لمله!!

[Tidus]

يووه كل هالردود بيوم XD


UltimatE_ShArK :
لا تلومني يا اخوي خرف ما بعد الامتحاناتXD ... بعدين لولا شوق ما كنت كتبت الموضوع ترى مو من عادتي اكتب مواضيع عامه...

Regards~ ^^


Mista Koo :
مو عن كبار و الا صغار, الفكره نطق الكلام من دون معرفة كتابته... و الا الكبار من يقدر يتكلم عليهم ؟ و الله يا ليتنا مثلهم اللي حتى سجاده الصلاه تربو 24 جالسين عليها!

و شكراً عالمرور ^^


E-Mad :
يااالله اجل ما شفت شي, بعضهم يفقعك من الضحك حنكته بالكلام! بس اسمح لي البدليات انا مقدر عليها XD


Trapped Inside :
هلا فيك و مرحبا, يالله حيه ^_________^

ثلاجه : فيم !!

اما فيم!! هههههههههههههههههههههههههه ياااالله شنو العلاقه ؟ يحليلهم
هههههههههه لمياء دنو...
طيب عندي ولد خال اسمه زيد... و الزاء ينطقها دال
عاد امه ماخذه على جوه دوم تغي له و يرقص... تقوله :
"يا دين دوله... يا بعد كل الادوالي~" يا زين زوله... يا بعد كل الأزوال
و هو مهيص يرقص هههههه يعني حاله كسيفه

و شاكر لك اخوي على مرورك و مشاركتك... سعيد جدأً بوجودك ^^


moon girl :
كثيييير... اموت على نظرة البزر للعالم انا, دوم امسك واحد فيهم و اسئله عن اشياء كانت معقدتني لما كنت كبره, و تعال اسمع الاجوبه! افتاااااااااااااااء~ ههههههههههههههههه

و مشكوره عالرد ^^


Techno :
يالله انك تحييييييه, يالله انك تسعده
اوووه عاد حدك و لا السمي... مشاري عجيب XD اجل مان مان سو دوم ؟ ههههههههههههه لغه بروح احسها مالها علاقه

سعيد عجبك الموضوع XD


ATG :
يا فاااااااااشل... اجل عجبك الموضوع ؟ XD
هههههههههه تخاريف بعد الامتحان فله, انواع التحشيش!

كانك تدري... بعض الناس اعوذ بالله على لسانهم كلمات, عيالهم ياخذون عليها و يحسبونها من اساسيات الكلام =_= فلا تستغربها...
ههههههههههههه لا تلوم ام سبع سنين... فيه واحد خليته يقرى الموضوع و قالي : تصدق للحين اقول انطرت!!
توقع منو

شاكرلك على الحظور و زين اللي عجبك و الله ^_____________^

[Tidus]

NsaN :
هههههههههههههههههه فيه عندكم يقولو للكتكات : تكتاك ؟
لانها ترى وردت بسجل العايله بس مصيبه لو بقعد اكتب ما بخلص XD

عندي ولد خالتي مساعد... ذاك اليوم سالته شنو احلى الافلام عنده ؟
قال : ستايدر مان! "سبايدر مان"
و تعال دورني هني~

ولو... فرحت دام الموضوع جد عجبك, و يعطيك العافيه على مشاركتك ^^


little-angel :
ههههههههههه كنتي من اللي يقولون لمله ؟ ترى I didn't mean any offense XD
و يالله ما عليه عشان نكون ايفين تراني احوس لما كلامي يحتوي على حروف السين و الشين بفس الوقت _-_

ذاك اليوم جيت بقول لواحد "عسى ماشر ؟"... قلت له عشى ماسر ؟, و تعال شوف الشباب مسكوها علي الحين _---------_""

و مشكوره عالرد ^^


BOOOB_2002 :
يا هلا بوب ^^
و الله يا بوب هي فعلا مشكله لو الواحد كبر و هو للحين يعك... مره كان عندنا عشى و الشيبان جمعه و سوالف, واحد منهم الظاهر ضرب معاه العرق التجاري و جا بيسولف عن مؤسسات و مدري شنو... انا انحرجت من كثر ضحكي عندهم لما جا بيقول "مؤسسه" و قال موسوسه... هههههههههه رحت طلعت برى المجلس و كملت ضحك! يعني ليش سولف دامه مش و لا بد بهالمجال ؟ XD

و شاكرلك مشاركتك ^^


Angel whisper :
أهلاً أنجل ^^
ههههههههههه اقولج خلاص وصلت لمرحلة رضى تام... طلع العالم كبير بما فيه XD
و ايه و الله بعض الصغار ما تلقى منه ثنين...

سعيد بمشاركتج ^______^


Master ArNab :

ملعقه : ... ( ما أتذكر زين .. بس كانت كلمة معفوسه عفس يمكن مقلعة هههه )

هههههههههه موجوده موجوده عندنا... معلقه ؟ كانت وارده ترى XD

حتى عندنا بالكويت يسمون الملعقه قفشه... فتلقى حتى بهذي بعضهم يقول فقشه _---------------_

هههههههههه فله اجل لو برفق صوت شوق... بتسمعون الهوايل!

و شاكرلك على مرورك و الله ^____________^


smigle :
اه, المزيون راد بموضوعي ؟
هايات ^______^ هههههههههههههه يمكن, بس و الله ما كنت اطيق هالبرنامج!
و ايه مو بس بدرب الزلق... الحين عندك على خطوط السفر بقالات مكتوب عليها "يوجد لدينا فلج" فما تلوم اللي التمست معاه السالفه XD

و شكراً على ردك ^^

[Mista Koo]

ذاك اليوم جيت بقول لواحد "عسى ماشر ؟"... قلت له عشى ماسر ؟, و تعال شوف الشباب مسكوها علي الحين _---------_""

حتى احنا في واحد ففصلنا ماسكينها عليه للحين ^_^ لا يكون انت

كنتاكي = تنتاكي (جميع اطفال العايلة -_________-)

Same Here
مو بس الأطفال حتى الكبار صاروا يقولونها

كاتشاب: شيكب

كمان نفس الشي

[DonMusallam]

حبيت أضيف إضافة صغييييييييييييييييييييييييييييييييييييييييييييرة و ماراح أقول من منو....

دمك مليق!!!

[Tidus]

ATG

حبيت أضيف إضافة صغييييييييييييييييييييييييييييييييييييييييييييرة و ماراح أقول من منو....

دمك مليق!!!

ههههههههههههه دمك "مليغ" تكفى... مو مليق XD

و شفت شلون عاد

[smigle]

سمعو سمعو......


هذا أخو رفيجي الصغير.

أم رفيجي دايماً تروح أعراس وعزايم...

وأخوه الصغير كل ما يعصب عليها يصارخ ويقول: كل يوم كمياح كل يوم كمياج.......بس بس.

[Tidus]

ههههههههههههه كل يوم كمياج كل يوم كمياج... اشهد له هالولد, عاد اللي مثله ينقدون تصرفات اهاليهم لو كبرو مافيه غيرهم يسنع البيت XD

[*Ran*]

ههههههه .... والله فطست من الضحك على تنطر ( عاد احنا نقول
بالكويتي تنطر ...بمعني تنتظر ^^ )

بس لا تخاف الكل جذي ... عندنا وعندك خير +___+
مثلاً أنا كنت أغلط بكلمات وايد ..

مستشفى : مشتفشى +_*
بنفسجي : كنت انطقها بطريقة عجيبة وغريبة .. والصراحة لحد ألحين
أغلط فيها بعض المرات* حالتي مستعصية *
قطوه ( هره ^^ - قطة) :مياو ( اعتقد معظم الياهال كانوا ينطقونها جذي
خصوصاً من أهلي ^^ )
كتكات : تكتاك ^___^ وأخواني الصغار لحد ألحين ينطقونه جذي مع
إنهم يقدرون يقولونه صح لكن تعودو ... للعلم اخواني الصغار 10 سنوات
و14 سنوات ... أدري حدهم Baby ^___^

واخوي الصغير كان ينادي أمي يايه... كل الناس ماما أو يمه أو على الأقل
شي فيه حرف الميم إلا هو مادري وين طلع هالاسم .. وحتى كان يناديني
لو ( مع إنه ماله دخل باسمي بالمرة +_+) ... وطبعاً كلمة العائلة وهي
خشمي ( الأنف ) الكل تقريباً كان يقول شخمي ^___^


وأذكر مرة بنت خالي الصغيرة ( 7 سنوات ) كانت عندي بالغرفة وتسألني
عن أسامي الغراضي اللي عندي ( المكياج ) .... ذاك اليوم مت من
الضحك عليها ... مسكينة مع إنها حاولت تقول مثلي لكن كان يطلع منها
أشياء غريبة ^^ .... ياحلاتهم والله تشوفهم تستانس ^^ أحلى شي
بالدنيا الصغار .... والله نعمة .... الله يرزق كل المحرومين من هالنعمة
( دخلت جو ^^ ألحين اللي يسمعني يقولو عندي عشرة ^^ )

وأنا بعد أخربط بين الهريس والجريش ( آكلات) ... كنت أقول عن الهريس
هريش وعن الجريش جريس .... بس الحمدالله كبرنا وتسنعنا لكن
لا انكر وجود بعض المشاكل اللغوية البسيطة حتى الآن

أحس أحلى شي في الصغار لما ينطقون الكلمات غلط ... وااااي ياحلاتهم
ألحين بنت اختي توها صغيرة 4 شهور خلها تكبر شوي ... عشان نشوف
هل راح اطلع مصطلحات يديدة تضاف لمعجم العائلة للبدليات ؟


مشكور أخوي على الموضوع .... ^___^ خليتنا نتذكر خرابيطنا....والله
كانت هالاشياء عندي مشكلة وكنت أسوي أفلام هندية بسببها خصوصاً
لما تعيب على أختي ^___^

[ورد]

لملة ..انطرت ..فلاجة ..بكاني..

اممم بنت اخـوي ..لما تجي تقول * صغيرون * ..تقول * صغريون *
وولد اختي ما يقول * سفن آب * ...يقول * سناب *


موضوعك so funny...

اممم الفلاجة .. كنت اسمع بعض الاطفال يقولون مفلج *مثلج *

[NoOoNaH]

لمــــــــــــــــــــــلة


خووووووش عنوان بصراحه

أمــــــا الإعاقة الكلامية يا أخوي موجوده عند الكل ههههههههههههههههههه

مو بس بعايلتناااااااااااااااااااااااا

مشمشوووووووه يالفظيحه وصفك بلييييغ

لمله ، انطرت ، فلاجه ، بكااااااان ( حتى سعد ولد خالتك يقولها للحين هههههههههههه) ، اصطاااااااااااااااافر الله ( فديت اللي قالتها ياعمري هههههههههه) ، ابصع ابببببببببببببببصع عجييييييييييييييييييبه ههههههههههههههاااي

لحظه اكو بعد بلاوي ماذكرتها خخخخخخخخخخخخخخخخخخخخخ

منها أمي فيشه جان تذكرهاااااااااااااااااااااا
تشكب = كتشب
تكتووو = كتكووو
و ....... و........ و..........

محنا خالصين هههههههههههههههههههه


عمومـــــاً يالغالي الله يعطيك العافيه على الموضوووع المصرقع

والله كوووووووووول ويسعدني ويشرفني يكون أول موضوع ارد عليه

تســــــــــــــــلم لنا يارب






سلااااااااااااااااااااااااااااااام

[Lena]

انا انسه فوارلة :P


ههههههه

يومني صغيره كنت دايم اقول الفراوله= فوارله>< واخذوها اهلي طنزة علي..
للحين اسمي في بعض جوالات الاهل انسه فوارلةXD

[Tidus]

*Ran* :

بنفسجي : كنت انطقها بطريقة عجيبة وغريبة .. والصراحة لحد ألحين
أغلط فيها بعض المرات* حالتي مستعصية *

بونافنجي ؟ هههههههههه لان ترى قالوها عندنا بعد XD


ورد :
زين اللي عجبكم الموضوع, شكرا على الرد ^^


NoOoNaH :
ههههههههههههههههه حطي عشر طعش خط تحت ما بنخلص... و سلمتو لي ^^


Lena :
ههههههههه فوارله, صعبه عاد... فراوله اسهل, بالعاده تطلع غلط لان اساس الكلمه صعب فيخلونها اسهل
فحالتج عجيبه صناحه XD

و اشكرج على حظورج يا ططوه المنتدى و المشاركه "ططوه = قطوه ^_________________^ "

[Lena]

عندي مقلعة ومددس بعد :icon11:



مقلعه=ملعقة
مددس=مسدس

[DonMusallam]

طرمر دمروني = دمر بنطروني -_-

[الموهوب]

بما اني مزكم اليوم,,

من جد ماعرفت اقول نمله,,ماطلع معي الا لمله.....