sami yusuf

[Rory]

الأعضاء الكرام

moon girl , little-angel , Rory , Lena

هل هناك دليل شرعي يبحي لكم الأستماع لهذا المغني؟؟
فإن كان فيه خيراً فدلونا عليه ولا تحرمون أجر الإستماع له .

طبعا مافي دليل شرعي بما إنها تعتبر أغاني والأغاني كلها -حرام-
يمكن إنت ما قريت ردي عدل ..
أنا بس عبرت عن راي في هذا الإنسان سواء كان منشد أو مغني .. أو إن كانت أفعاله صح أو غلط .. والكل حر في إبداء رأيه .. ولا؟
أنا عن نفسي ماعندي ولا أغنيه أو نشيده له لا على الكمبيوتر أو على أشرطه ..
معرفتي له هي بس من خلال التلفزيون والناس ..
والكل أعتقد يعرف إنه الأغاني حرام والإستماع إليها كذلك ..

ما تحس في ردك عنصرية .. شمعنى يعني حطيت على البنات بس ..
عندك Tidus و Trapped Inside و ODIN كاتب الموضوع .. -__-'
يا الغلط علينا نحنا ..

[RPG_master]

اشوف صراحه كثار ما يستاهلون التميز ( No Offence ) مثلك انت ولينا وشتاينر .. يعني شتاينر على موضوع واحد .. اخذ 3 مربعات .. وصار المجموع 5 مثلي !! .. وكل الي سواه موضوع واحد .. هو صحيح موضوع رائع ومتعوب عليه .. بس انا مواضيعي كلها وين راحت ؟ ؟ ..

لينا .. متى اخر مره كتبت موضوع ؟؟ .. حتى ردودها قليله ..

انا ما اقصد الاهانه طبعا .. بس بصراحه اشوف في ظلم كبير ..

هههههههههه شكلي طلعت عن الموضوع .. Gomen ^^ .. ..

ما قصرت وشو الـoffence عندك اجل ..

[Trapped Inside]

ما قصرت وشو الـoffence عندك اجل ..

بالله شفتني غلط بحقهم ؟ ..

اذا ايه .. مع وين تشوف ؟

[Lena]

ما تحس في ردك عنصرية .. شمعنى يعني حطيت على البنات بس ..
عندك Tidus و Trapped Inside و ODIN كاتب الموضوع .. -__-'
يا الغلط علينا نحنا ..

ههههههههههههههه صح فعلا

اممممممم

صدق فيها موسيقى
انا نظرتي كانت انه يعني الي بيدخل للصح مايدخل فيه مرة وحده مثل ما قال داركنس ويذين
يعني بتقول لمدمن مخدرات اقطعها كلها مرة وحده؟؟!

لا بناخذه مستشفى نقلل له كميه شوي شوي
فهم ممكن يدلخون لمدمنين الاغاني بشويش

مدري والله انا لا افتي وااااااااالله
والله يهدين اذا كنت غلط..
يعني بصراحه حبيت اناشيده بدون مادقق هل حرام ولا لأ ويمكن هذا غلط مدري..

والله يهدي الجميع

[Tidus]

بالله شفتني غلط بحقهم ؟ ..

اذا ايه .. مع وين تشوف ؟

انا اشوفك بعد غلطت بحق اخوانك الاعضاء مو بس ماستر, جردتهم من تميزهم على حساب اعتقادك بانك تستحق اكثر من جذي... يعني لو ما اعتبرتهم متميزين بمجرد كونهم خوان لك اعتبرهم متميزين بوجودهم, و الا ما فرقت معاك ؟ لان انا صراحه اشوف كل عضو اخذ تميز متميز و عن حق بوجوده!

هو بس اللي مخليني انفر صج نظرتك لنفسك... و فعلا و شنهو الاوفينس اجل ؟

[asf4ever]

وعليكم السلام ورحمة الله وبركاته

أحم>>>بكل المواضيع أقولها...

نبدي بموضوع التميز والنقاط وهالسوالف
أولا أنا أشوف أودين يستاهل والي عاش في هالمنتدى مثلي من سنة 2001 أو بعد قبل بيعرف الأسباب
ولينا بعد ما قصرت للحين أذكر مواضيعها كان لها تأثير واضح على الأعضاء وشتاينر بعد ما قصر
وأصلا هذي النقاط والقواطي الخضر من الإدارة ليست كتمييز تماما ولكنها أعطيت لأكثر الأشخاص وثوقا لكي يوزعوها على الأعضاء الآخرين
وبعد صراحة هي ليست مهمة ولكنها كدافع إضافي يعني خذتها قول الحمد لله وإذا ما خذتها قول الحمد لله!!!
من دون أن تشعر بفرق أبدا خصوصا بحبك للمنتدى وأعضائه الأكثر من رائعين...
وأيضا ممكن تشوف أعضاء غير مميزين أحسن من أعضاء مميزين ومعطايين ألقاب فهو مب بذيك الأهمية
فأنا أحب يكون عندي لقب وبنفس الوقت مب فارقة معي إذا ما كان عندي لقب
هذا رأيي في هذا الموضوع ^^
ولا تحكمو على عضو من رد واحد فيمكن يكون فاهم الموضوع غلط أو متضايق أو لشيء آخر...
==============================
عن الموضوع الثاني فأنا ما أحب أتناقش فهالأشياء وايد ومن الأفضل لي فيمكن أقول كلمة تحتسب لي كفتوى...

والسلام عليكم...

[Trapped Inside]

انا اشوفك بعد غلطت بحق اخوانك الاعضاء مو بس ماستر, جردتهم من تميزهم على حساب اعتقادك بانك تستحق اكثر من جذي... يعني لو ما اعتبرتهم متميزين بمجرد كونهم خوان لك اعتبرهم متميزين بوجودهم, و الا ما فرقت معاك ؟ لان انا صراحه اشوف كل عضو اخذ تميز متميز و عن حق بوجوده!

هو بس اللي مخليني انفر صج نظرتك لنفسك... و فعلا و شنهو الاوفينس اجل ؟

هلا تايدوس ^^ ..

همممم .. اذا انتم تشوفون كذا ..


انا الي اشوفه شي ثاني ..


وبالنهايه الناس اراء واذواق ..

[.Atlas.]

الأعضاء الكرام

moon girl , little-angel , Rory , Lena

هل هناك دليل شرعي يبحي لكم الأستماع لهذا المغني؟؟
فإن كان فيه خيراً فدلونا عليه ولا تحرمون أجر الإستماع له .

الله يهداك اخوي الكوبرا............. ما توقعتك عنصري بهالطريقة !!
ماحنا اهل فتوى الله يجزاك خير....كل اللي قلناه ..لو ان

- أحد الاشخاص يخبرني .. بأنه حينما يتابع قناة ميلودي باغانيها الفاسده .. و يظهر فيديو كليب لسامي يوسف .. يندمج معه كثيرا ..

وحينما ينتهي وتأتي بعده اغنيه فاسده اخرى من ميلودي .. يشعر بالخجل حينما يقارن ماكان يرى قبل قليل .. ولا يلبث الا بتغيير المحطه مباشرة ..


هاللحين الفايدة اللي حصلت من هالانشودة...ماتحسب لصالحة...انا ماافتي ولا اقول حلال...اقول انها كانت نوعا ما سبب في ابتعاد شخص عن مفسدة ...ايا كانت ....نتيجة ايجابية يعني ....

وفي النهاية ماحد معصوم من الخطأ ....والله يهدينا اجمعين ان شاء الله

وراجع الردود مرة ثانية ..الله يجزاك خير ^_^

[RPG_master]

بالله شفتني غلط بحقهم ؟ ..

اذا ايه .. مع وين تشوف ؟

ايه..

واشوف انك طفل صحت علينا الا شوي علشان كم مربع اخضر ولون nick بناتي.

وبالنسبه لـ مع وين اشوف, بصراحه اصبتني في مقتل!

[Trapped Inside]

ايه..

واشوف انك طفل صحت علينا الا شوي علشان كم مربع اخضر ولون nick بناتي.

وبالنسبه لـ مع وين اشوف, بصراحه اصبتني في مقتل!

ههههههههه .. اجل هذا بو شوشه ..

اقول .. وين سلحفاتك ؟ ..

[Tidus]

هههههههههههههه لا جد اقتنعت اجل ان سالفة التمييز مو موزونه...

إنا لله~

[Argandir]

ماقد شفت فيديو كليباته...لكن قبل شوي سمعت بداية انشودة المعلم...

ماابغى افتي واقول حرام...لكن اعتقد ان الي قاعد يسويه غلط...

موسيقى ودعوة الى الاسلام في نفس الوقت ...حرام و حلال مع بعض...ماتجي!؟

واناشيده هذه قد تشكل خطر على بعض الصغار...يعني طفل يكبر وهو يستمع الى هالنوع من الاناشيد...

تجي بعدين تقوله ترى العزف و الموسيقى حرام...بيقولك كيف حرام وهي تستخدم للدعوة الى الاسلام...؟

شف عاد كيف بيمديك تقنعه...

هذه رائي الشخصي في اعماله...الا ان تصدر فتوى من احد المشايخ بجواز الي يقوم فيه...

[Arsene Lupin]

قد يكون يمشي على فتوى بعض العلماء الي قالوا ان الاغاني حلال مالم تحتوي على فحش...

و ما نقدر نقول انه يتبع هواه لأنه قد يكون فعلا مقتنع برأي العالم الي قال ان الأغاني حرام... و الله أعلم...



يعني الي أعنيه في الأخير انه مجرد اخلاف فقهي.

طبعا ما يسمح هذا لأي واحد انه يروح يغني و يعزف أغاني على كيفه... لأن غلط الواحد يتنقى الفتاوي الي تعجبه من العلماء...

الواحد ياخذ الفتوى الي يقتنع فيها من بين آراء كل العلماء... و ينسى هواه...



الخلاصه رأيي مخالف للأخ سامي يوسف لأني الحمدلله مقتنع بحرمة الموسيقى.



===================

بالنسبه لشوشة و محبوس...

"ربنا اغفر لنا و لإخواننا الذين سبقونا بالإيمان، و لا تجعل في قلوبنا غلا للذين آمنوا، ربنا إنك رؤوف رحيم"

[megaman]

شباب هدوا اللعب شوي

وبعدين ما اعتقد انه كم قوطي بيكون هو الشاهد لك على تميزك ... إذا انت متميز فالمنتدى كله راح يشهد لك بكذا ... مهب لون نك بنفسجي

شكله كان قرار القواطي وألوان النكات غلط .... لأننا بدينا نصير مثل المنتديات الثانية ... يتهاوشون على التميز وبس ...

==================

أما بالنسبة لسامي يوسف .... أنا ما سمعت له ...

لكن مهما كان .. وحتى لو كانت أغاني مهب أناشيد فهي على الأقل تلفت النظر لبعض الأمور الرائعة بالاسلام ...

خاصة بهالوقت اللي صار فيه المسلمين ارهابيين ..


سلام

[Trapped Inside]

كل الي سويته ابدائي رايي .. غلط او صح .. ابديته وبس ..

وليتني ما ابديته ..