ألعاب كمبيوتــر صخر ,,, + 120 لعبة

[aoks]

يوم شفت the goonies رحت انزلها على طول

ذكريات

[RED SAGA]

العفو آمل أن لاأكون متطفلا عليكم لذلك سأضعه في يوم آخر انشاء الله باي

[RED SAGA]

لعبة كاستل كانت لعبة جميلة ومليئة بالخيال وهي رائعة جدا^^ وايضا لعبة جونيز تذكرتها جيدا الشلالات والعظام الطائرة وغيرها من امور خيالية ولاسيما لعبة سنيك ايت الثعبان الجائع......هل تذكرون فروجر؟^^وايضا جلاكسيان(حرب الكواكب)ولاسيما لعبة سكوتر^^يالها من العاب رائعة....حسافة انني لم العب متل جير ولاحتى سلاحف النينجا×_×

[الزناتى]

مشكوووووووووووووووور اخى اتمنى ان تزيدنا من تلك المواضيع

[TRY NO RACE]

العفو أخواني أشكركم جميعا..

[wellknownQ8]

ولقيت جهاز مستعمل ( شبه جديد ) بعشر ريالات بس يعني أقل من دينار كويتي , طبعا فرصة لازم أقتنصها الجهاز عندي بس ديكور , ما شغلته غير مره لأن ماعندي له ألعاب , أشغله وأحط التقويم

ما شاء الله.. ^_^ و مثل ما يقولون "تقطعه بالعافية "

و انا ابشرك.. عندي آخر شكل! من كمبيوتر صخر، لونه رصاصي و يجي معاه 50 برنامج ! ( 10 العاب، 30 برنامج تعليمي، ولا تخاف التقويم معاهم طبعا )
اشتريناه بعد الغزو (لان القديم.. ما اعلم كيف مصيره ) ... من الوكيل -مباشرة- اللي اهم (صخر)العالمية .. بس ما كان رخيص طبعا...
و الحمدلله ليلحين موجود مع 9 اشرطة من أحلى الالعاب.. و برنامج عربي.. "هيا نتعلم 2"

المحاكي اللي تتكلم عنه " ParaMSX "

تفضل هذا هو الموقع اضغط هنا ، و هذه وصلة مباشرة للتحميل اضغط هنا

وإذا تحتاج مساعدة بالغرفة الي تعلق فيها خذ برينت سكرين وأنا أقولك الحل .

تسلم على المبادرة... لكن ما راح ارتاح الا لما احلها بروحي..

و على فكرة.. انت الحين اول واحد اعرفه بشكل مباشر .. خلص الجزء الثاني .. ما شاء الله عليك

و شكرا و السلام

[ROME.T.W]

إيوه من زمان وأنا أدور لعبة القلعة

الله يجزاك خير

[TRY NO RACE]

و انا ابشرك.. عندي آخر شكل! من كمبيوتر صخر، لونه رصاصي و يجي معاه 50 برنامج !

اي أذكره زين , كنت بشتريه بدل البلي ستيشن
تتهنى فيــه

بس ما كان رخيص طبعا...

أكيد أكيد
هم خلوا أحد بدون ما ينصبون عليه الألعاب الوحده بمية ريال وبمية وعشرين ريال , يعني 10 دنانير إلا شوي يمكن وحنا ندفع
صخر العالمية للنصب

و على فكرة.. انت الحين اول واحد اعرفه بشكل مباشر .. خلص الجزء الثاني .. ما شاء الله عليك

تصدق حتى أخواني عجزوا عنها بس أنا اللي عرفت >>> ما خذ مقلب بروحه


ألف شكر على المحاكي , توني جربته وهو زين وحلو وأحلى مافيه إن الصوت واضح جدااااا .
بس للأســف نفس المشكلة اللي بالمحاكي السابق ما تقدر تخزن , خصوصا لعبة مثل القلعة لازم تريح شوي
بالتوفيـــق أخوي
سلااااام


=========


ROME.T.W

الحمد لله اللي لقيتها ,
اللهم آمين وإياك

سلااام

[wellknownQ8]

هم خلوا أحد بدون ما ينصبون عليه الألعاب الوحده بمية ريال وبمية وعشرين ريال , يعني 10 دنانير إلا شوي يمكن وحنا ندفع

بيييه.. الظاهر انتم متأذين منهم... مع ان عندنا ... كان سعر اللعبة يتراوح بين 4-6 دنانير.. باستثناء العاب قليلة جدا.. كان سعرها 8 أو 9 دنانير..- على ما اذكر- !!

بس للأســف نفس المشكلة اللي بالمحاكي السابق ما تقدر تخزن , خصوصا لعبة مثل القلعة لازم تريح شوي

لا....
يخزن و نص .... و يعجبك بعد...
كل اللي تسويه .. و انت مشغل اللعبة... اشر على البرنامج الاساسي... و راح تلاقي تحت كلمة Save State... ==> اضغط عليها... و بس

و السلام

[TRY NO RACE]

الأخ الغالي wellknownQ8

مدري شقولك الله يجزاك كل خيــــــــر . فكيت أزمة والله

أنا خزنت أول ما شفت زر التخزين بس كانت صورة فقط >>>> على بالي
طلعت المرحلة كلها تتخزن شئ رهيــب والله


الله يعطيك العافية أخوي وما قصرت , شكرا جزيلا