الحين بالله عليك ما حصلت غير موقف تاكسي تحطه يا فتى.. انا كل مشاكلي مع التكاسي.. حتى احس انه قصة حياتي مستوي نفس التاكسي.. >,<

المهم.. خلنا مع اسئلتك يا فكيه..

الموقف الاول.. بتصرف كعادتي.. بقله رجعني لوين ما كنت.. وبقله انتظرني شوية.. بروح بجيب البيزات وبقله يللا يا ارباب خلنا نروح الحين..

الموقف الثاني.. الحين اكون اكثر واحد متحمس للرحلة وما اسير.. لا والف لا.. اذا قالوا انه ما في مكان بقول لراعي السيارة انه يرجع اخوه (اللي المفروض يستحي على وجيهه لانه جاي من دون ما نعرف احنا البقية).. بس تعال شو من سيارة ذي اللي ما تستوعب خمس اشخاص... اثنين دام وثلاث ورا.. (غلطت بهذي يا فتى ^^)

الثالث.. همم.. تصدق اني احيانا اتخيل نفسي في مواقف قريبة من هذي.. وادعو ربي انه ما تستويلي T_T.. يعني هالمواقف المحرجة ولا بلاش.. يعني بالمختصر... انا عايش كابوس.. @@!
بس خلنا نشوف حله من ناحيتي.. عندي احتمالات.. يا اني اطب من فوق السور (وسني وطولي ما يسمح) او اني افتح الباب (هذا اذا كان من نوع الابواب الكبيرة اللي تدش منها السيارات) او اني بسير بدق الجرس (هو في العادة في زر للجرس من الداخل) والرجال بيسير بيفتحه او (اذا كنت محظوظ) البشكارة.. اول ما تجي البشكارة وتفتح الباب.. بركض دايركت لها وبدزها وبشرد (بالغنيمة طبعا) وعلى ذكر الغنيمة.. انا ليش ادش بيت ما لي حق ادشه من اساسه.. يعني انا حرامي.. @_@! حتى لو كان يعجبني..

بس ما في كلام زيادة ارباب..