السلام عليكم ورحمه الله وبركاته
ماشاء الله عليك أختي
تنشي
فعلا موضوع رائع
وشيق ومهم وغالبا مايتعرض له أغلب الأشخاص
فعلا كما قلتي أختي هناك الحلول الكثيره لهذه المشكله...
وأغلبهم قد يمر بهذه المرحله إلا ما ندر ...
فأنا منذ الصغر لم أعتد على الخروج من المنزل وهذا ليس بإرادتي أو برغبه مني ولكن كان البيت له دور كبير في عدم الإختلاط مع الأناس وعدم الخروج وهنا تولد هذه المشكله فحينما ذهبت إلى المدرسه كنت أحب أن لا أبقى مع الصف ومع الطلاب وسرعان ماكنت أريد أن ينهي وقت المدرسه لكي أعود إلى المنزل ولكن المدرسه مع الأيام علمتنا أن نختلط مع الطلاب ولكن كان هناك عقده أخرى ...
هي مثلا
إذا أنا تكلمت مع واحد من أصحابي في الصف تحصل مثلا يطنشك ما يعبر لكلامك أو يضحك على كلامك يعني بالعاميه ما عندك سالفه وكان سبب هذا هو العصبيه القبليه أنا أقول عن نفسي أنا أسف إني خرجت شوي من الموضوع لكن دي حقيقه أقولها كاش كنت أنا و2 من زملائي الوحدين اللي إحنا أجانب وزميلي السعودي يقول مثلا ليش أنا أتكلم مع شخص أجنبي والله ماعنده سالفه ووو كلام حق الصغار
وهذي كانت منتشره عندنا في ذاك الوقت لكن تقدر تقول لسى صغار
وهذي كانت مشكله لجعلك إنحيازي ويولد لك الكره الجلوس أو تكوين أصدقاء مع أي شخص آخر
والحمد الله على كل حال ....
لكن بحمد الله كبرنا وعقلنا وعرفنا وش لون نتكلم مع الأشخاص يعيني مثلا أدرس الشخصيه اللي أمامك أشوف وش لون هيا تفكر كيف أسلوبه في الكلام وهكذا والحمد الله علاقاتي الأن طيبه جدا مع جميع الإخوان هنا في السعوديه وأيضا مع الأخوان في خارج السعوديه ...
+ الوحده وما يحب الاماكن المزحومه
فعلا هذه نقطه تحدث كثيرا لي
حصل موقف معي وأنا في الإبتدائي جبت سالفه بس جبت العيد فيها وضحكوا عليا وكان وجهي رايح في خرايطها وهي سببت لي عقده
4+ عدم الارتياح والإحساس بالتوتر والخوف
نعم وخاصه مع الكلام
تخيل إنك تتكلم ولا أحد معطيك وجه <<< قويه
هذا اللي يخليك متخوف
هذه نقطه فعلا حقيقه بعد المواقف اللي تحصل لك يكون الصمت هو الصديق اللي يكون معك
+ الإحساس بالإحباط والتحطيم: كلام الأهل والأصدقاء يؤثر فيك وايد والكلام المحبط
يحبطتك بسرعه خاصه من الأشخاص القريبين منك
+ حاول تقرأ كتب و تزيد من ثقافتك و من معلوماتك العامه عشان يوم تجلس في مجلس
أو مع جماعه و يتكلمون في موضوع يكون كلامك صحيح ميه بالميه و يكون لكلامك قيمه ووزن
و تكون لك كلمه الكل يسمعها
صحيح والله
يعني الاحظ بعض الأشخاص الإنطوائيين وانا أحب إني أكون معهم علاقه علشان نفك عليه شويه
مو علشان نعيش حالتهم !!
ألاحظه مركز في شي واحد مثلا كل كلامه عن المدرسه وش يسوي بالمدرسه وش ياكل في المدرسه يعيني تكره حياتك وأنت جالس معه بسبب هذا الموضوع وهذي مشكله لازم الواحد ينوع في سوالفه يكون مثقف مو يمسك خط في موضوع واحد طول حياته هذا فعلا يكون ممل ولا يقدر إنه يكون علاقه مع أصدقاء
.:+. ملاحظه:. (( بعض الأحيان الأهل لهم تأثير كبير علي إنطوائيتك بحجه أنهم
خايفين عليك... ))
صحيح أختي الغاليه هذه نقطه جميله جدا بارك الله فيك الأهل لهم دور مهم في التأثير على الإنطوائيه والتغلب عليها
على العموم ألف شكر لكي أختي على مواضيعك الطيبه والله لايحرمنا من الأفكار الطيبه دي
أسف على الإطاله وأسف أيضا إذا ماوفيت للموضوع حقه الكامل
وإن شاء الله سوف أتابع الموضوع وأي ملاحظه أو إضافه سوف أكون متواجد هنا على صفحتك الرائعه دوما
حتى ذلك الوقت لكي خالص شكري لك
والسلام عليكم