشه عميييييييييق... بس بحاول اختصر ردّي..

احيانا الانسان يستشير صديقه في اموره ومشاكله قبل عائلته لعدة اسباب, منها:

1) ان الانسان هذا يقضي وقت مع صديقه/اصدقائه اكثر مما يقضيه مع العائلة (جامعة مثلا), فتكون هناك ثقة مبنية بين الصديقين..

2) ان الانسان الي يحتاج استشارة قام باستشارة اخوانه من قبل وصار شي ما يبيه ينعاد.. (اخوه فضحه/ما اخفى سر الخ..)

3) الاخ يتيم وعيلته كلها ماتت بحريق

[DreaM]

شكرا لكم على المشاركة .....
كان ودي اطول في موضوع فرعي لكن لا يسعني الوقت .... سأختصر رؤياي حولها .......

-------

و الموضوع والفكرة الفرعية هي كتمان سر الصديق ....
فمثلا كانت لدي مشكلة , محتاج لحلها , فأستشير صديقي ... و بعد مدة من الزمن ....
اصبح سري خبر في خبر كان ...... !

انتشرت قصتي في كل مكان حول المنطقة , كانه عمل على نقل بث مباشر للحدث ....:shock22:

مالذي سيكون شعورك نحوه ؟ و مالذي سيكون ردت فعلك "اهم شي" ؟؟

بالنسبة لي , ربما يرى مني ما لم يراه اي ملاكم في العالم ... وربما تكون "مجرد مشاعر " بالغضب ..

well ? what you have to do about it ?

[سداح بن مايكل]

خخخخخخخخ

الموضوع أعمق من عميق و صراحة أنا من النوع اللي ما يعرف يعبر عن شعوره أبد ..

بس بحاول ..

الأمور اللي أستشير فيها صديق ( اللي ما عندي غيره ) هي أمور سطحيه جدا يعني مثل وش رايك بالشريط الفلاني أشتريه ولا لأ أو الجهاز الفلاني ....إلخ

بس أي شيء آخر مستحيل لأني بصراحه سويت روحي بفضفض لواحد مره من المرات
وكنت أحاكيه بالتليفون واحش عن واحد مسوي لي مشاكل في المدرسه بس للأسف اللي أحش فيه كان قاعد جنب صاحبنا وصاحبنا ذا حاط سبيكر!! و بعدين تعقدت المشكله :vereymad: