Strange Habits

[Techno]

موضوع حلو أخوي Jesus
تقريباً نفس عادات لينا و NSAN ...

لذيذ الكتشب مع الرز

إقتباس:
المشاركة الأصلية بواسطة NsaN
امسك شحمة اذني..
احك جبيني بالسبابة..بشكل افقي..
امسك طرف شعري اللي فوق الجبهة ..خاصة اللي عالجنبين..و اقعد الفه..




مي تووووو><
بسم الله قسم نفس العادات هذي وخاصه لما اتعمق وافكر..><

أكلم روحي و أضحك... مرات حتى اتضايق او افرح من مجرد كلامي لنفسي, تتوقع موسوس ؟ ×_×

حتى انا والله لكن مودايم ، مرة كنت قاعد بالصالة بين الأهل جان أضحك ، أسغربوا ... لكن كنت تذكرت واحد عزيز علي من زمان ماشفتة وتذكرتله موقف .

[NsaN]

أكلم روحي و أضحك... مرات حتى اتضايق او افرح من مجرد كلامي لنفسي, تتوقع موسوس ؟ ×_×

هههههههههههههههههههه..شراتي..
انا اقعد اسوي جو و افلام حق عمري بعد...والله بروحي اضحك عاللي اسويه..
خاصة اذا كنت اطالع المراية..اقعد اتمصخر و اسوي اشكال غبية

من عاداتي الغبية بعد اني اذا مشيت بالشارع احياناً اطالع في شخص معين و امشي..و اتم اطالعه..
عاد انا حزتها اكون سرحان و لا عالبال..و هو تحسه يطالع و مايعرف شو يقول..يفرني بنعال و لا يطنش..ما يدري..

بس هالشي وايد يسببلي احراج مع ربعي..مرة كنت ساير الحلاق..و شلة شباب واقفة صوب الحلاق..
عاد انا ما انتبهت لهم و خطفت من عدالهم بدون ما اسلم..و احتشروا عليه..
حزتها الظاهر (حسب ما قالولي) كنت اطالعهم و هم و انا امشي صوبهم..و كل واحد فيهم امني عمره بسلام عالاقل..
بس اوني لبستهم و كملت طريجي

و مرة اخوي بعد بغى يدقني -____________-..

كنا سيرين نييب عشا..عند اليت..عاد شي بقالات..قالي انزل هات بيبسي و ان بسير الدوبي (المغسلة..Laundry) قريبة من البقالة..
سرت البقالة..و يوم ظهرت ما حصلته..و رديت البيت..
بعد 10 دقايق وصل هو البيت و محتشر عليه..قالي بلاك غبي؟؟
قلتله خير؟؟ واطس رونق؟

طلع اني يوم طلعت من الدكان..شفته..و قعدت اطالع فيه شوي و بعدين لفيت ظهري و رجعت البيت
ههههههههههههههههههههههه...
بس والله ما اذكر اني شفته..عاد يحلفلي اني قعدت اطالعه في عينه بعد..عاد هو حليله تم يشيل الاغراض عن السيت عسب اقعد..و يوم رفع راسه ما حصلني..هههههههههههههه..


بس احياناً اخذها بعناد..يعني اذا كنت امشي..او حتى بالسيارة (طبعاً اذا ربعي هم اللي يسوقون)..و شفت حد يطالعني..اقعد اطالع فيه..
والله ما الف راسي لين هو يلف راسه...و Usualy I Win..باستثناء هذيج المرة..طلعلي هندي عنيد -_______-..

بعدين شو المشكلة بالعيش (الرز) مع الكاتشب؟؟

[Tidus]

ههههههههههههههههه تحفه Nsan... و الله مثلك! تحس مفهي لا مشيت

و ذكرتني عاد, انا فيني نسيان غريب عجيب... يعني دوم لما واحد يطلب مني شغله اسويها اقوله "اوكي!"... اروح اخذ خمس دقايق و ارجع له... اقوله انا ليش رحت ؟ ×____×"" شنو كنت تبي مني ؟

دوم دوم تصير لي ترى XD مره نزلت الديوانيه "المجلس" عندنا كنت ابي شغله... دخلت الا شوية شباب و ضيوف متجمعين @@ سلمت عليهم و بعد السلام و الكلام وقفت على طولي! قلت "لحظه يا جماعه! انا ليش نزلت... كنت ابي شغله! همممممممممممممم... اممممممممممممممممممم... اه! صح تذكرت "

و الشباب فاحطين علي ضحك _-_ تحس مفهي >_______<"""


و على طاري الذاكره بعد, انا ضعيف بتذكر الاسماء صج! ما افرق حتى بين الاسماء اللي تتشابه... نايف نواف, فايز فواز, بندر بدر, محمود حمود... و هالطقه, عارف بينهم اختلاف بس و الله ما افرق! ولد عمي اقوله "هيه! انت فايز و الا فواز ؟ XD"

اذكر موقف مره صارلي ما انساه... كنت اسولف مع واحد من الربع توني متعرف عليه,كنت اقوله عن حالتي شلون ضعيف بذكر الاسماء, فقلت له سالفتي مع واحد من ربعي ثاني صارلي معاه و اعرفه اربع سنين, و شلون لما جيت بناديه قلت له "هيه!" و ما ناديته باسمه مع ان صارلي معاه اربع سنين!

قالي الرجال اللي كنت اشكي له لا مستحيل! اربع سنين معاه و ناسي اسمه!؟

قلت له و راااااااااسك يا فهد!! و الله نسيت اسمه ما عرفت اناديه شنو ؟



الرجال ضاع =_______= مات ضحك... و انا مفهي سالته شفيك ؟

قال ما يحتاج تحلف! صدقتك و الله... اسمي منصور لان مو فهد~

[Mista Koo]

كمشور لردودكم كلكم ^_^ ما شا الله رحت المدرسة ورجعت الاقي 16 رد

suikoden
الحمدلله بدعت في الاختبار ^_^ اذا تذكرت شي مرنا

Trapped
خيرها بغيرها وعلى فكرة يكفيك مواضيع طفشتنا 0_× j/k
رومانسي وتحك خشمك!

NsaN
I Don't See Anything Strange 0_0

شتاينر
كل الناس تطول شعرها مع اني ما احب اسويها >_<

smigle
ههههههههه شكلك حرموك من السريلاك بطفولتك How Poor -_-

Blueness
Same Here ^_^
لازم اهتم بجمالي <<<<<<<<Whatever

Tenshi
0_×
ما شا الله مقطعة من النظافة J/k
ما لقيتي الا دش الحمام؟!

Angel Whisper
I Also eat cereals without milk Sometimes
لما ما يكون لي خلق اصب حليب <<< عجاز
But u Scare Children 0_0
صج تمساحة ~_^

Majid Ali
انا كمان اكلم نفسي (بالحمام ^_^)
تطلع انواع السواليف واقعد اغني وارقص و Posing و الخ
حتى احيانا انسى نفسي واقعد 45 دقيقة واتاخر على المدرسة

Lena
انا صرت اسوي نفس الشي البس الشراب 24 ساعة
عشاني شوهت رجلي من كثر ما قطعت فيها ×_×
الحين ابيها تتعدل

BOOOB
على الريموت لازم عشان مذاكرة صح ^_~
اما الشفايف نفس الحالة هنا ودايم دم وحالة
واظفر اليد كل الناس يسوونها لاسبابهم الخاصة ×_× بس دايم تكون مو كويسة

Tidus
Come On
رز مع كتشب ×_×
تسرح بوجيه الناس صراحة انا اجتنبها باني ما اطلع شخص وجه بوجه

Trance قصدي Techno
نفس الردود اللي قبل ^_^ مالي خلق اكتب كلام جديد 0_×
زورونا لا تقطعون

مع تحيات Jesus وآسف طولت بالرد عشان محد يزعل

[Yamato]

و يتمصخرون علي لو اكلت الرز بالكتشب T_________________T

صدقت يا فتى.. T_T

يعني انا اكل كتشب بالعيش (ولا هو عيش بالكتشب ؟؟؟ ) وختى بيض بالكتشب.. واحيانا لما الوالدة تسوي كيمة.. اقولهم سوولي بيض.. واجيب البيض واخلطه بالكيمة واحط كتشب عليه.. قمة اللذاذة..

ههههههههههههههههههه..شراتي..
انا اقعد اسوي جو و افلام حق عمري بعد...والله بروحي اضحك عاللي اسويه..
خاصة اذا كنت اطالع المراية..اقعد اتمصخر و اسوي اشكال غبية

اشوف في ناس معقدين مثلي..
اكون قاعد لوحدي فلازم افكر.. واذا فكرت اطلعه لبرا.. اسوي حركات واتمصخر... حتى يوم اطالع افلام... وجدام المراية.. -___-

ايضا عندي عادة اني لازم امشي شي على رتم معين.. يعني اذا قاعد اتنفس لازم اخليها مثل الصدا.. يعني ... هف هفف هففف هفهف هفهف هفف هف ها.. لازم اجيبها على نهاية تدش مزاجي.. واحاول اني اخفف من هالشغلة.. لانها تضايقني وتجيب لي الاحباط اذا ما جبتها صح.. -__-

ولما امشي في مواقف السيارات لازم لما امشي احاول قدر الامكان اني ما امشي فوق الخطوط عالارض.. عادة غريبة.. >.,<

وايضا ما اثبت على قعدة وحدة... كل شوي اغير من قعدتي.. استغرب من الشباب اللي يقعدون في المحاضرة معاي ويتمون طول المحاضرة على نفس القعدة.. اتساءل في نفسي.. هذيلا ما يجيهم رقاد من كل هالثبات >.,<

اذا تذكرنا المزيد بنذكرها.. -___-

ثانكس يا ميستا كووو عالموضوع الكوووووو ^^

[FlameD]

خوش موضوع ^^ ..

ummm

امسك طرف شعري اللي فوق الجبهة ..و اقعد الفه..

للأسف الشديد same here .. خاصةً اذا متوتر .. او متملل ..


اممممم .. اسرح لما اهذر وايد ! .. و ممكن ما أطالع الشخص إلي اكمله و ألف ويهي مكان ثاني بعض المرات



لازم ادرس بالإزعاج .. لازم ! .. أو اذا مافي ازعاج , البديل يكون , اما اني اشغل التلفزيون , او .. اشرب لي بيبسي



اذا طلعت اغنيه احبها بالراديو .. او شغلتها بالغلط بالـwmp .. لازم لازم اسمع المقطع إلي احبه فيها ولا ما أرتاح ..



بالمطاعم الأمريكية "الـhamburger و شلته" .. بعض المرات .. و بشكل غبي .. لازم اخلص الـg friesـبل لا ابدي بالـhamburger ..

[Da S.O.S]

يا هلا بجيزز وغلا
عندك طال عمرك السيرلاك كثييييييير تطن ببالي ولازم اكله
تقريط الاظافر :S بس طبعا مع تتفيلها بعد ما اخلص
حك منطقه السكسوكه كثير وخصوصا لمن اتكلم
اكل رز بلبن واموت فيه
ما اقدر ابدا دراسة الا بالليل!!
وغيرها الكثير والكثير من الهرجات والعادات
لكن اكتفي بالقدر هذا واروقكم من خشتي شوي
بروح اصمم لي شوي بالفتو^^
سلملم

[Rory]

omg you're all freaks XD!

إحم .. أمزح ..
سالفة الكتشب أعتبرها شي عادي ..
x_X يعني كييييف آكل عيش بدون كتشب ما يستوي!! ما تفرق عندي إذا كان الأكل دياي أو سمج المووهم في كتشب
not to mention the use of ketchup on almost everything edible >__>'

أحب أشوف آخر صفحة من أي كتاب ..
مب المهم أقراها المهم أشوفها .. >_>'

إذا شفت فيلم/انمي/مسلسل وعيبني لازم أقرالي كمن review عنهم هذا لازم أول أشوفهم مب قبل ما أشوفهم ..


هذا إلي أتذكره
ما عندي وايد عادات غريبة أو بالأصح ما أثبت على شي معين ..

موضوع كوول يا Mista Koo

[asf4ever]

هممممممم
فيه عادات ذكرها الإخوة الكرام موجودة عندي
خصوصا اللعب بشعر (وأنا أقري الموضوع كنت ألفه بصبعي-__-)وطول الحصة في المدرسة...
أسرح سرحان مش طبيعي
حتى إنه العالم تكلمني وتسولف معاي وأنا ما أدري وجوابي المعتاد أخر شيء"آاااه-__-"
طول الوقت أفكر بأشياء صارت أو حتى أتخيل أشياء بتصير >.>
هذا إلي أتذكره الحين
وشكرا على الموضوع جيسوس^^
That's all folks

[*Ran*]

انا عندي عادة وهي إني أقعد طول وقتي جدام المنظرة وأقعد اتعبث ( شغلات بنات )
واحس إن هذا الشي كل ماله ويزيد معاي ....
وبعد أحب تكون غرفتي فوضى وملابسي وأغراضي بكل مكان Really mess -_-
حتى أذكر مرة حاولت أرتب الغرفة لكن ما أرتحت لشكل غرفتي مرتب ... بس
تييني حالات أحب فيها أشوف غرفتي مرتبة لكن مو دايماً ....
وعندي عادة واهيا برود أعصابي في أي شي يخص مستقبلي ( خصوصاً الدراسي -_-)
أنا ماكنت جذي لكن يمكن بسبب أشياء صارت تغيرت .. دايما أقول أنا بنت
مو مهم دراستي المهم يكون عندي شهادة وبس ... انا ماكنت جذي لكن
الظروف تغير الواحد ... الحمدالله المهم انا مقتنعه باللي أقوله ^_^
وعندي عادات ثانية بس مو ثابتة .... دايماً عندي شي يديد

[Tenshi]

Tenshi
0_×
ما شا الله مقطعة من النظافة J/k
ما لقيتي الا دش الحمام؟!

يقولون اني احب الماء ههههههه <<متعقده من النظافه "

[Mista Koo]

هههههه كمشورين على ردودكم ولا طلع الكتشب شي هين بالنسبة لشغلاتكم ^_~

اتذكر انا ما احب اسمع اي اغنية حتى لو كانت حلوة الا لو كانت عندي بالكلكشن حقي
واحب اتفلسف على الاساتذة والطلاب بالمدرسة

[MoaeD]

احب كل شي يكون بمكانه اللي تعودت عليه... ويا ويل اللي يحركه...



الى درجة اني اسوي فورمات للكمبيوتر وارجع الأيقونات والأختصارات وحتى ترتيب المفضله زي ما كانت..



مره جيت للبيت ولقيت اهلي مسوين تغييرات جذريه بغرفة جلوسي.. ما نمت الليل الا وانا مرجعها >.<



احس الناس قاعدين يستنكرون علي هالشي

[Alexel]

سبحان الله عادات كثيره تتشابه الاحظ كثير من عاداتي كاتبينها الاعضاء مع اختلافات بسيطه يمكن

امسك طرف شعري اللي فوق الجبهة ..خاصة اللي عالجنبين..و اقعد الفه..

نفس الحاله هنا لكن زياده عليها انا الفه وانتفه اسحبه من جذوره شكلي اخرتها بصلع خخخخخخخ

افتح رشاش الحمام واجلس تحته!!

بالساعه والساعتين لمن يمتلي الحمام بخار واختنق ماعاد اتنفس اقوم اطلع افتح الباب ع الاخير واشغل المروحه واطلع اخذ فتره نقاهه 15 دقيقه وارجع اكمل سباحه << حاله مستعصيه >_<

مممممم .. صعبة , أظن إنه العادة اللي مستحيل أتركها هي تطويل الشعر .. أحب يكون شعري طويل .. عادة غريبة صح ؟؟

والعكس صحيح >_< لازم يكون قصير اذا وصل شعري لكتفي ما اتحمله مادري شسوي فيه يجيني بلا حاله نفسيه اكره نفسي واكره الدنيا واسوي ازعاج بالبيت لمن اقصه وارتاح

أيه تذكرت, أكلم نفسي لما أكون بروحي

عاد هذا امر مفروغ منه متفقين انا وزيراني عندنا موعد كل ليله في سريري قبل النوم هذره وسوالفه واختلاف بالراي وقد تصل للسباب والله احيانا كنت اشك اني انهبلت بس بعد ماشفت ردودكم تطمنت على روحي انا ارحم منكم مره خخخخخخخخخخخ

I like to scare children
I noticed that they freak out as soon as they see me ..
so I'm basically making some more effort to scare the hell outta them XD
they actually runaway crying when they see me

same here
ما احبهم ودائما اهاوشهم لمن صرت فزاعه بالنسبه بالبزران خخخخخ صار اذا الواحد سوى شي وجاو يهاوشونه قالوا له الحين تجي الكسل تهاوشك يالوييييييلك سبحان الله يصير عاقل ومؤدب كان الملائكه نزلت عليه خخخخخخ

هذي العادات اللي لاحظتها عامل مشترك مع باقي الاعضاء لكن ياما عندنا بلاوي<< حلوه عامل مشترك عجبتني

من العادات اللي فيني واللي ما احبها اني اذا كنت متابعه برنامج او فلم او اي شي ع التلفزيون لو تنفجر قنبله جنبي ماحسيت يجلسون ينادوني ويصارخون وانا بعالم ثاني لحالي >_< كثير ما اتهزء لهالشي

بعد عاده سويتها مره تمسخر وعلقت هي مسح الحواجب دائما امسح على حواجبي بنفس الحركه كل مره ما اغيرها " باليد اليمين امسح اول حاجبي اليمين بالسبابه وبحركه خاطفه وسريعه"ننجا على غفله" امسح اليسار بالوسطى " خخخخخ جربوها لالاع لاتجربونها اخاف تنشب وابتلش فيكم خخخخخخخخ

اذا كنت مطوله اظافري دائما ادخلهم بعض ممممم كيف اقولها احط واحد تحت الثاني واجلس احركه كاني احك صبعي من داخل

والعاده الجديده اللي جاتني هي اني ارسم على جسمي لاع مو بالقلم لكن مؤخرا صاير جسمي مدري شبلاه حساس لو المسه عالخفيف قلب احمر " نتوقع عين صناحه " فاحاليا صايره ارسم على ايدي ورجولي باظافري لووول اجلس دقيقه بعدين اجلس اتفرج على الرسوم لمن تصير حمره ومتورمه خخخخخخخ

هذي بعض عاداتي يعني كان عندي عادات كثير لكن تركتها مع الوقت << تعطيكم امل خخخخخخخ

[MoaeD]

من العادات اللي فيني واللي ما احبها اني اذا كنت متابعه برنامج او فلم او اي شي ع التلفزيون لو تنفجر قنبله جنبي ماحسيت يجلسون ينادوني ويصارخون وانا بعالم ثاني لحالي >_< كثير ما اتهزء لهالشي

هههههههههه هذي بعد عندي الى درجة الناس اللي حولي خلاص استساغوها


من المصطلحات اللي يصفوني اخواني لا جو يسولفون: "لا موب الحين تكلمه لأنه مسبوه عند لعبته (يقصد ff11 )" "كنت اقولك اني بروح يوم انك مفهي"