Naruto - 138 بالعربي

[Bu_Sultan81]

مشكور اخوي.... اقول ليش ما تحدد الايام اللي تنزل فيه الترجمه.... مثلا يوم الخميس ناروتو والجمعه ساموراي والاثنين وولف وهكذا... شو رايك!

[vandam111]

شكرا لك اخوي (سايق الخير)
بس انا نزلت الحلقه 138 لكن في مشكله في الدقيقه 15 بتعلق وبتبطل تشتغل بس لو تراجع الحلقه وجزاك الله خير اخوي

[NINA-NINA]

هل يمكن تحميل الحلقة ببرنامج Flash jet
لأني جربت وماصلح معاي ......... ياترى هل المسموح save target as فـــــــــــــقـــــــــــــــط

[Snake-87]

مشكوووووور أخوي
أنا شفتها بس الجودة مو شي
بس يعطيك العافية

[سايق الخير]

يعطيكم العافيه على حضوركم
وجزاكم الله خير

أخوي Bu_Sultan81 فكرتك حلوة
لكن جذيه أحس إني بوهق نفسي
لأني أحس إني ماقدر أحدد الأيام اللي بحط فيها الإنمي اللي ترجمته
أو بالأحرى يمكن تفوتني هذي الأيام وما اكون ترجمة شي من الحلقات اللي لازم أنزلها في نفس اليوم
لكن إذا قدرت تأكد إني إن شاء الله بنفذ فكرتك
وعلى العموم ناروتو صار معروف إن الحلقه تنزل إن شاء الله الخميس في الليل تقريبا
وإذا ماقدرت على الخميس الجمعه بالكثير بإذن الله
لكن الباقي ماله وقت محدد
والسموحه منك

أخوي vandam111 غريبه
انا نزلتها عقب ما رفعتها وكانت شغاله معاي أوكيه
وما في أحد غيرك قال هالشي
يعني إحتمال يكون الخطأ عندك بس
حاول تنزلها مره ثانيه
وإن شاء الله خير

إختي NINA-NINA
انا أستخدم داونلود أكسيليريتر وهو شغال معاي أوكيه
ومادري عن الفلاش جت هذا
والسموحه على القصور

أخوي Snake_87 حياك الله في موضوعي
اول مرة أشوفك في أحد مواضيعي
ما شاء الله عليك شعله من النشاط في ناروتو
وبالنسبه للجوده أخوي
أنا أقدر أحطها بحجم 170 ميجا وجوده 100%
لكن بتاخذ حيز كبير من الموقع
وانا بالشي هذا أوفر حجم 60 ميجا تقريبا وتكون الجوده ممتازه نسبيا
ولا إنت اشرايك

والسموحه على القصور يا جماعه
ومشكوربن على حضوركم

شووووووووووووووووكرن

[Snake-87]

السلام عليكم
هلا فيك أخوي
والله الصراحة كنت أشوف مواضيعك وأقول بيني وبين نفسي(يمكن الترجمة أي شي لأاني ما أحتاج ترجمة)
امس ادور وصلة ماني لاقي قلت أدش أنزل المترجمة
وإلا ما شاء الله الترجمة مضبوطة وحلوة
فقلت لازم أتشكر منك
وعن الجودة تقدر تخليها حوالي 40 أو 35 وتصير الجودة جيدة جدا
على العموم الموقع موقعك وانت أدرى
يعطيييييييك العافية

السلام عليكم

[سايق الخير]

مشكور أخوي على كلامك الذوق
وارحم الله والديك
والحلقه انا أنزلها بحجمين
للديل اب والدي اس ال
وإن شاء الله تكون الحلقتين بمستوى مقبول

[L.Z.N.Y.S]

مشكووور خوي على الجهد الجبار والى الامام

[الذئب الأسود]

اي والله صحيح اخوي ياليت تكون الجودة حلوه
لاني مره نزلت حلقة حجمها 15 ميغا بايت من موقع جيت ات فيدو ولكنها طلعت رديئة جدا جدا في الحركة ومسحتها في الحال
ولو تخلي حجمها بحدود الـ40 ميغا بايت اهم شيء جودة الصورة ولو بحجم قليل
ويعطيك العافية مجددا على المجهود

اخوي حبيت استفسر منك
شاهدت في الموقع Hunter_x_Hunter_OVA
فهل هو القناص الجزء الثاني ام هو الجزء القديم
وشكرا لك

[سايق الخير]

مشكورين على حوركم
ويعطيكم العافيه إن شاء الله

والقناص الموجود هو الأوفا
حلقات خاصه على ما اعتقد
انا ما أعرف القناص عدل لأني ما شفته
بس الحلقا الموفوعه في الموقع هي اللي شفتها بس





شووووووووووووووووووووووووووووووكرن

[ألمستشار]

يعطيك العافية اخوي

على هذا المجهود

[الذئب الأسود]

اخوي سايق الخير
هل توجد عندك حلقات ناروتو قديمة يعني مثل حلقة 81 و82 و83
لان كل الحلقات في الموقع جديده
وشكرا لك