درجات فامستو لالعاب الكيوب وقريبا اول صور ريزدنت ايفل

[Cool NEO]

كل اجزاء رزيدنت إيفل حلوه عندي

بس احلاهم كود فرونيك والاخراج مره حلو غير القصة المؤثره والمشوقه

ونتندو بتنزل كل الاجزاء علي جهازه الكيوب قبل شوي قرآته في المنتدي


بس تدري وش اتمني ان الجزاء الاول والثاني والثالث يصير في شريط واحد

يكون حلو

[raayg]

والله يقدرون يسوون "رزيدنت إيفل ترولوجي" يعني ثلاثة أجزاء وقصص مختلفة مع بعضها البعض مثل داي هارد تريلوجي وغيره الكثير ...
لكن كيف في رزيدنت إيفل 2و 3 لأنه كان فيه شريطين واحد تلعب فيه بالبنت والثاني وبالولد ... لكن يمكن حيختلف الأمر لأن الكيوب DVD يعني مساحته هائلة ممكن توصل لـ 5.4 جيجابايت ((بالنسبة للكمبيوتر وما أعرف إذا هي نفس المساحة بالنسبة للكيوب ولا لا)) ...
على العموم ما أعرف شنهي الفايدة من التكرار إذا كانت نفس القصة ونفس الأحداث (أنا عن نفسي ما أحب أختم اللعبة أكثر من مرة) لكن يمكن آخذها من وجه المقارنة مثل لما سويت في الدريم كاست والبلاي ستيشن 1 ...

[ابوتركي]

يا أخ رايق ال DVD ميني على ما أظن اسمه كذا اللي على الكيوب يحمل 1,6 قيقا بايت بس يعني صغير مقارنة بالdvd العادي الذي يحمل 16قيقا بايت ؟؟؟؟؟؟؟ شفت الفرق

سؤال ؟؟ هل ممكن ينزل كوبي على الكيوب

[raayg]

مقارنة بالdvd العادي الذي يحمل 16قيقا بايت ؟؟؟؟؟؟؟

:واو: حقيقي فرق هائل بـ 10 أضعاف مع إن الـ DVD اللي على الكمبيوتر يصل بس إلى 5.4 جيجابايت ((هذا اللي سمعته من فترة أما 16 جيجابايت فما سمعت )) :واو:

أما بالنسبة لسؤالك فننتندو صرحت بأنه ما يمكن أبدا لكن صدقني إنه فيه قبل فترة سمعت في المنتدى عن إمكانية وجود الكوبي أو استطاعة النسخ والقرصنة لكن ما أعرف إذا هذا الخبر أكيد ولا لا... على العموم أسأل ننتندو ولا فاس يمكن يعرفوا ؟؟؟..

[ابوتركي]

اتمنى ان ينزل كوبي واصكلي واحد على طول بدون تفكير لان الحاله المادية مااااش واللي عنده خبر يعلمنا تكفووووووووووووووووون

اما عن الDVD العادي فكما قلت 16 قيقا

[raayg]

صدقني الننتندو حتكون أرخص لعبة من ناحية الأشرطة يمكن يصل الشريط إلى 50 ريال بس (يعني مثل أشرطة NES القديمة ) ...
وفوق هذا كله ميني DVD لكن وش يمنع إنه يكون فيه كوبي لكن إذا ما قدروا يسووا كوبي للـ PS2 وللاكس بوكس إذا ما حيقدروا يسووا للكيوب لكن الهكر ما يوقف شيء أمام وجههم

[t@l@l]

من ناحية الألعاب أتوقع إن هي بتكون في حدود 15 دينار في البحرين "هذي إذا عطفوا علينا ورخصوا الأسعار"

بالنسبة للكوبي أتوقع إن من الصعب تنفيذ ذلك, لأن هذا النوع من السيديات غير متوفر...

[raayg]

هو الدينار البحريني يساوي كم بالريال .. أنا أعرف إن الدينار الكويتي = 12 ريال تقريبا وما أدري إذا الدينار البحريني نفسه ولا لا...؟؟؟؟

[t@l@l]

يعني ما زرت البحرين في حياتك؟؟؟؟؟:غضب: :غضب:


الدينار البحريني يساوي 10ريال تقريباً...
500ريال لما أحولها بحريني يعطوني 50 دينار و380فلس
بس في محلات سعودية "الله يسامحهم" ياخذون الدينار 9 ريال "أما هي بوقة!"

[raayg]

لا والله للحين ما زرت البحرين ((والله لو كنت ساكن في الشرقية كنت طول الوقت عندكم لكني منب ساكن هناك ))

*500ريال لما أحولها بحريني يعطوني 50 دينار و380فلس
بالله انت من صجك الـ DVD الواحد بـ 500 ريال ما صار شريط والله عاد صار جهاز

"أما هي بوقة!"

حقيقي بوقة

[t@l@l]

لا يا أخ, لما أحول عند الصراف يعطيني 50 دينار و380 فلس

بالنسبة لديفيدي عندنا ب10 و9 دينار الفلم, وألعاب البلاي ستيشن2
19 و18 دينار النظام الأوربي...

[raayg]

أنا الـ DVD الأفلام أجيبها بـ 50 ريال (يعني بـ 5 دنانير)...
أما أسعار الميني دي في دي مالة الكيوب فعلى قولك حتكون بـ 150 ريال ((سعر مناسب وأرخص من أسعار الكارتدج مالة الننتندو 64 وأسعار الـ DVD مالة الـ PS2 )) وأكيد أرخص من الاكس بوكس ...
يمكن الـ DVD مال الاكس بوكس حيكون في سعر الـDVD مال الـ PS2 أو أرخص منه بشوية ...

[t@l@l]

اصلي ولا تقليد؟؟؟
وإذا أصلي من وين؟؟؟؟?:

[raayg]

أصلي ... لأن صاحبي يعرف واحد يشتغل في المحل ومن كذه صار يعرفني هذا اللي يشتغل في المحل فصار يعطيني هو بـ 50 ريال لأني دوم أشتري منهم ...
أما المحل فهو ميجا ستار مع إنهم متشددين في الأسعار لكن المصادر الخاصة تشتغل ...
بس على فكرة كيف تسألني عن المكان وانت في البحرين وأنا في السعودية؟؟؟

[t@l@l]

ولا يهمك, الجيم بوي الأدفانس شاريه من بيت الكمبيتر في الخبر..

بالنسبة لميغا ستار, عندي بطاقة ميغا مايلز "عشان تعرف إني أعرفه", والحل؟؟؟؟